 | ເພີ່ມຂຶ້ນກາລະໂອກາດຊຸກຍູ້ການຮ່ວມມືດ້ານກະສິກຳ ຫວຽດນາມ - ຈີເລ |
| ຫວຽດນາມ ແມ່ນທ້ອງຕະຫຼາດທີ່ດຶງດູດ ແລະ ສຳຄັນສຳລັບບັນດາວິສາຫະກິດ ແດນມາກ ໃນຂົງເຂດກະສິກຳ |
ເຂົ້າຮ່ວມຄະນະມີທ່ານເອກອັກຄະລັດຖະທູດ ຫວຽດນາມ ປະຈຳ ຝະລັ່ງ ດິງຕວານຖັງ, ທ່ານກົງສູນໃຫຍ່ ຫວຽດນາມ ປະຈຳ Sydney – Australia ຫງວຽນແທງຕຸ່ງ ແລະ ທ່ານ Jean – Pierre Dinh, ກົງສຸນກິດຕິມະສັກ ຫວຽດນາມ ປະຈຳ New Caledonia.
 |
| ທ່ານຮອງລັດຖະມົນຕີ ນາງ ເລທິທູຮັ່ງ ແລະ ບັນດາຜູ້ແທນໄດ້ຖ່າຍຮູບທີ່ລະນຶກຢູ່ຕໍ່ໜ້າຫໍມູນເຊື້ອຂອງຊາວ Kanax ພາຍຫຼັງພິທີຕ້ອນຮັບຕາມຮີດຄອງປະເພນີຂອງທ້ອງຖິ່ນ. |
ທີ່ການເຮັດວຽກ, ທ່ານຮອງລັດຖະມົນຕີ ນາງ ເລທິທູຮັ່ງ ໃຫ້ຮູ້ວ່າ: ການຢ້ຽມຢາມ New Caledonia ຄັ້ງນີ້ ແມ່ນເພື່ອແນໃສ່ປະຕິບັດຖະແຫຼງການຮ່ວມກ່ຽວກັບການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ຝະລັ່ງ ທີ່ໄດ້ສ້າງຕັ້ງເມື່ອເດືອນ ຕຸລາ ຜ່ານມາ ໃນການຢ້ຽມຢາມ ຝະລັ່ງ ຂອງທ່ານເລຂາທິການໃຫຍ່ ໂຕເລິມ; ແມ່ນໂອກາດເພື່ອເຊື່ອມຕໍ່ບັນດາບຸລິມະສິດຂອງສອງປະເທດໃນພາກພື້ນ ມະຫາສະໝຸດອິນເດຍ - ປາຊີຟິກ, ກໍ່ຄືຊຸກຍູ້ການຮ່ວມມືລະຫວ່າງສອງຝ່າຍ, ໃນນັ້ນມີການຮ່ວມມືທ້ອງຖິ່ນ, ຜ່ານປະຊາຄົມ ຊາວຫວຽດນາມ ຢູ່ New Caledonia.
ໂດຍແຈ້ງໃຫ້ຊາບກ່ຽວກັບສະພາບການພັດທະນາເສດຖະກິດ - ສັງຄົມຂອງ ຫວຽດນາມ ແລະ ການກຳນົດທິດໃນໄລຍະຈະມາເຖິງຂອງການພົວພັນ ຫວຽດນາມ - ຝະລັ່ງ, ທ່ານຮອງລັດຖະມົນຕີ ນາງ ເລທິທູຮັ່ງ ຢືນຢັນວ່າ ການພົວພັນ ຫວຽດນາມ - ຝະລັ່ງ ໄດ້ຜ່ານຜ່າບັນດາໄລຍະປະຫວັດສາດ ແລະ ປະຈຸບັນແມ່ນໃນໄລຍະດີທີ່ສຸດ; ໃຫ້ຮູ້ອີກວ່າ ຫວຽດນາມ ຕີລາຄາສູງບົດບາດຂອງ ຝະລັ່ງ ແລະ ສະຫະພາບ ເອີລົບ ຢູ່ ມະຫາສະໝຸດອິນເດຍ - ປາຊີຟິກ ແລະ ພ້ອມແລ້ວທີ່ຈະຍູ້ແຮງການຮ່ວມມືກັບບັນດາຄູ່ຮ່ວມມືໃນບັນດາຄວາມມານະພະຍາຍາມ ເພື່ອປະກອບສ່ວນເຂົ້າໃນສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຂອງພາກພື້ນ ແລະ ໃນໂລກ.
