 | ຕັ້ງໜ້າຊອກຫາ, ທ້ອນໂຮມ ແລະ ສົ່ງອັດຖິຂອງນັກຮົບເສຍສະຫຼະຊີວິດເພື່ອຊາດ ຫວຽດນາມ ຢູ່ ລາວ ກັບຄືນເມືອບ້ານເກີດເມືອງນອນ |
| ຄະນະເຮັດວຽກພິເສດແຂວງເທື່ອທຽນເຫ້ວ ໄດ້ພົບປະກັບຄະນະສະເພາະແຂວງເຊກອງ - ລາວ |
 |
| ໃນລະດູແລ້ງປີ 2024 – 2025, ກອງເຕົ້າໂຮມອັດຖິນັກຮົບເສຍສະຫຼະຊີວິດເພື່ອຊາດຂອງກອງບັນຊາການທະຫານແຂວງ ເງ້ອານ ໄດ້ມອບໜ້າທີ່ຊອກຫາ ແລະ ເຕົ້າໂຮມຂຸມຝັງສົບນັກຮົບອາສາສະໝັກ ແລະ ນັກຊ່ຽວຊານ ຫວຽດນາມ ທີ່ເສຍສະຫຼະຊີວິດຢູ່ປະເທດເພື່ອນ ລາວ ຢູ່ບໍລິເວນ 3 ແຂວງຄື: ຊຽງຂວາງ , ໄຊສົມບູນ ແລະ ວຽງຈັນ. |
 |
| ແຕ່ລະປີ, ກອງເຕົ້າໂຮມມີປະມານ 80 ຄົນເປັນພະນັກງານ, ນາຍທະຫານໄປປະຕິບັດໜ້າທີ່ຢູ່ ລາວ. ຍ້ອນສະພາບດິນຟ້າອາກາດ, ການຊອກຫາຂຸມຝັງສົບຂອງນັກຮັບເສຍສະຫຼະຊີວິດເພື່ອຊາດໄດ້ເລີ່ມຂຶ້ນໃນເດືອນ ຕຸລາ ແລະ ສິ້ນສຸດລົງໃນເດືອນ ມິຖຸນາ ຂອງປີຕໍ່ໄປ. |
 |
| ຕາມບັນດາພະນັກງານ ແລະ ນາຍທະຫານແລ້ວ, ປະຈຸບັນ, ການຊອກຄົ້ນຂຸມຝັງສົບຂອງນັກຮົບເສຍສະຫຼະຊີວິດເພື່ອຊາດຢູ່ ລາວ ປະສົບກັບຄວາມຫຍຸ້ງຍາກຫຼາຍຢ່າງ. ສ່ວນໜຶ່ງແມ່ນຍ້ອນດິນຟ້າອາກາດ, ສ່ວນໜຶ່ງແມ່ນຍ້ອນເຂດດັ່ງກ່າວຕົ້ນຕໍແມ່ນພູຜາປ່າໄມ້ທີ່ຮົກເຮື້ອ. ແຜນວາດ, ແຜນທີ່ ແລະ ສະຖານທີ່ການສູ້ຮົບບໍ່ຖືກຕ້ອງເນື່ອງຈາກການປ່ຽນແປງທາງພູມສັນຖານຕົວຈິງ. ຄຽງຂ້າງນັ້ນ, ຂຸມຝັງສົບໄດ້ຖືກກະແຈກກະຈາຍ ແລະ ປະຊາຊົນມີຂໍ້ມູນພຽງເລັກນ້ອຍກ່ຽວກັບສະຖານທີ່ຂອງຂຸມຝັງສົບ, ເຮັດໃຫ້ການຄົ້ນຫາມີຄວາມຫຍຸ້ງຍາກ. |
 |
| ຢູ່ຫຼາຍແຫ່ງ, ເຂດຫີນມີຄວາມຫຍຸ້ງຍາກຫຼາຍຢ່າງ, ພະນັກງານ ແລະ ນາຍທະຫານຕ້ອງຂຸດເລິກ 1-2 ແມັດ ເພື່ອສາມາດເກັບເອົາອັດຖິຂອງນັກຮົບເສຍສະຫຼະຊີວິດເພື່ອຊາດໄດ້. |
 |
| ບັນດາວັດຖຸທີ່ພົບເຫັນໄດ້ຫຼາຍທີ່ສຸດນຳອັດຖິຂອງນັກຮົບຜູ້ເສຍສະຫຼະຊີວິດເພື່ອຊາດແມ່ນປືນ, ຖ້ວຍ, ຜ້າຫົ່ມ, ເປ... ພາຍຫຼັງຫຼາຍທົດສະວັດທີ່ນອນຢູ່ໃຕ້ດິນເລິກ, ແຕ່ວັດຖຸຫຼາຍອັນຍັງຄົງຢູ່ຢ່າງຄົບຖ້ວນ. |
