 | ຄະນະຜູ້ແທນສູນກາງສະຫະພັນກຳມະບານລາວ ຢ້ຽມຢາມ ແລະ ເຮັດວຽກຢູ່ ມະຫາວິທະຍາໄລກຳມະບານ |
| ມະຫາວິທະຍາໄລກຳມະບານ: ຈຸດທີ່ພົ້ນເດັ່ນໃນການບຳລຸງສ້າງຊັບພະຍາກອນມະນຸດໃຫ້ ສປປ ລາວ |
ເຂົ້າຮ່ວມພິທີປິດມີໜ້າຂອງສະຫາຍ ບຸນຍູ້ ໄຊປັນຍາ, ຮອງເລຂາພັກສະຖານເອກອັກຄະລັດຖະທູດແຫ່ງ ສປປ ລາວ ປະຈຳ ສສ ຫວຽດນາມ; ສະຫາຍ ນາງ ເຈີ່ນທິບິກຖຸຍ - ຄະນະພົວພັນຕ່າງປະເທດ ສະຫະພັນໃຫຍ່ການແຮງງານ ຫວຽດນາມ; ທ່ານ ຮສ ປອ ເລແມ້ງຮຸ່ງ - ຮອງເລຂາຮັບຜິດຊອບຄະນະພັກ, ຜູ້ອຳນວຍການມະຫາວິທະຍາໄລກຳມະບານ; ທ່ານ ປອ ຫງວຽນດຶກຕິ໊ງ - ຮອງເລຂາຄະນະພັກ, ຮອງຜູ້ອຳນວຍການມະຫາວິທະຍາໄລ; ທ່ານ ປທ ຫງວຽນຊວນຮ່ວາ - ຮອງປະທານສະພາມະຫາວິທະຍາໄລ, ປະທານກຳມະບານຂອງມະຫາວິທະຍາໄລ; ທ່ານ ປອ ນາງ ເຢືອງທິແທັງຊວນ - ຮອງຜູ້ອຳນວຍການມະຫາວິທະຍາໄລ; ທ່ານ ຮສ ປອ ຫງວຽນຫຽບເທືອງ - ຮອງຜູ້ອຳນວຍການມະຫາວິທະຍາໄລ, ພ້ອມດ້ວຍບັນດາຜູ້ຕາງໜ້າຈາກບັນດາຫ້ອງການຄະນະ ແລະ ພະແນກໃນມະຫາວິທະຍາໄລ, ບັນດາຄູອາຈານທີ່ເຂົ້າຮ່ວມການສອນ ແລະ ຜູ້ຮຽນ 15 ທ່ານ ຂອງຊຸດຮຽນທິດສະດີ ແລະ ວຽກງານສະເພາະຂອງກຳມະບານ K278.
 |
| Toàn cảnh Lễ bế giảng. ພາບທີ່ພິທີປິດຊຸດຮຽນ |
ຄະນະຈັດຕັ້ງຊຸດຮຽນທິດສະດີ ແລະ ວຽກງານສະເພາະຂອງກຳມະບານ K278 ໄດ້ສ້າງຕັ້ງຂຶ້ນຕາມຂໍ້ຕົກລົງເລກທີ 895/QD-DHCD ຂອງຜູ້ອໍານວຍການມະຫາວິທະຍາໄລກຳມະບານ ລົງວັນທີ 11 ກໍລະກົດ 2024, ປະຕິບັດຕາມເອກະສານທາງການເລກທີ 1424 / TLD- DN ຂອງສະຫະພັນໃຫຍ່ການແຮງງານ ຫວຽດນາມ ລົງວັນທີ 7 ມິຖຸນາ 2024 ກ່ຽວກັບການຝຶກອົບຮົມ ແລະ ບຳລຸງສ້າງພະນັກງານກຳມະບານໃນປີ 2024.
