 | ເພື່ອນມິດສາກົນສະເໜີຄວາມເຫັນເພື່ອຊ່ວຍຫວຽດນາມພັດທະນາເສດຖະກິດ ແລະ ການຄ້າ Halal |
| ເຊື່ອມຕໍ່ວິສາຫະກິດຫວຽດນາມ - ສິງກະໂປ ມຸ່ງໄປສູ່ການຜະລິດແບບຍືນຍົງ |
ຫວຽດນາມ ແລະ ເນປານ ມີລັກສະນະຄ້າຍຄືກັນຫຼາຍຢ່າງໃນດ້ານຮີດຄອງປະເພນີ ແລະ ປະຫວັດສາດພັດທະນາ. ໃນຊຸມປີແຫ່ງການຕໍ່ຕ້ານອາເມລິກາ ເພື່ອກອບກູ້ປະເທດຊາດ, ຊາວເນປານ ໄດ້ສະແດງຄວາມສາມັກຄີຢ່າງເລິກເຊິ່ງ, ສະໜັບສະໜູນວິວັດການຕໍ່ສູ້ເພື່ອເອກະລາດ, ໂຮມປະເທດຊາດຫວຽດນາມ. ສະພາແຫ່ງຊາດເນປານ ເຄີຍຜ່ານມະຕິກ່າວປະນາມການວາງລະເບີດຂອງອາເມລິກາໃສ່ຫວຽດນາມເໜືອ; ໜູນຊ່ວຍລັດຖະບານປະຕິວັດຊົ່ວຄາວ ຫວຽດນາມ ເຂົ້າເປັນສະມາຊິກຂະບວນການບໍ່ຮ່ວມກຸ່ມ.
ພາຍຫຼັງການສ້າງຕັ້ງການພົວພັນທາງການທູດ, 2 ປະເທດໄດ້ຮັກສາການສົມທົບກັນ ແລະ ສະໜັບສະໜູນເຊິ່ງກັນ ແລະ ກັນຢ່າງມີປະສິດທິຜົນ ໃນບັນດາເວທີປາໄສສາກົນ ແລະ ພາກພື້ນ.
ການພົວພັນດ້ານການຄ້າລະຫວ່າງຫວຽດນາມ - ເນປານ ໄດ້ພັດທະນາຢ່າງຕັ້ງໜ້າ. ຫວຽດນາມ ສົ່ງອອກສິນຄ້າໄປຍັງເນປານເຊັ່ນ: ໝາກພິກໄທ, ປຼາສະຕິກ, ນ້ຳດື່ມອັດກວດ... ແລະ ນຳເຂົ້າແຜ່ນແພ, ເກີບໜັງ, ອາຫານ, ເຄື່ອງຫັດຖະກຳຈາກເນປານ.
ຕາມຂໍ້ມູນຂອງກະຊວງການຕ່າງປະເທດຫວຽດນາມ, ໃນໄລຍະ 2012-2017, ການຄ້າສອງສົ້ນໄດ້ເພີ່ມຂຶ້ນ 400% (ຈາກ 9,35 ລ້ານ USD ຂຶ້ນເປັນ 47 ລ້ານ USD), ເຖິງວ່າຂະໜາດຍັງໜ້ອຍກໍ່ຕາມ.
ການຮ່ວມມືໃນຂົງເຂດເສດຖະກິດ, ການຄ້າ, ວັດທະນະທຳ, ວິທະຍາສາດເຕັກນິກ, ການທ່ອງທ່ຽວ ແລະ ການແລກປ່ຽນຄະນະຜູ້ແທນຍັງມີຄວາມຈຳກັດ ແລະ ບໍ່ສົມກັບຄວາມສາມາດບົ່ມຊ້ອນ.
ເຖິງວ່າໄດ້ມີການຢ້ຽມຢາມຂັ້ນສູງບໍ່ຫຼາຍປານໃດກໍ່ຕາມ, ແຕ່ສອງຝ່າຍຍັງຄົງຮັກສາການຮ່ວມມືໂດຍຜ່ານຊ່ອງທາງຂອງພັກ ແລະ ແລກປ່ຽນຄະນະຜູ້ແທນຂັ້ນກະຊວງ ແລະ ທ້ອງຖິ່ນ. ເນປານ ໄດ້ຮັບຮູ້ຫວຽດນາມ ເປັນພື້ນຖານເສດຖະກິດຕະຫຼາດ (ເດືອນຕຸລາ 2014), ສະໜັບສະໜູນຫວຽດນາມ ໄດ້ຮັບການສະໝັກເຂົ້າເປັນສະມາຊິກສະພາສິດທິມະນຸດ (ເດືອນພະຈິກ 2013), ECOSOC (2016-2018) ແລະ ກຳມະການບໍ່ປະຈຳສະພາຄວາມໝັ້ນຄົງສະຫະປະຊາຊາດ (2020-2021). ຫວຽດນາມ ກໍ່ສະໜັບສະໜູນການສະໝັກຮັບເລືອກຕັ້ງຂອງ ເນປານ ເຂົ້າຮ່ວມສະພາສິດທິມະນຸດ ສປຊ (2018-2020).
