 | ພາສາຫວຽດນາມ ຢູ່ດິນ ລາວ: ເຊື່ອມຕໍ່ປະຊາຊົນ, ແບ່ງປັນວັດທະນະທຳ |
| ບ່ອນທີ່ໄວ້ເນື້ອເຊື່ອໃຈໃນການເບິ່ງແຍງສຸຂະພາບຂອງປະຊາຊົນສອງຟາກຊາຍແດນ ຫວຽດນາມ - ລາວ |
ການປ່ຽນຖ່າຍໝາກໄຂ່ຫຼັງສອງຄັ້ງທຳອິດ
ມາຮອດປະຈຸປັນ, ທ່ານໝໍຂອງໂຮງໝໍສູນກາງ 103 ກອງທັບປະຊາຊົນລາວ ຍັງຈື່ໄດ້ຢ່າງຈະແຈ້ງວ່າ ການປ່ຽນຖ່າຍໝາກໄຂ່ຫຼັງສອງຄັ້ງ ໄດ້ປະຕິບັດໃນວັນທີ 31 ທັນວາ 2022, ເຊິ່ງເປັນຂີດໝາຍຄັ້ງທຳອິດ ທີ່ປະເທດລາວ ໄດ້ປະຕິບັດເຕັກນິກການປ່ຽນຖ່າຍໝາກໄຂ່ຫຼັງຈາກຜູ້ໃຫ້ບໍລິຈາກທີ່ຍັງມີຊີວິດ. ຜູ້ທີ່ໄດ້ຮັບການປ່ຽນຖ່າຍໝາກໄຂ່ຫຼັງ 2 ຄົນແມ່ນທ່ານ ວ.ຄຳ ວ.ໄຊ (ເກີດປີ 1963, ບ້ານໂນນສະຫວ່າງ, ເມືອງສີໂຄດຕະບອງ, ນະຄອນຫຼວງວຽງຈັນ) ແລະ ທ່ານນາງ ວ.ດີ ນ.ພອນ (ເກີດປີ 1998, ບ້ານທ່າແຂກກາງ, ເມືອງທ່າແຂກ, ແຂວງຄໍາມ່ວນ).
ຕາມນັ້ນແລ້ວ, ພາຍຫຼັງການກະກຽມເປັນເວລາດົນນານ, ການປ່ຽນຖ່າຍໝາກໄຂ່ຫຼັງສອງຄັ້ງ ໄດ້ດຳເນີນແຕ່ເວລາ 8:00 ໂມງເຊົ້າ ຫາ 19:00 ໂມງຂອງວັນດຽວກັນ. ພະນັກງານ, ແພດໝໍເກືອບ 100 ຄົນຂອງໂຮງໝໍສູນກາງ 103 ກອງທັບປະຊາຊົນລາວ ດ້ວຍການໜູນຊ່ວຍຂອງຜູ້ຊ່ຽວຊານ 8 ຄົນຈາກໂຮງໝໍການເເພດທະຫານ 103 ຫວຽດນາມ ໄດ້ປະຕິບັດການຜ່າຕັດທີ່ສັບສົນນີ້.
ໃນຂະບວນການຜ່າຕັດ, ບັນດາຜູ້ຊ່ຽວຊານຫວຽດນາມ ກໍ່ໄດ້ແນະນຳ ແລະ ຄວບຄຸມເຕັກນິກຢ່າງເຂັ້ມງວດ ເພື່ອຮັບປະກັນຂະບວນການຢ່າງຖືກຕ້ອງ, ມີຄຸນນະພາບ ແລະ ຄວາມປອດໄພ. ທ່ານໝໍ, ພະຍາບານຂອງໂຮງໝໍສູນກາງ 103 ກອງທັບປະຊາຊົນລາວ ໄດ້ເຂົ້າຮ່ວມທຸກຂັ້ນຕອນ, ມີບັນດາເຕັກນິກເປັນເຈົ້າໄດ້ປະຕິບັດ.
