ຕອນຄ່ຳວັນທີ 25 ພະຈິກ, ທີ່ຫໍສະພາແຫ່ງຊາດ, ທ່ານນາງ ຫງວຽນທິແທັງ ຮອງປະທານສະພາແຫ່ງຊາດຫວຽດນາມ ໄດ້ໃຫ້ການຕ້ອນຮັບທ່ານນາງ ຄໍາເພົາ ເອີນທະວັນ ເອກອັກຄະລັດຖະທູດລາວ ປະຈຳຫວຽດນາມ.
ກ່າວຄຳເຫັນທີ່ການຕ້ອນຮັບ, ທ່ານນາງ ຫງວຽນທິແທັງ ຢືນຢັນວ່າ: ຫວຽດນາມ ຍາມໃດກໍ່ເຄົາລົບນັບຖືອາລົມຈິດ, ການຊ່ວຍເຫຼືອ, ການປະກອບສ່ວນອັນລ້ຳຄ່າຂອງການນຳລຸ້ນຕ່າງໆ, ປະຊາຊົນລາວອ້າຍນ້ອງ ທີ່ໄດ້ເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານ ຫວຽດນາມ - ລາວ ຢ່າງບໍ່ຢຸດຢັ້ງ.
 |
| ທ່ານນາງ ຫງວຽນທິແທັງ ຮອງປະທານສະພາແຫ່ງຊາດຫວຽດນາມ ຕ້ອນຮັບທ່ານນາງ ຄໍາເພົາ ເອີນທະວັນ ເອກອັກຄະລັດຖະທູດ ລາວ ປະຈຳຫວຽດນາມ. ພາບ: quochoi.vn |
ທ່ານນາງ ຫງວຽນທິແທັງ ສະແດງຄວາມປິຕິຊົມຊື່ນຕໍ່ໝາກຜົນອັນດີງາມລະຫວ່າງສອງພັກ, ສອງລັດເວົ້າລວມ ແລະການປະຊຸມລະຫວ່າງ 2 ກົມການເມືອງຂອງສອງປະເທດ ໃນໄລຍະມໍ່ໆມານີ້ ເວົ້າສະເພາະ, ພ້ອມທັງເຊື່ອໝັ້ນວ່າ ດ້ວຍກຳລັງຄວາມສາມາດ ແລະປະສົບການເຮັດວຽກ, ທ່ານນາງ ຄໍາເພົາ ເອີນທະວັນ ຈະປະຕິບັດໜ້າທີ່ຮັບຜິດຊອບຂອງຕົນໃຫ້ເປັນຢ່າງດີ, ສືບຕໍ່ເປັນຂົວຕໍ່ຊຸກຍູ້ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານຫວຽດນາມ-ລາວ ກໍຄື ກຸ່ມສະມາຊິກລັດຖະສະພາມິດຕະພາບຂອງສອງປະເທດ.
ທ່ານນາງ ຫງວຽນທິແທັງ ໃຫ້ຮູ້ວ່າ: ໃນໄລຍະຈະມາເຖິງ, ກຸ່ມສະມາຊິກລັດຖະສະພາມິດຕະພາບສອງປະເທດ ຈະຊຸກຍູ້ການພົບປະ, ແລກປ່ຽນບັນດາບັນຫາທີ່ຕ່າງຝ່າຍຕ່າງມີຄວາມສົນໃຈ ແລະມາດຕະການແນໃສ່ຊຸກຍູ້ການພົວພັນລະຫວ່າງສະພາແຫ່ງຊາດສອງປະເທດ, ຕັ້ງໜ້າເຂົ້າຮ່ວມການເຄື່ອນໄຫວພົບປະແລກປ່ຽນວັດທະນະທຳ, ເຫດການສຳຄັນທີ່ໄດ້ຈັດຂຶ້ນຢູ່ຫວຽດນາມ ແລະລາວ.
 | ການພົວພັນລະຫວ່າງຫວຽດນາມ - ແດນມາກ ພັດທະນາຢ່າງແທດຈິງ ແລະມີປະສິດທິຜົນ ຍສໝ - ນັບແຕ່ເມືຶ່ອສ້າງຕັ້ງການພົວພັນທາງການທູດມາແຕ່ປີ 1971, ການພົວພັນສອງຝ່າຍລະຫວ່າງຫວຽດນາມ ແລະແດນມາກ ນັບມື້ນັບພັດທະນາຢ່າງເລິກເຊິ່ງກວ້າງຂວາງ ແລະມີປະສິດທິຜົນ, ພິເສດແມ່ນນັບແຕ່ສອງປະເທດ ຍົກລະດັບການພົວພັນຂຶ້ນເປັນຄູ່ຮ່ວມມືຮອບດ້ານໃນປີ 2013 ແລະສ້າງຕັ້ງການພົວພັນຄູ່ຮ່ວມມືຍຸດທະສາດສີຂຽວ ໃນຕົ້ນເດືອນພະຈິກນີ້. |
 | ນຳການພົວພັນຄູ່ຮ່ວມມືຍຸດສະສາດ ຫວຽດນາມ - ສິງກະໂປ ພັດທະນາຢ່າງແທດຈິງ, ນັບມື້ນັບເລິກເຊິ່ງ ຮອງນາຍົກລັດຖະມົນຕີ 2 ທ່ານໄດ້ເຫັນດີນຳການພົວພັນຄູ່ຮ່ວມມືຍຸດທະສາດລະຫວ່າງ 2 ປະເທດໃຫ້ພັດທະນາຢ່າງແທດຈິງ, ນັບມື້ນັບເລິກເຊິ່ງ, ບັນລຸປະສິດທິຜົນໃນທຸກຂົງເຂດ. |
ແສງເດືອນ
