ເພີ່ມ​ຂົວ​ຕໍ່​ພັດ​ທະ​ນາ​ພາ​ສາ​ຫວຽດ ​ຢູ່​ຍີ່​ປຸ່ນ​ ​ໂດຍ​ຜ່ານ​ການ​ຮ່ວມ​ມື​ດ້ານ​ການ​ສຶກ​ສາ

	ຫວຽດ​ນາມ ຢັ້ງ​ຢືນ​ເອົາ​ໃຈ​ໃສ່​ເຖິງ​ການ​ພັດ​ທະ​ນາ​ການ​ຮ່ວມ​ມື​ໃນ​ການ​ໝູນ​ໃຊ້ AI
	ຕັ້ງ​ໜ້າ​ຜັນ​ຂະ​ຫາຍ​ກົນ​ໄກ​​ປຶກ​ສາ​ຫາ​ລື​ການ​ຮ່ວມ​ມື​ດ້ານ​ເສດ​ຖະ​ກິດ​ສອງ​ຝ່າຍ ຫວຽດ​ນາມ-ໂປ​ໂລຍ

ທ່ານ​ນາງ ​ເລ​ເທືອງ, ຜູ້ອຳນວຍການ​ສູນ​ສຶກສາ ຫວຽດນາມ ປະຈຳ ຍີ່ປຸ່ນ ​ໃຫ້​ຮູ້​ວ່າ ສັນຍາ​ທີ່​ໄດ້​ຮັບ​ການ​ລົງ​ນາມ​ແມ່ນ​ຂີດໝາຍຈຸດ​ເລີ່​ມຕົ້ນ​ໃໝ່​ໃນ​ການ​ຮ່ວມ​ມື​ລະຫວ່າງ 2 ຫົວໜ່ວຍ. ຕາມ​ນັ້ນ​ແລ້ວ, 2 ຝ່າຍ​ຈະ​ສົມທົບ ​ແລະ ໜູນ​ຊ່ວຍ​ເຊິ່ງກັນ ​ແລະ ກັນ​ໃນ​ການຈັດ​ຕັ້ງ​ບັນດາ​ກອງ​ປະຊຸມ​ສຳ​ມະ​ນາ​ວິທະຍາສາດ​ກ່ຽວ​ກັບ​ການ​ຄົ້ນຄວ້າ, ສອນ​ພາສາ​ຫວຽດນາມ ​ແລະ ວັດທະນະທຳ ຫວຽດນາມ ​ໃຫ້​ຊາວ​ຕ່າງປະ​ເທດ​ຕາມ​ລະບຽບ​ການ​ກ່ຽວ​ກັບ​ການຈັດ​ຕັ້ງ​ສຳ​ມະ​ນາ​ວິທະຍາສາດ​ສາກົນ​ຢູ່ ຫວຽດນາມ (ຖ້າ​ຈັດ​ຕັ້ງ​ຢູ່ ຫວຽດນາມ) ຫຼື ລະບຽບ​ການ​ຂອງ ຍີ່​ປຸ່ນ. ພ້ອມ​ກັນ​ນັ້ນ, ໜູນ​ຊ່ວຍ​ການ​ຕ້ອນຮັບ​ນັກ​ສຶກສາ​ໄປ​ຝຶກ​ງານ​ລະຫວ່າງ 2 ຫົວໜ່ວຍ​ຕາມ​ຄວາມ​ສາມາດ​ຂອງ​ແຕ່ລະ​ຫົວໜ່ວຍ ​ແລະ ຕາມ​ລະບຽບ​ການ​ກ່ຽວ​ກັບ​ການ​ຮ່ວມ​ມື​ສາກົນ​ໃນ​ຂົງ​ເຂດ​ສຶກສາ, ລະບຽບ​ການ​ຄຸ້ມ​ຄອງ​ນັກ​ສຶກສາ​ຕ່າງປະ​ເທດ ຫວຽດນາມ ​ແລະ ຍີ່ປຸ່ນ.

ພິທີ​ລົງ​ນາມ​ໃນ​ບົດ​ບັນທຶກຊ່ວຍ​ຈຳ​ການ​ຮ່ວມ​ມື​ລະຫວ່າງ​ສະ​ຖາ​ບັນ​ການ​ສຶກສາ ​ແລະ ບຳລຸງ​ສ້າງ​ສາກົນ (ມະຫາວິທະຍາ​ໄລສ້າງຄູຮ່າ​ໂນ້ຍ) ​ແລະ ສູນ​ການ​ສຶກສາ ຫວຽດນາມ ປະຈຳ ຍີ່ປຸ່ນ (ມະຫາວິທະຍາໄລ Osaka, ຍີ່ປຸ່ນ). (ພາບ: VOV)

ຜູ້ຕາງໜ້າສະຖາບັນການສຶກສາ ແລະ ບຳລຸງສ້າງສາກົນ (ມະຫາວິທະຍາໄລສ້າງຄູຮ່າໂນ້ຍ) ໄດ້ຕີລາຄາສູງສູນສຶກສາ ຫວຽດນາມ ຢູ່ ຍີ່ປຸ່ນ ດ້ວຍບັນດາໂຄງການສຶກສາ, ຄົ້ນຄວ້າ ພາສາ, ວັດທະນະທຳ, ປະຫວັດສາດ ຫວຽດນາມ, ປະກອບສ່ວນພັດທະນາການສຶກສາ ແລະ ຊຸກຍູ້ການພົວພັນມິດຕະພາບລະຫວ່າງ 2 ປະເທດ.

