ຊາວຫວຽດນາມອາໄສຢູ່ຕ່າງປະເທດ ສາມາດເຂົ້າຢ້ຽມຊົມຫໍພິພິທະພັນປະຫວັດສາດການທະຫານໃນພື້ນທີ່ດິຈິຕອນ

	ພາສາຫວຽດນາມ - ສະໝໍ - ດຶງຊາວຫວຽດນາມ ອາໄສຢູ່ຕ່າງປະເທດ ກັບຄືນຫາ​ກົກເຄົ້າເຫງົ້າກໍ
	ຊາວຫວຽດນາມ ອາໄສຢູ່ຕ່າງປະເທດ ຮ່ວມແຮງຮ່ວມໃຈ ແຜ່ຂະຫຍາຍພາສາ ແລະວັດທະນະທໍາຫວຽດນາມ

ຫໍພິພິທະພັນປະຫວັດສາດການທະຫານ ຫວຽດນາມ. (ພາບ: ໜັງສືພິມກອງທັບປະຊາຊົນ)

ວັນ​ທີ 1 ພະຈິກ​, ຫໍພິພິທະ​ພັນ​ປະຫວັດສາດ​ການ​ທະຫານ​ຫວຽດນາມ ​ໄດ້​ໄ​ເພື່ອເປີດປະຕູ​ຕ້ອນຮັບ​ແຂກເຂົ້າໄປທັດສະນະຢ່າງເປັນທາງການ. ​ໃນ​ເວລາ​ນີ້, ​ພື້ນຖານ​ດີ​ຈີ​ຕອນ​ເປີດ YooLife ກໍ່​ໄດ້ເປີດຕົວພື້ນທີ່ “ຈຳລອງລະບົບສະເໝືອນ” ຂອງ​ຫໍພິພິທະ​ພັນ​ປະຫວັດສາດ​ການ​ທະຫານ​ຫວຽດນາມ. ມາຮອດວັນທີ 7 ເດືອນພະຈິກ, ແອັບໄດ້ຮັບການເຂົ້າຄົ້ນຫາທາງອອນໄລຫຼາຍລ້ານເທື່ອ ພ້ອມມີຄຳຄິດເຫັນຕັ້ງໜ້າຫຼາຍຄຳ. ປະຈຸບັນ, ແອັບໄດ້ບືນຕົວຂຶ້ນເປັນ top 9 ໃນການຕາຕະລາງ​ຈັດ​ອັນ​ດັບເຄືອຂ່າຍສັງຄົມຂອງ App Store, top 4 ຍອດນິຍົມໃນ Google Play, ລື່ນກາຍບັນດາແອັບເຊັ່ນ Google Meet, Wechat ແລະ Skype.

YooLife ແມ່ນພື້ນຖານເຄືອ​ຂ່າຍ​ສັງ​ຄົມສະເໝືອນຈິງຂອງຊາວ​ຫວຽດ​ນາມ​, ບ່ອນ​ທີ່​ຜູ້​ໃຊ້​ສາ​ມາດ​ປະດິດຄິດສ້າງ ​ແລະ​ ແບ່ງ​ປັນບັນດາ​ເນື້ອ​ໃນ​, ວິ​ດີ​ໂອ​ສັ້ນ​ ແລະ​ ຮູບ​ພາບ​. ໂດຍຜ່ານການກະທົບໂດຍກົງກັບຮູບພາບ 360 ອົງສາດ້ວຍການເລືອກຈຸດທີ່ຕັ້ງ, ມູມມອງ, ຊູມເຂົ້າ ຫຼື ຊອກຄົ້ນບັນດາຂໍ້ມູນທີ່ກ່ຽວຂ້ອງ, ຜູ້ຊົມຈະຮູ້ສຶຄືພວມທີ່ມີໜ້າຢູ່ໃນພື້ນທີ່ທີ່ແທ້ຈິງ. ໃນການອັບເດດຫລ້າສຸດ, YooLife ໄດ້ເພີ່ມຂໍ້ມູນເພີ່ມເຕີມໃຫ້ນັບຮ້ອຍວັດຖຸພັນ, ເຊິ່ງຍົກວັດຖຸພັນທີ່ໄດ້ຫັນເປັນດິຈີຕອນ ເປັນເກືອບ 1.000 ຢ່າງ. ແອັບນີ້ຍັງນຳມາເຊິ່ງບັນດາຮູບເງົາທີ່ລ້ຳຄ່າ, ທົບທວນໃຫ້ເຫັນຫຼັກໝາຍປະຫວັດສາດທີ່ມີຊີວິດຊີວາ, ສ້າງເປັນຄັງສາງເກັບມ້ຽນສຳເນົາທີ່ອຸດົມສົມບູນ.