ທ່ານຮອງລັດຖະມົນຕີ ນາງ ເລທິທູຮັ່ງ ກໍ່ຕີລາຄາສູງຄວາມສາມາດບົ່ມຊ້ອນດ້ານເສດຖະກິດຂອງ New Caledonia ຢູ່ພາກພື້ນປາຊີຟິກ ຕາເວັນຕົກສຽງໃຕ້ ແລະ ປາດຖະໜາຢາກສົມທົບກັບບັນດາຄູ່ຮ່ວມມື New Caledonia ເພື່ອກຳນົດບັນດາໂຄງການ ແລະ ເນື້ອໃນລະອຽດ ເພື່ອຊຸກຍູ້ການຮ່ວມມືດ້ານເສດຖະກິດຂອງ 2 ຝ່າຍ, ຍາດແຍ່ງບັນດາກາລະໂອກາດຈາກສັນຍາການຄ້າເສລີ ຫວຽດນາມ - EU ກໍ່ຄືໃນບັນດາຂົງເຂດທີ່ມີຄວາມສາມາດບົ່ມຊ້ອນເຊັ່ນ ການຂຸດຄົ້ນບໍ່ແຮ່, ການປູກລ້ຽງສິນທະເລ, ການທ່ອງທ່ຽວ, ການຮ່ວມມືໃນຂົງເຂດພັດທະນາຊັບພະຍາກອນທາງທະເລ, ກະເສດສາດ...
ກ່ຽວກັບປະຊາຄົມ ຊາວຫວຽດນາມ ຢູ່ New Caledonia, ທ່ານຮອງລັດຖະມົນຕີ ສະແດງຄວາມປິຕິຊົມຊື່ນທີ່ປະຊາຄົມໄດ້ເຊື່ອມໂຍງເຂົ້າກັບປະເທດປະຈຳຖິ່ນເປັນຢ່າງດີ, ມີທີ່ຕັ້ງໃນສັງຄົມ ແລະ ໄດ້ປະກອບສ່ວນຢ່າງຕັ້ງໜ້າເຂົ້າໃນການພັດທະນາທ້ອງຖິ່ນ; ຖືວ່າ, ປະຊາຄົມ ຊາວຫວຽດນາມ ແມ່ນຊັບສິນອັນລ້ຳຄ່າ ແລະ ເປັນຂົວເຊື່ອມຕໍ່ສຳຄັນໃຫ້ແກ່ການພົວພັນລະຫວ່າງ ຫວຽດນາມ ແລະ New Caledonia.
 |
| ທ່ານຮອງລັດຖະມົນຕີ ນາງ ເລທິທູຮັ່ງ ມີການໂອ້ລົມເຈລະຈາກັບຂ້າຫຼວງໃຫຍ່ Louis le Franc. |
ຂ້າຫຼວງໃຫຍ່ ຝຣັ່ງ ແລະ ຜູ້ຕາງໜ້າອຳນາດການປົກຄອງ New Caledonia ທຸກຂັ້ນ ໄດ້ຕີລາຄາສູງບັນດາຜົນງານພັດທະນາຂອງ ຫວຽດນາມ, ກໍ່ຄືບົດບາດ ແລະ ທີ່ຕັ້ງຂອງ ຫວຽດນາມ ໃນໂລກ. ບັນດາການນຳຂອງ New Caledonia ໄດ້ສະແດງຄວາມນິຍົມນັບຖືຕໍ່ ຊາວຫວຽດນາມ ທີ່ມີຄວາມສ້າງເຂັ້ມແຂງດ້ວຍຕົນເອງ ແລະ ເປັນເຈົ້າຕົນເອງ; ດີໃຈກັບການພົວພັນມິດຕະພາບ ຝະລັ່ງ - ຫວຽດນາມ ໄດ້ຮັບການພັດທະນາ; ເຫັນດີເປັນເອກະພາບກັນວ່າ 2 ຝ່າຍຈະສົມທົບກັນຊຸກຍູ້ການພົວພັນຮ່ວມມືໃນບັນດາຂົງເຂດທີ່ New Caledonia ແລະ ຫວຽດນາມ ມີທ່າແຮງ ແລະ ມີຄວາມຕ້ອງການ.
