 | ແນະນຳມາດຕະການແກ້ໄຂສີຂຽວ ຊູແອດ ໃຫ້ບັນດາຄູ່ຮ່ວມມືຫວຽດນາມ |
| ຊາວໜຸ່ມຫວຽດນາມ ອາໄສຢູ່ຕ່າງປະເທດ ແລະ ຄວາມມານະພະຍາຍາມປົກປັກຮັກສາ, ເຜີຍແຜ່ພາສາຫວຽດນາມ |
ສ້າງສູນຝຶກອົບຮົມໂດຍບໍ່ເສຍຄ່າ
ຢູ່ໃຈກາງເທສະບານໄກສອນພົມວິຫານ ແຂວງສະຫວັນນະເຂດ (ລາວ) ມີສູນພາສາຫວຽດນາມ ໂດຍນະຄອນດານັງ ລົງທຶນການກໍ່ສ້າງຕັ້ງແຕ່ປີ 2005. ສູນດັ່ງກ່າວ ລວມມີອາຄານ 2 ຊັ້ນ ແລະ ບັນດາຫ້ອງສະໝຸດ, ຫ້ອງເຮັດວຽກຂອງພະນັກງານ, ຫ້ອງດຳເດີນຊີວິດ ແລະ ຫ້ອງອາຫານ, ມີອຸປະກອນຄົບຊຸດເພື່ອຮັບໃຊ້ການຮຽນ-ການສອນ.
ນັບແຕ່ນັ້ນມາ, ໃນແຕ່ລະປີ, ສູນໄດ້ບຳລຸງສ້າງໂດຍບໍ່ເສຍຄ່າໃຫ້ແກ່ນັກຮຽນນັບຮ້ອຍຄົນ. ນອກຈາກຈຳນວນຄູອາຈານຖາວອນຂອງສູນ, ແຕ່ລະປີຍັງມີອາຈານ 2 ຄົນຖືກສົ່ງຈາກຫວຽດນາມ ໄປສອນພາສາຫວຽດນາມຢູ່ສູນໂດຍກົງ.
 |
| ຄູອາຈານ ແລະ ນັກຮຽນາລາວ ທີ່ສູນພາສາຫວຽດນາມ ແຂວງສະຫວັນນະເຂດ. ພາບ: Aling Svt |
ສູນພາສາຫວຽດນາມ ແຂວງສະຫວັນນະເຂດ ບໍ່ພຽງແຕ່ຕອບສະໜອງຄວາມຮຽກຮ້ອງຕ້ອງການດ້ານການຮຽນພາສາຫວຽດນາມ ຂອງເດັກນ້ອຍຊາວຫວຽດນາມ ຢູ່ຕ່າງປະເທດ ເວົ້າສະເພາະ ແລະ ຊາວລາວ ເວົ້າລວມ ເທົ່ານັ້ນ, ຫາກຍັງເປັນບ່ອນແລກປ່ຽນວັດທະນະທຳລະຫວ່າງລຸ້ນໜຸ່ມຂອງສອງປະເທດອີກດ້ວຍ. ໂດຍຜ່ານການຮ່ຳຮຽນ ແລະ ຝຶກອົບຮົມພາສາຫວຽດນາມ, ບັນດານັກສຶກສາຢູ່ທີ່ນີ້ ຈະເຂົ້າໃຈຮູບພາບປະເທດຊາດ, ວັດທະນະທຳ ແລະ ປະຊາຊົນຫວຽດນາມ ກ່ວາອີກ.
ໂດຍໄດ້ຮູ້ວ່າ, ມາຮອດປະຈຸບັນ, ນະຄອນດານັງ ໄດ້ສ້າງສູນພາສາຫວຽດນາມ 4 ແຫ່ງຢູ່ລາວ. ໃນນັ້ນ, ກໍ່ສ້າງສູນພາສາຫວຽດນາມ 2 ແຫ່ງຢູ່ແຂວງຈຳປາສັກ ແລະ ສູນພາສາຫວຽດນາມ 1 ແຫ່ງຢູ່ແຂວງສະຫວັນນະເຂດ, ສູນພາສາຫວຽດນາມ 1 ແຫ່ງຢູ່ແຂວງສາລະວັນ.
