ຫວ່າງແລ້ວນີ້, ໃນຂອບເຂດການຢ້ຽມຢາມຫວຽດນາມ ຢ່າງເປັນທາງການ, ທ່ານນາງນາຍົກລັດຖະມົນຕີ ນິວຊີແລນ Jacinda Ardern ໄດ້ເຂົ້າຮ່ວມກອງປະຊຸມ ແລະ ງານວາງສະແດງສິນຄ້າເຊື່ອມຕໍ່ກະສິກຳ ຫວຽດນາມ - ນິວຊີແລນ (AgriConnectioNZ) ດ້ວຍຫົວຂໍ້ “ການພົວພັນຄູ່ ຮ່ວມມືຍຸດທະສາດດ້ານກະສິກຳ”.
 |
| ຫວຽດນາມ - ນິວຊີແລນ: ຄູ່ຮ່ວມມືຍຸດທະສາດໃນຂົງເຂດກະສິກຳ. |
ໂດຍເນັ້ນໜັກວ່າ ຫວຽດນາມ ແລະ ນິວຊີແລນ ລ້ວນແຕ່ມີລະບົບການຜະລິດສະບຽງອາຫານຢ່າງມີປະສິດທິຜົນ, ທ່ານນາງນາຍົກລັດຖະມົນຕີ Jacinda Ardern ໃຫ້ຮູ້ວ່າ ນີ້ສືບຕໍ່ແມ່ນຂົງເຂດຈຸດສຸມຂອງສອງປະເທດ ແລະ ແມ່ນຂົງເຂດທີ່ສອງປະເທດຈະສືບຕໍ່ຊຸກຍູ້ການຄ້າ ແລະ ການຮ່ວມມື.
ສ່ວນທ່ານລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ເລມິງຮວານ ເນັ້ນໜັກວ່າ: “ຫວຽດນາມ ພວມຜັນຂະຫຍາຍການປະຕິບັດຍຸດທະສາດພັດທະນາກະສິກຳ ແລະ ຊົນນະບົດແບບຍືນຍົງ, ໂດຍອີງໃສ່ 3 ເສົາຄ້ຳຄື: ກະສິກຳນິເວດ - ຊົນນະບົດທັນສະໄໝ - ຊາວກະສິກອນສີວິໄລ. ຂະແໜງກະສິກຳຫວຽດນາມ ພວມຜັນປ່ຽນຕາມທິດສະສົມຫຼາຍມູນຄ່າ, ຍືນຍົງ, ການປ່ອຍອາຍພິດ ແລະ ສິ່ງເສດເຫຼືອຕ່ຳ, ນຳໃຊ້ຊັບພະຍາກອນຢ່າງມີປະສິດທິຜົນ, ປົກປັກຮັກສາສິ່ງ ແວດລ້ອມທາງນິເວດວິທະຍາ... ຂະແໜງກະສິກຳຂອງ ຫວຽດນາມ ຈະສ້າງເງື່ອນໄຂສະດວກໃຫ້ບັນດາວິສາຫະກິດ ນິວຊີແລນ ລົງທຶນ ແລະ ດຳເນີນທຸລະກິດປະສົບຜົນສຳເລັດ, ຍືນຍົງ, ມີຄວາມສະໜິດຕິດພັນ ກັບຫວຽດນາມ ຢ່າງຍາວນານ.
ທີ່ເຫດການນີ້, ກໍໄດ້ດໍາເນີນພິທີລົງນາມໃນຂໍ້ຕົກລົງຮ່ວມມືໃຫຍ່ຫຼາຍສະບັບໃນຂົງເຂດກະສິກຳ, ລວມມີ: ພິທີປະກາດການສົ່ງອອກໝາກນາວ ແລະ ໝາກສົ້ມໂອຂອງ ຫວຽດນາມ ໄປຍັງ ນິວຊີແລນ, ພິທີລົງນາມໃນບົດບັນທຶກຊ່ວຍຈຳ - ຂໍ້ຕົກລົງບຸລິມະສິດຮ່ວມມືລະຫວ່າງ TH True Milk. ແລະ Waikato Milking Systems.
ບູນມີ