ຫຼັງຈາກການຜ່າຕັດ 10 ມື້, ການເຮັດວຽກຂອງຫມາກໄຂ່ຫຼັງທີ່ຜ່າຕັດຂອງຄົນເຈັບ ໄດ້ອາການດີ, ບັນດາດັດຊະນີ ure, creatinin ຄ່ອຍໆກັບຄືນສູ່ສະພາບປົກກະຕິ, ກິນແຊບ ແລະ ສາມາດຍ່າງໃນວິທະຍາເຂດຂອງໂຮງຫມໍ...
 |
| ບັນດາຜູ້ຊ່ຽວຊານຈາກໂຮງໝໍການເເພດທະຫານ 103 (ວິທະຍາຄານການແພດທະຫານ, ກອງທັບປະຊາຊົນຫວຽດນາມ) ໄດ້ໜູນຊ່ວຍທີມງານວິຊາສະເພາະໂຮງໝໍສູນກາງ 103 ກອງທັບປະຊາຊົນລາວ ປະຕິບັດການຜ່າຕັດປ່ຽນໝາກໄຂ່ຫຼັງໃຫ້ຄົນເຈັບ. (ພາບ: Thanh An) |
ປະກາດຜົນສຳເລັດຂອງການຜ່າຕັດປ່ຽນໝາກໄຂ່ຫຼັງ 2 ຄັ້ງທຳອິດ, ທ່ານ ພັນເອກ ສະແຫວງໄຊ ດາລາສາດ, ອຳນວຍການໂຮງໝໍສູນກາງ 103 ກອງທັບປະຊາຊົນລາວ ຢືນຢັນວ່າ ນີ້ແມ່ນຂີດໝາຍປະຫວັດສາດ, ເປີດໜ້າໃໝ່ໃຫ້ແກ່ຂະແໜງສາທາລະນະສຸກຂອງລາວ. ພ້ອມກັນນັ້ນ, ກໍ່ສະແດງໃຫ້ເຫັນສາຍພົວພັນມິດຕະພາບ, ຄວາມສາມັກຄີແບບພິເສດ, ການຮ່ວມມືຮອບດ້ານ, ການຊ່ວຍເຫຼືອເຊິ່ງກັນ ແລະ ກັນລະຫວ່າງສອງກອງທັບເວົ້າສະເພາະ ແລະ ສອງປະເທດ ຫວຽດນາມ - ລາວ ເວົ້າລວມ.
ທ່ານ ພັນເອກ ສະແຫວງໄຊ ດາລາສາດ ຫວັງວ່າ ບັນດາຜູ້ຊ່ຽວຊານຈາກໂຮງໝໍການແພດທະຫານ 103, ວິທະຍາຄານການແພດທະຫານ, ກອງທັບປະຊາຊົນຫວຽດນາມ ຈະສືບຕໍ່ໜູນຊ່ວຍລາວ ໃນການປະຕິບັດເຕັກນິກການປ່ຽນຖ່າຍໝາກໄຂ່ຫຼັງຈາກບັນດາຜູ້ບໍລິຈາກທີ່ຍັງມີຊີວິດ. ພ້ອມກັນນັ້ນ, ກໍ່ໄດ້ສະເໜີໃຫ້ສົ່ງກຳລັງແພດໝໍລາວ ໄປສຶກສາເຕັກນິກການປ່ຽນຖ່າຍໝາກໄຂ່ຫຼັງ ແລະ ວິຊາສະເພາະທີ່ກ່ຽວຂ້ອງຢູ່ໂຮງໝໍການເເພດທະຫານ 103; ຮັບປະກັນພື້ນຖານວັດຖຸ, ອຸປະກອນ, ຢາ, ເຄື່ອງໃຊ້ການແພດ ເພື່ອສາມາດດຳເນີນການຜ່າຕັດປ່ຽນໝາກໄຂ່ຫຼັງຢ່າງເປັນເອກະລາດໃນອະນາຄົດ.
