ເຂດຊາຍແດນ ຫວຽດນາມ-ລາວ ທີ່ໝັ້ນແກ່ນ ປັບປຸງການຮ່ວມມືດ້ານປ້ອງກັນຊາດຫວຽດນາມ-ລາວ

	ການ​ນຳ​ລາວ ​ໄດ້​ຕີ​ລາຄາ​ສູງ​ການ​ຮ່ວມ​ມື​ໃນຂົງເຂດການແພດທະຫານ​ລະຫວ່າງ​ຫວຽດນາມ ​ແລະ ລາວ
	ຫວຽດນາມ - ລາວ: ກໍ່ສ້າງອຸດົມການຮ່ວມກັນ: ການຮ່ວມມືດ້ານອຸດົມຄະຕິ ແລະ ທິດສະດີ ແລະ ກໍ່ສ້າງພັກແມ່ນຫຼັກໝັ້ນຂອງການພົວພັນທາງການເມືອງ ຫວຽດນາມ - ລາວ.

ພ້ອມກັບວຽກງານສົມທົບກັນປົກປັກຮັກສາຊາຍແດນ, ຮັບປະກັນຄວາມໝັ້ນຄົງດ້ານການເມືອງໃຫ້ແກ່ການພັດທະນາ, ບັນດາກຸ່ມບ້ານ ແລະກໍາລັງປ້ອງກັນຊາຍແດນຢູ່ແຂວງກວ໋າງບິ່ງ ແລະບັນດາທ້ອງຖິ່ນຂອງລາວ ໄດ້ມີການແຮກສ່ຽວຢ່າງແໜ້ນແຟ້ນ, ເຕັມໄປດ້ວຍໄມຕີຈິດມິດຕະພາບ ຫວຽດນາມ-ລາວ

ປົກປັກຮັກສາຊາຍແດນ ໄວ້ໃຫ້ຢ່າງໝັ້ນແກ່ນ

ເທື້ອງແຈກ ແມ່ນຕາແສງຊາຍແດນຂອງເມືອງໂບ໋ແຈກ (ແຂວງກວ໋າງບິ່ງ), ດ້ວຍຂໍ້ຈໍາກັດຫຼາຍຢ່າງໃນເງື່ອນໄຂພັດທະນາເສດຖະກິດ-ສັງຄົມ ທັງໃນການດໍາລົງຊີວິດປະຈໍາວັນ. ພິເສດ, ຫຼາຍກຸ່ມບ້ານຢູ່ທີ່ນີ້ບໍ່ທັນມີໄຟຟ້າສະນັ້ນການດໍາລົງຊີວິດຍັງປະສົບຄວາມຫຍຸ້ງຍາກ, ສິ່ງຈຳກັດ, ກໍຄືຊ້ອນແຝງຄວາມສ່ຽງດ້ານຄວາມໝັ້ນຄົງ, ສະຖຽນລະພາບ, ຄວາມເປັນລະບຽບຮຽບຮ້ອຍໃນສັງຄົມ.

ເຖິງຢ່າງໃດກໍຕາມ, ດ້ວຍຄວາມສະໜິດຕິດພັນອັນໜັກແໜ້ນລະຫວ່າງບັນດາກໍາລັງຢູ່ສອງຟາກຊາຍແດນ ຫວຽດນາມ-ລາວ ກໍຄືບັນດາກຸ່ມຊຸມຊົນ, ຄວາມສະຫງົບໃນໝູ່ບ້ານຕິດກັບເຂດຊາຍແດນຍັງໄດ້ຮັບການຮັກສາໄວ້ເປັນປົກກະຕິ.

ປະຊາຊົນຕາແສງເທື້ອງແຈກ ມີນໍ້າສະອາດຍ້ອນມີການຊ່ວຍເຫຼືອຂອງສັງຄົມ ແລະບັນດາກໍາລັງ. ພາບ: daibieunhandan.vn

