 | ສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນ ຫວຽດນາມ ຢູ່ ຈີນ ແລະ ລາວ |
| ບຸນປີໃໝ່ປະຈຳຊາດຫວຽດນາມ ເຊື່ອມຕໍ່ໄວໜຸ່ມຫວຽດນາມ - ລາວ - ກຳປູເຈຍ |
ສະຖານທີ່ເຕົ້າໂຮມຂອງນັກຮຽນ ແລະ ນັກສຶກສາຕ່າງປະເທດທີ່ມາຈາກ 3 ປະເທດຄື: ຫວຽດນາມ, ລາວ ແລະ ກຳປູເຈຍ
ໂຮງຮຽນມິດຕະພາບ 80 ແມ່ນສະຖານທີ່ເຕົ້າໂຮມນັກຮຽນ ແລະ ນັກສຶກສາຕ່າງປະເທດທີ່ມາຈາກ 3 ປະເທດຄື: ຫວຽດນາມ, ລາວ ແລະ ກຳປູເຈຍ, ແມ່ນໜຶ່ງໃນບັນດາຫົວໜ່ວຍທີ່ໄດ້ຮັບອະນຸຍາດຕາງໜ້າກະຊວງສຶກສາທິການ ແລະ ກີລາ ປະຕິບັດນະໂຍບາຍການຕ່າງປະເທດຂອງພັກ, ລັດ ຫວຽດນາມ ກັບເພື່ອນມິດສອງປະເທດ ລາວ-ກຳປູເຈຍ. ໂຮງຮຽນຍັງແມ່ນຈຸດນັດພົບທຳອິດຂອງບັນດານັກສຶກສາສາກົນຂອງສອງປະເທດເພື່ອນມິດເມື່ອມາ ຫວຽດນາມ ເພື່ອຮ່ຳຮຽນ ແລະ ຄົ້ນຄ້ວາ.
 |
| ທ່ານຮອງລັດຖະມົນຕີກະຊວງສຶກສາ ແລະ ບຳລຸງສ້າງ ຫງວຽນວັນຟຸກ ໃຫ້ຮູ້ວ່າ: ການພົວພັນລະຫວ່າງ ຫວຽດນາມ ກັບສອງປະເທດເພື່ອນ ລາວ ແລະ ກຳປູເຈຍ ແມ່ນການພົວພັນມິດຕະພາບທີ່ເປັນມູນເຊື້ອອັນພິເສດ. |
ທ່ານຮອງລັດຖະມົນຕີກະຊວງສຶກສາ ແລະ ບຳລຸງສ້າງ ຫວຽດນາມ ຫງວຽນວັນຟຸກ ໃຫ້ຮູ້ວ່າ: ການພົວພັນລະຫວ່າງ ຫວຽດນາມ ກັບສອງປະເທດເພື່ອນ ລາວ ແລະ ກຳປູເຈຍ ແມ່ນການພົວພັນມິດຕະພາບທີ່ເປັນມູນເຊື້ອອັນພິເສດ. ໃນການຢ້ຽມຢາມຂອງຜູ້ນຳແຕ່ລະປະເທດ, ສອງຝ່າຍຍາມໃດກໍຢືນຢັນທັດສະນະທີ່ເປັນເອກະພາບ, ສືບຕໍ່ຖືເປັນສຳຄັນ ແລະ ໃຫ້ບຸລິມະສິດເພີ່ມທະວີການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ, ຫວຽດນາມ - ກຳປູເຈຍ.
ແຕ່ລະປີ, ລັດຖະບານ ຫວຽດນາມ ໄດ້ໃຫ້ທຶນສຶກສານັບຮ້ອຍທຶນໃຫ້ແກ່ພະນັກງານ ແລະ ນັກສຶກສາ ລາວ ແລະ ກຳປູເຈຍ ໄປຮ່ຳຮຽນ ແລະ ຄົ້ນຄ້ວາຢູ່ ຫວຽດນາມ ໃນບັນດາຂົງເຂດທີ່ຫວຽດນາມ ມີທ່າແຮງ. ລັດຖະບານ ລາວ ແລະ ກຳປູເຈຍ ກໍ່ໃຫ້ທຶນສຶກສາຫຼາຍທຶນໃຫ້ນັກສຶກສາ ຫວຽດນາມ ໄປຮ່ຳຮຽນ.
