 | ຮ່ວມມື “ບຳລຸງສ້າງ” ພາສາຫວຽດນາມ ໃນທົ່ວ 5 ທະວີບ |
| “ບຳລຸງສ້າງ” ພາສາຫວຽດນາມ ຈາກບັນດາມະຫາວິທະຍາໄລ, ສູນສາກົນໃນທົ່ວ 5 ທະວີບ |
ດວງຕາທີີ່່ເຕັມໄປດ້ວຍຄວາມປິຕິຍິນດີ, ນາງນ້ອຍ ຖະນຸຖະໜອມຊ້າງໂຕໜຶ່ງທີ່ເຮັດດ້ວຍມື - ເຊິ່ງເປັນສັນຍາລັກວັດທະນະທໍາຂອງລາວ ໂດຍໄດ້ເອົາມາຈາກບ້ານເກີດເມືອງນອນຂອງນາງນ້ອຍ ເປັນຂອງຂວັນມອບໃຫ້ ທ່ານພົນຕີ ຫງວຽນແອງຕ໋ວນ, ຜູ້ບັນຊາການທະຫານຊາຍແດນແດນຫວຽດນາມ, ຜູູ້ຕາງໜ້າໃຫ້ບັນດາ"ພໍ່ຊາຍແດນ" ຂອງນາງນ້ອຍ. ສຳລັບນາງ ຕຸ່ນແພງ ຄຳສີ, ນີ້ບໍ່ພຽງແຕ່ແມ່ນຂອງຂວັນເທົ່ານັ້ນ ຫາກຍັງແມ່ນນ້ຳໃຈ, ຄວາມຮູ້ບຸນຄຸນທີ່ນາງມອບໃຫ້ບັນດາທະຫານຊາຍແດນເສື້ອສີຂຽວ ຫວຽດນາມ. ໂດຍເກີດມາໃນຄອບຄົວທີ່ຫຍຸ້ງຍາກ, ໂອກາດດ້ານການສຶກສາຂອງນາງນ້ອຍ ຕຸ່ນແພງ ຄຳສີ ກໍ່ມີໜ້ອຍ, ແຕ່ການມີໜ້າຢ່າງຍຶດໝັ້ນ ແລະ ຄວາມຮັກຂອງບັນດາ “ພໍ່ຊາຍແດນ” ໄດ້ຊ່ວຍໃຫ້ນາງນ້ອຍຫຼໍ່ລ້ຽງຄວາມໄຝ່ຝັນໃນການຮ່ຳຮຽນ ແລະ ຝັກໄຝ່ຄວາມຫວັງທີ່ຈະມີອານາຄົດທີ່ສົດໃສ.
 |
| ນາງ ຕຸ່ນແພງ ຄຳສີ ໄດ້ມອບຂອງຂວັນໃຫ້ ທ່ານພົນຕີ ຫງວຽນແອງຕ໋ວນ, ຜູ້ບັນຊາການທະຫານຊາຍແດນຫວຽດນາມ. (ພາບຫນ້າຈໍ: Phan Anh) |
ພາຍຫຼັງ 8 ປີແຫ່ງການລ້ຽງດູຈາກທະຫານຊາຍແດນຫວຽດນາມ, ຈາກເດັກຍິງປະຖົມທີ່ອ່ອນແອ, ປະຈຸປັນ ນາງນ້ອຍ ຕຸ່ນແພງ ຄຳສີ ໄດ້ກາຍເປັນນັກຮຽນຍິງມັດທະຍົມທີ່ມີສະເໜ່ ແລະ ເຂັ້ມແຂງ. ຢືນຢູ່ຕໍ່ໜ້າຜູ້ຊົມນັບຮ້ອຍຄົນ, ນາງນ້ອຍ ໄດ້ສະແດງຄວາມຮູ້ສຶກຕື້ນຕັນໃຈກ່າວຄຳຂອບໃຈຢ່າງຈິງໃຈ, ດີໃຈທີ່ໄດ້ຮັບກຳລັງໃຈຈາກບັນດາທະຫານຫວຽດນາມ, ຊ່ວຍໃຫ້ນາງນ້ອຍໄດ້ໄປໂຮງຮຽນທຸກວັນ ແລະ ຫຼໍ່ລ້ຽງຄວາມມຸ່ງມາດປາດຖະໜາໃນອະນາຄົດ.
