ທີ່ການພົບປະ, ສະຫາຍເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ໄດ້ສະແດງຄວາມຊົມເຊີຍສະຫາຍ ຫງວຽນມິງເຕີມໄດ້ຮັບຄວາມໄວ້ເນື້ອເຊື່ອໃຈຈາກພັກ, ລັດ ຫວຽດນາມ ແຕ່ງຕັ້ງເປັນເອກອັກຄະລັດຖະທູດຜູ້ມີອຳນາດເຕັມ ແຫ່ງ ສສ ຫວຽດນາມ ປະຈຳ ສປປ ລາວ, ສະແດງໃຫ້ເຫັນຄວາມຖືເປັນສຳຄັນຂອງພັກ, ລັດ ຫວຽດນາມ ກ່ຽວກັບການພົວພັນແບບພິເສດລະຫວ່າງ ຫວຽດນາມ - ລາວ.
 |
| ສະຫາຍ ເອກອັກຄະລັດຖະທູດ ຫງວຽນມິງເຕີມ ໄດ້ຍື່ນສານຕາຕັ້ງຕໍ່ ສະຫາຍເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ. ພາບ: Xuan Tu/TTXVN |
ສະຫາຍ ທອງລຸນ ສີສຸລິດ ຕີລາຄາສູງ ສະຫາຍເອກອັກຄະລັດຖະທູດ ຫງວຽນມິງເຕີມ ເປັນພະນັກງານທີ່ມີຄວາມຮູ້ຄວາມເຂົ້າໃຈກ່ຽວກັບ ລາວ, ເປັນຜູ້ຮັບຜິດຊອບໂດຍກົງກ່ຽວກັບການພົວພັນ ຫວຽດນາມ - ລາວ ເປັນເວລາຫຼາຍປີ, ສະນັ້ນ ເຮັດໃຫ້ວຽກງານມີຄວາມສະດວກໃນການປະຕິບັດວຽກງານ; ສະແດງຄວາມເຊື່ອໝັ້ນວ່າ ດ້ວຍຄວາມສາມາດ ແລະ ປະສົບການຂອງຕົນ, ສະຫາຍເອກອັກຄະລັດຖະທູດ ຫງວຽນມິງເຕີມ ຈະສຳເລັດໜ້າທີ່ດີເດັ່ນທີ່ໄດ້ຮັບມອບໝາຍ.
ສະຫາຍເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ກໍໄດ້ສົ່ງຄຳຢື້ຢາມຢ່າງເຄົາລົບຈິງໃຈເຖິງ ສະຫາຍເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ແລະ ບັນດາສະຫາຍການນຳຂັ້ນສູງຂອງພັກ, ລັດ ຫວຽດນາມ; ຕີລາຄາສູງ ແລະ ຂອບໃຈຢ່າງຈິງໃຈເຖິງທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ແລະ ບັນດາສະຫາຍການນຳຂັ້ນສູງຂອງພັກ ແລະ ລັດ ຫວຽດນາມ ທີ່ໄດ້ໃຫ້ຕ້ອນຮັບຄະນະຜູ້ແທນຂັ້ນສູງໄປຢ້ຽມຢາມທາງລັດຖະກິດແລະ ການເຂົ້າຮ່ວມການພົບປະຂັ້ນສູງລະຫວ່າງສອງພັກເມື່ອບໍ່ດົນມານີ້ຢ່າງສົມກຽດ, ລະອຽດລະອໍ, ປອດໄພ ແລະ ມີຂໍ້ຍົກເວັ້ນຫຼາຍຢ່າງ, ໄດ້ສະແດງໃຫ້ເຫັນສາຍພົວພັນອັນຜູກພັນ, ຄວາມໄວ້ເນື້ອເຊື່ອໃຈລະຫວ່າງສອງພັກ, ສອງປະເທດ; ເນື້ອໃນຂອງການໂອ້ລົມສົນທະນາໄດ້ມີການປ່ຽນແປງໃໝ່ຫຼາຍຢ່າງ, ກ້າວເຂົ້າສູ່ລວງເລິກ ແລະ ແທດຈິງ.
