| ຮ່າໂນ້ຍ ເກັບລາຍຮັບໄດ້ກວ່າ 2,18 ຕື້ດົ່ງ ໃນໂອກາດບຸນວັນຊາດທີ 2 ກັນຍາ | |
| ນັກສຶກສາ ຮ່າໂນ້ຍ - ຟູກູໂອກະ ພົບປະແລກປ່ຽນວັດທະນະທຳ ແລະການສຶກສາ |
ເຂົ້າຮ່ວມພິທີ ມີ ທ່ານ ບຸນຍູ້ ໄຊປັນຍາ ທີ່ປຶກສາຂອງສະຖານທູດລາວ ປະຈຳຫວຽດນາມ; ທ່ານ ດາວເພັດ ອາລຸນ ປະທານສະຫະພັນກຳມະບານ ນະຄອນຫຼວງວຽງຈັນ.
ຝ່າຍຫວຽດນາມ ມີທ່ານຮອງປະທານສະຫະພັນແຮງງານຫວຽດນາມ ເຫງາະຢຸຍຮຽວ; ການນໍາຂອງມະຫາວິທະຍາໄລກໍາມະບານ; ພ້ອມກັບຜູ້ຕາງໜ້າ ນະຄອນຮ່າໂນ້ຍ.
 |
| ພາບບັນຍາກາດພິທີເປີດຊຸດບໍາລຸງສ້າງພະນັກງານກຳມະບານລາວ. |
ກ່າວຄຳເຫັນທີ່ພິທີເປີດຊຸດບໍາລຸງສ້າງ, ທ່ານປະທານສະຫະພັນແຮງງານ ນະຄອນຮ່າໂນ້ຍ ຟາມກວາງແທງ ໄດ້ຫວນຄືນສາຍພົວພັນມິດຕະພາບທີ່ເປັນມູນເຊື້ອບ້ານໃກ້ເຮືອນຄຽງທີ່ຕິດພັນ ພູຕໍ່ພູ ແລະ ແມ່ນ້ຳຕໍ່ແມ່ນ້ຳ ລະຫວ່າງສອງປະເທດ ຫວຽດນາມ - ລາວ ດ້ວຍມູນເຊື້ອມິດຕະພາບທີ່ເປັນມູນເຊື້ອທີ່ສະໜິດສະໜົມມາແຕ່ດົນນານຂອງສອງປະເທດ, ໃນຫຼາຍປີມາ ສະຫະພັນແຮງງານ ນະຄອນຮ່າໂນ້ຍ ແລະ ສະຫະພັນກຳມະບາ ນນະຄອນຫຼວງວຽງຈັນ ໄດ້ມີການພົວພັນມິດຕະພາບທີ່ເປັນມູນເຊື້ອສາມັກຄີອ້າຍນ້ອງທີ່ສະໜິດແໜ້ນ.
ສອງຝ່າຍໄດ້ລົງນາມໃນບົດບັນທຶກຊ່ວຍຈຳ ແລະ ໃນແຕ່ລະປີກໍ່ຜັດປ່ຽນກັນສົ່ງຄະນະຜູ້ແທນຂັ້ນສູງໄປຢ້ຽມຢາມ, ເຮັດວຽກ, ແລກປ່ຽນບົດຮຽນກ່ຽວກັບວຽກງານກຳມະບານ ເພື່ອຍົກສູງຄຸນນະພາບວຽກງານການເບິ່ງແຍງ ແລະ ປົກປ້ອງສິດ ແລະ ຜົນປະໂຫຍດອັນຊອບທຳໃຫ້ແກ່ຜູ້ອອກແຮງງານ; ປະກອບສ່ວນເຂົ້າໃນການພັດທະນາເສດຖະກິດ, ສະຖຽນລະພາບທາງດ້ານການເມືອງສັງຄົມ ຂອງສອງນະຄອນຫຼວງ ເວົ້າສະເພາະ ແລະ ສອງປະເທດ ຫວຽດນາມ - ລາວ ເວົ້າລວມ.
