| ຄວາມຈັບອົກຈັບໃຈຈາກງານບຸນຊ້າງ 2024 ຢູ່ລາວ | |
| ມີຫຼາຍກິດຈະກຳຕ້ອນຮັບປີໃໝ່ 2024 ຢູ່ຫວຽດນາມ |
ທີ່ກອງປະຊຸມ, ທ່ານປະທານ VUFO ຟ້ານແອງເຊີນ ໃຫ້ຮູ້ວ່າ 4 ບຸກທະລຸ ໃນປີ 2024 ຂອງລະບົບຄື: ຍົກສູງປະສິດທິຜົນວຽກງານ; ປ່ຽນໃໝ່ປະດິດສ້າງໃນການຜັນຂະຫຍາຍບັນດາການເຄຶ່ອນໄຫວການຕ່າງປະເທດ; ຍົກສູງຊີວິດທາງດ້ານວັດຖຸຂອງພະນັກງານ, ລັດຖະກອນ, ຜູ້ອອກແຮງງານ; ກໍ່ສ້າງມາດຖານຂອງຜູ້ເຮັດວຽກງານການທູດປະຊາຊົນສະເພາະ.
ກ່ຽວກັບໜ້າທີ່ປີ 2024, ທ່ານກ່າວວ່າ: ອົງການສະຫະພັນຈະຫັນເປັນທັນສະໄໝມຸ່ງໄປເຖິງການຫັນເປັນດີຈີຕອນຢ່າງແຮງ; ກໍ່ສ້າງ “ແຜນກ່ຽວກັບບັນດາຂະບວນການປະຊາຊົນ ແລະ ຂະບວນການສັງຄົມໃນໂລກ”; ປະດິດສ້າງວິທີການເຄື່ອນໄຫວຂອງບັນດາສະມາຄົມສະມາຊິກຢູ່ຂັ້ນສູນກາງ ແລະ ທ້ອງຖິ່ນ; ໄດ້ຈັດຕັ້ງກອງປະຊຸມການທູດປະຊາຊົນແຫ່ງຊາດ, ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 7 ອາຍຸການ 2024-2029 ແລະ ກອງປະຊຸມສາກົນຄັ້ງທີ 5 ກ່ຽວກັບການຮ່ວມມືລະຫວ່າງຫວຽດນາມ ແລະ ບັນດາອົງການບໍ່ຂຶ້ນກັບລັດຖະບານຕ່າງປະເທດ; ສືບຕໍ່ເຮັດວຽກງານບຳລຸງສ້າງ ແລະ ບຳລຸງພະນັກງານໃຫ້ເປັນຢ່າງດີ.
 |
ທ່ານປະທານ VUFO ຟ້ານແອງເຊີນ ກ່າວຄຳປາໄສທີ່ກອງປະຊຸມ |
ໃນປີ 2024, VUFO ຈະເປີດສະຫຼອງເຮືອນທີ່ລະນຶກຢູ່ຕາແສງ ດຽມມັກ, ເມືອງ ດິ້ງຮວ້າ, ແຂວງ ຖາຍຫງ່ວຽນ ເພື່ອສະເຫຼີມສະຫຼອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 7.