 |
| ໃນໄລຍະຊອກຫາລະດູແລ້ງ 2024-2025, ກອງເຕົ້າໂຮມອັດຖິຂອງກອງບັນຊາການທະຫານແຂວງ ເງ້ອານ ໄດ້ຊອກຄົ້ນ ແລະ ເຕົ້າໂຮມອັດຖິຂອງນັກຮົບເສຍສະລະເພື່ອຊາດ ແລະ ນັກຊ່ຽວຊານ ຫວຽດນາມ 9 ທ່ານທີ່ເສຍສະຫຼະຊີວິດຢູ່ປະເທດ ລາວ. |
 |
| ຄຽງຂ້າງກັບການປະຕິບັດໜ້າທີ່ຂອງຕົນໃນການຊອກຄົ້ນ ແລະ ເຕົ້າໂຮມຂຸມຝັງສົບຂອງນັກຮົບເສຍສະຫຼະຊີວິດເພື່ອຊາດແລ້ວ, ໃນບັນດາວັນພັກ, ກອງເຕົ້າໂຮມຍັງໄດ້ສົ່ງກຳລັງໄປຊ່ວຍເຫຼືອຊາວທ້ອງຖິ່ນເກັບກ່ຽວເຂົ້າ, ຊ່ວຍເຫຼືອປະຊາຊົນໃນການສ້ອມແປງເຮືອນຢູ່. |
 |
| ການຊ່ວຍເຫຼືອຊາວທ້ອງຖິ່ນເກັບກ່ຽວຜົນລະປູກ, ສ້ອມແປງເຮືອນຊານ, ກິດຈະການສາທາລະນະ ແມ່ນເພື່ອແນໃສ່ປະກອບສ່ວນຮັດແໜ້ນສາຍພົວພັນລະຫວ່າງທະຫານ - ພົນລະເຮືອນ, ສ້າງສາຍພົວພັນສະໜິດສະໜົມເພື່ອໜູນຊ່ວຍເຊິ່ງກັນ ແລະ ກັນໃນວຽກງານ. |
 | ສົ່ງຄືນອັດຖິກະດູກຂອງທະຫານອາສາສະໝັກຫວຽດນາມ ທີ່ເສຍຊີວິດຢູ່ລາວ ກັບຄືນບ້ານເກີດເມືອງນອນ ຍສໝ - ຕອນບ່າຍວັນທີ 13 ພຶດສະພາ, ຢູ່ນະຄອນຫຼວງ ວຽງຈັນ (ລາວ), ຄະນະປະຕິບັດງານພິເສດແຂວງ ຮ່າຕິ້ງ ໄດ້ສົມທົບກັບຄະນະພັກ, ລັດຖະບານ, ກໍາລັງປະກອບອາວຸດ ແລະ ປະຊາຊົນນະຄອນຫຼວງວຽງຈັນ ຈັດຕັ້ງພິທີມອບ-ຮັບ ແລະ ສົ່ງຄືນຊາກສົບຂອງອາສາສະໝັກຫວຽດນາມ 2 ຊຸດ ທີ່ເປັນນັກຮົບ ແລະ ຊ່ຽວຊານ ທີ່ເສຍສະຫຼະຊີວິດ ຢູ່ນະຄອນຫຼວງວຽງຈັນ ... |
 | ພິທີໄວ້ອາໄລ ແລະ ປົງສົບນັກຮົບ 15 ຄົນ ທີ່ສະລະຊີວິດເພື່ອຊາດໃນລາວ ຍສໝ - ຕອນເຊົ້າວັນທີ 4 ມັງກອນ, ຄະນະພັກແຂວງ, ສະພາປະຊາຊົນ, ຄະນະກຳມະການປະຊາຊົນ, ຄະນະກຳມະການແນວໂຮມແຫ່ງຊາດຫວຽດນາມ ແຂວງດ້ຽນບຽນ ໄດ້ຈັດພິທີຕ້ອນຮັບຢ່າງສົມກຽດ ແລະ ປົງສົບອັດຖິກະດູກຂອງທະຫານອາສາສະໝັກ ຫວຽດນາມ 15 ຄົນ ທີ່ເສຍສະລະຊີວິດເພື່ອຊາດໃນລາວ ເຊິ່ງໄປສູ່ສະຫວັນຢູ່ສຸສານນັກຮົບເສຍສະລະຊີວິດເພື່ອຊາດ ໂຕ່ງຄາ່ວ (ບ້ານ ແທງນາ, ເມືອງດ້ຽນບຽນ, ແຂວງດ້ຽນບຽນ). |
ມິງດຶກ (ແປຕາມ baomoi.com)