ເປັນເຈົ້າການເຕັກນິກເທື່ອລະກ້າວ
ໂດຍສືບຕໍ່ຜົນສຳເລັດຂອງການຜ່າຕັດ 2 ຄັ້ງຜ່ານມາ, ຕາມຄຳຮຽກຮ້ອງຂອງກອງທັບປະຊາຊົນລາວ ແລະ ໄດ້ຮັບການຕົກລົງຈາກກະຊວງປ້ອງກັນປະເທດຫວຽດນາມ, ໂຮງໝໍການເເພດທະຫານ 103 ສືບຕໍ່ໜູນຊ່ວຍໂຮງໝໍສູນກາງ 103 ກອງທັບປະຊາຊົນລາວ ປະຕິບັດການຜ່າຕັດປ່ຽນຖ່າຍໝາກໄຂ່ຫຼັງຕື່ມອີກ.
ທ້າຍເດືອນກໍລະກົດ 2023, ຄະນະຊ່ຽວຊານຂອງໂຮງໝໍການເເພດທະຫານ 103 ໄດ້ໄປເດີນທາງເຖິງ ສປປ ລາວ ເພື່ອຊ່ວຍເຫຼືອໂຮງໝໍສູນກາງ103 ກອງທັບປະຊາຊົນລາວ ໃນການປະຕິບັດເຕັກນິກການປ່ຽນຖ່າຍໝາກໄຂ່ຫຼັງຄັ້ງທີ 3. ບັນດາຄູ່ປ່ຽນຖ່າຍໝາກໄຂ່ຫຼັງທີ່ເລືອກເຟັ້ນໃນຄັ້ງນີ້ປະສົບກັບຄວາມຫຍຸ້ງຍາກຫຼາຍຢ່າງຄື: ຄວາມກົມກຽວກັນຂອງພູມຕ້ານທານ, ຄວາມສອດຄ່ອງຄຸນລັກສະນະທາງກາຍະພາບຂອງໝາກໄຂ່ຫຼັງຜູ້ບໍລິຈາກ ແລະ ຜູ້ຮັບ, ຄວາມຫຍຸ້ງຍາກໃນການຈັດຫາຢາຕ້ານອະນຸມູນອິດສະຫຼະຂອງ 2 ປະເທດ... ເຖິງຢ່າງໃດກໍຕາມ, ຄະນະຊ່ຽວຊານຫວຽດນາມ ຍັງເເນະນຳ, ຕິດຕາມກວດກາຢ່າງຕັ້ງໜ້າ ເພື່ອໃຫ້ທີມງານວິຊາສະເພາະຂອງໂຮງໝໍສູນກາງ 103 ກອງທັບປະຊາຊົນລາວ ປະຕິບັດເນື້ອໃນວຽກງານ.
ຄະນະຜູ້ຊ່ຽວຊານການແພດທະຫານຫວຽດນາມ ໄດ້ຕີລາຄາວ່າ ພາຍຫຼັງການປ່ຽນຖ່າຍໝາກໄຂ່ຫຼັງສຳເລັດຜົນ 6 ຄັ້ງ, ຄະນະວິຊາການຂອງໂຮງໝໍສູນກາງ 103 ກອງທັບປະຊາຊົນລາວ ໄດ້ມີຄວາມກ້າວໜ້າດ້ານຄວາມຮູ້ ແລະ ທັກສະ, ມີຄວາມຫ້າວຫັນໃນຫຼາຍຂັ້ນຕອນທາງດ້ານເຕັກນິກໃນຂັ້ນຕອນການປູກຖ່າຍໝາກໄຂ່ຫຼັງ. ທີມວາງຢາສະຫຼົບປະຕິບັດບັນດາຂັ້ນຕອນກົນລະວິທີສ່ວນໃຫຍ່, ເຂົ້າໃຈຂະບວນການ, ມີຄວາມຕັ້ງໃຈ ແລະ ຫມັ້ນໃຈໃນການຕິດຕາມ, ຈັດການສະຖານະການໃນລະຫວ່າງການໃຊ້ຢາສະຫຼົບ. ທິມງານປູກໝາກໄຂ່ຫຼັງ ແລະ ທີມລ້າງໝາກໄຂ່ຫຼັງໄດ້ປະຕິບັດບັນດາຂັ້ນຕອນດ້ານວິຊາການ ແລະ ມີຄວາມຊຳນານໃນຂະບວນການ.
