| ຮັດແໜ້ນສາຍພົວພັນມິດຕະພາບລະຫວ່າງທະຫານ ແລະປະຊາຊົນສອງປະເທດຫວຽດນາມ-ລາວ | |
| ຫວຽດນາມ-ລາວ ເພີ່ມທະວີນໍ້າໃຈມິດຕະພາບ ຜ່ານການບໍາລຸງສ້າງແຫຼ່ງຊັບພະຍາກອນມະນຸດ |
ຕາມທ່ານເອກອັກຄະລັດຖະທູດ ນາງ ເລທິຮົ່ງເວີນ ແລ້ວ, ອີກເທື່ອໜຶ່ງ ຫວຽດນາມ ໄດ້ຮັບເລືອກຕັ້ງເປັນຮອງປະທານໜຶ່ງໃນບັນດາອົງການວິຊາສະເພາະຫຼັກແຫຼ່ງຂອງ UNESCO ອັນໄດ້ຢືນຢັນທີ່ຕັ້ງ ແລະ ອິດທິພົນຂອງ ຫວຽດນາມ ໃນເວທີສາກົນ. ສິ່ງດັ່ງກ່າວ ສະແດງໃຫ້ເຫັນການສະໜັບສະໜູນ ແລະ ຄວາມໄວ້ເນື້ອເຊື່ອໃຈຂອງປະຊາຄົມໂລກກ່ຽວກັບຄວາມສາມາດຂອງຫວຽດນາມ ໃນການປະກອບສ່ວນ ແລະ ດຳເນີນງານຢູ່ UNESCO. ນີ້ກໍ່ແມ່ນການຮັບຮູ້ບັນດາການປະກອບສ່ວນອັນດີງາມຂອງ ຫວຽດນາມ ໃນຂົງເຂດການຮ່ວມມືດ້ານວັດທະນະທຳ ເວົ້າລວມ ແລະ ມໍລະດົກວັດທະນະທຳບໍ່ເປັນວັດຖຸ ເວົ້າສະເພາະ, ປະກອບສ່ວນເຂົ້າໃນການຊຸກຍູ້ບົດບາດຂອງວັດທະນະທຳ ແລະ ມໍລະດົກໃຫ້ແກ່ການພັດທະນາແບບຍືນຍົງ, ກວມລວມ ແລະ ເຂັ້ມແຂງດ້ວຍຕົນເອງໃນລະດັບຊາດ, ພາກພື້ນ ແລະ ສາກົນ.
 |
ຄະນະຜູ້ແທນຫວຽດນາມ ເຂົ້າຮ່ວມກອງປະຊຸມຄັ້ງທີ 18 ຂອງຄະນະກຳມະການລະຫວ່າງລັດຖະບານສົນທິສັນຍາປີ 2003 |
ອາດຢັ້ງຢືນໄດ້ວ່າ ນີ້ແມ່ນອີກຫຼັກຖານໜຶ່ງທີ່ຢັ້ງຢືນວ່າ ຫວຽດນາມ ໄດ້ປະຕິບັດຢ່າງສຳເລັດຜົນໃນນະໂຍບາຍການຕ່າງປະເທດຫຼາຍຝ່າຍ, ຫັນເປັນຫຼາຍຮູບຫຼາຍແບບ ແລະ ເຊື່ອມໂຍງສາກົນຮອບດ້ານຖືກຕາມຈິດໃຈມະຕິເລກທີ 13 ຂອງພັກ ແລະ ຄຳສັ່ງເລກທີ 25-CT/TW ຂອງຄະນະເລຂາທິການກ່ຽວກັບການຊຸກແຮງ ແລະ ຍົກສູງລະດັບການພົວພັນຕ່າງປະເທດຫຼາຍຝ່າຍຮອດປີ 2030.
ໃນຖານະເປັນຮອງປະທານຄະນະກຳມະການລະຫວ່າງລັດຖະບານຂອງສົນທິສັນຍາປີ 2003, ຫວຽດນາມ ຈະມີເງື່ອນໄຂສະດວກກວ່າອີກໃນການເຮັດໃຫ້ສົມບູນແບບ, ຜັນຂະຫຍາຍບັນດາເປົ້າໝາຍ ແລະ ບຸລິມະສິດຂອງສົນທິສັນຍາປີ 2003, ຍົກລະດັບຄວາມສຳຄັນຂອງມໍລະດົກວັດທະນະທຳບໍ່ເປັນວັດຖຸຄືດັ່ງກຳລັງໜູນໃຫ້ແກ່ການພັດທະນາແບບຍືນຍົງ, ຄວາມຫຼາກຫຼາຍຮູບແບບດ້ານວັດທະນະທຳ, ສ້າງສັນ ແລະ ການສົນທະນາລະຫວ່າງພື້ນຖານວັດທະນະທຳ, ການເຊື່ອມຈອດສັງຄົມ, ເພີ່ມທະວີການເຂົ້າຮ່ວມຂອງຊຸມຊົນ, ແມ່ຍິງ ແລະ ຊາວໜຸ່ມ.
ຄະນະກໍາມະການລະຫວ່າງລັດຖະບານຂອງສົນທິສັນຍາປີ 2003 ປະກອບດ້ວຍ 24 ສະມາຊິກ, ເປັນອົງການບໍລິຫານທີ່ສໍາຄັນຂອງອົງການ UNESCO ກ່ຽວກັບການປົກປັກຮັກສາມໍລະດົກວັດທະນະທໍາທີ່ບໍ່ເປັນວັດຖຸ, ກຳນົດກ່ຽວກັບບັນດາບັນຫາສຳຄັນທີ່ກ່ຽວຂ້ອງເຖິງການຮັບຮູ້ມໍລະດົກວັດທະນະທຳບໍ່ເປັນວັດຖຸ, ການຈັດສັນແຫຼ່ງທຶນໜູນຊ່ວຍການອະນຸລັກຮັກສາມໍລະດົກວັດທະນະທຳບໍ່ເປັນວັດຖຸຢູ່ບັນດາປະເທດ; ກຳນົດກ່ຽວກັບນະໂຍບາຍ ແລະ ທິດທາງການພັດທະນາຂອງສົນທິສັນຍາປີ 2003. ກອງປະຊຸມຄັ້ງທີ 19 ຂອງຄະນະກຳມະການລະຫວ່າງລັດຖະບານປີ 2003 ຄາດວ່າຈະຈັດຂຶ້ນຢູ່ ປາຣາກວາຍ ໃນເດືອນ ທັນວາ ປີ 2024 ແລະ ຈະພິຈາລະນາເອກະສານສະເໜີເລືອກ "ງານບຸນຂວັນເຈົ້າຍິງພູ Sam" ຂອງຫວຽດນາມ ເຂົ້າຢູ່ໃນບັນຊີລາຍຊື່ມໍລະດົກວັດທະນະທຳບໍ່ເປັນວັດຖຸຕາງໜ້າໃຫ້ມວນມະນຸດ.
ມິງດຶກ