ຄະນະຈັດຕັ້ງຊຸດຮຽນປະກອບມີ 18 ສະຫາຍ, ໂດຍທ່ານ ປອ ຫງວຽນດຶກຕີ໊ງ, ຮອງເລຂkພັກ, ຮອງຜູ້ອຳນວຍການມະຫາວິທະຍາໄລ, ເປັນຫົວໜ້າຄະນະ ສົມທົບກັບສະຖາບັນການຮ່ວມມື ແລະ ບຳລຸງສ້າງສາກົນ ຢ່າງແໜ້ນແຟ້ນ ພ້ອມກັບບັນດາຫົວໜ່ວຍ ເພື່ອຮັບປະກັນໃຫ້ຊຸດຮຽນປະສົບຜົນສໍາເລັດ ແລະ ມີປະສິດທິຜົນສູງ.
 |
| ທ່ານ ຮສ ປອ ເລແມ້ງຮຸ່ງ - ຮອງເລຂາຮັບຜິດຊອບຄະນະພັກ, ຜູ້ອຳນວຍການມະຫາວິທະຍາໄລກຳມະບານ ໄດ້ກ່າວຄຳປາໄສທີ່ພິທີປິດ |
ທ່ານ ຮສ ປອ ເລແມ້ງຮຸ່ງ ກໍ່ໄດ້ສະແດງຄວາມຕີລາຄາສູງ ກ່ຽວກັບຄວາມໝາຍ ແລະ ບົດບາດສຳຄັນຂອງຫຼັກສູດບຳລຸງສ້າງ ກໍ່ຄືບັນດາຜົນສຳເລັດທີ່ຊຸດຮຽນບັນລຸໄດ້ໃນໄລຍະທີ່ຜ່ານມາ. ບົນຈິດໃຈນັ້ນ, ທ່ານໄດ້ປະກາດປິດຊຸດຮຽນທິດສະດີ ແລະ ວຽກງານສະເພາະຂອງກຳມະບານໃຫ້ແກ່ພະນັກງານ ລາວ ໃນປີ 2024 ຢູ່ຫວຽດນາມ ຢ່າງເປັນທາງການ.
ແບ່ງປັນທີ່ພິທີ, ສະຫາຍ ບຸນຍູ້ ໄຊປັນຍາ, ຮອງເລຂາຄະນະພັກ ສະຖານເອກອັກຄະລັດຖະທູດແຫ່ງ ສປປ ລາວ ປະຈຳ ສສ ຫວຽດນາມ - ໄດ້ຕີລາຄາສູງຄຸນນະພາບການບຳລຸງສ້າງຂອງມະຫາວິທະຍາໄລກຳມະບານ.
 |
| ສະຫາຍ ບຸນຍູ້ ໄຊປັນຍາ ຮອງເລຂາຄະນະພັກ ສະຖານເອກອັກຄະລັດຖະທູດແຫ່ງ ສປປ ລາວ ປະຈຳ ສສ ຫວຽດນາມ ກ່າວຄໍາປາໄສທີ່ພິທີປິດ. |
ເນື່ອງໃນໂອກາດນີ້, ສະຫາຍ ບຸນຍູ້ ໄຊປັນຍາ ຕາງໜ້າພັກ, ລັດ ແລະ ປະຊາຊົນ ລາວ ສະແດງຄວາມຮູ້ບຸນຄຸນຢ່າງເລິກເຊິ່ງຕໍ່ການນຳຂອງພັກ, ລັດ ແລະ ປະຊາຊົນຫວຽດນາມ ທີ່ຍາມໃດກໍ່ເອົາໃຈໃສ່, ໜູນຊ່ວຍ ແລະ ຊ່ວຍເຫຼືອ ລາວ ຕະຫຼອດໄລຍະຜ່ານມາ. ພິເສດ, ສະຫາຍ ບຸນຍູ້ ໄຊປັນຍາ ໄດ້ສະແດງຄວາມຂອບໃຈຢ່າງຈິງໃຈ ຕໍ່ຄະນະຜູ້ອຳນວຍການມະຫາວິທະຍາໄລກຳມະບານ ແລະ ສະຫະພັນໃຫຍ່ການແຮງງານ ຫວຽດນາມ ທີ່ໄດ້ຈັດຕັ້ງຊຸດອົບຮົມນີ້ໃຫ້ບັນດາພະນັກງານກຳມະບານ ລາວ ຢ່າງຜົນສຳເລັດ, ສ້າງເງື່ອນໄຂດີທີ່ສຸດ ເພື່ອໃຫ້ບັນດາຜູ້ຮຽນປະຕິບັດສຳເລັດຕາມຫຼັກສູດ.
