 | ທ່ານນາຍົກລັດຖະມົນຕີ ຫວຽດນາມ: ນຳແຂວງ ຢຸນໜານ ແລະ ແຂວງ ລາວກາຍ ກາຍເປັນສູນເຊື່ອມຕໍ່ການຄ້າລະຫວ່າງຈີນ ກັບ ອາຊຽນ |
| ຄະນະຜູ້ແທນເຈົ້າແຂວງ ຈໍາປາສັກ - ສປປ ລາວ ຢ້ຽມຢາມ ແລະເຮັດວຽກຢູ່ ໂຮງໝໍສູນກາງ ເຫ້ວ |
ທີ່ການເຮັດວຽກ ມີການເຂົ້າຮ່ວມຂອງ ທ່ານ ຮສຈ ປອ ຫງວຽນກວກຢຸ້ງ, ກໍາມະການຄະນະປະຈຳສະຖາບັນການເມືອງແຫ່ງຊາດ ໂຮ່ຈີມິນ, ເລຂາຄະນະພັກ, ຫົວໜ້າສະຖາບັນການເມືອງເຂດ II ພ້ອມກັບການນໍາບັນດາຫ້ອງການ, ຄະນະຂອງສະຖາບັນການເມືອງເຂດ II.
ກ່ຽວກັບຝ່າຍຄະນະປະຕິບັດງານຂອງໂຮງຮຽນການເມືອງ - ການປົກຄອງແຂວງ ຈຳປາສັກ, ມີການເຂົ້າຮ່ວມຂອງທ່ານ ສົມສັກ ເສົາວະລັດ, ຮັກສາການອຳນວຍການໂຮງຮຽນ; ທ່ານ ນາງ ບົວໄລ ທອງສະຫວັດດີ - ຮັກສາການຫົວໜ້າຫ້ອງການ ບໍລິຫານ ໄດ້ຈັດຕັ້ງ ແລະ ນຳພາບັນດາຫ້ອງການຮ່ວມມືສາກົນ, ຫ້ອງການຄຸ້ມຄອງການຮຽນ - ການສອນ ແລະ ຫ້ອງການວິຊາການ.
 |
| ພາບລວມຂອງການເຮັດວຽກລະຫວ່າງສະຖາບັນການເມືອງເຂດ II ແລະ ຄະນະປະຕິບັດງານຂອງໂຮງຮຽນການເມືອງ - ການປົກຄອງແຂວງ ຈຳປາສັກ |
ກ່າວຄຳປາໄສທີ່ການເຮັດວຽກ, ທ່ານ ຮສ ປອ ຫງວຽນກວກຢຸ້ງ ໄດ້ຢືນຢັນວ່າ ການພົວພັນ ຫວຽດນາມ - ລາວ ເປັນສາຍພົວພັນແບບພິເສດ. ດ້ວຍການຮ່ວມມືກໍ່ສ້າງ, ຮັກສາ ແລະ ອອກເຫື່ອເທແຮງ ເພີ່ມພູນຄູນສ້າງແຕ່ສະໄໝຂອງບັນດາການນຳປະຕິວັດຄື ປະທານ ໂຮ່ຈີມິນ, ປະທານ ໄກສອນ ພົມວິຫານ ແລະ ປະທານ ສຸພານຸວົງ. ຈາກນັ້ນ, ກໍ່ສ້າງເປັນນ້ຳໃຈມິດຕະພາບອັນຍິ່ງໃຫຍ່, ຄວາມສາມັກຄີຕິດພັນກັນຢ່າງແໜ້ນແຟ້ນ ແລະ ສຳພັນສູ້ຮົບການປະຕິວັດຂອງສອງປະເທດ.
“ສອງພັກ, ສອງລັດ ແລະ ປະຊາຊົນສອງປະເທດ ຍາມໃດກໍຢຶດໝັ້ນປົກປັກຮັກສາ, ເພີ່ມພູນຄູນສ້າງ ແລະ ພັດທະນາສາຍພົວພັນມິດຕະພາບ ຫວຽດນາມ - ລາວ, ລາວ - ຫວຽດນາມ ໃຫ້ນັບມື້ນັບເລິກເຊິ່ງ, ໝັ້ນຄົງຕະຫຼອດໄປ ແລະ ນຳມາເຊິ່ງຜົນປະໂຫຍດຢ່າງແທດຈິງໃຫ້ປະຊາຊົນສອງປະເທດ. ໃນດວງໃຈຂອງບັນດາພະນັກງານ, ສະມາຊິກພັກ ແລະ ປະຊາຊົນ ຫວຽດນາມ ຈົດຈຳຄຳຕັກເຕືອນຂອງປະທານ ໂຮ່ຈີມິນ ຢ່າງເລີກເຊິ່ງໄວ້ຕະຫຼອດໄປ: ສອງຊາດລາວ-ຫວຽດໄດ້ ຝັງຄວາມຮັກຢູ່ໃນໃຈ ຮົ່ງຮ່າທັງແມ່ຂອງ ບໍ່ເລິກປຸນປານໃດ", ທ່ານ ຮສ.ປອ ຫງວຽນກວກຢຸ້ງ ເນັ້ນໜັກ.