ສະຫາຍເລຂາທິການໃຫຍ່, ປະທານປະເທດ ລາວ ໃຫ້ຮູ້ວ່າ ສະຫາຍເອກອັກຄະລັດຖະທູດ ຫງວຽນມິງເຕີມ ມາຮັບໜ້າທີ່ໃນສະພາບການທີ່ການພົວພັນລະຫວ່າງສອງປະເທດນັບມື້ນັບພັດທະນາກ້າວເຂົ້າສູ່ລວງເລິກ, ແທດຈິງ ແລະ ມີປະສິດທິຜົນ; ພິເສດໃນປະຈຸບັນ, ສອງປະເທດພວມກະກຽມຢ່າງຕັ້ງໜ້າໃຫ້ກອງປະຊຸມສຸດຍອດປະຊາຄົມບັນດາປະເທດອາຊີຕາເວັນອອກສ່ຽງໃຕ້ (ອາຊຽນ) ຄັ້ງທີ 44 ແລະ 45 ແລະ ກອງປະຊຸມໃຫຍ່ລະຫວ່າງລັດຖະສະພາບັນດາປະເທດອາຊຽນ ຄັ້ງທີ 45 (AIPA-45), ໄດ້ສະເໜີໃຫ້ບັນດາກະຊວງ, ຂະແໜງການຂອງ 2 ຝ່າຍສົມທົບກັນຢ່າງແໜ້ນແຟ້ນ ເພື່ອກະກຽມໃຫ້ແກ່ບັນດາການຢ້ຽມຢາມເປັນຢ່າງດີ.
ສະຫາຍເລຂາທິການໃຫຍ່, ປະທານປະເທດ ສະເໜີໃຫ້ບັນດາກະຊວງ, ຂະແໜງການຂອງສອງຝ່າຍສົມທົບກັນຢ່າງແໜ້ນແຟ້ນ ເພື່ອຜັນຂະຫຍາຍບັນດາຂໍ້ຕົກລົງຮ່ວມມືຂັ້ນສູງ, ສັນຍາຮ່ວມມື ແລະ ຖະແຫຼງການຮ່ວມ ຫວຽດນາມ - ລາວ ຢ່າງມີປະສິດທິຜົນ, ໃນນັ້ນ ເນັ້ນໜັກວ່າ ສະຫາຍເອກອັກຄະລັດຖະທູດມີບົດບາດສຳຄັນທີ່ສູດໃນການເປັນຂົວຕໍ່ລະຫວ່າງບັນດາກະຊວງ, ຂະແໜງການຂອງສອງຝ່າຍ ເພື່ອຊຸກຍູ້ຜັນຂະຫຍາຍການປະຕິບັດບັນດາຂໍ້ຕົກລົງຮ່ວມມືຢ່າງມີປະສິດທິຜົນ.
 |
| ສະຫາຍເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ຕ້ອນຮັບ ສະຫາຍເອກອັກຄະລັດຖະທູດ ຫງວຽນມິງເຕີມ ເຂົ້າຍື່ນສານຕາຕັ້ງ ພາບ: Xuan Tu/TTXVN |
ສະຫາຍເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ກໍ່ໄດ້ສະແດງຄວາມເຊື່ອໝັ້ນວ່າ ໃນອາຍຸການປະຕິບັດງານຂອງຕົນ, ສະຫາຍເອກອັກຄະລັດຖະທູດ ຫງວຽນມິງເຕີມ ຈະສືບຕໍ່ເຮັດວຽກງານເປັນເສນາທິການເປັນຢ່າງດີໃຫ້ແກ່ການນຳຂັ້ນສູງຂອງສອງພັກ, ສອງປະເທດໃນການພົວພັນ ຫວຽດນາມ - ລາວ, ຜັນຂະຫຍາຍການພົວພັນດ້ານການເມືອງ, ການຕ່າງປະເທດ, ການປ້ອງກັນຊາດ-ປ້ອງກັນຄວາມສະຫງົບຢ່າງມີປະສິດທິຜົນ, ພິເສດແມ່ນສ້າງບາດກ້າວບຸກທະລຸໃນການຮ່ວມມືດ້ານເສດຖະກິດ, ໃນນັ້ນມີການເຊື່ອມຕໍ່ສອງພື້ນຖານເສດຖະກິດ, ການເງິນ-ເງິນຕາ, ພື້ນຖານໂຄງລ່າງ, ຄົມມະນາຄົມ, ໂທລະຄົມ ແລະ ທ່ອງທ່ຽວ...; ປະກອບສ່ວນເພື່ອໃຫ້ການພົວພັນແບບພິເສດທີ່ຫາຍາກ ຫວຽດນາມ ແລະ ລາວ, “ມີໜຶ່ງບໍ່ມີສອງ” ໃນໂລກ ນັບມື້ນັບພັດທະນາ, ຂຽວສົດງົດງາມຕະຫຼອດໄປ, ໝັ້ນຄົງຂະນົງແກ່ນຈົນຊົ່ວກາລະນານ.