ປີ 2024, ໂດຍປະຕິບັດບົດບັນທຶກຊ່ວຍຈໍາທີ່ໄດ້ລົງນາມໃນວັນທີ 14 ສິງຫາ 2022 ລະຫວ່າງການນຳສະຫະພັນແຮງງານນະຄອນຫຼວງຂອງສອງປະເທດ; ໂດຍໄດ້ຮັບຄວາມເຫັນດີເຫັນພ້ອມຈາກຄະນະປະຈຳສະຫະພັນແຮງງານຫວຽດນາມ, ຄະນະປະຈຳພັກນະຄອນຮ່າໂນ້ຍ, ສະຫະພັນແຮງງານ ນະຄອນຮ່າໂນ້ຍ ໄດ້ສົມທົບກັບມະຫາວິທະຍາໄລກຳມະບານ ເປີດຊຸດບຳລຸງສ້າງທິດສະດີວຽກງານກຳມະບານໃຫ້ແກ່ 20 ສະຫາຍທີ່ເປັນພະນັກງານຫຼັກແຫຼ່ງຂອງສະຫະພັນກຳມະບານ ນະຄອນຫຼວງວຽງຈັນ, ແຂວງວຽງຈັນ ແລະ ແຂວງຫຼວງພະບາງ. ຊຸດອົບຮົມດຳເນີນແຕ່ວັນທີ 6 ກັນຍາ 2024 ຫາວັນທີ 20 ຕຸລາ 2024 ຢູ່ນະຄອນຫຼວງຮ່າໂນ້ຍ.
 |
| ບັນດາູ້ເຂົ້າຮ່ວມຊຸດບຳລຸງສ້າງ ແລະ ຄະນະຜູ້ແທນໄດ້ຖ່າຍຮູບທີ່ລະນຶກໃນພິທີເປີດຊຸດບຳລຸງສ້າງ. |
ໃນຊຸດບຳລຸງສ້າງຄັ້ງນີ້ແມ່ນຈະໄດ້ຄົ້ນຄ້ວາບັນດາບັນຫາພື້ນຖານກ່ຽວກັບກໍາມະບານຫວຽດນາມ; ກົດໝາຍວ່າດ້ວຍແຮງງານ ແລະ ກໍາມະບານ; ຄຸນລັກສະນະ, ທີ່ຕັ້ງ, ພາລະບົດບາດ, ໜ້າທີ່ ແລະ ວຽກງານຂອງສະຫະພັນກໍາມະບານຫວຽດນາມ; ທັກສະການເຄື່ອນໄຫວວຽກງານກໍາມະບານ ແລະ ປະສົບການຕົວຈິງຂອງສະຫະພັນແຮງງານ ນະຄອນຮ່າໂນ້ຍ ໃນການປະຕິບັດບົດບາດ, ໜ້າທີ່ ຂອງອົງການກຳມະບານຢູ່ໃນບໍລິເວນນະຄອນຫຼວງ.
ພ້ອມກັນນັ້ນ, ບັນດານັກສຶກສາກໍ່ໄດ້ປຶກສາຫາລື ແລະ ແລກປ່ຽນບົດຮຽນໃນການເຄື່ອນໄຫວວຽກງານໃນເວລາໄປຄົ້ນຄວ້າຕົວຈິງຢູ່ອົງການກຳມະບານຂັ້ນເທິງ ຢູ່ຮ່າໂນ້ຍ ແລະ ກໍາມະບານແຂວງຈໍານວນໜຶ່ງເຊັ່ນ: ນິ່ງບິງ, ຝູ້ເຖາະ, ວິ້ງຟຸ້ກ, ຮາຍຟ່ອງ , ກວາງນິ່ງ , ເຫງະອ່ານ...