ທ່ານ ອີ ກວຽດ ຊາວບ້ານກາຣອງ ໃຫ້ຮູ້ວ່າ: “ພວກຂ້າພະເຈົ້າ ຢູ່ທີ່ນີ້ ມີ 2 ລະດູ, ຍາມໜໍ່ໄມ້ປົ່ງ ກໍ່ໄປເກັບໜໍ່ໄມ້ມາຂາຍໃຫ້ສະຫະກອນ; ລະດູອື່ນກໍ່ເຮັດໄມ້ຟອຍ ຫຼື ສານຫຍິບປັກຖັກແສ່ວ ແລະສານເຄື່ອງຂອງຫາເງິນລ້ຽງຊີບ. ມີພັກ, ລັດ ແລະທະຫານ, ຕໍາຫຼວດ, ສະນັ້ນຍາມໃດໝູ່ບ້ານກໍມີຄວາມສະຫງົບສຸກ ເພື່ອທໍາມາຫາກິນ, ມີໄຟຟ້າ, ນໍ້າປະປາ”, ພິເສດ, ໃນໄລຍະຈະມາເຖິງ, ທະຫານຊາຍແດນແຂວງກວ໋າງບິ່ງ ຈະພ້ອມກັບກອງບັນຊາການທະຫານແຂວງຄໍາມ່ວນ ລົງນາມແຮກສ່ຽວກຸ່ມບ້ານ ແລະກໍາລັງປ້ອງກັນຊາຍແດນສອງຝ່າຍ, ສືບຕໍ່ຮັກສາຄວາມສະຫງົບສຸກຢູ່ເຂດຊາຍແດນ. ບໍ່ສະເພາະຕາແສງເທື້ອງແຈກ, ບັນດາທ້ອງຖິ່ນຂອງແຂວງກວ໋າງບິ່ງ ຢູ່ຕິດກັບຊາຍແດນຫວຽດນາມ-ລາວ, ບັນດາກໍາລັງສອງປະເທດຍາມໃດກໍຕັ້ງໜ້າຮັບປະກັນຄວາມໝັ້ນຄົງດ້ານການເມືອງ ແລະການຄຸ້ມຄອງ, ປົກປັກຮັກສາຊາຍແດນ, ດ່ານຊາຍແດນ, ຕໍ່ສູ້ຕ້ານ ແລະສະກັດກັ້ນອາດຊະຍາກໍາ.

ໃນປີ 2024, ທະຫານຊາຍແດນແຂວງກວ໋າງບິ່ງ ແລະກອງບັນຊາການປ້ອງກັນຄວາມສະຫງົບແຂວງສະຫວັນນະເຂດ ໄດ້ເພີ່ມທະວີການສົມທົບກັນ, ສ້າງກໍາລັງແຮງສັງລວມໃນການຄຸ້ມຄອງ, ປົກປັກຮັກສາອະທິປະໄຕຜືນແຜ່ນດິນ, ຄວາມສະຫງົບຢູ່ເຂດຊາຍແດນຂອງສອງແຂວງ, ສອງປະເທດ; ຮັກສາ ແລະເສີມຂະຫຍາຍການພົວພັນສາມັກຄີມິດຕະພາບທີ່ເປັນມູນເຊື້ອ, ການຮ່ວມມື ແລະພັດທະນາໃຫ້ເປັນຢ່າງດີ.

ຜູ້ຕາງໜ້າກອງບັນຊາການທະຫານຊາຍແດນແຂວງກວ໋າງບິ່ງ ໃຫ້ຮູ້ວ່າ, ປະຕິບັດວຽກງານສົມທົບກັນໃນໄລຍະຈະມາເຖິງ, ກໍາລັງສອງປະເທດ ສືບຕໍ່ເປັນເອກະພາບປະຕິບັດເນື້ອໃນຂໍ້ຕົກລົງຮ່ວມມືທຸກຂັ້ນລະຫວ່າງສອງກໍາລັງຢ່າງມີປະສິດທິຜົນ; ຍູ້ແຮງການໂຄສະນາເຜີຍແຜ່ໃຫ້ປະຊາຊົນສອງຟາກຊາຍແດນ ປະຕິບັດສັນຍາວ່າດ້ວຍກົດລະບຽບຊາຍແດນ ແລະດ່ານຊາຍແດນ, ຊາຍແດນທາງບົກ ຫວຽດນາມ-ລາວ ໃຫ້ເປັນຢ່າງດີ; ກໍາແໜ້ນ ແລະແລກປ່ຽນຂໍ້ມູນຂ່າວສານກ່ຽວກັບສະພາບການເຄື່ອນໄຫວຂອງອາດຊະຍາກໍາປະເພດຕ່າງໆທີ່ກ່ຽວຂ້ອງຢູ່ສອງຟາກຊາຍແດນ, ຄົ້ນພົບຢ່າງທັນການ ແລະສະກັດກັ້ນເປົ້າໝາຍຂ້າມຊາຍແດນເຂົ້າອອກເມືອງຜິດກົດໝາຍ; ກໍານົດ ແລະຕໍ່ສູ້ຕ້ານບັນດາຄະດີກ່ຽວກັບຢາເສບຕິດ, ການຄ້າມະນຸດຂ້າມຊາຍແດນຢ່າງມີປະສິດທິຜົນ; ເປັນເສນາທິການໃຫ້ອໍານາດການປົກຄອງສອງແຂວງຜັນຂະຫຍາຍບັນດາໂຄງການພັດທະນາເສດຖະກິດ-ສັງຄົມ ຕິດພັນກັບໜ້າທີ່ປ້ອງກັນຊາດ, ປ້ອງກັນຄວາມສະຫງົບໃນບໍລິເວນຊາຍແດນຢ່າງມີປະສິດທິຜົນ; ຮັກສາຄວາມສາມັກຄີມິດຕະພາບລະຫວ່າງສອງກໍາລັງ, ອໍານາດການປົກຄອງ ແລະປະຊາຊົນສອງຟາກຊາຍແດນ.