ຖືຂອງຂວັນຢູ່ໃນມື, ທ່ານພົນຕີ ຫງວຽນແອງຕ໋ວນ ແບ່ງປັນວ່າ “ຂ້າພະເຈົ້າທັງແປກໃຈ ແລະ ຮູ້ສຶກດີໃຈເມື່ອໄດ້ຮັບຂອງຂວັນຈາກນັກຮຽນຢູ່ເຂດຊາຍແດນຂອງລາວ ທີ່ທະຫານຊາຍແດນຫວຽດນາມ ຊ່ວຍເຫຼືອ. ພວກຂ້າພະເຈົ້າຈະສືບຕໍ່ຊ່ວຍເດັກນ້ອຍຫຼາຍຄົນໃຫ້ໄດ້ໄປໂຮງຮຽນ, ສ້າງໂອກາດໃຫ້ລຸ້ນໜຸ່ມຢູ່ເຂດຊາຍແດນມີອະນາຄົດທີ່ສົດໃສ”.
ຊ່ວຍເດັກນ້ອຍໃຫ້ໄດ້ໄປໂຮງຮຽນ
ເລື່ອງລາວນາງ ຕຸ່ນແພງ ຄຳສີ ແມ່ນໜຶ່ງໃນຫຼາຍພັນເລື່ອງລາວຂອງເດັກນ້ອຍລາວ ທີ່ໄດ້ ແລະ ພວມຮັບການຊ່ວຍເຫຼືອຈາກທະຫານຊາຍແດນຫວຽດນາມ. ອີກກໍລະນີໜຶ່ງແມ່ນ ທ້າວ ແຟ, ເດັກຊາຍອາຍຸ 14 ປີຢູ່ບ້ານດ່ານ, ແຂວງຫົວພັນ (ລາວ). ພໍ່ຂອງລາວເສຍຊີວິດແຕ່ລາວຍັງນ້ອຍ, ແມ່ຂອງລາວໄດ້ແຕ່ງງານໄປຢູ່ໄກ, ລາວຢູ່ກັບແມ່ເຖົ້ົ້າ ແລະ ເຄີຍຕ້ອງອອກຈາກໂຮງຮຽນເພື່ອຊ່ວຍເຫຼືອຄອບຄົວ. ທະຫານຊາຍແດນຫວຽດນາມ ໄດ້ໜູນຊ່ວຍ ທ້າວ ແຟ ດ້ວຍຄ່າຮຽນແຕ່ລະເດືອນ ແລະ ຊ່ວຍຄອບຄົວລ້ຽງໄກ່, ປູກຜັກເພື່ອຍົກລະດັບຊີວິດການເປັນຢູ່.
 |
| ທ່ານຮ້ອຍໂທ ໂຮ່ວັນຖູ, ປ້ອມປ້ອງກັນຊາຍແດນ ລາໄລ ໄດ້ມອບລົດຖີບໃຫ້ລູກລ້ຽງ ໂຮ່ທິງີນ. (ພາບ: Thoi Dai) |
ມື້ທີ່ກັບຄືນໄປໂຮງຮຽນໃນຊຸດເສື້ອສີຂາວ, ທ້າວ ແຟ ຍິ້ມແຍ້ມແຈ່ມໃສ ແລະ ກ່າວກັບບັນດາທະຫານຫວຽດນາມ ດ້ວຍພາສາຫວຽດນາມ ທີ່ອໍໆແອໆ, ແຕ່ເຕັມໄປດ້ວຍຄວາມພາກພູມໃຈວ່າ “ລູກຂອບໃຈບັນດາອາວທະຫານຊາຍແດນຫວຽດນາມ. ລູກຮັກຫວຽດນາມ".
