 | ຫວຽດນາມ ເຂົ້າຮ່ວມງານບຸນວັດທະນະທຳສິລະປະ ແມ່ຂອງ - ລ້ານຊ້າງ ປີ 2024 |
| ກອງປະຊຸມເຈົ້າຄອງນະຄອນຫຼວງອາຊຽນ ແລະ ກອງປະຊຸມເວທີເຈົ້ານະຄອນອາຊຽນ ປີ 2024 |
ນີ້ແມ່ນໜຶ່ງໃນບັນດາການເຄື່ອນໄຫວໂດຍກົງສູນໃຫຍ່ ຫວຽດນາມ ປະຈຳ ແຂວງ ຫຼວງພະບາງ ສົມທົບກັບທ້ອງຖິ່ນ ແລະ ອົງການຈຳນວນໜຶ່ງຂອງ 2 ປະເທດ ເພື່ອຈັດຕັ້ງສະເຫຼີມສະຫຼອງ 75 ປີແຫ່ງວັນມູນເຊື້ອທະຫານອາສາສະໝັກ ແລະ ນັກຊ່ຽວຊານ ຫວຽດນາມ ຢູ່ ລາວ (30 ຕຸລາ 1949 - 30 ຕຸລາ 2024) ແລະ ປີທ່ອງທ່ຽວແຫ່ງຊາດ ລາວ 2024.
 |
| ນັກທ່ອງທ່ຽວມາຢ້ຽມຢາມຮ້ານວາງຂາຍສິນຄ້າ ຫວຽດນາມ ຢູ່ງານຕະຫຼາດນັດ. (ພາບ: Hai Tien) |
ຕາມຄະນະຈັດຕັ້ງແລ້ວ, ງານຕະຫຼາດນັດມີຂະໜາດ 20 ກວ່າຮ້ານວາງສະແດງບັນດາຜະລິດຕະພັນຂອງບັນດາແຂວງ ຫວຽດນາມ ແລະ ລາວ, ດ້ວຍເປົ້າໝາຍໂຄສະນາ, ແນະນຳບັນດາຜະລິດຕະພັນວັດທະນະທຳ, ທ່ອງທ່ຽວ, ຜະລິດຕະພັນກະສິກຳຂອງຫວຽດນາມ - ລາວ ເພື່ອປະກອບສ່ວນຊຸກຍູ້ການຄ້າ, ພັດທະນາເສດຖະກິດ-ສັງຄົມຢູ່ບັນດາແຂວງພາກເໜືອຂອງລາວ ແລະ ບັນດາທ້ອງຖິ່ນທີ່ມີຊາຍແດນຮ່ວມກັນຂອງສອງປະເທດ, ຜ່ານນັ້ນ ກໍ່ນຳມາໃຫ້ປະຊາຊົນແຂວງ ຊຽງຂວາງ ແລະ ແຂກທ່ອງທ່ຽວໄດ້ເຂົ້າເຖິງບັນດາຜະລິດຕະພັນທີ່ເປັນເອກະລັກສະເພາະຫຼາຍຢ່າງ, ພ້ອມທັງໂຄສະນາບັນດາທັດສະນີຍະພາບ, ຈຸດໝາຍປາຍທາງທ່ອງທ່ຽວຂອງສອງປະເທດ.
ຕາມທ່ານນາງ ກ່ຽວທິຮັ່ງຟຸກ ກົງສູນໃຫຍ່ ຫວຽດນາມ ປະຈຳແຂວງ ຫຼວງພະບາງ ແລ້ວ, ໃນ 7 ເດືອນຕົ້ນປີນີ້, ວົງເງິນການຄ້າສອງຝ່າຍ ຫວຽດນາມ - ລາວ ບັນລຸ 1,1 ຕື້ USD, ເພີ່ມຂຶ້ນ 16,7% ເມື່ອທຽບໃສ່ໄລຍະດຽວກັນຂອງປີກາຍ. ລາວ ກໍ່ພວມຄ່ອຍໆກາຍເປັນແຫຼ່ງສະໜອງທີ່ສຳຄັນສຳລັບບັນດາຜະລິດຕະພັນ ແລະ ວັດຖຸດິບທີ່ນຳໃຊ້ຜະລິດໃຫ້ບັນດາປະເທດອາຊຽນ ເວົ້າລວມ ແລະ ຫວຽດນາມ ເວົ້າສະເພາະ. ຄຽງຂ້າງນັ້ນ, ລາວ ກໍ່ໄດ້ ແລະ ພວມກາຍເປັນຈຸດໝາຍປາຍທາງທີ່ໜ້າສົນໃຈ, ນິຍົມຂອງນັກທ່ອງທ່ຽວ ຫວຽດນາມ ແລະ ບັນດາປະເທດໃນທົ່ວໂລກເປັນຈຳນວນຫຼວງຫຼາຍ.
ງານຕະຫຼາດນັດການຄ້າການທ່ອງທ່ຽວ ຫວຽດນາມ - ລາວ 2024 ຄັ້ງນີ້ ແມ່ນໂອກາດເພື່ອໂຄສະນາຮູບພາບແຫ່ງຊາດ ແລະ ວິສາຫະກິດ, ສ້າງເງື່ອນໄຂໃຫ້ບັນດາວິສາຫະກິດ ແລະ ອົງການການຄ້າ, ຜູ້ຜະລິດ, ນັກລົງທຶນຂອງ 2 ປະເທດໄດ້ພົບປະແລກປ່ຽນປະສົບການ, ຖ່າຍທອດເຕັກໂນໂລຢີ, ລົງທຶນ, ຮ່ວມທຸລະກິດ, ເຊື່ອມໂຍງຊຸກຍູ້ການນຳເຂົ້າ ແລະ ສົ່ງອອກ, ເປີດກ້ວາງຕາໜ່າງການຈຳໜ່າຍບໍລິໂພກສິນຄ້າ, ຜະລິດຕະພັນ.
 | World Travel Awards ເຊີດຊູ ກຸກເຟືອງ ເປັນປ່າສະຫງວນແຫ່ງຊາດແຖວໜ້າຂອງ ອາຊີ ໃນປີ 2024 ຍສໝ - ຫວ່າງມໍ່ໆມານີ້, ອົງການລາງວັນທ່ອງທ່ຽວໂລກ (World Travel Awards) ໄດ້ເຊີດຊູ ກຸກເຟືອງ ເປັນ "ປ່າສະຫງວນແຫ່ງຊາດແຖວໜ້າຂອງ ອາຊີ ໃນປີ 2024". |
 | ຕະຫຼາດນັດ ຕົວຈົວ ໄດ້ຮັບການຮັບຮອງເປັນແຫຼ່ງທ່ອງທ່ຽວ ຍສໝ - ຕະຫຼາດນັດ ຕົວຈົວ ຫາກໍ່ໄດ້ຮັບຮອງເປັນສະຖານທີ່ທ່ອງທ່ຽວຂອງແຂວງດຽນບ່ຽນ. |
ມິງດຶກ (ແປຕາມ nhandan.vn)