ຜູ້ຕາງໜ້າລັດ ແລະ ບັນດາອຳນາດການປົກຄອງ ຝະລັ່ງ ກໍ່ໄດ້ສະແດງຄວາມໄມຕີຈິດມິດໃຈ ແລະ ຕີລາຄາສູງປະຊາຄົມ ຊາວຫວຽດນາມ ຢູ່ New Caledonia, ຖືວ່າ ນີ້ແມ່ນປະຊາຄົມສາມັກຄີ, ດຸໝັ່ນ ແລະ ປະກອບສ່ວນເປັນຢ່າງດີເຂົ້າໃນການພັດທະນາຂອງປະເທດປະຈຳຖິ່ນ, ສ້າງວຽກເຮັດງານທຳຫຼາຍຢ່າງໃຫ້ແກ່ຊາວພື້ນເມືອງ ແລະ ແມ່ນປັດໄຈທີ່ມີຄວາມສາມາດບົ່ມຊ້ອນປະກອບສ່ວນໃຫ້ແກ່ການພົວພັນມິດຕະພາບ ຝະລັ່ງ - ຫວຽດນາມ; ເຫັນດີເປັນເອກະພາບຈະສ້າງເງື່ອນໄຂໃຫ້ປະຊາຄົມ ຊາວຫວຽດນາມ ມີບັນດາການເຄື່ອນໄຫວອະນຸລັກຮັກສາວັດທະນະທຳ, ເປີດຫ້ອງຮຽນພາສາ ຫວຽດນາມ ແລະ ສ້າງຕູ້ປຶ້ມພາສາ ຫວຽດນາມ... ເພື່ອໃຫ້ປະຊາຄົມໄດ້ໃກ້ຊິດກັບບ້ານເກີດເມືອງນອນກວ່າອີກ.
ທີ່ການສົນທະນາທີ່ຈັດຂຶ້ນຢູ່ສຳນັກງານຫ້ອງການການຄ້າ ແລະ ອຸດສາຫະກຳ New Caledonia, ບັນດາວິສາຫະກິດ New Caledonia ໄດ້ສະແດງຄວາມສົນໃຈໃນການຮ່ວມມືກັບ ຫວຽດນາມ, ປາດຖະໜາວ່າ ບັນດາວິສາຫະກິດ ຫວຽດນາມ ຈະເພີ່ມທະວີການລົງທຶນ ແລະ ເຊື່ອມໂຍງການຄ້າກັບ New Caledonia. ທ່ານຮອງລັດຖະມົນຕີ ນາງ ເລທິທູຮັ່ງ ໄດ້ແນະນຳບັນດາຄວາມສາມາດບົ່ມຊ້ອນ, ທ່າແຮງ, ນະໂຍບາຍດຶງດູດການລົງທຶນ, ບຸລິມະສິດພັດທະນາຂອງ ຫວຽດນາມ ໃນປະຈຸບັນ ແລະ ຢືນຢັນວ່າ ຫວຽດນາມ ພ້ອມແລ້ວທີ່ຈະສ້າງເງື່ອນໄຂ ແລະ ແບ່ງປັນປະສົບການກັບ New Caledonia ໃນການພັດທະນາການທ່ອງທ່ຽວ, ກະສິກຳ ແລະ ປຸງແຕງຜະລິດຕະພັນກະເສດ.
 | ຍສໝ - ບໍລິສັດໃຫຍ່ ເຕິນກາງ ໄຊງ່ອນ ມີຄວາມເປັນກຽດເມື່ອໄດ້ຮ່ວມເດີນທາງກັບບັນດາວິສາຫະກິດ ແລະ ອົງການລັດຖະບານໃນການເພີ່ມທະວີການເຊື່ອມຈອດ, ພັດທະນາການຂົນສົ່ງ ແລະ ຂະແໜງກະສິກຳ. |
 | ຫວຽດນາມ - ນິວຊີແລນ: ຄູ່ຮ່ວມມືຍຸດທະສາດໃນຂົງເຂດກະສິກຳ ຍສໝ - ທ່ານນາງນາຍົກລັດຖະມົນຕີ Jacinda Ardern ໃຫ້ຮູ້ວ່າ ນີ້ສືບຕໍ່ແມ່ນຂົງເຂດຈຸດສຸມຂອງສອງປະເທດ ແລະ ແມ່ນຂົງເຂດທີ່ສອງປະເທດຈະສືບຕໍ່ຊຸກຍູ້ການຄ້າ ແລະ ການຮ່ວມມື. |
ມິງດຶກ