ຄຽງຂ້າງນະຄອນ ດານັງ, ມະຫາວິທະຍາໄລ ກິວລອງ ຂອງຫວຽດນາມ ຍັງສົມທົບກັບສະຖາບັນເຕັກໂນໂລຢີຂໍ້ມູນ ແລະ ສື່ສານ, ຂຶ້ນກັບກະຊວງວິທະຍາສາດ ແລະ ສື່ສານ ລາວ ເພື່ອກໍ່ສ້າງສູນບຳລຸງສ້າງພາສາຫວຽດນາມ ມິດຕະພາບ UCL-IICT ຢູ່ນະຄອນຫຼວງວຽງຈັນ.
ສົ່ງອາຈານໄປສອນພາສາຫວຽດນາມ
ແຕ່ລະປີ, ກະຊວງສຶກສາ ແລະ ບຳລຸງສ້າງ ຫວຽດນາມ ໄດ້ປະກາດແຈ້ງການຮັບສະໝັກຄູສອນຫວຽດນາມ ໄປສອນຢູ່ລາວ. ຕາມໂຄງການ “ຍົກສູງຄຸນນະພາບ ແລະ ປະສິດທິຜົນການຮ່ວມມື ຫວຽດນາມ - ລາວ ໃນຂົງເຂດການສຶກສາ ແລະ ພັດທະນາແຫຼ່ງຊັບພະຍາກອນມະນຸດ ໄລຍະ 2021-2023”, ຫວ່າງມໍ່ໆມານີ້, ໃນເດືອນເມສາ 2024, ກະຊວງສຶກສາ ແລະ ບຳລຸງສ້າງ ໄດ້ປະກາດແຈ້ງການຮັບສະໝັກອາຈານຊາວຫວຽດນາມ 22 ຄົນໄປສອນພາສາຫວຽດນາມ ຢູ່ລາວ.
ນອກຈາກການສົ່ງອາຈານໄປສອນແລ້ວ, ກະຊວງສຶກສາ ແລະ ບຳລຸງສ້າງຫວຽດນາມ ຍັງໄດ້ສົ່ງນັກຊ່ຽວຊານດ້ານການສຶກສາ ໄປຊ່ວຍລາວ ຮຽບຮຽງຕຳລາສອນ, ບຳລຸງສ້າງບັນດາລະດັບຢູ່ກັບທີ່, ອຸປະຖຳກ່ຽວກັບເອກະສານ, ປຶ້ມ, ເປີດກ້ວາງບັນດາຮູບແບບບຳລຸງສ້າງຢູ່ຫຼາຍທ້ອງຖິ່ນຂອງລາວ, ປະກອບສ່ວນບຳລຸງສ້າງ ແລະ ຍົກສູງລະດັບວັດທະນະທໍາຂອງເດັກນ້ອຍບັນດາຊົນເຜົ່າທີ່ຫ່າງໄກສອກຫຼີກໃນປະເທດລາວ.
ຄຽງຄູ່ນັ້ນ, ບັນດາແຂວງທີ່ມີຊາຍແດນຕິດກັບລາວຄື: ດານັງ, ກວາງຈີ, ກວາງບິ່ງ, ເງ້ອານ, ຮ່າຕິ້ງ, ແທງຮວ໋າ... ຍັງໄດ້ສະໜອງທຶນສຶກສາໃຫ້ນັກສຶກສາລາວໄປຮຽນພາສາຫວຽດນາມ, ສົ່ງອາຈານໄປສອນພາສາຫວຽດນາມ ຢູ່ສູນພາສາຫວຽດນາມ... ໜູນຊ່ວຍຄະນະຜູ້ແທນພະນັກງານ, ຄູອາຈານ ແລະ ນັກຮຽນຂອງສູນພາສາຫວຽດນາມ ຢູ່ບັນດາແຂວງ ໄປຝຶກອົບຮົມ, ຄົ້ນຄ້ວາປະຕິບັດຕົວຈິງຢູ່ບັນດາໂຮງຮຽນຂອງແຂວງ...
