 | ອາເມລິກາ ຈະໜູນຊ່ວຍສຸກເສີນ 1 ລ້ານ USD ໃຫ້ ຫວຽດນາມ ເພື່ອແກ້ໄຂຄວາມເສຍຫາຍຈາກພະຍຸລູກທີ 3 |
| ທ່ານນາຍົກລັດຖະມົນຕີ ໄດ້ຕັດສິນໃຈໜູນຊ່ວຍຢ່າງຮີບດ່ວນ ເພື່ອແກ້ໄຂຄວາມເສຍຫາຍຈາກພະຍຸລູກທີ 3 |
ໂດຍຮັບການມອບສິດຂອງ ປະທານປະເທດ ແຫ່ງ ສປປ ລາວ, ວັນທີ 28 ກັນຍາ, ຄະນະຜູ້ແທນຂັ້ນສູງແຂວງເຊກອງ (ລາວ) ປະສານສົມທົບກັບແຂວງ ກວ໋າງຫງາຍ ຈັດຕັ້ງພິທີປະດັບຫຼຽນໄຊ ຂອງ ສປປ ລາວ ໃຫ້ 1 ໝູ່ຄະນະ, ບຸກຄົນ 3 ທ່ານ ແລະ ແຂວງ ກວ໋າງຫງາຍ ທີ່ໄດ້ມີຜົນງານດີເດັ່ນໃນການຊຸກຍູ້ການພັດທະນາສາຍພົວພັນ ລາວ - ຫວຽດນາມ.
 |
| ພາບພິທີປະດັບຫຼຽນໄຊ ຂອງ ສປປ ລາວ ໃຫ້ແກ່ 1 ໝູ່ຄະນະ, ບຸກຄົນ 3 ທ່ານ ແລະ ຂອງແຂວງ ກວ໋າງຫງາຍ. ພາບ: ມິງທຽນ |
ໃນພິທີ, ຮອງຫົວໜ້າພະແນກພາຍໃນແຂວງ ເຊກອງ (ລາວ) ໄດ້ປະກາດມະຕິຕົກລົງຂອງ ສປປ ລາວ ຢ່າງເປັນທາງການ ກ່ຽວກັບການປະດັບຫຼຽນໄຊແຮງງານຊັ້ນ 1 ໃຫ້ແກ່ຄະນະກຳມະການປະຊາຊົນ ແຂວງ ກວ໋າງຫງາຍ; ຫຼຽນໄຊອິດສະຫຼະ ຊັ້ນ 2 ໃຫ້ແກ່ ທ່ານນາງ ບຸ່ຍທິກວິ່ງເວີນ ປະທານສະພາປະຊາຊົນແຂວງ, ຫຼຽນໄຊອິດສະຫຼະ ຊັ້ນ 3 ໃຫ້ແກ່ ທ່ານນາງ ດິງທິຮົ່ງມິງ ຮອງເລຂາພັກແຂວງ, ຫຼຽນໄຊອິດສະຫຼະ ຊັ້ນ 3 ໃຫ້ແກ່ ທ່ານ ຫວໍຟຽນ ຮອງປະທານຄະນະກໍາມະການປະຊາຊົນແຂວງ.
ຕາມ ທ່ານ ເຫຼັກໄລ ສີວິໄລ ເລຂາພັກແຂວງ, ເຈົ້າແຂວງໆ ເຊກອງ (ລາວ) ໃຫ້ຮູ້ວ່າ ຂໍ້ຕົກລົງວ່າດ້ວຍການປະດັບຫຼຽນໄຊ ຂອງພັກ ແລະ ລັດຖະບານລາວ ໃຫ້ແກ່ບັນດາບຸກຄົນ, ກົມກອງລວມໝູ່ຂອງແຂວງ ກວ໋າງນາມ ແມ່ນເພື່ອແນໃສ່ຮັບຮູ້ການປະກອບສ່ວນອັນໃຫຍ່ຫຼວງຂອງບຸກຄົນ ແລະ ກົມກອງລວມໝູ່ຂອງແຂວງ ກວ໋າງຫງາຍ ໃນການເພີ່ມທະວີຊຸກຍູ້ສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ລາວ - ຫວຽດນາມ ເວົ້າລວມ ແລະ ເຊກອງ - ກວ໋າງຫງາຍ ເວົ້າສະເພາະ.
