| CARE ໜູນຊ່ວຍ ກ່າເມົາ ໃນການສື່ສານ ເພື່ອຍົກສູງຄວາມຮັບຮູ້ກ່ຽວກັບຄວາມສະເໝີພາບລະຫວ່າງຍິງ-ຊາຍ | |
| ບັນດາອົງການປະຊາຊົນໃນທົ່ວໂລກຊົມເຊີຍ ສະຫາຍເລຂາທິການໃຫຍ່, ປະທານປະເທດ ຫວຽດນາມ ໂຕເລີມ |
ບ້ວງການຊ່ວຍເຫຼືອໂດຍອົງການ Dove Fund (ອາເມລິກາ) ຊ່ວຍເຫຼືອ ຈະຊ່ວຍໃນການຍົກສູງຄວາມສາມາດໃຫ້ແກ່ພະນັກງານແພດຮາກຖານໃນຂົງເຂດການດູແລ ແລະ ກວດພົບພະຍາດກ່ຽວກັບຕາ ແລະ ຄວາມຜິດຜົກກະຕິຂອງການສະທ້ອນແສງໃຫ້ແກ່ນັກຮຽນຫຼາຍກວ່າ 10,000 ຄົນໃນໂຮງຮຽນປະຖົມ ແລະ ມັດທະຍົມ 24 ແຫ່ງໃນທົ່ວທອງຖິ່ນຂອງເທດສະບານເມືອງເຮືອງຈ່າ (ແຂວງເທືອທ່ຽນເຫ້ວ).
 |
| ນັກຮຽນ 10.000 ກວ່າຄົນ ທີ່ມາຈາກໂຮງຮຽນປະຖົມ ແລະ ມັດທະຍົມ 24 ແຫ່ງຢູ່ເທດສະບານເຮືອງຈ່າ ໄດ້ຮັບການເບິ່ງແຍງ ແລະ ກວດພະຍາດຕາ ແລະ ຄວາມຜິດປົກກະຕິຂອງການສະທ້ອນແສງ - (ພາບ: Fanpage The Dove Fund). |
ຄຽງຄູ່ກັນນັ້ນ, ຍັງໄດ້ສະໜອງແວ່ນຕາໃຫ້ນ້ອງນັກຮຽນ 600 ນ້ອງ ທີ່ມີຄວາມຜິດປົກກະຕິຂອງການສະທ້ອນແສງຂອງສາຍຕາ ຢູ່ທ້ອງຖິ່ນ; ການແຈກຢາຍອຸປະກອນການແພດສໍາລັບການກວດຕາປະກອບມີ: ແວ່ນຂະຫຍາຍສຸບຫົວ, ກະດານທົດສອບສາຍຕາ ແບບ snellen, ແວ່ນປິດຕາເປັນຮູສໍາລັບການທົດສອບສາຍຕາ, ໄມ້ຊີ້ກະດານທົດສອບສາຍຕາ ແລະ ໄຟສາຍມາດຕະຖານການກວດຕາ Heine mini 3000.
ໂດຍຜ່ານໂຄງການນີ້ແມ່ນແນໃສ່ຍົກລະດັບຄວາມສາມາດຂອງພະນັກງານແພດຮາກຖານໃນຂົງເຂດການດູແລສຸຂະພາບທາງດ້ານດວງຕາ ເພື່ອໃຫ້ຖັນແຖວການແພດນີ້ສາມາດສະໜອງການບໍລິການໃຫ້ປະຊາຊົນທ້ອງຖິ່ນໄດ້ດີກວ່າເກົ່າ, ໂດຍສະເພາະແມ່ນນັກຮຽນມັດທະຍົມຕອນຕົ້ນ ແລະ ຕອນປາຍ ເທດສະບານເມືອງເຮືອງຈ່າ.
ອົງການ Dove Fund ເປັນອົງການທີ່ບໍ່ຂຶ້ນກັບລັດຖະບານທີ່ສ້າງຕັ້ງຂຶ້ນໃນສະຫະລັດອາເມລິກາ, ໄດ້ມີການຊ່ວຍເຫຼືອນັກຮຽນ ນັກສຶກສາ, ຜູ້ທຸກຍາກ, ຄົນພິການ. ຢູ່ຫວຽດນາມ, ອັງການ Dove ໄດ້ຊ່ວຍສ້າງໂຮງຮຽນອະນຸບານ, ໂຮງຮຽນປະຖົມ, ສູນຈຳໜ່າຍນ້ຳສະອາດ, ສູນເຕັກໂນໂລຊີຂໍ້ມູນຂ່າວສານ, ຫ້ອງສະໝຸດ, ໂຮງຮຽນສຳລັບຄົນຕາບອດ ແລະ ມອບທຶນການສຶກສາຫຼາຍທຶນໃຫ້ນັກຮຽນທຸກຍາກ,...
ນັບແຕ່ປີ 2000 ຮອດປະຈຸບັນ ອົງກາ Dove ໄດ້ລະດົມທຶນກວ່າ 2,5 ລ້ານ USD, 100% ຈໍານວນເງິນບໍລິຈາກ ໄດ້ໄປຮອດບັນດາໂຄງການຂອງມູນນິທິຢູ່ຫວຽດນາມ. ກອງທຶນຍັງໄດ້ກໍ່ສ້າງໂຮງຮຽນຫຼາຍກວ່າ 44 ແຫ່ງ, ຜັນຂະຫຍາຍໂຄງການປິ່ນປົວສຸກເສີນ ແລະ ສະໜອງໂຄງການການເງິນຈຸລະພາກໃຫ້ແກ່ແມ່ຍິງຜູ້ທຸກຍາກ, ໜູນຊ່ວຍຄ່າຮຽນໃຫ້ເດັກນ້ອຍ 500 ກວ່າຄົນ ແລະ ໄດ້ຊື້ຄອມພິວເຕີ, ຈັກຫຍິບອຸດສາຫະກໍາ ແລະ ອຸປະກອນໃຫ້ແກ່ໂຮງຮຽນທີ່ເຂົາເຈົ້າໄດ້ກໍ່ສ້າງ...
 | The DOVE Fund ອຸປະຖຳໂຄງການຫ້ອງນ້ຳ 27 ຫ້ອງໃຫ້ແກ່ຄອບຄົວຜູ້ປະສົບເຄາະຮ້າຍຈາກທາດພິດສີສົ້ມ |
ອ.ສະຫວັດ