ໂດຍເພື່ອປະຕິບັດໜ້າທີ່ຂອງສົກຮຽນ 2024-2025 ແລະ ສົກຮຽນຕໍ່ໄປໃຫ້ປະສົບຜົນສໍາເລັດ, ທ່ານຮອງລັດຖະມົນຕີ ຫວຽດນາມ ຮຽກຮ້ອງໃຫ້ຄູ-ອາຈານ ແລະ ນັກຮຽນຂອງໂຮງຮຽນ ຈົ່ງມີຄວາມມານະພະຍາຍາມຕື່ມ, ເອົາໃຈໃສ່ສູ້ຊົນປະຕິບັດໜ້າທີ່ສໍາຄັນໃຫ້ເປັນຢ່າງດີ. ສືບຕໍ່ກວດກາ, ດັດແກ້ ແລະ ປະດິດສ້າງເນື້ອໃນ, ປຶ້ມແບບຮຽນ, ວິທີການສອນ ແລະ ການປະເມີນຜົນ. ສືບຕໍ່ຊຸກຍູ້ ແລະ ຍົກສູງຄຸນນະພາບ ແລະ ປະສິດທິຜົນຂອງວຽກງານການສຶກສາຮອບດ້ານ.
ຄຽງຂ້າງນັ້ນ, ສຸມໃສ່ສຶກສາອົບຮົມຄວາມຮັບຮູ້ ແລະ ຄວາມສາມັກຄີຂອງນັກຮຽນທີ່ມາຈາກ 3 ປະເທດ ຫວຽດນາມ - ລາວ - ກຳປູເຈຍ ທີ່ພວມຮ່ຳຮຽນຢູ່ໂຮງຮຽນ. ເອົາໃຈໃສ່ເຖິງການຝຶກອົບຮົມ ແລະ ບຳລຸງສ້າງຖັນແຖວພະນັກງານ ແລະ ຄູອາຈານທີ່ມີຄຸນນະພາບດ້ານການເມືອງ ແລະ ຄຸນສົມບັດສິນທຳ, ຄວາມມຸ່ງມາດປາດຖະໜາຢາກປະກອບສ່ວນ, ຄວາມຊຳນານດ້ານວິຊາຊີບຢ່າງແຂງແຮງ, ມີທັກສະດ້ານເຕັກໂນໂລຊີຂໍ້ມູນຂ່າວສານ, ທັກສະດີຈີຕອນ ເພື່ອຕອບສະໜອງຄວາມຮຽກຮ້ອງຕ້ອງການຂອງຍຸກດີຈີຕອນ.
ໜ່ວຍບຸກເບີກໃນການຈັດຕັ້ງການສອບເສັງ ແລະ ອອກໃບຢັ້ງຢືນພາສາ ຫວຽດນາມ ໃຫ້ນັກສຶກສາສາກົນ ລາວ ແລະ ກຳປູເຈຍ
ຈຸດແຂງອັນໜຶ່ງຂອງໂຮງຮຽນມິດຕະພາບ 80 ແມ່ນການກະກຽມການຝຶກອົບຮົມພາສາ ຫວຽດນາມ ໃຫ້ນັກຮຽນ ລາວ ແລະ ກຳປູເຈຍ. ຢູ່ທີ່ນີ້, ນັກສຶກສາສາກົນ ລາວ ແລະ ກຳປູເຈຍ ສາມາດດຳລົງຊີວິດ ແລະ ຮ່ຳຮຽນກັບນັກສຶກສາ ຫວຽດນາມ ກວ່າ 1.000 ຄົນໃນລະດັບມັດທະຍົມປາຍ ແມ່ນສະພາບແວດລ້ອມການສື່ສານ ຫວຽດນາມ ທີ່ສະດວກ.
ໂຮງຮຽນມິດຕະພາບ 80 ເປັນສະຖານທີ່ບຸກເບີກໃນການຈັດຕັ້ງການສອບເສັງ ແລະ ອອກໃບຢັ້ງຢືນພາສາ ຫວຽດນາມ ໃຫ້ຄົນຕ່າງປະເທດດ້ວຍຄອມພິວເຕີຕາມຍຸກດີຈີຕອນ ແລະ ບັນດາໂຄງການເຄື່ອນໄຫວ ເພື່ອແນໃສ່ເພີ່ມທະວີຄວາມສາມັກຄີສະໜິດຕິດພັນລະຫວ່າງສາມຊົນເຜົ່າ ຫວຽດນາມ-ລາວ-ກຳປູເຈຍ.