ແອັບມີ​ຂໍ້​ມູນ​ດິ​ຈິ​ຕອນ​ຂອງ​ວັດຖຸພັນເກືອບ 1.000 ອັນ.

ບໍ່ພຽງແຕ່ພື້ນທີ່ສະເໝືອນຂອງຫໍພິພິທະພັນປະຫວັດສາດທະຫານຫວຽດນາມ, YooLife ຍັງມີບັນດາພື້ນທີ່ສະເໝືອນຂອງຫຼາຍຂົງເຂດທີ່ແຕກຕ່າງກັນເຊັ່ນ ການສຶກສາ, ວັດທະນະທໍາ, ປະຫວັດສາດ, ສິລະປະ, ການທ່ອງທ່ຽວ ຫຼື ອະສັງຫາລິມະສັບເພື່ອນຳໃຊ້ທ່າໄດ້ປຽບຈາກຮູບພາບ 360 ອົງສາ.

ທ່ານ ຫງວຽນ​ແມ້ງ​ຕຸ່ງ, ຜູ້​ກໍ່​ຕັ້ງ​ໂປຼແກຼມດິ​ຈິ​ຕອນ YooLife ​ໃຫ້​ຮູ້​ວ່າ ແອັບ​​ໄດ້​ເປີດກວ້າງ​ຂອບ​ເຂດ​ການ​ດຳ​ເນີນ​ງານ​ຢ່າງ​ເປັນ​ທາງ​ການ​ໃນ​ທົ່ວ​ໂລກ. ນີ້​ໝາຍ​ຄວາມ​ວ່າ ນັບ​ແຕ່​ນີ້​ໄປ, ຊາວ​ຫວຽດນາມອາ​ໄສ​ຢູ່​ຫ່າງ​ໄກ​ຈາກ​ບ້ານ​ເກີດ​ເມືອງ​ນອນໄດ້​ສາມາດ​ດາວ​ໂຫຼດ​ແອັບ ​ແລະ ​ໄປ​ຢ້ຽມ​ຊົມ​ຫໍພິພິທະ​ພັນ​ປະຫວັດສາດ​ການ​ທະຫານ​ໃນ​ພື້ນຖານ​ດີ​ຈີ​ຕອນ​ເພື່ອ​ຊອກ​ຮູ້​ກ່ຽວກັບປະຫວັດສາດ​ຕົ້ນ​ກຳ​ເນີ​ດຂອງ​ຕົນ.

“ພວກ​ຂ້າພະ​ເຈົ້າ​ສົ່ງ​ຄວາມ​ປາດ​ຖະໜາ​ຢາກ​ລົບ​ລ້າງ​ຂອບ​ເຂດ​ຈຳກັດກ່ຽວກັບໄລຍະຫ່າງ ​ແລະ ​ເຊື່ອມ​ຕໍ່ພື້ນທີ່ ​ເພື່ອ​ໃຫ້​ບັນດາ​ຄຸນຄ່າ​ປະຫວັດສາດ​ຂອງ ຫວຽດນາມ ​ໄດ້​ຮັບ​ການ​ເຜີຍແຜ່​ຢ່າງ​ກ້ວາງ​ຂວາງທີ່ສຸດ, ເພື່ອແນະນຳ ແລະ ເສີມຂະຫຍາຍຈິດ​ໃຈ​ແຫ່ງ​ຊາດ​ເຖິງ​ໝູ່ປະຊາຊົນໃນທົ່ວ​ໂລກ”. ທ່ານ ຕຸ່ງ ກ່າວ.

ຊາວ​ຫວຽດ​ນາມ​ຢູ່​ຕ່າງ​ປະ​ເທດ​ທີ່​ຢູ່​ຫ່າງ​ໄກ​ສາ​ມາດເຂົ້າ​ຢ້ຽມ​ຊົມຫໍ​ພິ​ພິ​ທະ​ພັນ​ປະ​ຫວັດ​ສາດ​ການ​ທະ​ຫານ "ທາງອອນ​ໄລ​" ທັງ​ໃນ​ໂທລະ​ສັບ ​ແລະ​ ຄອມ​ພິວ​ເຕີ​ດ້ວຍ​ແອັບ YooLife.

ຜູ້​ໃຊ້​ສາ​ມາດ​ດາວ​ໂຫລດ​ແອັບ​ໃນ App Store ຫຼື CH Play ເພື່ອລົງຫາ​ປະ​ສົບ​ການຕົວຈິງ ​ຫຼື ​ເຂົ້າຫາ​ເວັບ​ໄຊ​​: vr360.yoolife.vn/bao-tang-lich-su-quan-su-viet-nam-zmuseumc118u26724 ເພື່ອ​ເຂົ້າ​ຢ້ຽມຊົມຫໍ​ພິ​ພິ​ທະ​ພັນ​.