ທີມງານປ່ຽນຫມາກໄຂ່ຫຼັງໄດ້ມີການລິເລີ່ມຢ່າງເປັນເຈົ້າການໃນການກະກຽມໃຫ້ຄົນເຈັບ, ອຸປະກອນການຜ່າຕັດ ແລະ ການປະຕິບັດເນື້ອໃນວຽກງານສ່ວນໃຫຍ່. ປະຈຸບັນ, ທີມງານການປິ່ນປົວການຟື້ນຟູ ແລະ ຫຼັງການຜ່າຕັດແມ່ນສາມາດຕິດຕາມ ແລະ ປິ່ນປົວຄົນເຈັບພາຍຫຼັງການຜ່າຕັດໄດ້ຢ່າງເປັນເຈົ້າການ ແລະ ມີຄວາມເຊື່ອໝັ້ນ, ກວດພົບ ແລະ ເປັນເຈົ້າການປະຕິບັດຫຼາຍໆສະຖານະການພາຍຫຼັງການຜ່າຕັດ, ຮັບປະກັນຄົນເຈັບຟື້ນຕົວໄວ.
 |
| ທ່ານໝໍ ແລະ ພະຍາບານ ຮູ້ສຶກດີໃຈ ຫຼັງຈາກໄດ້ຜ່າຕັດໝາກໄຂ່ຫຼັງຢ່າງຜົນສຳເລັດ. (ພາບ: Trung Phuong) |
ຕາມການລາຍງານຂອງກອງປະຊຸມໃຫຍ່ການແຂ່ງຂັນເດັດຂາດຊິງໄຊ ວິທະຍາຄານການແພດທະຫານ ໄລຍະ 2019-2024, ມາຮອດເດືອນກັນຍາ 2024, ໂຮງໝໍການເເພດທະຫານ 103 ໄດ້ໜູນຊ່ວຍໂຮງໝໍສູນກາງ 103 ກອງທັບປະຊາຊົນລາວ ປະສົບຜົນສຳເລັດໃນການປະຕິບັດການຜ່າຕັດປ່ຽນໝາກໄຂ່ຫຼັງ 18 ຄັ້ງໃຫ້ແກ່ຜູ້ທີ່ມີຊີວິດຢູ່.
ທ່ານພັນເອກ ຫວູດຶກຖັງ, ຮອງຫົວໜ້າໜ່ວຍວິຊາ, ຮອງຜູ້ອຳນວຍການສູນການ, ຫົວໜ້າຂະແໜງພາຍນອກຫົວໃຈ, ໂຮງໝໍການເເພດທະຫານ 103 ຫວຽດນາມ ໃຫ້ຮູ້ວ່າ ພາຍຫຼັງເກືອບ 2 ປີແຫ່ງການຈັດຕັ້ງການຖ່າຍທອດເຕັກນິກການປ່ຽນຖ່າຍໝາກໄຂ່ຫຼັງ, ໂຮງໝໍສູນກາງ 103 ກອງທັບປະຊາຊົນລາວ ໄດ້ເປັນເຈົ້າການປະຕິບັດບັນດາບາດກ້າວດ້ານເຕັກນິກສ່ວນໃຫຍ່. ນີ້ແມ່ນປັດໄຈສຳຄັນໃນການພັດທະນາເຕັກນິກການປ່ຽນອະໄວຍະວະໃນປະເທດເພື່ອນລາວ, ເຮັດໃຫ້ປະເທດລາວ ກາຍເປັນປະເທດທີ່ມີຜົນສຳເລັດໃນການປ່ຽນອະໄວຍະວະໃນໂລກ. ພ້ອມກັນນັ້ນ, ກໍ່ສືບຕໍ່ຢືນຢັນຄຸນນະພາບ, ຄວາມສາມາດ ແລະ ຊື່ສຽງຂອງນາຍແພດທະຫານ ຫວຽດນາມ.