ໃນຕອນທ້າຍບົດກ່າວຄຳປາໄສ, ສະຫາຍ ບຸນຍູ້ ໄຊປັນຍາ ໄດ້ອວຍພອນໃຫ້ ສະຫາຍ ຮສ ປອ ເລແມ້ງຮຸ່ງ - ຮອງເລຂາຮັບຜິດຊອບຄະນະພັກ, ຜູ້ອຳນວຍການມະຫາວິທະຍາໄລກຳມະບານ, ພ້ອມດ້ວຍການນໍາມະຫາວິທະຍາໄລ, ບັນດາຄູອາຈານສອນ ແລະ ພະນັກງານ, ລັດຖະກອນ ຂອງມະຫາວິທະຍາໄລ ຍາມໃດກໍ່ມີສຸຂະພາບແຂງແຮງ, ມີຄວາມສຸກ ແລະ ປະສົບຜົນສຳເລັດໃນໜ້າທີ່ການງານ. ທ່ານກໍ່ສົ່ງຄວາມປາດຖະໜາອັນດີງາມເຖິງບັນດາພະນັກງານກຳມະບານ ລາວ, ຫວັງວ່າຈະນຳເອົາບັນດາຄວາມຮູ້ໃໝ່ທີ່ໄດ້ຮຽນມາກັບຄືນເມືອນຳໃຊ້ຢູ່ປະເທດຕົນຢ່າງມີປະສິດທິຜົນ ແລະ ອວຍພອນໃຫ້ສາຍພົວພັນມິດຕະພາບ, ການຮ່ວມມືຮອບດ້ານ ລະຫວ່າງ ລາວ - ຫວຽດນາມ ຂຽວສົດງົດງາມຕະຫຼອດໄປ, ໝັ້ນຄົງຂະໜົງແກ່ນຈົນຊົ່ວກາລະນານ.
ຕາງໜ້າໃຫ້ບັນດາຜູ້ຮຽນ, ສະຫາຍ ບຸນຈັນ ໃຈອີສານ - ຫົວໜ້າຄະນະສຳມະນາກອນລາວ ໄດ້ສະແດງຄວາມຮູ້ບຸນຄຸນຢ່າງເລິກເຊິ່ງຕໍ່ສະຫະພັນໃຫຍ່ການແຮງງານ ຫວຽດນາມ ແລະ ມະຫາວິທະຍາໄລກຳມະບານທີ່ໄດ້ສ້າງເງື່ອນໄຂ ເພື່ອໃຫ້ບັນດາພະນັກງານກຳມະບານ ລາວ ໄດ້ເຂົ້າຮ່ວມລາຍການບຳລຸງສ້າງວິຊາສະເພາະຢ່າງເລິກເຊິ່ງ ແລະ ມີຜົນປະໂຫຍດ.
