 | ແມ່ຍິງຕຳຫຼວດມອບຂອງຂວັນວັນບຸນໄຫວ້ພະຈັນໃຫ້ນັກຮຽນລາວ ແລະເດັກນ້ອຍຊົນເຜົ່າສ່ວນນ້ອຍ |
| ເຊີນລາ ເພີ່ມທະວີການຮ່ວມມືດ້ານການສຶກສາ-ບຳລຸງສ້າງກັບບັນດາແຂວງພາກເໜືອຂອງ ລາວ |
ໂດຍເຂົ້າຮ່ວມພິທີມີທ່ານເອກອັກຄະລັດຖະທູດຈີນ ປະຈຳ ຫວຽດນາມ ຮ່າເຫວີຍ, ທີ່ປຶກສາການສຶກສາ ຊຶ້ງດ້າເຫວີຍ. ຜູ້ຕາງໜ້າຝ່າຍຫວຽດນາມ ມີທ່ານ ຫງວຽນວິງກວາງ, ຮອງປະທານສະມາຄົມມິດຕະພາບ ຫວຽດນາມ - ຈີນ, ພ້ອມກັນກັບບັນດາຄູອາຈານ ແລະ ນັກຮຽນທີ່ມາຈາກ ຮ່າໂນ້ຍ,ແຂວງ ໄທງວຽນ, ລ້າງເຊີນ, ບັກຢາງ ແລະ ກວາງນິງ.
 |
| ທ່ານເອກອັກຄະລັດຖະທູດ ຈີນ ປະຈຳ ຫວຽດນາມ ຮ່າເຫວີຍ ກ່າວຄຳປາໄສ. ພາບ: Dinh Hoa |
ກ່າວຄຳປາໄສທີ່ພິທີ, ທ່ານເອກອັກຄະລັດຖະທູດຈີນ ປະຈຳ ຫວຽດນາມ ຮ່າເຫວີຍ ໄດ້ແບ່ງປັນວ່າ “ໂຄງການທຶນການສຶກສາເອກອັກຄະລັດຖະທູດຈີນ ໄດ້ຮັບການສ້າງຕັ້ງໃນປີ 2019 ມາຮອດປະຈຸປັນໄດ້ໜູນຊ່ວຍໃຫ້ນັກຮຽນ ຫວຽດນາມ 1.000 ກ່ວາຄົນ. ເປົ້າໝາຍຂອງພວກຂ້າພະເຈົ້າແມ່ນເສີມຂະຫຍາຍຈິດໃຈໜູນຊ່ວຍເຊິ່ງກັນ ແລະ ກັນ, ໜູນຊ່ວຍນັກຮຽນທີ່ປະສົບກັບຄວາມຫຍຸ້ງຍາກ, ສູ້ຊົົນກາຍເປັນຜູ້ມີຄວາມສັນທັດ ແລະ ຄຸນນະທຳ, ປະກອບສ່ວນເຂົ້າໃນການພັດທະນາຂອງ ຫວຽດນາມ ແລະ ສາຍພົວພັນມິດຕະພາບລະຫວ່າງສອງປະເທດ.
ທ່ານເນັ້ນໜັກວ່າ “ຈີນ ແລະ ຫວຽດນາມ ມີພູເຂົາ, ແມ່ນ້ຳທີ່ຢູ່ຄຽງກັນ, ວັດທະນະທຳທີ່ຄ້າຍຄືກັນ. ນ້ຳໃຈມິດຕະພາບທີ່ເປັນມູນເຊື້ອລະຫວ່າງສອງປະເທດໄດ້ຮັບການກໍ່ສ້າງ ແລະ ອອກເຫື່ອເທແຮງເພີ່ມພູນຄູນສ້າງນັບແຕ່ຄົນລຸ້ນກ່ອນ. ການສ້າງອະນາຄົດທີ່ສົດໃສຕ້ອງການການປະກອບສ່ວນຂອງຫຼາຍລຸ້ນຄົນ. ຫວັງວ່າບັນດານ້ອງນັກຮຽນ ຈະເຄົາລົບ ແລະ ຈົດຈຳປະຫວັດສາດນີ້, ເລີ່ມຕົ້ນຈາກສິ່ງນ້ອຍໆເພື່ອໃຫ້ນ້ຳໃຈມິດຕະພາບ ຈີນ-ຫວຽດນາມ ຂຽວສົດງົດງາມຕະຫຼອດໄປ, ໝັ້ນຄົງຂະໜົງແກ່ນຈົນຊົ່ວກາລະນານ”.