 |
| ທ່ານ ຮສຈ ປອ ຫງວຽນກວກຢຸ້ງ, ຫົວໜ້າສະຖາບັນການເມືອງເຂດ II ເນັ້ນໜັກວ່າ ການພົວພັນ ຫວຽດນາມ - ລາວ ແມ່ນສາຍພົວພັນແບບພິເສດ |
ນອກຈາກນັ້ນ, ການນໍາສະຖາບັນການເມືອງເຂດ II ກໍ່ໄດ້ຕີລາຄາສູງຕໍ່ບົດບາດຂອງໂຮງຮຽນການເມືອງ - ການປົກຄອງ ແຂວງ ຈຳປາສັກ, ໂດຍໄດ້ຮັບການຖືເປັນໂຮງຮຽນທີ່ສຳຄັນແຫ່ງໜຶ່ງໃນລະບົບການບຳລຸງສ້າງພະນັກງານການນຳ, ການຄຸ້ມຄອງຂອງລາວ. ສະນັ້ນ, ສະຖາບັນການເມືອງເຂດ II ແລະ ໂຮງຮຽນການເມືອງ - ການປົກຄອງແຂວງ ຈຳປາສັກ ຈຶ່ງມີຄວາມຄ້າຍຄືກັນຫຼາຍຈຸດໃນພາລະກິດບຳລຸງສ້າງຖັນແຖວພະນັກງານການນຳ, ການຄຸ້ມຄອງຂອງສອງປະເທດ. ດ້ວຍເຫດນີ້, ການເຮັດວຽກຄັ້ງນີ້ ຈະຊ່ວຍໃຫ້ສອງໂຮງຮຽນສາມາດແລກປ່ຽນ, ແບ່ງປັນ ແລະ ຮຽນຮູ້ປະສົບການເຊິ່ງກັນ ແລະ ກັນໃນວຽກງານການບຳລຸງສ້າງ ກໍ່ຄືວຽກງານຄົ້ນຄວ້າວິທະຍາສາດອີກດ້ວຍ.
ຕາງໜ້າຄະນະປະຕິບັດງານ, ທ່ານ ສົມສັກ ເສົາວະລັດ, ຮັກສາການອຳນວຍການໂຮງຮຽນການເມືອງ - ການປົກຄອງແຂວງ ຈຳປາສັກ ກໍ່ໄດ້ແບ່ງປັນກ່ຽວກັບບັນດາຄວາມຫຍຸ້ງຍາກ, ສິ່ງທ້າທາຍຂອງໂຮງຮຽນ. ທ່ານ ສົມສັກ ເສົາວະລັດ ກໍ່ຍັງໄດ້ສະແດງຄວາມຫວັງວ່າ ຈະສາມາດຮຽນຮູ້ປະສົບການຕ່າງໆໄດ້ຫຼາຍກວ່າ, ຜ່ານນັ້ນ ກໍ່ນໍາໄປໃຊ້ເຂົ້າໃນບັນດາການເຄື່ອນໄຫວຢູ່ໂຮງຮຽນ ແລະ ທ້ອງຖິ່ນ.
 |
| ທ່ານ ສົມສັກ ເສົາວະລັດ, ຮັກສາການອຳນວຍການໂຮງຮຽນການເມືອງ - ການປົກຄອງແຂວງ ຈຳປາສັກ |
ຕໍ່ບັນດາຄວາມຫຍຸ້ງຍາກຂອງໂຮງຮຽນການເມືອງ ແລະ ການປົກຄອງແຂວງ ຈຳປາສັກ, ທ່ານ ຮສ ປອ ຫງວຽນກວກຢຸ້ງ ຫວັງວ່າ ໝາກຜົນຂອງການຢ້ຽມຢາມ ແລະ ເຮັດວຽກຄັ້ງນີ້ ຈະສາມາດເປີດອອກທິດທາງການພັດທະນາໃຫ້ໂຮງຮຽນການເມືອງ - ການປົກຄອງແຂວງ ຈຳປາສັກ ຕື່ມອີກ. ພ້ອມກັນນັ້ນ, ໃນໂຄງການກໍ່ສ້າງສະຖາບັນລະດັບພາກພື້ນຢູ່ແຂວງ ຈຳປາສັກ, ຝ່າຍ ຫວຽດນາມ ຈະມີຫຼາຍໜ້າທີ່ຮັບຜິດຊອບເພື່ອເພີ່ມພູນຄູນສ້າງສາຍພົວພັນລະຫວ່າງ ຫວຽດນາມ - ລາວ ໃຫ້ນັບມື້ນັບແໜ້ນແຟ້ນກ່ວາອີກ.
