| ສົ່ງຄືນອັດຖິກະດູກຂອງທະຫານອາສາສະໝັກຫວຽດນາມ ທີ່ເສຍຊີວິດຢູ່ລາວ ກັບຄືນບ້ານເກີດເມືອງນອນ | |
| ພິທີລົງນາມບົດບັນທຶກຊ່ວຍຈຳວ່າດ້ວຍການຮ່ວມມື ລະຫວ່າງແຂວງກວາງຈິ ກັບແຂວງເຊກອງ |
ໃນບັນຍາກາດແຫ່ງຄວາມສາມັກຄີມິດຕະພາບ, 2 ຝ່າຍຍັງໄດ້ສົມທົບກັນຕີລາຄາບັນດາໝາກຜົນແຫ່ງການສົມທົບກັນຊອກຄົ້ນຫາ ແລະ ເກັບກູ້ຊາກສົບຂອງບັນດານັກຮົບອາສາສະໝັກ ແລະ ບັນດານັກຊ່ຽວຊານຫວຽດນາມ ທີ່ເສຍຊີວິດຢູ່ແຂວງເຊກອງ. ຄະນະສະເພາະແຂວງເຊກອງ ກໍ່ໄດ້ຕີລາຄາສູງ ທີມງານ 192 ທີ່ໄດ້ສືບຕໍ່ຊອກຄົ້ນຫາຊາກສົບຂອງນັກຮົບເສຍສະຫຼະຊີວິດເພື່ອຊາດ ທີ່ໄດ້ເຮັດວຽກງານຢ່າງໃກ້ຊິດກັບອຳນາດການປົກຄອງທ້ອງຖິ່ນ ແລະ ປະຊາຊົນຕະຫຼອດໄລຍະລະດູແລ້ງ 2023 – 2024. ທີມງານ 192 ກໍ່ໄດ້ລົງຄົ້ນຫາ ແລະ ເກັບກຳຂໍ້ມູນຊາກສົບຂອງນັກຮົບເສຍສະຫຼະຊີວິດເພື່ອຊາດ ຈຳນວນ 5 ຄົນ ຢູ່ແຂວງເຊກອງ.
 |
ຄະນະພິເສດສອງປະເທດ ໄດ້ລົງນາມໃນບົດບັນທຶກຊ່ວຍຈຳເພື່ອມອບອັດຖິກະດູກຜູ້ເສຍສະຫຼະຊີວິດເພື່ອຊາດ |
ກ່າວຄຳເຫັນທີ່ກອງປະຊຸມ, ທ່ານພັນເອກ ຮ່ວາງວັນເຍີນ - ກຳມະການກົມການເມືອງກະຊວງປ້ອງກັນປະເທດແຂວງ, ຮອງຫົວໜ້າຄະນະຊີ້ນຳ 515 ໄດ້ສົ່ງຄຳຂອບໃຈຢ່າງເລິກເຊິ່ງເຖິງຄະນະພັກ, ລັດຖະບານ, ປະຊາຊົນ ແລະ ຄະນະປະຕິບັດງານພິເສດແຂວງເຊກອງ ຍາມໃດກໍ່ສ້າງເງື່ອນໄຂສະດວກໃຫ້ທິມງານ 192 ປະຕິບັດວຽກງານຊອກຫາ ແລະ ສົ່ງຄືນບັນດາຜູ້ເສຍສະຫຼະຊີວິດເພື່ອຊາດໃນໄລຍະຜ່ານມາ. ພ້ອມກັນນັ້ນ, ໃນໄລຍະຈະມາເຖິງ, ຄະນະປະຕິບັດງານພິເສດແຂວງເຊກອງ ຈະສືບຕໍ່ເອົາໃຈໃສ່, ຊີ້ນຳທ້ອງຖິ່ນ, ຂົນຂວາຍປະຊາຊົນສະໜອງຂໍ້ມູນຂ່າວສານເພື່ອໜູນຊ່ວຍໜ່ວຍ 192 ໃນການປະຕິບັດໜ້າທີ່ຊອກຫາຜູ້ເສຍສະຫຼະຊີວິດເພື່ອຊາດຍັງຄົງຢູ່. ພິເສດ, ທ່ານພັນເອກ ຮ່ວາງວັນເຍີນ ກໍ່ຫວັງວ່າບັນດາກະຊວງຂອງ 2 ແຂວງຈະມີການພົບປະແລກປ່ຽນວຽກງານການທະຫານ, ປ້ອງກັນຊາດຢ່າງບໍ່ຢຸດຢັ້ງ ແລະ ສົມທົບກັນຢ່າງແໜ້ນແຟ້ນໃນການຮັກສາຄວາມສະຫງົບຊາຍແດນ ເພື່ອປັບປຸງການພົວພັນລະຫວ່າງບັນດາກະຊວງການທະຫານ ການພົວພັນລະຫວ່າງສອງແຂວງຂຶ້ນສູ່ລະດັບໃໝ່, ສົມທົບກັນສ້າງສາຍພົວພັນສາມັກຄີ, ມິດຕະພາບ ແລະ ການຮ່ວມມືລະຫວ່າງສອງກອງທັບໃຫ້ນັບມື້ນັບໝັ້ນຄົງ.
ທີ່ການພົບປະ, ກະຊວງການທະຫານແຂວງ ເທື່ອທຽນເຫ້ວ ແລະ ແຂວງເຊກອງ ໄດ້ຮ່ວມກັນລົງນາມໃນການມອບອັດຖິກະດູກຜູ້ເສຍຊີວິດ 5 ທ່ານ. ເນື່ອງໃນໂອກາດນີ້, ກະຊວງປ້ອງກັນປະເທດແຂວງ ເທື່ອທຽນເຫ້ວ ໄດ້ມອບໃຫ້ກະຊວງປ້ອງກັນປະເທດແຂວງ ເຊກອງ 01 ຊຸດກ້ອງຖ່າຍຮູບ ເຊິ່ງມີມູນຄ່າລວມ 75 ລ້ານດົ່ງ.
ຄຳຮຸ່ງ