 |
| ໃນສົກຮຽນ 2024-2025, ໂຮງຮຽນໄດ້ຕ້ອນຮັບນັກສຶກສາຕ່າງປະເທດ 286 ຄົນ, ໃນນັ້ນມີນັກສຶກສາສາກົນ ລາວ 154 ຄົນ ແລະ ນັກສຶກສາສາກົນ ກຳປູເຈຍ 93 ຄົນທີ່ພວມຮໍ່າຮຽນພາສາ ຫວຽດນາມ ເພື່ອເຂົ້າສູ່ລະດັບມັດທະຍົມປາຍ, ມະຫາວິທະຍາໄລ ແລະ ປະລິນຍາຕີ. |
ທ່ານນາງ ຈູກິມເຟື້ອງ, ຜູ້ອຳນວຍການໂຮງຮຽນມິດຕະພາບ 80 ໃຫ້ຮູ້ວ່າ: “ໃນສົກຮຽນ 2024-2025, ໂຮງຮຽນໄດ້ຕ້ອນຮັບນັກສຶກສາສາກົນ 286 ຄົນ, ໃນນັ້ນມີນັກສຶກສາສາກົນ ລາວ 154 ຄົນ ແລະ ນັກສຶກສາສາກົນ ກຳປູເຈຍ 93 ຄົນ ທີ່ຮຽນພາສາ ຫວຽດນາມ ເພື່ອເຂົ້າສູ່ລະດັບມັດທະຍົມປາຍ, ມະຫາວິທະຍາໄລ ແລະ ປະລິນຍາຕີ, ຕົ້ນຕໍແມ່ນພາຍໃຕ້ຂໍ້ຕົກລົງລະຫວ່າງລັດຖະບານ ຫວຽດນາມ ກັບລັດຖະບານ ລາວ ແລະ ລັດຖະບານ ກຳປູເຈຍ ແລະ ຄູສອນຫຼັກ 39 ວິຊາເຄມີສາດ ແລະ ຊີວະສາດ ໃນລະດັບມັດທະຍົມປາຍ (ໂຮງຮຽນມັດຖະຍົມ) ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ເພື່ອແລກປ່ຽນປະສົບການ ແລະ ຝຶກອົບຮົມກ່ຽວກັບຄວາມຊໍານານ, ທັກສະ ແລະ ການນຳໃຊ້ເຕັກໂນໂລຊີຂໍ້ມູນຂ່າວສານ.
ດ້ວຍບົດບາດ ແລະ ຄວາມຮັບຜິດຊອບພິເສດ, ໂຮງຮຽນມິດຕະພາບ 80 ໄດ້ຈັດຕັ້ງຫຼັກສູດກຽມພາສາ ຫວຽດນາມ ເພື່ອໜູນຊ່ວຍດີທີ່ສຸດໃຫ້ແກ່ນັກສຶກສາຕ່າງປະເທດທີ່ມາຢູ່ທີ່ນີ້ ເພື່ອໃຫ້ເຂົາເຈົ້າມີຄວາມຮູ້ສຶກປອດໄພເມື່ອມາຮຽນຢູ່ ຫວຽດນາມ.
 | ສະເຫຼີມສະຫຼອງ 80 ປີແຫ່ງວັນກອງທັບປະຊາຊົນ ຫວຽດນາມ ຢູ່ ລັດເຊຍ, ອິນເດຍ ແລະ ອົດສະຕາລີ ຍສໝ - ເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນ ຫວຽດນາມ, ສະຖານທູດ ຫວຽດນາມ ປະຈຳ ລັດເຊຍ, ອິນເດຍ ແລະ ອົດສະຕາລີ ໄດ້ຈັດຕັ້ງບັນດາການເຄື່ອນໄຫວລະນຶກ ທວນຄືນການເດີນທາງອັນສະຫງ່າລາສີຂອງກອງທັບປະຊາຊົນ ຫວຽດນາມ ແລະ ການພົວພັນຄູ່ຮ່ວມມືດ້ານການປ້ອງກັນຊາດອັນເລິກເຊິ່ງ ລະຫວ່າງ ຫວຽດນາມ ກັບບັນດາປະເທດ. |
 | ຜັນຂະຫຍາຍໜ້າທີ່ສະເຫຼີມສະຫຼອງ 80 ປີແຫ່ງວັນມູນເຊື້ອກົມໃຫຍ່ການເມືອງ ຫວ່າງແລ້ວນີ້, ທ່ານພົນຕີ ເລກວາງມິງ, ຮອງຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ ໄດ້ເປັນປະທານກອງປະຊຸມຜັນຂະຫຍາຍໜ້າທີ່ສະເຫຼີມສະຫຼອງ 80 ປີແຫ່ງວັນມູນເຊື້ອກົມໃຫຍ່ການເມືອງກອງທັບປະຊາຊົນຫວຽດນາມ (22 ທັນວາ 1944 / 22 ທັນວາ 2024) ແລະພິທີປະດັບຫຼຽນໄຊເອກະລາດຊັ້ນໜຶ່ງ. |
ມິງດຶກ (ແປຕາມ baodautu.vn)