ໃນຫຼາຍປີຜ່ານມາ, ບັນດາໂຄງການຂອງທະຫານຊາຍແດນ ໄດ້ສ້າງຄວາມເບີກບານມ່ວນຊື່ນ, ການປ່ຽນແປງໃໝ່ຢູ່ເຂດຊາຍແດນສອງຝ່າຍ. ໃນນັ້ນ, ໂຄງການ “ແສງໄຟຟ້າເຂດຊາຍແດນ” ໄດ້ສ້າງການປ່ຽນແປງໃໝ່ໃຫ້ການດໍາລົງຊີວິດ ກໍຄືຈິດໃຈຂອງປະຊາຊົນທຸກຊັ້ນວັນນະ. ພິເສດ, ສໍາລັບຕາແສງເທື້ອງແຈກ ເຊິ່ງເປັນໜຶ່ງໃນບັນດາຕາແສງສຸດທ້າຍຂອງແຂວງກວ໋າງບິ່ງ ພຽງແຕ່ມີໄຟຟ້າຢູ່ເຂດໃຈກາງເທົ່ານັ້ນ, ສ່ວນຢູ່ບໍລິເວນອ້ອມຂ້າງໄຟຟ້າຍັງບໍ່ມາເທື່ອ, ບັນດາໂຄງການແສງໄຟຟ້າແມ່ນສິ່ງທີ່ຈໍາເປັນ ແລະມີຄວາມໝາຍເຊິ່ງກໍາລັງປ້ອງກັນຊາຍແດນ ນໍາມາໃຫ້.

ພ້ອມກັບເນື້ອໃນທີ່ລົງນາມແຮກສ່ຽວກຸ່ມບ້ານ ແລະກໍາລັງປ້ອງກັນຊາຍແດນລະຫວ່າງທະຫານຊາຍແດນແຂວງກວ໋າງບິ່ງ ແລະກອງບັນຊາການທະຫານແຂວງຄໍາມ່ວນ, ບັນດາກໍາລັງຈະມອບບັນດາກິດຈະກຳ ຄື: “ກຸ່ມໂທລະໂຄ່ງ”, “ແສງໄຟຟ້າເຂດຊາຍແດນ” ໃຫ້ພໍ່ແມ່ປະຊາຊົນສອງຟາກຊາຍແດນໃນທ້າຍປີ 2024. ໄປຄຽງຄູ່ກັບການຮ່ວມເດີນທາງພ້ອມກັບທະຫານຊາຍແດນໃນວຽກງານປົກປັກຮັກສາປະເທດຊາດ, ພໍ່ແມ່ປະຊາຊົນຢູ່ເຂດຊາຍແດນ ກໍຍົກສູງຄວາມຮັບຮູ້, ສະຕິປະຕິບັດກົດໝາຍຜ່ານການເຄື່ອນໄຫວໂຄສະນາເຜີຍແຜ່ກົດໝາຍເປັນປະຈຳ.

ໂຄສະນາເຜີຍແຜ່ກົດໝາຍໃຫ້ປະຊາຊົນສອງຟາກຊາຍແດນ. ພາບ: daibieunhandan.vn

ຄຽງຂ້າງການແລກປ່ຽນແບບລວມສູນ, ດ້ວຍທິດນໍາ “ຝົນລິນດິນຊຸ່ມດົນ”, ພະນັກງານ, ອໍານາດການປົກຄອງ ແລະທະຫານຊາຍແດນ ກໍໄດ້ພົບປະໂອ້ລົມ, ແລກປ່ຽນກັບພໍ່ແມ່ປະຊາຊົນຈາກເນື້ອໃນຕົວຈິງ. ຜ່ານນັ້ນ, ປະກອບສ່ວນນໍາກົດໝາຍເຂົ້າສູ່ຊີວິດ, ຍົກສູງຄວາມຮັບຮູ້, ສະຕິປະຕິບັດກົດໝາຍໃຫ້ແກ່ພະນັກງານ ແລະພໍ່ແມ່ປະຊາຊົນໃນບໍລິເວນຊາຍແດນ, ຈາກນັ້ນຮັກສາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍ, ຄວາມປອດໄພໃນສັງຄົມ, ກໍ່ສ້າງເຂດຊາຍແດນໃຫ້ໝັ້ນຄົງເຂັ້ມແຂງຮອບດ້ານ, ໄດ້ຮັບຄວາມເຊື່ອໝັ້ນ, ພ້ອມກັບທະຫານຊາຍແດນປົກປັກຮັກສາອະທິປະໄຕຜືນແຜ່ນດິນຄວາມໝັ້ນຄົງຢູ່ຊາຍແດນແຫ່ງຊາດໄວ້ຢ່າງໝັ້ນຄົງ.