ຂີດໝາຍສຳຄັນອັນໜຶ່ງແມ່ນການຢ້ຽມຢາມ ຫວຽດນາມ ຢ່າງເປັນທາງການຂອງທ່ານນາຍົກລັດຖະມົນຕີ ເນປານ Khadga Prasad Sharma Oli ໃນເດືອນ ພຶດສະພາ 2019. ນີ້ແມ່ນການຢ້ຽມຢາມຄັ້ງທຳອິດຂອງທ່ານຜູ້ນຳຂັ້ນສູງ ເນປານ ນັບແຕ່ປີ 1975. ສອງຝ່າຍເຫັນດີເພີ່ມທະວີການແລກປ່ຽນ ແລະ ຮ່ວມມືດ້ານການຄ້າ, ການລົງທຶນ, ວັດທະນະທຳ, ພິເສດແມ່ນການທ່ອງທ່ຽວ - ຊຸກຍູ້ບັນດາແຂກທ່ອງທ່ຽວ ຫວຽດນາມ ໄປຢ້ຽມຢາມ Lumbini, ເຂດ Everest ຂອງເນປານ ແລະ ບັນດາແຫຼ່ງທ່ອງທ່ຽວທີ່ມີຊື່ສຽງຂອງ ເນປານ.
ເນື່ອງໃນໂອກາດນີ້, ສອງຝ່າຍໄດ້ລົງນາມໃນສັນຍາການຍົກເວັ້ນວີຊາສໍາລັບຜູ້ຖືຫນັງສືຜ່ານແດນທາງການທູດ ແລະ ທາງການ; ຂໍ້ຕົກລົງກ່ຽວກັບການສ້າງຕັ້ງກົນໄກປຶກສາຫາລືສອງຝ່າຍລະຫວ່າງກະຊວງການຕ່າງປະເທດຫວຽດນາມ; ຈົດໝາຍເຈດຈຳນົງກ່ຽວກັບສັນຍາການຮ່ວມມືດ້ານການຄ້າ ແລະ ການລົງທຶນລະຫວ່າງ ຫວຽດນາມ ແລະ ເນປານ. ນາຍົກລັດຖະມົນຕີເນປານຍັງ ໄດ້ເຂົ້າຮ່ວມພິທີໃຫຍ່ວັນວິສາຂະບູຊາສະຫະປະຊາຊາດ Vesak 2019 ຢູ່ຫວຽດນາມ.
ການເປີດກົງສູນໃຫຍ່ຫວຽດນາມ ປະຈຳເນປານ ແລະ ການສ້າງຕັ້ງສະມາຄົມໃຫຍ່ຊາວຫວຽດນາມ ຢູ່ ອິນເດຍ ແລະ ເນປານ ໃນວັນທີ 23 ຕຸລາ 2016 ແມ່ນບາດກ້າວຢ່າງຕັ້ງໜ້າ, ສ້າງພື້ນຖານຊຸກຍູ້ການຮ່ວມມືໃນຫຼາຍຂົງເຂດ. ຝ່າຍເນປານສະແດງຄວາມປາດຖະໜາຢາກໃຫ້ວິສາຫະກິດຫວຽດນາມລົງທຶນເຂົ້າເນປານ, ພິເສດແມ່ນໃນຂົງເຂດໄຟຟ້ານ້ຳຕົກ, ພະລັງງານທົດແທນ, ການທ່ອງທ່ຽວ, ກະສິກຳ. ຂະນະດຽວກັນ, ເນປານສະເໜີເປີດສາຍການບິນໂດຍກົງລະຫວ່າງສອງປະເທດແລະລົງນາມໃນສັນຍາຂອບການຄ້າ ແລະ ການລົງທຶນ (TIFA).
ໃນເດືອນພຶດສະພາ2023, ຄະນະຜູ້ແທນສະມາຄົມມິດຕະພາບ ຫວຽດນາມ - ເນປານ ໂດຍທ່ານ ເຈີ່ນແອງຕ໋ວນ, ປະທານສະມາຄົມໄດ້ໄປຢ້ຽມຢາມ ເນປານ ແລະ ພົບປະກັບປະທານສະພາແຫ່ງຊາດ ເນປານ Ganesh Prasad Timilsina. ທ່ານ Ganesh Prasad Timilsina ຕີລາຄາວ່າ ຫວຽດນາມ ບໍ່ພຽງແຕ່ແມ່ນແຫຼ່ງກຳລັງໜູນໃນການຕໍ່ສູ້ເພື່ອເອກະລາດແຫ່ງຊາດ, ໂຮມປະເທດເປັນເອກະພາບ ເທົ່ານັ້ນ ຫາກຍັງເປັນຕົວຢ່າງປົກກະຕິໃນການພັດທະນາເສດຖະກິດ - ສັງຄົມ ແລະ ການຫລຸດຜ່ອນຄວາມທຸກຍາກ. ທ່ານສະເໜີໃຫ້ສອງຝ່າຍເພີ່ມທະວີການແລກປ່ຽນຄະນະຜູ້ແທນທຸກຂັ້ນ, ພິເສດແມ່ນຄະນະຜູ້ແທນຂັ້ນສູງ; ເປີດສະຖານທູດ 2 ປະເທດ ປະຈຳ ຫວຽດນາມ ແລະ ເນປານ; ເປີດການບິນໂດຍກົງລະຫວ່າງຫວຽດນາມ ແລະ ເນປານ ເພື່ອໃຫ້ຊາວພຸດ ແລະ ປະຊາຊົນຫວຽດນາມ ແລະ ເນປານ ມີໂອກາດໄປຢ້ຽມຢາມເຊິ່ງກັນ ແລະ ກັນ, ສ້າງພື້ນຖານໃຫ້ແກ່ການເພີ່ມທະວີການຮ່ວມມືໃນທຸກຂົງເຂດລະຫວ່າງ 2 ຝ່າຍ.
