 | ກອງປະຊຸມເຈົ້າຄອງນະຄອນຫຼວງອາຊຽນ ແລະ ກອງປະຊຸມເວທີເຈົ້ານະຄອນອາຊຽນ ປີ 2024 |
| 5 ກຸ່ມເປົ້າໝາຍວຽກງານຂອງ 6 ເດືອນທ້າຍປີ 2024 |
 |
| ງານມະໂຫລານອາຫານສາກົນ ປີ 2024 ໄດ້ແນະນຳກ່ຽວກັບປະເທດຊາດ ແລະ ປະຊາຊົນ ຫວຽດນາມ, ສ້າງກາລະໂອກາດໃຫ້ບັນດາວິສາຫະກິດພາຍໃນປະເທດ ໂຄສະນາບັນດາເຄື່ອງໝາຍການຄ້າ, ຜະລິດຕະພັນ ແລະ ບໍລິການຂອງຕົນເຖິງເພື່ອນມິດສາກົນ. (ພາບ: ປະຕູຖານຂໍ້ມູນຂ່າວສານເອເລັກໂຕຣນິກ ພັກກອມມູນິດ) |
ວັນທີ 8 ທັນວາ, ງານມະໂຫລານອາຫານສາກົນປີ 2024 ດ້ວຍຫົວຂໍ້ “Gastronomy of Unity - ອາຫານເຊື່ອມຕໍ່” ໄດ້ໄຂຂຶ້ນຢ່າງເປັນທາງການຢູ່ເຂດບໍລິການສະຖານທູດ ທີ່ກິມມາ, ຮ່າໂນ້ຍ. ເຫດການໂດຍການສົມທົບກັນຂອງກົມບໍລິການສະຖານທູດ - ກະຊວງການຕ່າງປະເທດ ຈັດຕັ້ງ.
ກ່າວຄຳປາໄສທີ່ພິທີໄຂ, ທ່ານ ນາງ ຫວູທິບິກງອກ - ພັນລະຍາຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ບຸ່ຍແທງເຊີນ, ປະທານກິດຕິມະສັກກຸ່ມແມ່ຍິງປະຊາຄົມ ອາຊຽນ ຢູ່ ຮ່າໂນ້ຍ (AWCH) ໃຫ້ຮູ້ວ່າ ຜົນສຳເລັດຂອງການຈັດງານ 11 ຄັ້ງຜ່ານມາ ໄດ້ປະກອບສ່ວນສ້າງເຄື່ອງໝາຍທີ່ມີຄວາມໝາຍໃຫ້ງານມະໂຫລານອາຫານສາກົນ.
ງານມະໂຫລານປີນີ້ໄດ້ເຕົ້າໂຮມ 40 ສະຖານທູດ, ບັນດາອົງການຈັດຕັ້ງສາກົນ, ພະແນກການຕ່າງປະເທດທ້ອງຖິ່ນ ແລະ 130 ກວ່າຮ້ານວາງສະແດງຂອງບັນດາວິສາຫະກິດພາຍໃນປະເທດ. ແຕ່ລະເຍື່ອງ ແລະ ລາຍການສະແດງສິລະປະບໍ່ພຽງແຕ່ນຳມາເຊິ່ງບັນດາລົດຊາດທີ່ເປັນເອກະລັກພິເສດ ເທົ່ານັ້ນ, ຫາກຍັງເລົ່າເລື່ອງກ່ຽວກັບປະຫວັດສາດ ແລະ ຄຸນຄ່າມູນເຊື້ອຂອງບັນດາປະຊາຊົນທົ່ວໂລກອີກດ້ວຍ.
ຢູ່ເຫດການນີ້, ທ່ານ ນາງ Pauline Tamesis, ຜູ້ປະສານງານຖາວອນສະຫະປະຊາຊາດ ປະຈຳ ຫວຽດນາມ ໄດ້ສະແດງຄວາມເປັນກຽດທີ່ໄດ້ເຂົ້າຮ່ວມ ແລະ ຊົມເຊີຍຜົນສຳເລັດຂອງງານມະໂຫລານອາຫານສາກົນ ຄັ້ງທີ 12. ທ່ານນາງ ໃຫ້ຮູ້ວ່າ ເຫດການນີ້ແມ່ນໂອກາດທີ່ດີເພື່ອເຊື່ອມໂຍງເຂົ້າກັບປະຊາຊົນຈາກບັນດາພື້ນຖານວັດທະນະທຳທີ່ແຕກຕ່າງກັນ, ພ້ອມກັນມ່ວນຊື່ນ ແລະ ຊົມ "ພາສາລວມ" ຂອງອາຫານ.
