 | ການພົວພັນ ຫວຽດນາມ - ລາວ ນັບມື້ນັບເລິກເຊິ່ງ ແລະ ມີປະສິດທິຜົນ |
| ການຢ້ຽມຢາມທີ່ນຳການພົວພັນ ຫວຽດນາມ-ສ.ເກົາຫຼີ ໃຫ້ພັດທະນາຢ່າງແທດຈິງ, ມີປະສິດທິຜົນ ແລະຍາວນານ |
ທີ່ການຕ້ອນຮັບ, ທ່ານປະທານປະເທດ ໂຕເລີມ ໄດ້ສະແດງຄວາມປິຕິຊົມຊື່ນທີ່ໄດ້ເຫັນປະຈັກຕາການພົວພັນ ຫວຽດນາມ - ສ.ເກົາຫຼີ ພວມຢູ່ໃນໄລຍະພັດທະນາດີທີ່ສຸດ; ຄວາມໄວ້ເນື້ອເຊື່ອໃຈດ້ານການເມືອງລະຫວ່າງສອງປະເທດໄດ້ຮັບການປັບປຸງຢ່າງບໍ່ຢຸດຢັ້ງ; ການຮ່ວມມືໃນບັນດາຂົງເຂດໄດ້ຮັບການພັດທະນາຢ່າງກະໂດດຂັ້ນ, ສະແດງໃຫ້ເຫັນຜ່ານການຍົກລະດັບຂຶ້ນເປັນ “ຄູ່ຮ່ວມມືຍຸດທະສາດຮອບດ້ານ” ຂອງສອງຝ່າຍ. ທ່ານປະທານປະເທດ ຢືນຢັນວ່າ ພັກ, ລັດ ແລະ ປະຊາຊົນ ຫວຽດນາມ ຍາມໃດກໍ່ຖືເປັນສຳຄັນ ແລະ ປາດຖະໜາຢາກພ້ອມກັບລັດຖະບານ ແລະ ປະຊາຊົນ ສ.ເກົາຫຼີ ສືບຕໍ່ພັດທະນາການພົວພັນຄູ່ຮ່ວມມືຍຸດທະສາດຮອບດ້ານຢ່າງເລິກເຊິ່ງກວ້າງຂວາງ, ແທດຈິງ ແລະ ມີປະສິດທິຜົນກວ່າອີກ.
ທ່ານປະທານປະເທດ ໂຕເລີມ ໄດ້ຕີລາຄາສູງບັນດາຄວາມມານະພະຍາຍາມຂອງທ່ານເອກອັກຄະລັດຖະທູດ ສ.ເກົາຫຼີ ໃນການສົມທົບກັບບັນດາກະຊວງ, ຂະແໜງການທີ່ກ່ຽວຂ້ອງຂອງ ຫວຽດນາມ ເພື່ອຊຸກຍູ້ການພົວພັນລະຫວ່າງ 2 ປະເທດໃນໄລຍະຜ່ານມາ.
 |
| ທ່ານປະທານປະເທດ ໂຕເລີມ ໃຫ້ການຕ້ອນຮັບທ່ານ Choi Young Sam ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສ.ເກົາຫຼີ ປະຈຳ ຫວຽດນາມ. |
ໂດຍໄດ້ປະຕິບັດຢ່າງມີປະສິດທິຜົນໂຄງການກະທຳຜັນຂະຫຍາຍການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ສ.ເກົາຫຼີ; ຊຸກຍູ້ການຮ່ວມມືດ້ານປ້ອງກັນປະເທດ ແລະ ປ້ອງກັນຄວາມສະຫງົບ ເພື່ອພັດທະນາໃຫ້ແທດເໝາະກັບການພົວພັນຄູ່ຮ່ວມມືຍຸດທະສາດຮອບດ້ານ, ໃນນັ້ນມີຂົງເຂດປ້ອງກັນອາດຊະຍາກຳຂ້າມຊາດ ແລະ ອາດຊະຍາກຳຄວາມໝັ້ນຄົງແບບໃໝ່.
ເພີ່ມທະວີການຮ່ວມມືດ້ານການສຶກສາ, ວັດທະນະທຳ, ການທ່ອງທ່ຽວ, ການຮ່ວມມືຢູ່ທ້ອງຖິ່ນ ແລະ ການພົບປະແລກປ່ຽນປະຊາຊົນລະຫວ່າງ 2 ປະເທດ; ເປີດກວ້າງການຮ່ວມມື ແລະ ສະໜັບສະໜູນເຊິ່ງກັນ ແລະ ກັນໃນບັນດາບັນຫາທີ່ສາກົນ ແລະ ພາກພື້ນທີ່ຕ່າງຝ່າຍຕ່າງມີຄວາມສົນໃຈ.
