 | ປັດໃຈສະດວກໃຫ້ແກ່ການເຕີບໂຕເສດຖະກິດຂອງຫວຽດນາມ 2025 |
| ຝູເຖາະເພີ່ມທະວີວຽກງານການທູດປະຊາຊົນ, ເປີດກວ້າງການພົວພັນສາກົນໃນປີ 2025 |
ລະດູບານໃໝ່ບ້ານເກີດເມືອງນອນ 2025 ຢູ່ ໂອຊາກາ ດ້ວຍຫົວຂໍ້ “ຫົວໃຈ ຫວຽດນາມ” ເພື່ອແນໃສ່ຕິດພັນຊຸມຊົນ, ປັບປຸງຄວາມຮັກແພງບ້ານເກີດເມືອງນອນ, ໂຄສະນາວັດທະນະທຳ ຫວຽດນາມ, ຮັດແໜ້ນນ້ຳໃຈມິດຕະພາບ ຫວຽດນາມ - ຍີ່ປຸ່ນ, ພ້ອມກັນນັ້ນ ກໍ່ໜູນຊ່ວຍປະຊາຄົມຊາວ ຫວຽດນາມ ອາໄສຢູ່ ຍີ່ປຸ່ນ ໃຫ້ນັບມື້ນັບເຕີບໃຫຍ່ເຂັ້ມແຂງ... ຄາດວ່າ ງານບຸນລະດູບານໃໝ່ບ້ານເກີດເມືອງນອນ 2025 - “ຫົວໃຈ ຫວຽດນາມ” ໄດ້ດຶງດູດຜູ້ເຂົ້າຮ່ວມກ່ວາ 100.000 ຄົນ.
ກ່າວຄຳປາໄສທີ່ພິທີໄຂ, ທ່ານກົງສຸນໃຫຍ່ ຫວຽດນາມ ປະຈຳ ໂອຊາກາ ໂງຈີ໋ງຮ່າ ໃຫ້ຮູ້ວ່າ ລາຍການລະດູບານໃໝ່ບ້ານເກີດເມືອງນອນ - ຫົວໃຈ ຫວຽດນາມ 2025 ແມ່ນໂອກາດອັນລ້ຳຄ່າເພື່ອໃຫ້ປະຊາຄົມຊາວ ຫວຽດນາມ ທີ່ພວມອາໄສ ແລະ ຮ່ຳຮຽນຢູ່ເຂດ ໂອຊາກາ ເວົ້າສະເພາະ ແລະ ໃນປະເທດຍີ່ປຸ່ນ ເວົ້າລວມ ມີໂອກາດພົບປະ, ແລກປ່ຽນ, ເພີ່ມທະວີນ້ຳໃຈສາມັກຄີ, ສະໜັບສະໜູນເຊິ່ງກັນ ແລະ ກັນໃນຊີວິດ. ທ່ານກົງສຸນໃຫຍ່ ເນັ້ນໜັກວ່າ ນີ້ກໍ່ແມ່ນໂອກາດເພື່ອໃຫ້ປະຊາຄົມຊາວ ຫວຽດນາມ ອາໄສຢູ່ ຍີ່ປຸ່ນ ຮັກສາ ແລະ ເຜີຍແຜ່ບັນດາສີສັນວັດທະນະທຳຂອງຊາດ, ແນະນຳບັນດາຄວາມງາມທີ່ເປັນມູນເຊື້ອຂອງ ຫວຽດນາມ ໄປເຖິງເພື່ອນມິດ ຍີ່ປຸ່ນ.
 |
| ລາຍການສະແດງດ້ວຍທຸງຊາດ ຫວຽດນາມ ໄດ້ຮັບການຕອບສະໜອງຢ່າງສຸດໃຈຈາກຜູ້ຊົມ. |
ທ່ານກົງສຸນໃຫຍ່ ໂງຈີ໋ງຮ່າ ປາດຖະໜາວ່າ ລາຍການລະດູບານໃໝ່ບ້ານເກີດເມືອງນອນ - ຫົວໃຈ ຫວຽດນາມ 2025 ຈະດຶງດູດບໍ່ພຽງແຕ່ປະຊາຄົມຊາວ ຫວຽດນາມ ຢູ່ ຍີ່ປຸ່ນ ເທົ່ານັ້ນ ຫາກຍັງບັນດາເພື່ອນມິດສາກົນ, ກາຍເປັນການເຄື່ອນໄຫວແລກປ່ຽນວັດທະນະທຳທີ່ເປັນເອກະລັກພິເສດຂອງປະຊາຄົມຊາວ ຫວຽດນາມ ຢູ່ ໂອຊາກາ ແລະ ໃນທົ່ວປະເທດ ຍີ່ປຸ່ນ, ປະກອບສ່ວນເພີ່ມທະວີການພົວພັນຮ່ວມມື, ການພົບປະແລກປ່ຽນປະຊາຊົນລະຫວ່າງ ຫວຽດນາມ ແລະ ຍີ່ປຸ່ນ ຕື່ມອີກ ກໍ່ຄືລະຫວ່າງປະຊາຄົມ ຫວຽດນາມ ຢູ່ Kansai ແລະ ນະຄອນ ໂອຊາກາ.