ໂດຍດຳລົງໃນຖານະເປັນ​ໜ່ວຍ​ງານ​ດຽວທີ່ຂຶ້ນກັບມະຫາວິທະຍາ​ໄລ​ສ້າງຄູ ຮ່າ​ໂນ້ຍ ​ຊ່ຽວຊານກ່ຽວກັບການ​ຝຶກ​ອົບຮົມ ​ແລະ ສອນ​ພາສາ​ຫວຽດນາມ ​ໃຫ້​ຊາວ​ຕ່າງປະ​ເທດ, ສະ​ຖາ​ບັນ​ໃຫ້​ຄຳ​ໝັ້ນ​ສັນຍາ​ໜູນ​ຊ່ວຍ​ດ້ານ​ວິຊາ​ຊີບ​ໃຫ້​ແກ່​ສູນ​ສຶກສາ ຫວຽດນາມ ຢູ່ ຍີ່ປຸ່ນ ​ໃນ​ການ​ຈັດ​ຕັ້ງ​ການ​ສອບ​ເສັງ​ຄວາມ​ສາມາດ​ພາສາ ຫວຽດນາມ ຕາມ​ຂອບ​ເຂດຄວາມ​ສາມາດ​ພາສາຫວຽດນາມ ທີ່ນຳໃຊ້ໃຫ້​ຊາວ​ຕ່າງປະ​ເທດ.

ສະຖາບັນຍັງຈະໜູນຊ່ວຍໂຮງຮຽນພາສາຫວຽດນາມ Cay Tre (ພາຍໃຕ້ສູນສຶກສາຫວຽດນາມ ຢູ່ຍີ່ປຸ່ນ) ເພື່ອຍົກສູງຄຸນນະພາບການສອນພາສາຫວຽດນາມ. ຮູບແບບໜູນ​ຊ່ວຍ​ລວມມີ​ການ​ສະໜອງ​ອຸປະກອນ​ການ​ສອນ​ພາສາຫວຽດນາມ, ໃຫ້​ຄຳ​ປຶກສາ​ດ້ານ​ວິຊາ​ຊີບ​ຕາມ​ລະບຽບ​ການ​ກ່ຽວ​ກັບ​ການ​ເຄື່ອນ​ໄຫວ​ສຶກສາ​ອອນ​ລາຍ ​ແລະ ລະບຽບ​ການ​ແຮງ​ງານ​ຂອງ​ຍີ່ປຸ່ນ ​ແລະ ຫວຽດນາມ.

ຫວຽດ​ນາມ ແລະ ກູ​ບາ ເພີ່ມ​ທະ​ວີ​ການ​ຮ່ວມ​ມື​ໃນ​ການ​ຜະ​ລິດ​ເຂົ້າ​ສານ ຍສໝ - ຫວຽດນາມ ແລະ ກູບາ ເພີ່ມທະວີການຮ່ວມມືໃນການຜະລິດເຂົ້າສານ ແມ່ນເນື້ອໃນຫຼັກຂອງການເຮັດວຽກລະຫວ່າງ ທ່ານ ຫງວຽນແທັງງິ ລັດຖະມົນຕີກະຊວງກໍ່ສ້າງຫວຽດນາມ ແລະ ທ່ານ Ydael Jesus Pezez Brito ລັດຖະມົນຕີກະຊວງກະສິກຳກູບາ ໃນວັນທີ 9 ທັນວາ, ຢູ່ຮ່າໂນ້ຍ.

ນັກ​ສຶກ​ສາ ກວາງ​ນາມ 150 ຄົນ​ໄດ້​ຮັບ​ທຶນ​ການ​ສຶກ​ສາ​ຈາກ​ອົງ​ການ Children of Vietnam ຍສໝ - ໃນວັນທີ 4 ແລະ 5 ທັນວາ, ຢູ່ແຂວງກວາງນາມ, ອົງການ Children of Vietnam (COV/ອາເມລິກາ) ໄດ້ສົມທົບກັບສະຫະພັນບັນດາອົງການມິດຕະພາບແຂວງ ກວາງນາມ ເພື່ອມອບທຶນການສຶກສາ 150 ທຶນໃຫ້ແກ່ນັກຮຽນທີ່ປະສົບກັບຄວາມຫຍຸ້ງຍາກໃນບໍລິເວນ.