ປຸກລະດົມວັນເຊີດຊູພາສາຫວຽດ
ທ່ານ ຮອງຫົວໜ້າຄະນະກໍາມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ ຫງວຽນແມ້ງດົງ ໃຫ້ຮູ້ວ່າ, “ພິທີປຸກລະດົມວັນເຊີດຊູພາສາຫວຽດ ແລະ ງານປະກວດຊອກຫາເອກອັກຄະລັດຖະທູດ ພາສາຫວຽດ ຢູ່ຕ່າງປະເທດ ປີ 2025” ໄດ້ຈັດຂຶ້ນໃນວັນທີ 29 ມີນາ ຢູ່ຮ່າໂນ້ຍ ດ້ວຍຮູບການໂດຍກົງເຊື່ອມຕໍ່ອອນໄລເຖິງບັນດາອົງການຜູ້ຕາງໜ້າໃນທົ່ວໂລກ ແລະ ປະຊາຄົມຊາວຫວຽດນາມ ຢູ່ຕ່າງປະເທດ.
ທີ່ພິທີ, ຄະນະຈັດຕັ້ງ ຈະແຈ້ງໃຫ້ຊາບກ່ຽວກັບແຜນການຜັນຂະຫຍາຍວັນເຊີດຊູພາສາຫວຽດ ໃນປະຊາຄົມຊາວຫວຽດນາມ ຢູ່ຕ່າງປະເທດໃນປີນີ້. ພ້ອມກັນນັ້ນ, ກໍ່ປຸກລະດົມວັນເຊີດຊູພາສາຫວຽດ 2025 ແລະ ງານປະກວດຊອກຫາເອກອັກຄະລັດຖະທູດພາສາຫວຽດ ຢູ່ຕ່າງປະເທດ 2025; ໄດ້ປະກາດການເຄື່ອນໄຫວຫຼາຍຢ່າງເພື່ອຕອບສະໜອງວັນເຊີດຊູພາສາຫວຽດ 2025.
 |
| ທ່ານ ຮອງຫົວໜ້າຄະນະກໍາມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ ຫງວຽນແມ້ງດົງ ກ່າວຄຳປາໄສທີ່ກອງປະຊຸມຖະແຫຼງຂ່າວ. ພາບ: ຟ້າມຫຼີ |
ກ່ຽວກັບກົກເຄົ້າເຫງົ້າຕໍ - ສະແດງຄວາມຮູ້ບຸນຄຸນຕໍ່ບັນດາບັນພະບຸລຸດ
ຂໍ້ມູນກ່ຽວກັບໂຄງການຂອງຄະນະຊາວຫວຽດນາມ ອາໄສຢູ່ຕ່າງປະເທດ ເຂົ້າຮ່ວມໄຫວ້ບູຊາບັນພະບຸລຸດເຈົ້າຊີວິດ ຮຸ່ງເວືອງ, ທ່ານ ຫງວຽນແມ້ງດົງ ໃຫ້ຮູ້ວ່າ: ການຈັດຕັ້ງໃຫ້ຄະນະຊາວຫວຽດນາມ ອາໄສຢູ່ຕ່າງປະເທດເຂົ້າຮ່ວມໄຫວ້ບູຊາບັນພະບຸລຸດເຈົ້າຊີວິດ ຮຸ່ງເວືອງ 2025 ບໍ່ພຽງແຕ່ສະແດງໃຫ້ເຫັນຫຼັກສິນທຳ “ກິນເຂົ້າຄິດຮອດຄຸນນາ ກິນປາຄິດຮອດຄຸນນ້ຳ” ເທົ່ານັ້ນ, ຫາກຍັງປະກອບສ່ວນຜັນຂະຫຍາຍບັນດາແຜນນະໂຍບາຍ, ນະໂຍບາຍຂອງພັກ ແລະ ລັດທີ່ວ່າງອອກໃຫ້ປະຊາຄົມຊາວຫວຽດນາມ ອາໄສຢູ່ຕ່າງປະເທດໃນສະພາບການໃໝ່.