ການປ່ຽນແປງໃໝ່ໃນຫຼາຍຂົງເຂດທີ່ສໍາຄັນ
ຕາມບົດລາຍງານສະຫຼຸບວຽກງານໃນປີ 2023 ໂດຍທ່ານຮອງປະທານ VUFO ຫງວຽນຫງອກຮຸ່ງ ກ່າວຢູ່ກອງປະຊຸມວ່າ: ປີ 2023 ເສດຖະກິດໂລກຊຸດໂຊມລົງ, ສະພາບການໂລກປ່ຽນໄປຕາມທິດຫຼາຍຂົ້ວ, ຫຼາຍສູນ ແລະ ຫຼາຍຊັ້ນຂັ້ນ; ການແກ່ງແຍ່ງ, ການປະທະກັັນພ້ອມທັງຜົນສະທ້ອນທີ່ບໍ່ສາມາດຄາດເດົາໄດ້ມີຜົນກະທົບຢ່າງຫຼວງຫຼາຍຕໍ່ວຽກງານການທູດປະຊາຊົນໃນປະເທດ. ໃນສະພາບການນັ້ນ, ລະບົບ VUFO ໄດ້ມີການປ່ຽນແປງໃຫຍ່ໃນຫຼາຍດ້ານ. ພົ້ນເດັ່ນ ແມ່ນການກໍ່ສ້າງລະບົບ, ຖັນແຖວ; ຄຸນນະພາບຂອງການເຄື່ອນໄຫວ, ວຽກງານຄົ້ນຄ້ວາ, ປະກອບຄຳເຫັນ, ປະກອບສ່ວນຢ່າງຕັ້ງໜ້າເຂົ້າໃນການກໍ່ສ້າງພື້ນຖານການທູດທີ່ຮອບດ້ານ, ທັນສະໄໝ. ບົດບາດ, ຖານະ, ອິດທິພົນຂອງການພົວພັນທາງການທູດປະຊາຊົນ ແລະ VUFO ແມ່ນນັບມື້ນັບໄດ້ຮັບການປັບປຸງ. ໂດຍໄດ້ຮັບການຮັບຮູ້ ແລະ ຕີລາຄາສູງຈາກບັນດາການນຳພັກ ແລະ ລັດ, ໄດ້ຮັບຄວາມໄວ້ເນື້ອເຊື່ອໃຈຈາກບັນດາເພື່ອນມິດຄູ່ຮ່ວມມື.
ໝາກຜົນພົ້ນເດັ່ນແມ່ນ VUFO ຕັ້ງໜ້າ, ເປັນເຈົ້າການເຂົ້າຮ່ວມການເຄື່ອນໄຫວການຕ່າງປະເທດຂັ້ນສູງຂອງພັກ ແລະ ລັດ; ປ່ຽນແປງໃໝ່, ຍົກສູງປະສິດທິຜົນການເຄື່ອນໄຫວການທູດປະຊາຊົນ 2 ຝ່າຍ ແລະ ຫຼາຍຝ່າຍ.
VUFO ໄດ້ເປັນເຈົ້າການເພີ່ມທະວີການເຊື່ອມຕໍ່, ໜູນຊ່ວຍບັນດາອົງການທີ່ບໍ່ຂຶ້ນກັບລັດຖະບານຕ່າງປະເທດ, ເພີ່ມທະວີການພົວພັນລະຫວ່າງບັນດາອົງການປະຈຳ VUFO ກັບບັນດາອົງການຈັດຕັ້ງຢ່າງເລິກເຊິ່ງ; ໜູນຊ່ວຍບັນດາກະຊວງ, ຂະແໜງການ, ທ້ອງຖິ່ນໃນຂົງເຂດວຽກງານບໍ່ຂຶ້ນກັບລັດຖະບານຕ່າງປະເທດ ໂດຍຜ່ານການຊຸກຍູ້ການແລກປ່ຽນຂໍ້ມູນຂ່າວສານ, ການເຊື່ອມຕໍ່, ໜູນຊ່ວຍບັນດາທ້ອງຖິ່ນ, ບັນດາກະຊວງ, ຂະແໜງການ...
ໃນວຽກງານຂໍ້ມູນຂ່າວສານການພົວພັນຕ່າງປະເທດ, ປ່ຽນແປງໃໝ່ເນື້ອໃນ ແລະ ຮູບພາບຂອງເວັບໄຊ ແລະ fanpage ຂອງ VUFO ໃນທິດທາງທີ່ທັນສະໄໝ, ນຳໃຊ້ເຕັກໂນໂລຢີສື່ສານໃໝ່ເຊັ່ນ infographics, e-magazines ແລະ ເຕັກໂນໂລຢີທີ່ເຂົ້າເຖິງຜູ້ອ່ານ; ສ້າງ ແລະ ເຄື່ອນໄຫວທົດລອງເວັບໄຊທ໌ສັງຄົມ X (Twitter). ຜະລິດຕະພັນສື່ມວນຊົນຂອງ VUFO ມີຫຼາຍການປ່ຽນແປງໃໝ່ທາງດ້ານເນື້ອໃນ ແລະ ຮູບແບບຂໍ້ມູນຂ່າວສານ, ປະຕິບັດດີທິດນຳ “ຖືກຕ້ອງ, ທັນການ, ມີຊີວິດຊີວາ, ເໝາະສົມກັບແຕ່ລະເປົ້າໝາຍ” ໃຫ້ເປັນຢ່າງດີ.