 |
| ທ່ານ ເຫຼັກໄລ ສີວິໄລປະດັບຫຼຽນໄຊ ອິດສະຫຼະ (Itxala) ຊັ້ນທີ 2 ໃຫ້ແກ່ ທ່ານນາງ ບຸ່ຍທິກວິ່ງເວີນ ປະທານສະພາປະຊາຊົນແຂວງ ກວ໋າງຫງາຍ - (ພາບ: ມິງທຽນ/ກວ໋າງຫງາຍ.gov.vn). |
ທ່ານນາງ ບຸ່ຍທິກວິ່ງເວີນ ປະກອບຄໍາເຫັນ ແລະ ເນັ້ນໜັກໃນພິທີວ່າ: ລາວ ແລະ ຫວຽດນາມ ແມ່ນ 2 ປະເທດບ້ານໃກ້ເຮືອນຄຽງທີ່ມີສາຍພົວພັນສາມັກຄີ, ມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ. ການພົວພັນນີ້ຍາມໃດກໍ່ໄດ້ຮັບການເພີ່ມພູນຄູນສ້າງຈາກພັກ, ລັດຖະບານ ແລະ ປະຊາຊົນ 2 ປະເທດ ອອກເຫື່ອເທແຮງ ເພີ່ມພູນຄູນສ້າງ ແລະ ນັບມື້ນັບມີການປັບປຸງ, ພັດທະນາ, ເຂົ້າໄປສູ່ລວງເລິກ, ແທດຈິງ ແລະ ມີປະສິດທິຜົນ. ບັນດາກົນໄກຮ່ວມມື 2 ຝ່າຍ ສືບຕໍ່ເສີມຂະຫຍາຍຢ່າງມີປະສິດທິຜົນ. ຜ່ານນັ້ນ ກໍ່ປະກອບສ່ວນຮັດແໜ້ນສາຍພົວພັນອັນສະໜິດແໜ້ນ, ຄວາມໄວ້ເນື້ອເຊື່ອໃຈ ແລະ ນໍ້າໃຈຄວາມສາມັກຄີ ມິດຕະພາບແບບພິເສດ ລະຫວ່າງ 2 ປະເທດ.
 | ກະຊວງປ້ອງກັນປະເທດລາວ ປະດັບຫຼຽນໄຊພິລະອາດຫານໃຫ້ບັນດາໝູ່ຄະນະ, ບຸກຄົນ ແມ່ທັບນ້ອຍ 15 ຍສໝ - ທີ່ກອງປະຊຸມ, ສະຫາຍ ພົນຕີ ວົງຄໍາ ພົມມະກອນ ໄດ້ປະກັບຫຼຽນໄຊພິລະອາດຫານ ຊັ້ນ 2 ໃຫ້ແກ່ແມ່ທັບນ້ອຍ 15 ແລະບຸກຄົນຂອງແມ່ທັບນ້ອຍ 15. |
 | ງານວາງສະແດງ ແລະໂຄສະນາຜະລິດຕະພັນທີ່ເປັນເອກະລັກສະເພາະ, OCOP ຂອງແຂວງ ກວາງຈີ້ ແຜນງານແນໃສ່ຊຸກຍູ້ສົ່ງເສີມການຄ້າ; ໂຄສະນາເຜີຍແຜ່ຮູບພາບ ແລະ ຍີ່ຫໍ້ບັນດາຜະລິດຕະພັນທີ່ພົ້ນເດັ່ນ ແລະ ຜະລິດຕະພັນ OCOP ຢູ່ແຂວງ ກວາງຈີ້ |
ທອງມີ ສີຫາວົງ