ທ່ານປະທານສະຫະພັນແຮງງານນະຄອນ ຟ້າມກວາງແທງ ໄດ້ສະແດງຄວາມປາດຖະໜາຢາກໃຫ້ບັນດາພະນັກງານຫູັກແຫຼ່ງ ຂອງສະຫະພັນກຳມະບານນະຄອນຫຼວງວຽງຈັນ ແລະ ແຂວງ ຫຼວງພະບາງ ທີ່ໄດ້ເຂົ້າຮ່ວມຊຸດບໍາລຸງສ້າງຢູ່ ຫວຽດນາມ ໃນຄັ້ງນີ້ ສຸມໃສ່ການຮ່ຳຮຽນ, ຄົ້ນຄວ້າ; ພ້ອມກັນແລກປ່ຽນບົດຮຽນໃນການເຄື່ອນໄຫວຕົວຈິງຂອງສະຫະພັນກຳມະບານນະຄອນຫຼວງຂອງສອງປະເທດ, ເພື່ອໃຫ້ສອງຝ່າຍພ້ອມກັນໝູນໃຊ້ຢ່າງມີປະສິດທິຜົນໃນສະພາບຕົວຈິງ, ປະກອບສ່ວນກໍ່ສ້າງຊົນຊັ້ນກຳມະກອນ ແລະ ການຈັດຕັ້ງກໍາມະບານໃຫ້ນັບມື້ເຂັ້ມແຂງ ແລະ ພັດທະນາ.
ກ່າວຄຳເຫັນໃນພິທີເປີດ, ຮອງປະທານສະຫະພັນແຮງງານ ຫວຽດນາມ ທ່ານ ໂຫງ່ຢຸຍຮຽວ ໄດ້ຮຽກຮ້ອງໃຫ້ບັນດານັກສຶກສາ, ຜູ້ລາຍງານກໍານົດເປົ້າໝາຍເພື່ອອອກແບບບົດສອນໃຫ້ເໝາະສົມ. ຫຼັງຈາກນັ້ນ, ນັກສຶກສາແຕ່ລະຄົນພາຍຫຼັງຮຽນຈະເປັນທູດໂຄສະນາທີ່ເລິກເຊິ່ງໃນບັນດາສະມາຊິກກໍາມະບານ ຜູ້ອອກແຮງງານລາວ ກ່ຽວກັບສາຍພົວພັນມິດຕະພາບທີ່ເປັນມູນເຊື້ອແບບພິເສດ ຫວຽດນາມ - ລາວ, ອົງການກໍາມະບານຫວຽດນາມ - ລາວ ແລະ ການພົວພັນລະຫວ່າງສອງນະຄອນຫຼວງ ຮ່າໂນ້ຍ - ວຽງຈັນ.
ທ່ານທີ່ປຶກສາສະຖານທູດລາວ ປະຈໍາ ຫວຽດນາມ ບຸນຍູ້ ໄຊປັນຍາ ໄດ້ສະແດງຄວາມຂອບໃຈຕໍ່ ສະຫະພັນແຮງງານຫວຽດນາມ, ຄະນະພັກນະຄອນ ແລະ ສະຫະພັນແຮງງານ ນະຄອນຮ່າໂນ້ຍ ທີ່ໄດ້ສ້າງເງື່ອນໄຂໃຫ້ພະນັກງານ ສະຫະພັນກໍາມະບານລາວ ໄດ້ຄົ້ນຄວ້າຮໍ່າຮຽນ ແລະ ຍົກລະດັບຄວາມສາມາດ, ບົດຮຽນປະສົບການ; ຕີລາຄາສູງການຮ່ວມມືດ້ານການບຳລຸງສ້າງຊັບພະຍາກອນມະນຸດຂອງຫວຽດນາມ ແລະ ສະແດງຄວາມຮູ້ບຸນຄຸນມາຍັງພັກ, ລັດ ແລະ ປະຊາຊົນຫວຽດນາມ ທີ່ໄດ້ໃຫ້ການຊ່ວຍເຫຼືອອັນລ້ຳຄ່າມາຍັງພັກ ແລະ ປະຊາຊົນລາວ.
ອ.ສະຫວັດ