ຄຸນນະພາບຂອງວຽກງານປະກອບຄຳເຫັນ, ຄົ້ນຄວ້າສືບຕໍ່ໄດ້ຮັບການຍົກສູງ ເຊິ່ງສະແດງອອກຄື: ການຈັດຕັ້ງເອົາຄວາມຄິດເຫັນ ແລະ ສ້າງຍຸດທະສາດພັດທະນາ VUFO ຮອດປີ 2030; ເລີ່ມຕົ້ນຫົວເລື່ອງຄົ້ນຄວ້າຂັ້ນລັດກ່ຽວກັບບົດບາດ, ໜ້າທີ່ຂອງ VUFO; ສືບຕໍ່ຮັກສາຄວາມຫຼາຍຮູບແບບຂອງກິດຈະກໍາທາງວິຊາການ (ການໂອ້ລົມສົນທະນາ, ລາຍງານບັນຫາກຫົວຂໍ້ສະເພາະ, ການຄົ້ນຄວ້າ ... ). ເຂົ້າຮ່ວມການປະກອບສ່ວນໃຫ້ບັນດາທິດທາງສຳຄັນ, ຍຸດທະສາດ ແລະ ນະໂຍບາຍກ່ຽວກັບວຽກງານການພົວພັນຕ່າງປະເທດຢ່າງມີຄຸນນະພາບ; ສ້າງບົດລາຍງານເສນາທິການແກ້ໄຂຄວາມຫຍຸ້ງຍາກ, ອຸປະສັກໃນການພົວພັນຮ່ວມມືລະຫວ່າງຫວຽດນາມ ແລະ ບັນດາປະເທດ...
ໃນການກໍ່ສ້າງ ແລະ ພັດທະນາລະບົບ, ສືບຕໍ່ຈັດຕັ້ງບັນດາຄະນະເຮັດວຽກກັບທ້ອງຖິ່ນ ເພື່ອຊຸກຍູ້ການເຄື່ອນໄຫວການທູດປະຊາຊົນ ເວົ້າລ່ວມ ແລະ ການເຄື່ອນໄຫວຂອງ VUFO ກັບບັນດາທ້ອງຖິ່ນ ເວົ້າສະເພາະ. ໃນຊຸມປີມໍ່ໆມານີ້ ມີສະຫະພັນທ້ອງຖິ່ນ 15 ແຫ່ງ ແລະ ອົງການສະມາຊິກສູນກາງ 5 ອົງການ ໄດ້ຈັດຕັ້ງກອງປະຊຸມໃຫຍ່ປະຈຳໄລຍະ. ສະມາຄົມມິດຕະພາບທ້ອງຖິ່ນຫຼາຍແຫ່ງໄດ້ຮັບການສ້າງຕັ້ງໃໝ່. ນອກຈາກນັ້ນ, VUFO ຍັງໄດ້ອອກ ແລະ ປັບປຸງ 4 ລະບຽບການເຮັດວຽກ; ປັບປຸງກົງຈັກຂອງອົງການປະຈຳ; ຍົກສູງຄວາມສາມາດຂອງພະນັກງານໂດຍຜ່ານການແລກປ່ຽນຂໍ້ມູນຂ່າວສານ, ການໂອ້ລົມສົນທະນາ, ກອງປະຊຸມສຳມະນາປະຈຳໄລຍະ, ບົດລາຍງານຫົວຂໍ້ສະເພາະ, ການຝຶກອົບຮົມ...
ມິງດຶກ