ທ່ານ Mita Katsuhisa, ສະມາຊິກລັດຖະສະພາແຂວງ ໂອຊາກາ ໄດ້ສະແດງຄວາມປະທັບໃຈເມື່ອປະຊາຄົມຊາວ ຫວຽດນາມ ໄດ້ຈັດຕັ້ງງານບຸນໃຫຍ່ ແລະ ສະຫງ່າຜ່າເຜີຍ. ທ່ານກໍ່ຢາກໃຫ້ຊາວຫວຽດນາມ ມາຍີ່ປຸ່ນ ເພື່ອເຮັດວຽກ, ຮ່ຳຮຽນ ຫຼື ຫຼາຍເຫດຜົນຕ່ງກັນ ພ້ອມກັນຊ່ວຍເຫຼືອເຊິ່ງກັນ ແລະ ກັນ ແລະ ຖື ໂອຊາກາ ເປັນບ້ານເກີດເມືອງນອນແຫ່ງທີສອງ.
 |
| ບັນດາຜູ້ແທນເຂົ້າຮ່ວມລາຍການ. |
ຕາມທ່ານ Katsuhisa ແລ້ວ, ປະຈຸບັນ ຍີ່ປຸ່ນ ພວມຂາດແຫຼ່ງຊັບພະຍາກອນມະນຸດໃນບັນດາວິສາຫະກິດ ແລະ ຮ້ານຄ້າ. ທ່ານເຊື່ອໝັ້ນວ່າ ຊາວ ຫວຽດນາມ ຢູ່ ຍີ່ປຸ່ນ ຈະມີໂອກາດປະສົບຜົນສຳເລັດຢ່າງແນານອນຖ້າຫາກມີຄວາມມານະພະຍາຍາມ ເພາະວ່າ ຍີ່ປຸ່ນ ແມ່ນສະຖານທີ່ຖ້າມີຄວາມມານະພະຍາຍາມ, ທຸກຄົນຈະສາມາດກ້າວໄປໜ້າຢ່າງບໍ່ຢຸດຢັ້ງ. ທ່ານໃຫ້ຄຳໝັ້ນສັນຍາວ່າ ອຳນາດການປົກຄອງແຂວງ ໂອຊາກາ ຈະໜູນຊ່ວຍຊາວ ຫວຽດນາມ ຢູ່ ຍີ່ປຸ່ນ ສາມາດຫັນຄວາມໄຝ່ຝັນຂອງຕົນໃຫ້ປະກົດຜົນເປັນຈິງ.
ທ່ານ ໂດ້ກວ່າງບາ, ປະທານອົງການພົບປະແລກປ່ຽນສາກົນ ຫວຽດນາມ - ຍີ່ປຸ່ນ (FAVIJA), ຫົວໜ້າຄະນະຈັດຕັ້ງເຫດການລະດູບານໃໝ່ບ້ານເກີດເມືອງນອນ, ເນັ້ນໜັກວ່າ ບຸນປີໃໝ່ປະເພນີຂອງຊາດສຳລັບປະຊາຄົມຊາວ ຫວຽດນາມ ຢູ່ຕ່າງປະເທດ ເວົ້າລວມ ແລະ ປະຊາຄົມຊາວ ຫວຽດນາມ ຢູ່ ຍີ່ປຸ່ນ ເວົ້າສະເພາະ, ແມ່ນໂອກາດພ້ອມກັນສະໜິດຕິດພັນ, ແບ່ງປັນ, ອະນຸລັກຮັກສາ ແລະ ເສີມຂະຫຍາຍບັນດາຄຸນຄ່າວັດທະນະທຳທີ່ເຂັ້ມຂຸ້ນໄປດ້ວຍສີສັນຂອງຊາດ ຫວຽດນາມ. ເລີ່ມຕົ້ນຈາກຄວາມໝາຍດັ່ງກ່າວ, FAJIVA ໄດ້ສົມທົບກັບປະຊາຄົມຊາວ ຫວຽດນາມ ອາໄສຢູ່ ຍີ່ປຸ່ນ ພ້ອມກັນຮ່ວມແຮງຮ່ວມໃຈຈັດຕັ້ງລາຍການລະດູບານໃໝ່ບ້ານເກີດເມືອງນອນ 2025 ດ້ວຍຫົວຂໍ້ “ຫົວໃຈ ຫວຽດນາມ”.