ການພົບປະລະຫວ່າງສອງໂຮງຮຽນໄດ້ດຳເນີນບົນຈິດໃຈຂອງການແລກປ່ຽນ ແລະ ແບ່ງປັນຢ່າງກົງໄປກົງມາ, ເປີດເຜີຍກັບບັນດາເນື້ອໃນທີ່ກ່ຽວຂ້ອງເຖິງການເຄື່ອນໄຫວຄຸ້ມຄອງ, ການສິດສອນບຳລຸງສ້າງ ແລະ ການນຳໃຊ້ຄົ້ນຄ້ວາ. ນອກຈາກນັ້ນ, ຄະນະປະຕິບັດງານໂຮງຮຽນການເມືອງ - ການປົກຄອງແຂວງ ຈຳປາສັກ ກໍ່ຍັງໄດ້ໄປເບິ່ງພື້ນຖານໂຄງລ່າງ ແລະ ຫ້ອງບຳລຸງສ້າງຈຳນວນໜຶ່ງຂອງສະຖາບັນການເມືອງເຂດ II.
ລຸ່ມນີ້ແມ່ນບາງຮູບພາບໃນການຢ້ຽມຢາມ ແລະ ເຮັດວຽກຂອງຄະນະໂຮງຮຽນການເມືອງ - ການປົກຄອງແຂວງ ຈຳປາສັກ (ລາວ) ທີ່ສະຖາບັນການເມືອງເຂດ II:
 |
| ທ່ານ ຮສ ປອ ຫງວຽນກວກຢຸ້ງ ມອບຂອງຂວັນທີ່ລະນຶກໃຫ້ແກ່ຄະນະປະຕິບັດງານໂຮງຮຽນການເມືອງ - ການປົກຄອງ ແຂວງ ຈຳປາສັກ |
 |
| ທ່ານ ສົມສັກ ເສົາວະລັດ ຮັກສາການອຳນວຍການໂຮງຮຽນການເມືອງ - ການປົກຄອງ ແຂວງ ຈຳປາສັກ ໄດ້ຕາງໜ້າມອບຂອງຂວັນທີ່ລະນຶກໃຫ້ໂຮງຮຽນສະຖາບັນການເມືອງເຂດ II |
 |
| ບັນດາຜູ້ແທນໄດ້ຖ່າຍຮູບທີ່ລະນຶກພາຍຫຼັງການເຮັດວຽກ |
 | ຍສໝ - ຄະນະຜູ້ແທນພະນັກງານ ແລະ ສະມາຊິກສະມາຄົມມິດຕະພາບຫວຽດນາມ - ລາວ ແຂວງເລີ່ມດົງ ໂດຍທ່ານ ຫງວຽນບານ, ປະທານສະມາຄົມ ເປັນຫົວໜ້າຄະນະ ໄດ້ມາຢ້ຽມຢາມ ແລະ ເຮັດວຽກຢູ່ບັນດາທ້ອງຖິ່ນ ແຮກສ່ຽວຂອງປະເທດລາວ ແຕ່ວັນທີ 26 ພຶດສະພາ ຫາວັນທີ 2 ມິຖຸນາ. |
 | ກວາງບິ່ງ, ດົ່ງນາຍ ໄປຢ້ຽມຢາມ, ອວຍພອນປີໃໝ່ ແຂວງ ຈຳປາສັກ ແລະ ແຂວງ Kampong Thom. ຍສໝ - ຄະນະປະຕິບັດງານຂອງ 02 ແຂວງ ກວາງບິ່ງ, ດົ່ງນາຍ (ຫວຽດນາມ) ໄດ້ໄປຢ້ຽມຢາມ, ອວຍພອນປີໃໝ່ອົງຄະນະພັກ, ອຳນາດການປົກຄອງ ແລະ ປະຊາຊົນແຂວງ ຈຳປາສັກ (ລາວ) ແລະ ແຂວງ Kampong Thom (ກຳປູເຈຍ) ເນື່ອງໃນໂອກາດບຸນປີໃໝ່ລາວ ແລະ ບຸນ Chol chnam ... |
ແທັງຮັ່ງ