ແມ່ເຖົ້າຂອງທ້າວ ແຟ, ຜູ້ທີ່ລ້ຽງດູທຸກມື້ ກໍສະແດງຄວາມຮູ້ສຶກຕື້ນຕັນໃຈວ່າ “ຂ້າພະເຈົ້າຈະລ້ຽງໄກ່, ເປັດຄືກັບບັນດາທະຫານບອກ. ຂ້າພະເຈົ້າຈະພະຍາຍາມຈົນສຸດຄວາມສາມາດຂອງຕົນເພື່ອຊ່ວຍໃຫ້ທ້າວ ແຟ ໄດ້ຮັບການສຶກສາທີ່ດີ”.
ເລື່ອງລາວຂອງ ໂຮ່ທິງີນ, ເດັກຍິງຊາວບ້ານ ລາໄລອາຊອຍ, ເມືອງ ສະໝ້ວຍ, ແຂວງ ສາລະວັນ (ລາວ) ກໍ່ແມ່ນຫຼັກຖານພະຍານທີ່ມີຊີວິດຊີວາໃຫ້ການເດີນທາງ “ຊ່ວຍເດັກນ້ອຍໃຫ້ໄດ້ໄປໂຮງຮຽນ” ຢູ່ເຂດຊາຍແດນ ຫວຽດນາມ - ລາວ. ໂດຍເຄີຍພົບຄວາມສ່ຽງທີ່ຕ້ອງອອກໂຮງຮຽນຍ້ອນຄອບຄົວທຸກຍາກ, ເດັກຍິງໄດ້ຮັບການອຸປະຖໍາຈາກປ້ອມປ້ອງກັນຊາຍແດນຊາຍແດນສາກົນ ລາໄລ, ແຂວງ ກວາງຈີ້, ຊ່ວຍໃຫ້ມີໂອກາດໄດ້ໄປໂຮງຮຽນ ແລະ ຫຼໍ່ລ້ຽງຄວາມໄຝ່ຝັນໃນອະນາຄົດ. ແຕ່ລະເດືອນ, ພະນັກງານປ້ອມປ້ອງກັນຊາຍ ໄດ້ສົ່ງເງິນໜູນຊ່ວຍການສຶກສາຕໍ່ຄອບຄົວຂອງ ງີນ, ຊ່ວຍໃຫ້ ງີນ ມີປຶ້ມ, ເຄື່ອງໃຊ້ໃນໂຮງຮຽນຢ່າງພຽງພໍ.
ເຂົ້າສູ່ໂຮງຮຽນມັດທະຍົມຕອນຕົ້ນ, ເສັ້ນທາງໄປໂຮງຮຽນຂອງນ້ອງ ງີນ ນັບມື້ນັບຫ່າງໄກ ແລະ ຍາກຂຶ້ນ, ເປັນຕົ້ນແມ່ນໃນມື້ທີ່ຝົນຕົກ. ໂດຍໄດ້ຮູ້ວ່າ ບັນດາ “ພໍ່ປ້ອງກັນຊາຍແດນ” ໄດ້ມອບລົດຖີບໃໝ່ໃຫ້ນາງນ້ອຍ, ຊ່ວຍໃຫ້ນາງນ້ອຍເດີນທາງຢ່າງສະດວກກວ່າ. ລົດນັ້ນ ໄດ້ຮັບການບົວລະບັດເປັນຢ່າງດີ, ທຳຄວາມສະອາດ, ທານ້ຳມັນ, ຫັນນ໋ອດຢ່າງລະມັດລະວັງໃນທຸກຄັ້ງທີ່ໄດ້ມີໂອກາດໄປຢ້ຽມຢາມເຮືອນຂອງນາງນ້ອຍ ງີນ. ປີ 2021, ລົດຄັນດັ່ງກ່າວໄດ້ເປ່ເພໜັກ, ປ້ອມປ້ອງກັນຊາຍແດນໄດ້ຊື້ລົດໃໝ່ຍີ່ຫໍ້ Asama ສືບຕໍ່ເດີນທາງກັບນາງນ້ອຍ ງີນ ໃນການໄປຮ່ຳຮຽນ.