ທ່ານ ໂດ້ກວ່າງບາ ໃຫ້ຮູ້ວ່າ ງານບຸນລະດູບານໃໝ່ບ້ານເກີດເມືອງນອນ 2025 ແມ່ນກຸ່ມເຫດການວັດທະນະທຳ, ສິລະປະ, ການແລກປ່ຽນການຄ້າ, ການເຄື່ອນໄຫວຂອງປະຊາຄົມ... ທີ່ມີຕໍ່ຊາວ ຫວຽດນາມ ອາໄສຢູ່ ຍີ່ປຸ່ນ ກໍ່ຄືຊາວ ຍີ່ປຸ່ນ ແລະ ເພື່ອນມິດສາກົນທີ່ເຂົ້າຮ່ວມ.
 |
| ເຂດ "ການແຕ້ມໂຕໜັງສືຈີນ" ໃນງານບຸນລະດູບານໃໝ່ບ້ານເກີດເມືອງນອນ 2025. |
 |
| ຈຳລອງໃຫ້ເຫັນລົດດອກໄມ້ |
 |
| ບັນດານັກສິລະປິນ ຍີ່ປຸ່ນ ສະແດງເຄື່ອງດົນຕີພື້ນເມືອງທີ່ງານບຸນລະດູບານໃໝ່ບ້ານເກີດເມືອງນອນ 2025 ຢູ່ນະຄອນ ໂອຊາກາ. |
 |
| ຄາດວ່າ ງານບຸນລະດູບານໃໝ່ບ້ານເກີດເມືອງນອນ 2025 - “ຫົວໃຈ ຫວຽດນາມ” ໄດ້ດຶງດູດຜູ້ເຂົ້າຮ່ວມກ່ວາ 100.000 ຄົນ. |
ໃນຕະຫຼອດ 2 ມື້ທີ່ດຳເນີນງານບຸນ ວັນທີ 4 ແລະ ວັນທີ 5 ມັງກອນ, ບັນດາລາຍການສະແດງສິລະປະ ແລະ ອາພອນສະໄໝໄດ້ດຳເນີນຢູ່ເວທີສະແດງຕົ້ນຕໍ ແລະ ບັນດາການລະຫຼິ້ນພື້ນເມືອງ ຫວຽດນາມ. ເພື່ອແນໃສ່ໂຄສະນາວັດທະນະທຳ ແລະ ຄວາມສາມາດບົ່ມຊ້ອນຂອງ ຫວຽດນາມ, ຄະນະຈັດຕັ້ງກໍ່ຈັດງານວາງສະແດງ ແລະ ງານຕະຫຼາດນັດຄື: ງານວາງສະແດງ “ຊຸດອາພອນປະຈຳຊາດ ao dai ຫວຽດນາມ ”, ພື້ນທີ່ "ການແຕ້ມໂຕໜັງສືຈີນ", ພື້ນທີ່ "ອາຫານ ຫວຽດນາມ” ແລະ ງານຕະຫຼາດນັດ “ແນະນຳສິນຄ້າພາກພື້ນ ແລະ ຄວາມສາມາດບົ່ມຊ້ອນການທ່ອງທ່ຽວ ຫວຽດນາມ” ດ້ວຍກວ່າ 70 ຮ້ານວາງສະແດງ.
 | ເປີດຫ້ອງຮຽນພາສາ ຫວຽດນາມ ຢູ່ນະຄອນ Augsburg ຍສໝ - ຫ້ອງຮຽນພາສາ ຫວຽດນາມ ບໍ່ພຽງແຕ່ຊ່ວຍໃຫ້ເດັກນ້ອຍສາມາດຮັກສາພາສາແມ່ຂອງເຂົາເຈົ້າໄດ້ເທົ່ານັ້ນ ຫາກຍັງເຂົ້າໃຈເຖິງຮີດຄອງປະເພນີ, ວັດທະນະທໍາ ແລະ ປະຫວັດສາດຂອງຊາດຕື່ມອີກ. |
 | "ສະໜາມ" ທີ່ເປັນປະໂຫຍດສໍາລັບນັກຮຽນທີ່ຮັກພາສາ ຍີ່ປຸ່ນ ຢູ່ນະຄອນ ຫາຍຟ່ອງ ຍສໝ - ວັນທີ 17 ມີນານີ້, ຮອບຊີງຊະນະເລີດການແຂ່ງຂັນເວົ້າພາສາ ຍີ່ປຸ່ນ ຢູ່ນະຄອນ ຫາຍຟ່ອງ ຄັ້ງທີ 8 ປີ 2024 ໄດ້ຈັດຕັ້ງຢູ່ນະຄອນ ຫາຍຟ່ອງ. ການແຂ່ງຂັນແມ່ນເພື່ອຝຶກຝົນທັກສະການສື່ສານ, ການນຳສະເໜີ ແລະ ຄວາມສາມາດໃນການເວົ້າພາສາຍີ່ປຸ່ນ, ລະດົມສົ່ງເສີມການຮຽນຮູ້ ແລະ ນຳໃຊ້ພາສາ ຍີ່ປຸ່ນ, ໂຄສະນາຮູບພາບປະເທດ, ປະຊາຊົນ ... |
ແທັງຮັ່ງ
