 |
| ສະມາຄົມແມ່ຍິງ ກະຊວງຕໍາຫຼວດ ແບ່ງປັນ ແລະລະດົມໃຫ້ຊາວໜຸ່ມເຂົ້າຮ່ວມລາຍການ |
ກ່າວຄຳເຫັນທີ່ລາຍການ, ທ່ານນາງ ພົນຈັດຕະວາ ໂງຮວ່າຍທູ, ຮອງຫົວໜ້າກົມວຽກງານພັກ ແລະ ວຽກງານການເມືອງ, ຫົວໜ້າຄະນະແມ່ຍິງຕໍາຫຼວດປະຊາຊົນ ໃຫ້ຮູ້ວ່າ: “ສຳລັບນັກຮຽນລາວ, ນີ້ແມ່ນຈຸດເວລາທີ່ເຂົາເຈົ້າຫາກໍ່ມາຫວຽດນາມ, ເພື່ອຮຽນພາສາຫວຽດນາມ ແລະ ຮຽນໃນຫຼັກສູດໂຮງຮຽນມັດທະຍົມຕອນຕົ້ນຫວຽດນາມ, ເດັກນ້ອຍຍັງມີຄວາມສັບສົນກັບບ່ອນຢູ່ທີ່ຍັງບໍ່ທັນລື້ງ. ເພື່ອແບ່ງປັນກັບຄວາມຫຍຸ້ງຍາກໃນຊຸມມື້ຕົ້ນການເຂົ້າຮຽນ, ການດຳລົງຊີວິດຢູ່ຫ່າງໄກຈາກຄອບຄົວ, ຊ່ວຍໃຫ້ເດັກນ້ອຍມີໂອກາດໄດ້ຮຽນຮູ້ເຊິ່ງກັນແລະກັນ ແລະ ໄດ້ຮັບຮູ້ງານວັນບຸນໄຫວ້ພະຈັນ, ສະຫະພັນແມ່ຍິງກະຊວງຕຳຫຼວດ, ສະຫະພັນແມ່ຍິງໂຮງໝໍ 198 ແລະ ບັນດາຜູ້ໃຫ້ການສະໜັບສະໜູນ ໄດ້ຈັດຕັ້ງລາຍການ “ມ່ວນຊື່ນໃນວັນບຸນໄຫວ້ພະຈັນ” ໃຫ້ແກ່ເດັກນ້ອຍ".
 |
| ບັນດານັກຮຽນລາວ ດີໃຈເມື່ອໄດ້ຮັບຂອງຂວັນຈາກສະມາຄົມແມ່ຍິງກະຊວງຕຳຫຼວດ ໃນວັນບຸນໄຫວ້ພະຈັນ |
ເດັກນ້ອຍແຕ່ລະຄົນທີ່ເຂົ້າຮ່ວມໂຄງການໄດ້ຮັບຂອງຂວັນຈາກຜູ້ຈັດງານ, ໃນນັ້ນມີເຂົ້າໜົມໄຫວ້ພະຈັນຄູ່ໜື່ງ, ເຂົ້າໜົມແບບປິ້ງ ແລະ ແບບອ່ອນໜຸ້ມ ພ້ອມກັບອຸປະກອນການຮຽນ. ເຖິງວ່າຂອງຂັວນຈະບໍ່ມີມູນຄ່າຫຼາຍກໍ່ຕາມ, ແຕ່ກໍ່ເຕັມໄປດ້ວຍຄວາມຮັກແພງຂອງສະມາຊິກສະຫະພັນແມ່ຍິງກະຊວງຕຳຫຼວດ, ສະຫະພັນແມ່ຍິງໂຮງໝໍ 198 ແລະ ຜູ້ອຸປະຖຳ ສົ່ງເຖິງເດັກນ້ອຍ.
ນັ້ນແມ່ນຂອງຂວັນທີ່ເດັກນ້ອຍໄດ້ຮັບໃນໂອກາດບຸນໄຫວ້ພະຈັນຄັ້ງທຳອິດທີ່ຢູ່ຫ່າງໄກຈາກຄອບຄົວ, ບ້ານເກີດເມືອງນອນ, ໄກປະເທດ ແລະ ພຽງແຕ່ໄດ້ໃຊ້ເວລາຫຼາຍວັນກັບຄູອາຈານ ແລະ ພະນັກງານໂຮງຮຽນປ້ອງກັນ ແລະ ຕ້ານຜົນຮ້າຍທີ່ຕາມມາຈາກພາຍຸເລກທີ 3.
 |
| ທ່ານນາງ ພົນຈັດຕະວາ ໂງຮວ່າຍທູ, (ແຖວໜ້າ, ກາງ), ຮອງຫົວໜ້າກົມວຽກງານພັກ ແລະ ວຽກງານການເມືອງ, ຫົວໜ້າຄະນະແມ່ຍິງກະຊວງຕໍາຫຼວດປະຊາຊົນ ແລະ ສະມາຊິກ ໄດ້ຖ່າຍຮູບທີ່ລະນຶກກັບບັນດາຜູ້ແທນທີ່ເຂົ້າຮ່ວມລາຍການ. |
ໃນໂອກາດນີ້, ຄະນະຈັດຕັ້ງຍັງໄດ້ມອບຂອງຂວັນງານວັນບຸນໃຫ້ຫຼານ 5 ຄົນ ທີ່ເປັນລູກຂອງນັກຮົບຕຳຫຼວດປະຊາຊົນທີ່ເສຍສະຫຼະຊີວິດເພື່ອຊາດ, ເພື່ອເປັນກຳລັງໃຈ ແລະ ໃຫ້ເຂົາເຈົ້າບືນຕົວຂຶ້ນໃນການຮ່ຳຮຽນ ແລະ ການດໍາລົງຊີວິດ.
ອ.ສະຫວັດ
