 | ຫວຽດນາມ - ການາດາ ເພີ່ມທະວີການຮ່ວມມືດ້ານວັດທະນະທຳ, ສິລະປະ, ການພົບປະແລກປ່ຽນປະຊາຊົນ |
| ຫວຽດນາມ ແມ່ນຂົວຕໍ່ສຳຄັນລະຫວ່າງ ອາຊຽນ ກັບບັນດາຄູ່ຮ່ວມມື |
ກ່າວຄໍາເຫັນທີ່ການເຮັດວຽກ, ທ່ານນາງ Ramla Khalidi ໃຫ້ຮູ້ວ່າ: UNDP ແລະ ຫວຽດນາມ ໄດ້ສ້າງຕັ້ງການພົວພັນຄູ່ຮ່ວມມືແຕ່ປີ 1978. ຕະຫຼອດ 46 ປີຜ່ານມາ, UNDP ໄດ້ເປັນກຽດຮ່ວມເດີນທາງພ້ອມກັບ ຫວຽດນາມ ໃນຂະບວນການປ່ຽນໃໝ່, ພັດທະນາ, ກາຍເປັນໜຶ່ງໃນບັນດາພື້ນຖານເສດຖະກິດທີ່ເຂັ້ມແຂງຂອງ ອາຊີຕາເວັນອອກສຽງໃຕ້.
 |
| ທ່ານ ຟ່ານແອງເຊີນ, ປະທານ VUFO (ຂວາ) ໄດ້ຕ້ອນຮັບທ່ານນາງ Ramla Khalidi, ຫົວໜ້າຜູ້ຕາງໜ້າ UNDP ປະຈຳ ຫວຽດນາມ. (ພາບ: Dinh Hoa) |
ຄຽງຄູ່ກັບການພັດທະນາຂອງ ຫວຽດນາມ, UNDP ໄດ້ຫັນປ່ຽນຈາກເປົ້າໝາຍຕົ້ນແມ່ນໜູນຊ່ວຍ ຫວຽດນາມ ໃນການຫຼຸດຜ່ອນຄວາມທຸກຍາກ, ໄປສູ່ບັນດາຂົງເຂດໃໝ່ຄື: ການຫັນເປັນສີຂຽວ, ການຫັນເປັນດິຈິຕອນ, ປົກປັກຮັກສາສິ່ງແວດລ້ອມ... ປະຈຸບັນ, 3 ຂົງເຂດຕົ້ນຕໍຂອງ UNDP ຢູ່ ຫວຽດນາມ ລວມມີ: ການຮັບມືກັບການປ່ຽນແປງຂອງດິນຟ້າອາກາດ, ເພີ່ມທະວີຄວາມສາມາດຕ້ານໄພພິບັດທໍາມະຊາດ; ສ້າງຄວາມຈະເລີນຮຸ່ງເຮືອງຮ່ວມກັນໂດຍຜ່ານການຫັນປ່ຽນເສດຖະກິດ; ການບໍລິຫານສາທາລະນະ.
ທ່ານ ຟ່ານແອງເຊີນ, ປະທານສະຫະພັນບັນດາອົງການມິດຕະພາບຫວຽດນາມ ໃຫ້ຮູ້ວ່າ: ປີ 1986, ເມື່ອຫວຽດນາມ ເລີ່ມປະຕິບັດແນວທາງປ່ຽນແປງໃໝ່, ອັດຕາຄອບຄົວທຸກຍາກແມ່ນ 57%. ຮອດປີ 2023, ອັດຕາຄອບຄົວທຸກຍາກຕາມມາດຖານຄວາມທຸກຍາກໃໝ່ຈະແມ່ນ 4,3%. ເພື່ອບັນລຸໄດ້ໝາກຜົນດັ່ງກ່າວ, ໄດ້ມີການສະໜັບສະໜູນຈາກບັນດາອົງການຈັດຕັ້ງສາກົນ, ອົງການບໍ່ຂຶ້ນກັບລັດຖະບານ, ລວມທັງ UNDP.
ຕາມທ່ານຟານແອງເຊີນ ແລ້ວ, VUFO, UNDP ຢູ່ ຫວຽດນາມ ມີຄວາມສາມາດບົ່ມຊ້ອນຫຼາຍຢ່າງໃນການຮ່ວມມື. ໃນໄລຍະມໍ່ໆມານີ້, 2 ຝ່າຍໄດ້ສົມທົບກັນຢ່າງມີປະສິດທິຜົນ, ພົ້ນເດັ່ນໃນການປະກອບສ່ວນເຂົ້າໃນການສ້າງ“ບົດລາຍງານກົນໄກກວດກາຄືນປະຈຳໄລຍະທົ່ວໄປ (UPR) ຮອບວຽນ IV ຂອງ ຫວຽດນາມ” ກ່ຽວກັບການປົກປ້ອງສິດທິມະນຸດ. VUFO, ຄະນະປະສານງານການຊ່ວຍເຫຼືອປະຊາຊົນ (PACCOM - ໜ່ວຍງານພາຍໃຕ້ VUFO) ພ້ອມແລ້ວທີ່ຈະສົມທົບ, ໜູນຊ່ວຍ UNDP ຢູ່ ຫວຽດນາມ ໃນການຜັນຂະຫຍາຍບັນດາໂຄງການ, ການເຄື່ອນໄຫວໃນໄລຍະທີ່ຈະມາເຖິງ.
 | ຫຼາຍຂໍ້ສະເໜີເພື່ອເພີ່ມທະວີການຮ່ວມມືລະຫວ່າງ ຫວຽດນາມ ແລະ ຍີ່ປຸ່ນ ບົນຊ່ອງທາງປະຊາຊົນ ຍສໝ - ວັນທີ 22 ກໍລະກົດ ຢູ່ຮ່າໂນ້ຍ, ທ່ານປະທານສະຫະພັນບັນດາອົງການມິດຕະພາບ ຫວຽດນາມ ຟານແອງເຊີນ ໄດ້ຕ້ອນຮັບທ່ານ Takebe Tsutomu, ທີ່ປຶກສາພິເສດສະຫະພັນລັດຖະສະພາມິດຕະພາບ ຍີ່ປຸ່ນ - ຫວຽດນາມ ເນື່ອງໃນການຢ້ຽມຢາມ ແລະ ເຮັດວຽກຢູ່ ຫວຽດນາມ. |
 | ຍສໝ - 2 ຝ່າຍໄດ້ປຶກສາຫາລືກ່ຽວກັບວຽກງານການທູດປະຊາຊົນ ແລະ ບົດບາດຂອງຊາວຫວຽດນາມ ອາໄສຢູ່ຕ່າງປະເທດໃນການເຊື່ອມຕໍ່ນະຄອນ ໂຮ່ຈີມິນ ກັບບັນດາທ້ອງຖິ່ນຂອງ ສ.ເກົາຫຼີ. |
ມີງດຶກ