ເຈົ້າກົກເຈົ້າເຫຼົ່າ ຮວ່າງຄໍາ, ບ້ານໃໝ່, ຕາແສງເລິມຖຸຍ, ເມືອງເລ້ຖຸຍ, ແຂວງກວ໋າງບິ່ງ ແບ່ງປັນວ່າ: “ບັນດາພະນັກງານ ໄດ້ອະທິບາຍໃຫ້ພໍ່ແມ່ປະຊາຊົນເຂົ້າໃຈກ່ຽວກັບການແຕ່ງງານທີ່ຍັງບໍ່ທັນຮອດກະສຽນອາຍຸ, ການແຕ່ງງານໃນເຊື້ອສາຍດຽວກັນ ກໍຄືເນື້ອໃນກ່ຽວກັບກົດໝາຍວ່າດ້ວຍທະຫານຊາຍແດນຫວຽດນາມ, ກົດໝາຍລະຫວ່າງຊາຍແດນ, ກົດໝາຍວ່າດ້ວຍພົນລະເຮືອນ... ຕິດພັນກັບການດໍາລົງຊີວິດ, ສະນັ້ນ ພໍ່ແມ່ປະຊາຊົນເຂົ້າໃຈແລ້ວປະຕິບັດຢ່າງເຂັ້ມງວດ. ຖ້າຫາກມີກໍລະນີລະເມີດກົດໝາຍຈະແຈ້ງໃຫ້ທະຫານຊາຍແດນ ແລະອໍານາດການປົກຄອງທ້ອງຖິ່ນແກ້ໄຂຢ່າງທັນການ, ເພື່ອໃຫ້ໝູ່ບ້ານມີຄວາມສະຫງົບສຸກ, ເບີກບານມ່ວນຊື່ນ”.

ທ່ານນາງ ຄຳເພົາ ເອີນທະວັນ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປປ ລາວ ປະຈຳ ຫວຽດນາມ: ບໍ່ມີໄຊຊະນະໃດທີ່ບໍ່ມີການເສຍສະຫຼະ ແລະການປະກອບສ່ວນຂອງທະຫານອາສາສະໝັກຫວຽດນາມ ຍສໝ - ປະຫວັດສາດຂອງການພົວພັນສາກົນມີການພົວພັນຮ່ວມມື, ເປັນພັນທະມິດ, ສະໜັບສະໜູນເຊິ່ງກັນ ແລະກັນ ເພື່ອຄວາມຄົງຕົວ ແລະຂະຫຍາຍຕົວຂອງປະເທດຕົນໃນດ້ານຕ່າງໆເປັນຕົ້ນດ້ານການເມືອງ, ຄວາມໝັ້ນຄົງເສດຖະກິດ, ການຄ້າ, ການລົງທຶນ ແລະວັດທະນະທຳສັງຄົມ, ແຕ່ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ, ການຮ່ວມມືຮອບດ້ານ ລາວ-ຫວຽດນາມ ແມ່ນສາຍພົວພັນແບບພິເສດມີໜຶ່ງບໍ່ມີສອງຢູ່ໃນໂລກ ຊຶ່ງເປັນກົດເກນແຫ່ງການເພີ່ມທະວີການພົວພັນຮ່ວມມືສອງຝ່າຍເຂົ້າສູ່ລວງເລິກ ແລະລວງກວ້າງ.

ປະທານປະເທດຫວຽດນາມ ໄປຢ້ຽມຢາມສະຖານທູດ ແລະພົບປະໂອ້ລົມກັບປະຊາຄົມຊາວຫວຽດນາມ ຢູ່ ລາວ, ຢ້ຽມຢາມໂຮງຮຽນສອງພາສາ ລາວ - ຫວຽດນາມ ຫງວຽນຢູ ຍສໝ - ທ່ານປະທານປະເທດ ໄດ້ຢ້ຽມຢາມຖາມຂ່າວປະຊາຊົນດ້ວຍຄວາມອົບອຸ່ນ ແລະຢືນຢັນວ່າ ພັກ, ລັດຍາມໃດກໍ່ເອົາໃຈໃສ່ເຖິງຍາດຕິພີ່ນ້ອງຮ່ວມຊາດຢູ່ຕ່າງປະເທດ...