 |
| ທ່ານປະທານສະພາແຫ່ງຊາດເນປານ Ganesh Prasad Timilsina (ທີ 5 ຈາກຂວາ) ຖ່າຍຮູບທີ່ລະນຶກກັບຄະນະຜູ້ແທນສະມາຄົມມິດຕະພາບຫວຽດນາມ - ເນປານ, ວັນທີ 8 ພຶດສະພາ 2023. (ພາບ: ດຶກມິງ) |
ທ່ານປະທານສະພາແຫ່ງຊາດ ເນປານ ຫວັງວ່າ ສະມາຄົມມິດຕະພາບ ຫວຽດນາມ - ເນປານ ຈະເສີມຂະຫຍາຍບົດບາດເປັນຂົວຕໍ່ລະຫວ່າງບັນດາອົງການ, ວິສາຫະກິດ ແລະ ບຸກຄົນຂອງ 2 ປະເທດ. ການສ້າງຕັ້ງສະມາຄົມໄດ້ຮັບຖືວ່າແມ່ນພື້ນຖານອັນສຳຄັນເພື່ອຊຸກຍູ້ການພົວພັນມິດຕະພາບທີ່ເປັນມູນເຊື້ອ, ຄວາມເຂົ້າໃຈລະຫວ່າງປະຊາຊົນສອງປະເທດ.
 | ທ່ານເລຂາທິການໃຫຍ່ ໂຕເລີມ ຢ້ຽມຢາມສະຖານທູດ, ພົບປະກັບພະນັກງານບັນດາອົງການຜູ້ຕາງໜ້າ ແລະປະຊາຄົມຊາວຫວຽດນາມ ປະຈຳ ອິນໂດເນເຊຍ ຍສໝ - ເນື່ອງໃນໂອກາດການຢ້ຽມຢາມທາງລັດຖະກິດໄປຍັງສາທາລະນະລັດ ອິນໂດເນເຊຍ, ການຢ້ຽມຢາມຢ່າງເປັນທາງການຄະນະເລຂາ ອາຊຽນ ແຕ່ວັນທີ 9-11 ມີນາ, ທ່ານເລຂາທິການໃຫຍ່ ໂຕເລີມ ແລະ ພັນລະຍາພ້ອມດ້ວຍຄະນະຜູ້ແທນຂັ້ນສູງຫວຽດນາມ ໄດ້ໄປຢ້ຽມຢາມສະຖານທູດ, ພົບປະກັບ ພະນັກງານບັນດາອົງການຜູ້ຕາງໜ້າ ແລະ ປະຊາຄົມຊາວຫວຽດນາມ ປະຈຳ ອິນໂດເນເຊຍ |
 | ເພີ່ມຂົວຕໍ່ພັດທະນາພາສາຫວຽດ ຢູ່ຍີ່ປຸ່ນ ໂດຍຜ່ານການຮ່ວມມືດ້ານການສຶກສາ ຍສໝ - ວັນທີ 25 ກຸມພາ, ຢູ່ຮ່າໂນ້ຍ, ສະຖາບັນການສຶກສາ ແລະ ບຳລຸງສ້າງສາກົນ (ມະຫາວິທະຍາໄລສ້າງຄູຮ່າໂນ້ຍ) ໄດ້ລົງນາມໃນບົດບັນທຶກກັບສູນສຶກສາ ຫວຽດນາມ ຢູ່ ຍີ່ປຸ່ນ (ມະຫາວິທະຍາໄລ Osaka, ປະເທດ ຍີ່ປຸ່ນ) ເພື່ອຜັນຂະຫຍາຍການຄົ້ນຄວ້າ, ສອນພາສາຫວຽດນາມ ແລະ ຈັດຕັ້ງການສອບເສັງເພື່ອຕີລາຄາກຳລັງຄວາມສາມາດພາສາຫວຽດນາມ ໃຫ້ແກ່ຊາວຕ່າງປະເທດຢູ່ຍີ່ປຸ່ນ. |
ມີງດຶກ