 |
| ສະຫາຍ ບຸນຈັນ ໃຈອີສານ ຫົວໜ້າຄະນະສຳມະນາກອນລາວ ກ່າວຂອບໃຈທີ່ພິທີປິດ. |
ສິ້ນສຸດບົດກ່າວຄຳປາໄສ, ທ່ານບຸນຈັນ ໃຈອີສານ ໄດ້ສະແດງຄວາມຂອບໃຈອີກເທື່ອໜຶ່ງຕໍ່ບັນດາຄູອາຈານຂອງມະຫາວິທະຍາໄລກຳມະບານ, ບັນດາຜູ້ທີ່ອຸທິດຕົນໃຫ້ຄໍາແນະນໍາ ແລະ ແບ່ງປັນຄວາມຮູ້. ທ່ານ ບຸນຈັນ ໃຈອີສານ ກໍ່ໄດ້ສົ່ງຄຳອວຍພອນໃຫ້ບັນດາການນຳ ແລະ ລັດຖະກອນ, ຜູ້ອອກແຮງງານຂອງມະຫາວິທະຍາໄລ, ພ້ອມກັນນັ້ນ ກໍ່ສະແດງຄວາມປາດຖະຫນາວ່າ ການພົວພັນຮ່ວມມື, ມິດຕະພາບ ລະຫວ່າງກຳມະບານສອງປະທດ ຫວຽດນາມ ແລະ ລາວ ຈະນັບມື້ນັບພັດທະນາ ແລະ ໝັ້ນແກ່ນ.
ດ້ວຍຄວາມມານະພະຍາຍາມຂອງຄູອາຈານ ແລະ ຜູ້ຮຽນ, ຊຸດຮຽນໄດ້ບັນລຸປະສົບຜົນສຳເລັດ ເມື່ອສຳມະນາກອນທັງ 15 ທ່ານຮຽນຈົບ ແລະ ໄດ້ຮັບໃບຍ້ອງຍໍ. ພິທີໄດ້ສິ້ນສຸດລົງດ້ວຍການຈັບມືກັນຢ່າງສະໜິດສະໜົມ ແລະ ຄວາມຊົງຈຳທີ່ສວຍງາມ, ເປັນຂີດໝາຍພາກໃໝ່ໃນສາຍພົວພັນມິດຕະພາບ ຫວຽດນາມ - ລາວ.
 |
| ບັນດາຜູ້ແທນເຂົ້າຮ່ວມໄດ້ຖ່າຍຮູບທີ່ລະນຶກ. |
 | ອົງການກຳມະບານ ຫວຽດນາມ ແລະ ລາວ: ເພີ່ມທະວີປະສິດທິຜົນຂອງການຮ່ວມມືໄລຍະຍາວຕື່ມອີກ ຍສໝ - ຕອນບ່າຍວັນທີ 2 ກໍລະກົດ, ຢູ່ ຮ່າໂນ້ຍ, ທ່ານ ຫງວຽນດິ່ງຄາງ, ປະທານສະຫະພັນໃຫຍ່ແຮງງານຫວຽດນາມ ໄດ້ໃຫ້ການຕ້ອນຮັບ ແລະ ເຮັດວຽກກັບຄະນະຜູ້ແທນຂັ້ນສູງສະຫະພັນກຳມະບານ ລາວ (LFTU) ໂດຍທ່ານ ເລັດ ໄຊຍະພອນ ປະທານສູນກາງສະຫະພັນກຳມະບານ ລາວ ເປັນຫົວໜ້າຄະນະ. |
 | ອົງການກຳມະບານກວາງນາມ ມີຄວາມສົນໃຈຕໍ່ວຽກງານການຕ່າງປະເທດ ຍສໝ - ກ່າວຄຳເຫັນທີ່ເວທີປາໄສທີ່ກອງປະຊຸມໃຫຍ່ຄັ້ງທີ 13 ຂອງອົງການກຳມະບານຫວຽດນາມ, ທ່ານປະທານສະຫະພັນແຮງງານແຂວງ ກວາງນາມ ໄດ້ຕີລາຄາສູງບັນດາການເຄື່ອນໄຫວວຽກງານການຕ່າງປະເທດຂອງອົງການກຳມະບານແຂວງ ກວາງນາມ ໄດ້ຮັບການຊຸກຍູ້ໃນໄລຍະມໍ່ໆມານີ້. |
ແທັງຮັ່ງ