ນີ້ກໍ່ແມ່ນການເຄື່ອນໄຫວເພື່ອແນໃສ່ເພີ່ມທະວີການເຊື່ອມຕໍ່ລະຫວ່າງຊາວຫວຽດນາມ ອາໄສຢູ່ຕ່າງປະເທດ ກັບບ້ານເກີດເມືອງນອນ, ປະເທດຊາດ, ເສີມຂະຫຍາຍມູນເຊື້ອມຸ່ງໄປເຖິງກົກເຄົ້າເຫງົ້າຕໍ ແລະ ສະແດງຄວາມຮູ້ບຸນຄຸນຕໍ່ບັນພະບຸລຸດ; ຜ່ານນັ້ນ ກໍ່ປະກອບສ່ວນປົກປັກຮັກສາ ແລະ ເສີມຂະຫຍາຍບັນດາຄຸນຄ່າວັດທະນະທຳອັນດີງາມຢູ່ປະຊາຄົມຊາວ ຫວຽດນາມ ໃນທົ່ວໂລກ, ເພີ່ມທະວີ ແລະ ປັບປຸງກຸ່ມກ້ອນມະຫາສາມັກຄີຂອງຊາດ.
ຖ້ຽວລົດໄຟທີ່ມີຊື່ວ່າ "ກຸ່ມກ້ອນມະຫາສາມັກຄີ"
ທີ່ການພົບປະ, ທ່ານ ຫງວຽນແມ້ງດົງ ໃຫ້ຮູ້ວ່າ ໃນຊຸມປີມໍ່ໆມານີ້, ຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ ສົມທົບກັບເຫຼົ່າທັບເຮືອ ໄດ້ຈັດຕັ້ງລາຍການ “ຄະນະຊາວຫວຽດນາມ ອາໄສຢູ່ຕ່າງປະເທດໄປຢ້ຽມຢາມບັນດາທະຫານ ແລະ ປະຊາຊົນເມືອງເກາະ ເຈື່ອງຊາ ແລະ ເຮືອນຄ້າງ DKI” ໄດ້ນຳມາເຊິ່ງໝາກຜົນທີ່ມີຄວາມໝາຍຍຸດທະສາດ, ປະກອບສ່ວນເຜີຍແຜ່ຄວາມຮັກແພງຕໍ່ບ້ານເກີດເມືອງນອນປະເທດຊາດ ແລະ ສະຕິປົກປັກຮັກສາອະທິປະໄຕເຂດທະເລໝູ່ເກາະໃນປະຊາຄົມຊາວຫວຽດນາມ ອາໄສຢູ່ຕ່າງປະເທດ.
ບັນດາການເຄື່ອນໄຫວຕົ້ນຕໍໃນຄັ້ງນີ້ຄາດວ່າລວມມີ: ການຢ້ຽມຢາມ ແລະ ມອບຂອງຂວັນໃຫ້ທະຫານ ແລະ ປະຊາຊົນເມືອງເກາະ ເຈື່ອງຊາ; ເຂົ້າຮ່ວມພິທີລະນຶກເຖິງວິລະຊົນຜູ້ເສຍສະຫຼະຊີວິດເພື່ອຊາດ ເພື່ອພາລະກິດປົກປັກຮັກສາອະທິປະໄຕຂອງທະເລ, ໝູ່ເກາະອັນສັກສິດຂອງປະເທດຊາດ, ຈັດຕັ້ງບັນດາລາຍການພົບປະແລກປ່ຽນສິລະປະກັບພະນັກງານ, ນັກຮົບ ແລະ ປະຊາຊົນພວມດຳລົງຊີວິດ ແລະ ເຮັດວຽກຢູ່ ເຈື່ອງຊາ; ຫຼັງຈາກນັ້ນ ຈະເຂົ້າຮ່ວມພິທີສະເຫຼີມສະຫຼອງ 50 ປີແຫ່ງວັນປົດປ່ອຍພາກໃຕ້ ແລະ ທ້ອນໂຮມປະເທດຊາດເປັນເອກະພາບ (30 ເມສາ 1975 – 30 ເມສາ 2025) ຢູ່ນະຄອນ ໂຮ່ຈີມິນ.