ສ້າງຕັ້ງບັນດາສູນສຶກສາຫວຽດນາມ
ກວ້າງປະມານ 50 ຕາແມັດ, ຕັ້ງຢູ່ໃນຂອບເຂດມະຫາວິທະຍາໄລ Osaka, ຍີ່ປຸ່ນ, ສູນສຶກສາຫວຽດນາມ ເປັນສະຖານທີ່ປະສານງານການຄົ້ນຄວ້າ, ບຳລຸງສ້າງແບບເລິກເຊິ່ງກ່ຽວກັບການສອນພາສາຫວຽດນາມ, ສະໜອງຂໍ້ມູນ, ຄວາມຮູ້ຫຼາຍດ້ານກ່ຽວກັບຫວຽດນາມ. ສູນດັ່ງກ່າວປະກອບສ່ວນຊຸກຍູ້ຄວາມເຂົ້າໃຈ ແລະ ການພົວພັນຮ່ວມມືອັນດີງາມລະຫວ່າງ ຍີ່ປຸ່ນ ແລະ ຫວຽດນາມ. ໂດຍໄດ້ຮູ້ວ່າ ສູນສຶກສາຫວຽດນາມ ໂດຍສະມາຄົມສົ່ງເສີມການຮ່ວມມືເສດຖະກິດ ຫວຽດນາມ - ຍີ່ປຸ່ນ ຢູ່ Osaka, ຍີ່ປຸ່ນ ໄດ້ສົມທົບກັບສະຖານກົງສຸນໃຫຍ່ ຫວຽດນາມ ປະຈໍາ Osaka ເປີດຕົວໃນວັນທີ 7 ຕຸລາ.
 |
| ສູນສຶກສາຫວຽດນາມ ຢູ່ໃນມະຫາວິທະຍາໄລ າດຊະພັດ ອຸດອນທານີ. ພາບ: Mai Xuan Hung |
ສາດສະດາຈານ Shimizu Masaky, ຫົວໜ້າພາກວິຊາພາສາຫວຽດນາມ, ຄະນະພາສາຕ່າງປະເທດ, ມະຫາວິທະຍາໄລ Osaka, ຍີ່ປຸ່ນ ໄດ້ສະແດງຄວາມປາດຖະໜາຢາກເພີ່ມທະວີບັນດາຂໍ້ຕົກລົງຮ່ວມມືລະຫວ່າງພາກວິຊາພາສາຫວຽດນາມ, ຄະນະພາສາຕ່າງປະເທດ, ມະຫາວິທະຍາໄລ Osaka ກັບມະຫາວິທະຍາໄລຈຳນວນໜຶ່ງຂອງຫວຽດນາມ ໃນໄລຍະຈະມາເຖິງ. ການເຄື່ອນໄຫວນີ້ແມ່ນເພື່ອແລກປ່ຽນນັກສຶກສາ, ນັກຊ່ຽວຊານ, ນັກວິທະຍາສາດ, ອາຈານລະຫວ່າງໂຮງຮຽນ ແລະ ຄູ່ຮ່ວມມືຫວຽດນາມ ໃນການສຶກສາ, ຄົ້ນຄວ້າ, ສິດສອນ ແລະ ເຮັດວຽກໃນໄລຍະທີ່ຈຳກັດ. ການຮ່ວມມືຈະປະກອບບົດບາດເປັນຂົວເຊື່ອມຕໍ່ ເພື່ອເຊື່ອມຕໍ່ສະມາຄົມຄົ້ນຄ້ວາຫວຽດນາມ ຢູ່ ຍີ່ປຸ່ນ ກັບບັນດາຜູ້ຊ່ຽວຊານສຶກສາຫວຽດນາມ ຢູ່ຫວຽດນາມ ນັບມື້ນັບໃຫ້ເລິກເຊິ່ງ, ຮອບດ້ານກ່ວາອີກ.