ລົດຖີບບໍ່ພຽງແຕ່ນຳນາງນ້ອຍ ງີນ ໄປໂຮງຮຽນເທົ່ານັ້ນ, ຫາກຍັງແມ່ນຂົວຕໍ່ພາໄປຮອດນະຄອນຫຼວງ ຮ່າໂນ້ຍ ໃນປີ 2022 ເພື່ອເຂົ້າຮ່ວມການແຂ່ງຂັນ “ໃຫ້ຂອງທີ່ລະນຶກເລົ່າເລື່ອງ” ໂດຍວາລະສານຍຸກສະໄໝ ສົມທົບກັບສະຖານທູດລາວ ປະຈຳ ຫວຽດນາມ, ສະມາຄົມມິດຕະພາບ ຫວຽດນາມ - ລາວ, ສະມາຄົມມິດຕະພາບ ລາວ - ຫວຽດນາມ ຈັດຕັ້ງໃນປີ 2022. ນາງນ້ອຍ ງີນ ເລົ່າຄວາມໃນໃຈວ່າ “ຂ້າພະເຈົ້າມີຄວາມພາກພູມໃຈທີ່ໄດ້ຮັບການອຸປະຖຳຈາກບັນດາພໍ່, ບັນດາອາວທະຫານ. ໄດ້ໄປຮ່າໂນ້ຍ, ຢ້ຽມຢາມສຸສານລຸງໂຮ່ ແມ່ນສິ່ງທີ່ຂ້າພະເຈົ້າບໍ່ອາດລືມໄດ້. ຂ້າພະເຈົ້າຈະພະຍາຍາມຮຽນຈົນສຸດຄວາມສາມາດເພື່ອບໍ່ໃຫ້ບັນດາອາວທະຫານຜິດຫວັງ”.
ຈຸດປະກາຍແຈ້ງຊາຍແດນດ້ວຍບັນດາອະນຸບານ
ທ່ານພົນຈັດຕະວາ ເຈີ່ນວັນບືງ, ຫົວໜ້າການເມືອງທະຫານຊາຍແດນ ໃຫ້ຮູ້ວ່າ ໃນໂຄງການພົບປະແລກປ່ຽນ, ແຕ່ປີ 2015 ມາຮອດປະຈຸບັນ, ມີເດັກນ້ອຍຢູ່ເຂດຊາຍແດນ ຫວຽດນາມ - ລາວ 1.000 ກວ່າຄົນ ໄດ້ຮັບການຊ່ວຍເຫຼືອຈາກໂຄງການ “ຊ່ວຍເດັກນ້ອຍໃຫ້ໄດ້ໄປໂຮງຮຽນ”. ໂຄງການດັ່ງກ່າວບໍ່ພຽງແຕ່ນຳມາເຊິ່ງການໜູນຊ່ວຍດ້ານການເງິນເທົ່ານັ້ນ ຫາກຍັງແມ່ນການຮ່ວມເດີນທາງທີ່ຮັກແພງ, ການຕິດຕາມທີ່ສຸດຈິດສຸດໃຈຂອງບັນດາທະຫານຊາຍແດນ - ບັນດາຜູ້ທີ່ເປັນພໍ່ຄົນທີສອງຂອງບັນດານ້ອງນ້ອຍເຂດຊາຍແດນ. ທະຫານຊາຍແດນ ຍັງສົມທົບກັບອຳນາດການປົກຄອງທ້ອງຖິ່ນ ແລະ ໂຮງຮຽນເພື່ອສ້າງສະພາບແວດລ້ອມແຫ່ງການຮ່ຳຮຽນ ແລະ ມີຄວາມໝັ້ນຄົງໃຫ້ແກ່ເດັກນ້ອຍ. ພິເສດ, ການຊ່ວຍເຫຼືອຢ່າງບໍ່ຢຸດຢູ່ທີ່ດ້ານວັດຖຸເທົ່ານັ້ນ ຫາກຍັງແມ່ນຂົວເຊື່ອມຕໍ່ປະຊາຊົນສອງປະເທດຫວຽດນາມ - ລາວ ອີກດ້ວຍ.