ສະຫາຍເອກອັກຄະລັດຖະທູດ ຫງວຽນມິງເຕີມ ໄດ້ສະແດງຄວາມປິຕິຊົມຊື່ນ, ເປັນກຽດ ແລະ ພາກພູມໃຈ ເມື່ອໄດ້ຮັບຄວາມໄວ້ເນື້ອເຊື່ອໃຈຈາກພັກ, ລັດ ແລະ ປະຊາຊົນ ຫວຽດນາມ ໃຫ້ເປັນເອກອັກຄະລັດຖະທູດຜູ້ມີອຳນາດເຕັມ ສາທາລະນະລັດ ສັງຄົມນິຍົມ ຫວຽດນາມ ປະຈຳ ສາທາລະນະລັດ ປະຊາທິປະໄຕ ປະຊາຊົນ ລາວ, ຢືນຢັນວ່າ ນີ້ແມ່ນໜ້າທີ່ທີ່ມີກຽດ ແຕ່ກໍ່ມີຄວາມຮັບຜິດຊອບຫຼາຍ.
ສະຫາຍເອກອັກຄະລັດຖະທູດ ຫງວຽນມິງເຕີມ ຢືນຢັນວ່າ ຫວຽດນາມ ຍາມໃດກໍ່ຖືເປັນສຳຄັນແບບພິເສດ ແລະ ໃຫ້ບຸລິມະສິດສູງສຸດໃຫ້ແກ່ການເພີ່ມພູນຄູນສ້າງ ແລະ ເພີ່ມທະວີການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານກັບພັກ, ລັດ ແລະ ປະຊາຊົນລາວ; ພ້ອມກັນກັບ ລາວ ຈະປົກປັກຮັກສາ ແລະ ສືບທອດສາຍພົວພັນແບບພິເສດລະຫວ່າງ ຫວຽດນາມ ແລະ ລາວ ໃຫ້ບັນດາລຸ້ນຕໍ່ໆໄປ.
 | ການສຶກສາລຸ້ນໜຸ່ມແມ່ນພື້ນຖານອັນໝັ້ນຄົງຂອງສາຍພົວພັນແບບພິເສດ ຫວຽດນາມ - ລາວ ຍສໝ - ໃນຂອບເຂດການຢ້ຽມຢາມທາງລັດຖະກິດ ຫວຽດນາມ, ວັນທີ 10 ກັນຍາ ຢູ່ຮ່າໂນ້ຍ, ທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ໄດ້ມີການພົບປະກັບຄະນະຜູ້ແທນຄະນະກຳມະການສູນກາງແນວໂຮມປະເທດຊາດ ຫວຽດນາມ ແລະ ສະມາຄົມມິດຕະພາບ ຫວຽດນາມ - ລາວ ໂດຍທ່ານ ໂດ້ວັນຈ໋ຽນ, ກຳມະການກົມການເມືອງ, ເລຂາທິການສູນກາງພັກ, ປະທານຄະນະກຳມະການສູນກາງແນວໂຮມປະເທດຊາດ ... |
 | ຜູ້ຊົງຄຸນວຸດທິມິດຕະພາບ ຈີນ ປະກອບສ່ວນພັດທະນາການພົວພັນ ຫວຽດນາມ-ຈີນ ແບບຍືນຍົງ ຍສໝ - ທ່ານເລຂາທິການໃຫຍ່, ປະທານປະເທດ ໂຕເລີມ ເຊື່ອໝັ້ນວ່າ ຜູ້ແທນແຕ່ລະຄົນທີ່ເຂົ້າຮ່ວມການພົບປະ, ບໍ່ວ່າຈະເປັນໃຜ ຫຼື ດຳລົງຕຳແໜ່ງໃດກໍ່ຕາມ, ລ້ວນແຕ່ມີຄວາມປາຖະໜາລວມອັນໃຫຍ່ຫຼວງ ແມ່ນສາຍພົວພັນຫວຽດນາມ - ຈີນ “ຂຽວສົດງົດງາມຕະຫຼອດໄປ, ໝັ້ນຄົງຂະໜົງແກ່ນຈົນຊົ່ວກາລະນານ". |
ມີງດຶກ