ທ່ານພັນເອກ ຫວູດຶກຖັງ ເຊື່ອໝັ້ນວ່າ ຕາມຄວາມຄືບໜ້າດັ່ງກ່າວ, ໂຮງໝໍສູນກາງ 103 ກອງທັບປະຊາຊົນລາວ ຈະປະຕິບັດເຕັກນິກການຜ່າຕັດປ່ຽນໝາກໄຂ່ຫຼັງຢ່າງຄົບຖ້ວນໃນອະນາຄົດ, ສ້າງບາດກ້າວບຸກທະລຸເພື່ອຊ່ວຍຍົກສູງວຽກງານດູແລສຸຂະພາບຂອງປະຊາຊົນທັງໝົດຢູ່ລາວ ຂຶ້ນທຽບເທົ່າກັບບັນດາປະເທດໃນພາກພື້ນ ແລະ ສາກົນ.
 | ສະມາຄົມພຸດທະສາສະໜາ ຫວຽດນາມ: ຂົວຕໍ່ສັນຕິພາບໃນການທູດປະຊາຊົນ ຍສໝ - ດ້ວຍປະຫວັດສາດອັນຍາວນານ, ມູນເຊື້ອ ແລະ ຄຸນຄ່າທາງດ້ານວັດທະນະທຳສາສະໜາທີ່ອຸດົມສົມບູນ, ສະມາຄົມພຸດທະສາສະໜາ ຫວຽດນາມ ບໍ່ພຽງແຕ່ແມ່ນອົງການສາສະໜາທີ່ມີໜ້າທີ່ເຜີຍແຜ່ພະທຳເທົ່ານັ້ນ ຫາກຍັງເປັນຂົວຕໍ່ທີ່ສຳຄັນໃນວຽກງານການທູດປະຊາຊົນ, ຊຸກຍູ້ການພົວພັນມິດຕະພາບລະຫວ່າງ ຫວຽດນາມ ແລະ ປະຊາຄົມສາກົນ. |
 | ຍສໝ - ທ່ານນາຍົກລັດຖະມົນຕີ ຮຽກຮ້ອງໃຫ້ບັນດາທ້ອງຖິ່ນສະໜອງເຂົ້າສານສໍາຮອງໃຫ້ປະຊາຊົນໂດຍໄວ, ພ້ອມກັນນັ້ນ ກໍ່ຮຽກຮ້ອງໃຫ້ປະຊາຊົນເສີມຂະຫຍາຍມູນເຊື້ອສາມັກຄີຮັກແພງ... ຂໍ້ມູນໄດ້ຍົກຂື້ນໃນກອງປະຊຸມຕີລາຄາວຽກງານຊີ້ນຳການຮັບມື, ສະພາບຄວາມເສຍຫາຍ ແລະ ຜັນຂະຫຍາຍບັນດາມາດຕະການແກ້ໄຂຮີບດ່ວນຂອງພະຍຸລູກທີ 3 ເຊິ່ງໄດ້ດຳເນີນໃນວັນທີ 8 ກັນຍາ ຢູ່ຮ່າໂນ້ຍ ໂດຍການເປັນປະທານຂອງທ່ານນາຍົກລັດຖະມົນຕີ ຫວຽດນາມ ຟ້າມມິງຈິ້ງ. |
ມີງດຶກ