ບັນດາການເຄື່ອນໄຫວທີ່ມີຄວາມໝາຍຂອງຄະນະຊາວຫວຽດນາມ ອາໄສຢູ່ຕ່າງປະເທດ ສະແດງໃຫ້ເຫັນນ້ຳໃຈສາມັກຄີຂອງຊາດລະຫວ່າງບັນດາພີ່ນ້ອງຮ່ວມຊາດຢູ່ພາຍໃນ ແລະ ຕ່າງປະເທດ, ລະຫວ່າງປະຊາຊົນ ແລະ ທະຫານຢູ່ເມືອງເກາະ ເຈື່ອງຊາ ແລະ ຢູ່ເຂດເຮືອນຄ້າງ, ເຮັດໃຫ້ເລິກເຊິ່ງສາຍພົວພັນລະຫວ່າງທະຫານ ແລະ ປະຊາຊົນໃນໄລຍະກໍ່ສ້າງ ແລະ ພັດທະນາປະເທດຊາດ ຕື່ມອີກ, ພິເສດແມ່ນໃນສະພາບການສະເຫຼີມສະຫຼອງ 50 ປີແຫ່ງວັນທ້ອນໂຮມປະເທດຊາດເປັນເອກະພາບ....
ແຫ່ຂະບວນເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນປົດປ່ອຍພາກໃຕ້
ເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນປົດປ່ອຍພາກໃຕ້ ແລະ ວັນທ້ອນໂຮມປະເທດຊາດເປັນເອກະພາບ, ກະຊວງການຕ່າງປະເທດໄດ້ສົມທົບກັບຄະນະກຳມະການປະຊາຊົນນະຄອນ ໂຮ່ຈິມິນ ຈັດຕັ້ງການເຄື່ອນໄຫວຫຼາຍຢ່າງໃຫ້ຊາວຫວຽດນາມ ອາໄສຢູ່ຕ່າງປະເທດ.
ທີ່ພິທີສະເຫຼີມສະຫຼອງຢ່າງເປັນທາງການໃນວັນທີ 30 ເມສາ, ບັນດາຜູ້ແທນຊາວຫວຽດນາມ ຢູ່ຕ່າງປະເທດຈະເຂົ້າຮ່ວມຄື: ກຸ່ມຂະບວນແຫ່ (ລວມມີ 120 ຄົນ); ກຸ່ມເຂົ້າຮ່ວມເທິງເວທີເຫັນປະຈັກຕາບັນດາການເຄື່ອນໄຫວ (ຄາດວ່າຈະມີ 200 ຄົນ).
ກອງປະຊຸມເສີມຂະຫຍາຍແຫຼ່ງກຳລັງຂອງຊາວຫວຽດນາມ ຢູ່ຕ່າງປະເທດ
ກໍ່ໃນເດືອນ ເມສາ 2025, ຈະຈັດຕັ້ງກອງປະຊຸມເສີມຂະຫຍາຍແຫຼ່ງກຳລັງຂອງຊາວຫວຽດນາມ ຢູ່ຕ່າງປະເທດ, ສະຫຼຸບ 5 ປີຂອງໂຄງການ “ລະດົມຊາວຫວຽດນາມ ອາໄສຢູ່ຕ່າງປະເທດ ເຂົ້າຮ່ວມການແນະນຳ, ບໍລິໂພກຜະລິດຕະພັນ ແລະ ພັດທະນາບັນດາຊ່ອງທາງຈຳໜ່າຍສິນຄ້າຫວຽດນາມ ຢູ່ຕ່າງປະເທດ” ຕາມມະຕິເລກທີ 1797/QD-TTg ລົງວັນທີ 12 ທັນວາ 2019 ຂອງນາຍົກລັດຖະມົນຕີ. ຄາດວ່າ, ກອງປະຊຸມຄັ້ງນີ້ຈະຈັດຂຶ້ນແຕ່ວັນທີ 26-28 ເມສາ 2025 ຢູ່ນະຄອນ ຫຍ່າຈ່າງ, ແຂວງ ແຄ໋ງຮ່ວາ.