ທ່ານເອກອັກຄະລັດຖະທູດກ່າວຕື່ມວ່າ ການຮ່ວມມືດ້ານການສຶກສາຍາມໃດກໍ່ແມ່ນພາກສ່ວນໜຶ່ງທີ່ສຳຄັນຂອງການຮ່ວມມືຍຸດທະສາດຮອບດ້ານລະຫວ່າງສອງປະເທດ. ປະຈຸບັນ, ຈຳນວນນັກສຶກສາ ຫວຽດນາມ ຢູ່ ຈີນ ໄດ້ບັນລຸລະດັບສູງເປັນປະຫວັດສາດ, ດ້ວຍ 23.000 ຄົນ, ເພີ່ມເກືອບ 2 ເທົ່າເມື່ອ 5 ປີກ່ອນ. ສະຖານທູດຈີນ ໃຫ້ຄຳໝັ້ນສັນຍາຈະສືບຕໍ່ສ້າງເງື່ອນໄຂໃຫ້ນັກສຶກສາຫວຽດນາມ ເຂົ້າເຖິງແຫຼ່ງການສຶກສາທີ່ມີຄຸນນະພາບສູງ, ປະກອບສ່ວນເຂົ້າໃນການພັດທະນາ ແລະ ນ້ຳໃຈມິດຕະພາບລະຫວ່າງສອງປະເທດ.
ທ່ານ ຫງວຽນວິງກວາງ, ຮອງປະທານສະມາຄົມມິດຕະພາບ ຫວຽດນາມ - ຈີນ ໄດ້ສະແດງຄວາມຂອບໃຈເຖິງສະຖານທູດຈີນ ທີ່ໄດ້ປະຕິບັດໂຄງການທຶນການສຶກສາທີ່ມີຄວາມໝາຍ. ທ່ານຫວັງວ່າໃນໄລຍະຈະມາເຖິງ ຈະມີນັກຮຽນຫຼາຍຄົນສືບຕໍ່ໄດ້ຮັບຄວາມເອົາໃຈໃສ່, ການຮ່ວມເດີນທາງຂອງສະຖານທູດ. ທ່ານກ່າວວ່າ “ການພົວພັນມິດຕະພາບລະຫວ່າງສອງປະເທດພັດທະນາບົນພື້ນຖານຄວາມເຂົ້າໃຈເຊິ່ງກັນ ແລະ ກັນ. ເພື່ອຊຸກຍູ້ການພົວພັນນີ້, ຕ້ອງເພີ່ມທະວີການພົບປະແລກປ່ຽນປະຊາຊົນ, ພິເສດແມ່ນລະຫວ່າງລຸ້ນໜຸ່ມໂດຍຜ່ານພາສາ ແລະ ວັດທະນະທຳ. ຂ້າພະເຈົ້າຫວັງວ່າ ບັນດານ້ອງນັກຮຽນຈະຮູ້ບຸນຄຸນຕໍ່ບັນດາກາລະໂອກາດດ້ານທຶນການສຶກສາອັນລ້ຳຄ່າຈາກລັດຖະບານຈີນ, ດ້ວຍວິທີມານະພະຍາຍາມຮ່ຳຮຽນ ແລະ ບັນລຸໄດ້ຜົນງານສູງ, ຈາກນັ້ນ ກໍ່ປະກອບສ່ວນຊຸກຍູ້ການພົວພັນຮ່ວມມືລະຫວ່າງ ຫວຽດນາມ - ຈີນ ໃນອະນາຄົດ”.