ສ່ວນທ່ານເອກອັກຄະລັດຖະທູດ Choi Young Sam ກໍສະແດງຄວາມເປັນກຽດທີ່ໄດ້ເຂົ້າຢ້ຽມຂ່ຳນັບທ່ານປະທານປະເທດ ໃນຖານະເປັນເອກອັກຄະລັດຖະທູດວິສາມັນຜູ້ມີອໍານາດເຕັມແຫ່ງ ສ.ເກົາຫຼີ ປະຈໍາ ຫວຽດນາມ; ຢືນຢັນຈະມານະພະຍາຍາມຈົນສຸດຄວາມສາມາດ ເພື່ອປະກອບສ່ວນຊຸກຍູ້ການພົວພັນລະຫວ່າງສອງປະເທດໃຫ້ນັບມື້ນັບພັດທະນາຢ່າງແທດຈິງ ແລະ ມີປະສິດທິຜົນໃນທຸກຂົງເຂດ.
ທ່ານເອກອັກຄະລັດຖະທູດ Choi Young Sam ປາດຖະໜາຢາກຮ່ວມມືຢ່າງແໜ້ນແຟ້ນກັບບັນດາອົງການທີ່ກ່ຽວຂ້ອງຂອງ ຫວຽດນາມ ເພື່ອຜັນຂະຫຍາຍບັນດາຂໍ້ຕົກລົງຮ່ວມມືລະຫວ່າງ 2 ປະເທດ, ໂດຍສະເພາະ ແມ່ນໃນບັນດາຂົງເຂດຄື: ຊຸກຍູ້ການເຄື່ອນໄຫວແລກປ່ຽນຄະນະຜູ້ແທນຂັ້ນສູງ ແລະ ທຸກຂັ້ນລະຫວ່າງ 2 ປະເທດ. ເພີ່ມທະວີການຮ່ວມມືທີ່ແທດຈິງໃນຂົງເຂດເສດຖະກິດ, ການຄ້າ ແລະ ການລົງທຶນ, ໂດຍສະເພາະ ແມ່ນບັນດາຂົງເຂດທີ່ຝ່າຍ ຫວຽດນາມ ມີຄວາມສົນໃຈ ແລະ ສ.ເກົາຫຼີ ມີທ່າແຮງ. ເປີດກວ້າງການຮ່ວມມືທີ່ແທດຈິງໃນຂົງເຂດອຸດສາຫະກຳປ້ອງກັນຊາດລະຫວ່າງສອງປະເທດ ແລະ ເພີ່ມທະວີການຮ່ວມມືປົກປ້ອງພົນລະເມືອງຢູ່ແຕ່ລະປະເທດ; ຢືນຢັນຈະຕັ້ງໜ້າເຂົ້າຮ່ວມ ແລະ ໜູນຊ່ວຍ ຫວຽດນາມ ຈັດຕັ້ງກອງປະຊຸມສຸດຍອດຄູ່ຮ່ວມມືເພື່ອການເຕີບໂຕສີຂຽວ ແລະ ເປົ້າໝາຍທົ່ວໂລກ 2030 (P4G) ຢູ່ ຫວຽດນາມ ໃນເດືອນ ເມສາ ປີ 2025 ຢ່າງສຳເລັດຜົນ.
 | ທ່ານເອກອັກຄະລັດຖະທູດ ຟ້າມກວາງຮ້ຽວ: ຫວຽດນາມ ມານະພະຍາຍາມສ້າງພາກພື້ນອາຊີໃຫ້ດີຂຶ້ນ ຍສໝ - ທ່ານເອກອັກຄະລັດຖະທູດຫວຽດນາມ ປະຈຳ ຍີ່ປຸ່ນ ຟ້າມກວາງຮ້ຽວ ໄດ້ແບ່ງປັນບົດຄວາມອັນແຮງທີ່ຫວຽດນາມ ປາດຖະໜາທີ່ກອງປະຊຸມອານາຄົດພາກພື້ນອາຊີ ຄັ້ງທີ 29 ທີ່ຈະມາເຖິງ. |
 | ທ່ານເອກອັກຄະລັດຖະທູດ ດັ້ງຮ່ວາງຢາງ: ຫວຽດນາມ ໃຫ້ຄຳໝັ້ນສັນຍາໃນລະດັບສູງເພື່ອຮັບປະກັນຄວາມສະເໝີພາບທາງເພດ ຍສໝ - ທ່ານເອກອັກຄະລັດຖະທູດ ດັ້ງຮ່ວາງຢາງ, ຫົວໜ້າຄະນະຜູ້ແທນຫວຽດນາມ ປະຈຳສະຫະປະຊາຊາດ ໄດ້ເນັ້ນໜັກເຖິງຄວາມໝາຍສຳຄັນຂອງກອງປະຊຸມຄັ້ງທີ 68 ຂອງຄະນະກຳມະການ ສະຖານະພາບຂອງແມ່ຍິງ (CSW) ແລະ ບັນດາສານທີ່ທ່ານນາງຮອງປະທານປະເທດ ໂວທິແອງຊວນ ເນັ້ນໜັກ ໃນພິທີເປີດກອງປະຊຸມ ວັນທີ 11 ມີນານີ້. |
ມິງດຶກ