ກອງປະຊຸມຄາດວ່າຈະມີການເຂົ້າຮ່ວມຂອງບັນດາຜູ້ແທນຫວຽດນາມ ຢູ່ຕ່າງປະເທດທີ່ເປັນຫົວໜ້າຂອງວິສາຫະກິດທີ່ມີລະບົບຕ່ອງໂສ້ຊຸບເປີມາເກັດ ແລະ ລະບົບຈຳໜ່າຍສີນຄ້າຢູ່ຕ່າງປະເທດ, ນັກທຸລະກິດ ແລະ ວິສາຫະກິດຊາວຫວຽດນາມ ຢູ່ຕ່າງປະເທດ, ການນຳບັນດາສະມາຄົມ, ນັກຂ່າວ, ສື່ມວນຊົນ ຫວຽດນາມ ຢູ່ຕ່າງປະເທດ; ບັນດາຫົວໜ້າອົງການຜູ້ຕາງໜ້າ ຫວຽດນາມ ຢູ່ໃນບາງບໍລິເວນທີ່ມີຊາວຫວຽດນາມ ຢູ່ຕ່າງປະເທດເປັນຈຳນວນຫຼວງຫຼາຍ; ຜູ້ຕາງໜ້າການນຳບັນດາກະຊວງ, ຄະນະ, ຂະແໜງການ, ອົງການການເມືອງ-ສັງຄົມ, ສູນກາງແນວໂຮມປະເທດຊາດຫວຽດນາມ, ບັນດາແຂວງ, ນະຄອນ, ສະມາຄົມຕິດຕໍ່ສື່ສານ, ສະມາຄົມພີ່ນ້ອງຊາວຫວຽດນາມ ຢູ່ຕ່າງປະເທດ, ສະມາຄົມວິສາຫະກິດ, ບັນດາໂຮງຮຽນ, ສະຖາບັນ, ຮາກຖານຄົ້ນຄວ້າ, ວິສາຫະກິດທີ່ມີຄວາມຕ້ອງຢາກຮ່ວມມືກັບຊາວຫວຽດນາມ ຢູ່ຕ່າງປະເທດ.
 | ໂປແກຼມ ຫວຽດ ຊ່ວຍໃຫ້ ຊາວຫວຽດນາມ ອາໄສຢູ່ຕ່າງປະເທດໄປຢ້ຽມຢາມຫໍພິພິທະພັນປະຫວັດສາດການທະຫານໃນຊ່ອງດິຈິຕອນ ຍສໝ - ຊາວຫວຽດນາມ ອາໄສຢູ່ຕ່າງປະເທດທີ່ຢູ່ຫ່າງໄກຈາກບ້ານເກີດເມືອງນອນສາມາດດາວໂຫຼດໂປແກຼມ YooLife ຢູ່ App Store ຫຼື CH Play ເພື່ອເຂົ້າຢ້ຽມຢາມຫໍພິພິທະພັນປະຫວັດສາດການທະຫານຫວຽດນາມ ໃນຊ່ອງດິຈິຕອນ. |
 | ພາສາຫວຽດນາມ - ສະໝໍ - ດຶງຊາວຫວຽດນາມ ອາໄສຢູ່ຕ່າງປະເທດ ກັບຄືນຫາກົກເຄົ້າເຫງົ້າກໍ ຍສໝ - ພາສາຫວຽດນາມ ບໍ່ພຽງແຕ່ແມ່ນວິທີການສື່ສານເທົ່ານັ້ນ, ຫາກຍັງແມ່ນເຊືອກທີ່ບໍ່ມີຕົນຕົວເຊື່ອມຕໍ່ບັນດາຊາວຫວຽດນາມ ທີ່ຢູ່ຫ່າງໄກຈາກກົກເຄົ້າເຫງົ້າກໍ, ຊ່ວຍໃຫ້ເຂົາເຈົ້າຟື້ນຟູຄວາມຊົງຈໍາ, ສີສັນ ແລະ ຄວາມຮັກແພງສໍາລັບບ້ານເກີດເມືອງນອນໃນໄລຍະການປ່ຽນແປງຂອງຊີວິດ. |
ແທັງຮັ່ງ