ໂຄງການ “ຊ່ວຍເດັກນ້ອຍໃຫ້ໄດ້ໄປໂຮງຮຽນ” ພ້ອມກັບຂໍ້ລິເລີ່ມ “ລູກລ້ຽງຢູ່ປ້ອມປ້ອງກັນຊາຍແດນ” ໄດ້ກາຍເປັນຂົວເຊື່ອມຕໍ່ທີ່ໝັ້ນແກ່ນເພື່ອຊ່ວຍເຫຼືອເດັກນ້ອຍທີ່ປະສົບກັບຄວາມຫຍຸ້ງຍາກຢູ່ເຂດຊາຍແດນບືນຕົວຂຶ້ນ. ຜ່ານແຕ່ລະບາດກ້າວເດີນຂອງເດັກນ້ອຍ, ນ້ຳໃຈມິດຕະພາບຫວຽດນາມ - ລາວ ນັບມື້ນັບໄດ້ຮັບການເພີ່ມພູນຄູນສ້າງ ແລະ ກາຍເປັນຄວາມໝັ້ນຄົງເຂັ້ມແຂງກວ່າ. ບັນດາທະຫານຊາຍແດນຫວຽດນາມ ນັບມື້ນັບກໍ່ສ້າງລຸ້ນໜຸ່ມໃຫ້ມີຄວາມເຂົ້າໃຈ ແລະ ປົກປັກຮັກສານ້ຳໃຈມິດຕະພາບອັນສັກສິດລະຫວ່າງ 2 ປະເທດ.
 | ແລກປ່ຽນ, ຊອກຫາທິດທາງໃໝ່ໃນວຽກງານການທູດປະຊາຊົນຢູ່ເຂດຊາຍແດນ ຫວຽດນາມ - ລາວ ແຂວງ ກວາງຈີ້ ຍສໝ - ວັນທີ 15 ສິງຫາ, ຢູ່ແຂວງ ກວາງຈີ້, ທ່ານ ໂຮ່ດ້າຍນາມ, ຫົວໜ້າຄະນະໂຄສະນາສຶກສາ ຄະນະພັກແຂວງ ກວາງຈີ້ ໄດ້ມີການເຮັດວຽກກັບຄະນະປະຕິບັດງານ ຄະນະຕິດຕໍ່ມິດຕະພາບທີ່ເປັນມູນເຊື້ອ ຫວຽດນາມ - ລາວ ໂດຍທ່ານພົນຕີ ຫງວຽນຕ໋ຽນລອງ, ຮອງປະທານສູນກາງສະມາຄົມມິດຕະພາບ ຫວຽດນາມ - ລາວ, ຮອງຄະນະຕິດຕໍ່ ເປັນຫົວໜ້າຄະນະ. ... |
 | ປະຊາຄົມຊາວຫວຽດນາມ ຢູ່ ມົງໂກລີ ຮ່ວມມືກັນໄຕ້ແສງສະຫວ່າງເຂດຊາຍແດນ ຍສໝ - ໂດຍຕອບສະໜອງການລະດົມຂອງສະມາຄົມນັກທຸລະກິດຫວຽດນາມ ຢູ່ຕ່າງປະເທດ, ວັນທີ 6 ມິຖຸນາ 2024, ສະຖານທູດ ຫວຽດນາມ ປະຈຳ ມົງໂກລີ ພ້ອມກັນກັບສະມາຄົມນັກທຸລະກິດ ຫວຽດນາມ ປະຈຳ ມົງໂກລີ ໄດ້ຈັດຕັ້ງພິທີບໍລິຈາກ ເພື່ອສະໜັບສະໜູນໂຄງການ “ໄຕ້ແສງສະຫວ່າງເຂດຊາຍແດນ” ຢູ່ ກາວບັ່ງ. |
ມີງດຶກ