 |
| ທ່ານເອກອັກຄະລັດຖະທູດ ຮ່າເຫວີຍ ໄດ້ຖ່າຍຮູບກັບບັນດາຄູອາຈານ ແລະ ນັກຮຽນ ແຂວງ ບັກຢາງ ທີ່ໄດ້ຮັບທຶນສຶກສາ. ພາບ: Dinh Hoa |
ທ່ານນາງ ຫງວຽນທິຕວ໋ຽນ, ຮອງຜູ້ອໍານວຍການໂຮງຮຽນປະຖົມ ຊ່າຍດົ່ງ (ເມືອງລອງບຽນ, ຮ່າໂນ້ຍ) ກ່າວວ່າ “ໂຄງການທຶນການສຶກສານີ້ແມ່ນແຫຼ່ງກໍາລັງລະດົມອັນໃຫຍ່ຫຼວງ, ຊ່ວຍໃຫ້ບັນດານ້ອງນັກຮຽນມີກຳລັງຜັກດັນຕື່ມອີກ ເພື່ອພິຊິດຈຸດສູງສຸດຂອງຄວາມຮູ້, ປະກອບສ່ວນໃຫ້ແກ່ປະເທດຊາດ ແລະ ເພີ່ມທະວີນ້ຳໃຈມິດຕະພາບ ຫວຽດນາມ - ຈີນ”.
ທີ່ພິທີ, ຕາງໜ້າໃຫ້ບັນດານັກຮຽນທີ່ໄດ້ຮັບທຶນການສຶກສາ, ນ້ອງ ຈີ້ງທິຮົ່ງຫງອກ (ນັກຮຽນໂຮງຮຽນມັດທະຍົມຕອນຕົ້ນ ຈີລັງ, ແຂວງ ລ້ານເຊີນ) ໄດ້ສະແດງຄວາມດີໃຈສົ່ງຄຳຂອບໃຈເຖິງສະຖານທູດຈີນ. ນ້ອງໃຫ້ຄຳໝັ້ນສັນຍາຈະສືບຕໍ່ມານະພະຍາຍາມຮ່ຳຮຽນ, ຝຶກຝົນຫຼໍ່ຫຼອມ, ປະກອບສ່ວນໃຫ້ແກ່ປະຊາຄົມຫຼາຍກ່ວາອີກ, ພິເສດແມ່ນການເພີ່ມພູນຄູນສ້າງນ້ຳໃຈມິດຕະພາບ ຫວຽດນາມ - ຈີນ, ເຮັດໃຫ້ຖືກຄວາມໝາຍທີ່ທຶນການສຶກສາມຸ່ງໄປເຖິງ.
 | ຮ່າໂນ້ຍ ບໍາລຸງສ້າງທິດສະດີ ວຽກງານກຳມະບານໃຫ້ພະນັກງານກໍາມະບານລາວ ຍສໝ - ວັນທີ 9 ກັນຍາ, ສະຫະພັນແຮງງານ ນະຄອນຮ່າໂນ້ຍ ໄດ້ຈັດພິທີເປີດຊຸດຝຶກອົບຮົມທິດສະດີວຽກງານກຳມະບານໃຫ້ແກ່ພະນັກງານຂອງສະຫະພັນກຳມະບານ ນະຄອນຫຼວງວຽງຈັນ, ແຂວງວຽງຈັນ ແລະ ແຂວງຫຼວງພະບາງ (ສປປ ລາວ). |
 | ຜູ້ຊົງຄຸນວຸດທິມິດຕະພາບ ຈີນ ປະກອບສ່ວນພັດທະນາການພົວພັນ ຫວຽດນາມ-ຈີນ ແບບຍືນຍົງ ຍສໝ - ທ່ານເລຂາທິການໃຫຍ່, ປະທານປະເທດ ໂຕເລີມ ເຊື່ອໝັ້ນວ່າ ຜູ້ແທນແຕ່ລະຄົນທີ່ເຂົ້າຮ່ວມການພົບປະ, ບໍ່ວ່າຈະເປັນໃຜ ຫຼື ດຳລົງຕຳແໜ່ງໃດກໍ່ຕາມ, ລ້ວນແຕ່ມີຄວາມປາຖະໜາລວມອັນໃຫຍ່ຫຼວງ ແມ່ນສາຍພົວພັນຫວຽດນາມ - ຈີນ “ຂຽວສົດງົດງາມຕະຫຼອດໄປ, ໝັ້ນຄົງຂະໜົງແກ່ນຈົນຊົ່ວກາລະນານ". |
ມີງດຶກ