ດ້ວຍພື້ນຖານອາຫານທີ່ອຸດົມສົມບູນ ແລະ ຫຼາກຫຼາຍ, ທ່ານນາງ Pauline Tamesis ຖືວ່າ ຫວຽດນາມ ແມ່ນສະຖານທີ່ເໝາະສົມເພື່ອຈັດຕັ້ງງານມະໂຫລານອາຫານສາກົນ. ບັນດາເຍື່ອງອາຫານ ຫວຽດນາມ, ໂດດເດັ່ນດ້ວຍວັດຖຸດິບສົດ, ລົດຊາດທີ່ລະອຽດອ່ອນ ແລະ ເຕັກນິກການປຸງແຕ່ງທີ່ປະດິດປະດອຍ, ຈະໄດ້ຮັບການແນະນຳຢ່າງພາກພູມໃຈພ້ອມກັບບັນດາເຍື່ອງອາຫານພິເສດທີ່ມາຈາກ 60 ກວ່າປະເທດ ແລະ ເຂດແຄ້ວນ, ສ້າງເປັນຮູບພາບທັງໝົດກ່ຽວກັບສິລະປະອາຫານທົ່ວໂລກ.
ຜູ້ປະສານງານຖາວອນສະຫະປະຊາຊາດ ປະຈຳ ຫວຽດນາມ ກ່າວວ່າ ນອກຈາກ ສັນຍາລັກກ່ຽວກັບອາຫານແລ້ວ, ງານມະໂຫລານຍັງແມ່ນໂອກາດເພື່ອເພີ່ມທະວີການຮ່ວມມືສາກົນ ແລະ ແບ່ງປັນຄວາມຄິດເຫັນກ່ຽວກັບບັນດາສິ່ງທ້າທາຍທີ່ພວມເພີ່ມຂຶ້ນໃນທົ່ວໂລກ ຄືການຫັນປ່ຽນຂອງລະບົບກະສິກຳ - ສະບຽງອາຫານໃນອະນາຄົດ. ທ່ານນາງຢືນຢັນວ່າ ສະຫະປະຊາຊາດ ປະຈຳ ຫວຽດນາມ ຈະສືບຕໍ່ຮ່ວມເດີນທາງກັບລັດຖະບານ ຫວຽດນາມ ແລະ ບັນດາຝ່າຍທີ່ກ່ຽວຂ້ອງໃນບັນຫາການຫັນປ່ຽນລະບົບກະສິກຳ - ສະບຽງອາຫານ.
ທີ່ພິທີເປີດ, ບັນດາພັນລະຍາ ແລະ ການນໍາກະຊວງການຕ່າງປະເທດ ແລະ ສະຫະປະຊາຊາດ ປະຈໍາ ຫວຽດນາມ ໄດ້ມອບຫຼຽນກາລະນຶກ ແລະ ຈົດໝາຍຂອບໃຈໃຫ້ແກ່ຜູ້ຕາງໜ້າບັນດາຜູ້ອຸປະຖໍາ, ຮ້ານວາງສະແດງ ແລະ ຢ້ຽມຊົມບັນດາຮ້ານວາງສະແດງ.
 | 4 ບຸກທະລຸ ແລະ 5 ໜ້າທີ່ຂອງ VUFO ໃນປີ 2024 ຍສໝ - ວັນທີ 4 ມັງກອນ, ຢູ່ຮ່າໂນ້ຍ, ສະຫະພັນບັນດາອົງການມິດຕະພາບຫວຽດນາມ (VUFO) ໄດ້ຈັດຕັ້ງກອງປະຊຸມພະນັກງານ, ລັດຖະກອນ, ຜູ້ອອກແຮງງານ; ສະຫຼຸບວຽກງານໃນປີ 2023 ແລະ ຜັນຂະຫຍາຍວຽກງານໃນປີ 2024. |
 | ຄ່ຳຄືນພົບປະແລກປ່ຽນສິລະປະສາກົນ ຕ້ອນຮັບປີໃໝ່ 2024: ເຊື່ອມຕໍ່ ແລະ ແຜ່ກະຈາຍຄວາມຮັກແພງ ຮ່າໂນ້ຍ ຍສໝ - ງານພົບປະແລກປ່ຽນສິລະປະສາກົນຕ້ອນຮັບປີໃໝ່ 2024 ແມ່ນໂອກາດເພື່ອໂຄສະນາຮູບພາບນະຄອນຫຼວງ ຮ່າໂນ້ຍ - ນະຄອນເພື່ອສັນຕິພາບ, ນະຄອນອະລິຍະທຳ - ສີວິໄລ - ທັນສະໄໝ ໄປເຖິງເພື່ອນມິດສາກົນ. |
ແທັງຮັ່ງ