ຢູ່ໄທ, ປະຈຸບັນມີສູນສຶກສາຫວຽດນາມ 2 ແຫ່ງຢູ່ໃນມະຫາວິທະຍາໄລ ຣາດຊະພັດ ອຸດອນທານີ ຢູ່ແຂວງອຸດອນທານີ (ພາກຕາເວັນອອກສ່ຽງເໜືອຂອງໄທ) ແລະ ວິທະຍາໄລອາຊີ. ນີ້ແມ່ນບັນດາຮາກຖານສົມທົບກັນເພື່ອຄົ້ນຄວ້າ, ບຳລຸງສ້າງຢ່າງເລິກເຊິ່ງກ່ຽວກັບຫວຽດນາມ, ສອນພາສາຫວຽດນາມ, ສະໜອງຂໍ້ມູນ, ຄວາມຮູ້ຫຼາຍດ້ານກ່ຽວກັບຫວຽດນາມ, ພ້ອມກັນນັ້ນ ປະກອບສ່ວນຊຸກຍູ້ການພົວພັນຮ່ວມມືອັນດີງາມລະຫວ່າງໄທ ແລະ ຫວຽດນາມ.
ຢູ່ກຳປູເຈຍ, ຄະນະສຶກສາຫວຽດນາມ ຢູ່ມະຫາວິທະຍາໄລ ຣາດຊະພັດ ພະນົມເປັນ (RUPP) ກະກຽມໄດ້ຮັບການສ້າງຕັ້ງ. ຄະນະສຶກສາຫວຽດນາມ ຈະສຳລັບໃຫ້ນັກສຶກສາ ກຳປູເຈຍ ໄດ້ຮັບທຶນສຶກສາໄປຮຽນຢູ່ຫວຽດນາມ ແລະ ບັນດານັກຮຽນ, ນັກສຶກສາອື່ນໆທີ່ຢາກຮຽນພາສາຫວຽດນາມ.
 | “ບຳລຸງສ້າງ” ພາສາຫວຽດນາມ ຈາກບັນດາມະຫາວິທະຍາໄລ, ສູນສາກົນໃນທົ່ວ 5 ທະວີບ ຍສໝ - ພາສາຫວຽດນາມ ພວມກາຍເປັນວິຊາຮຽນຢູ່ໂຮງຮຽນສາກົນຫຼາຍແຫ່ງ. ພາສານີ້ບໍ່ພຽງແຕ່ແມ່ນສຳລັບໃຫ້ປະຊາຄົມຊາວຫວຽດນາມ ຢູ່ 5 ທະວີບເທົ່ານັ້ນ ຫາກຍັງດຶງດູດຄວາມສົນໃຈຂອງເພື່ອນມິດສາກົນ, ປະກອບສ່ວນໂຄສະນາຄວາມອຸດົມສົມບູນ, ສ່ວຍງາມຂອງພາສາຫວຽດນາມ ແລະ ວັດທະນະທຳ ຫວຽດນາມ ໃຫ້ແກ່ໂລກ. |
 | ຍສໝ - ວັນທີ 11 ຕຸລາ, ທ່ານນາງ Carmen Cano De Lasala, ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ລາຊະອານາຈັກ ແອັດສະປາຍ ໄດ້ມີການເຮັດວຽກກັບມະຫາວິທະຍາໄລເສດຖະກິດ - ການເງິນ ນະຄອນໂຮ່ຈີມິນ (UEF) ແລະ ພົບປະກັບນັກສຶກສາ ເນື່ອງໃນໂອກາດທີ່ໂຮງຮຽນເປີດຕົວສູນເຫດການແອັດສະປາຍ ຢ່າງເປັນທາງການ |
ມີງດຶກ
