 | ເດັກນ້ອຍອາຊີຕາເວັນອອກສ່ຽງໃຕ້ ເກືອບ 6 ລ້ານຄົນໄດ້ຮັບຜົນກະທົບຈາກພະຍຸ Yagi |
| ຫຼາຍອົງການຈັດຕັ້ງສາກົນໜູນຊ່ວຍຊາວ ຫວຽດນາມ ທີ່ໄດ້ຮັບຜົນກະທົບຈາກພະຍຸລູກ 3 |
 |
| ພາບລວມການປະຊຸມລະຫວ່າງກົມຄຸ້ມຄອງລະບົບຄັນຄູ, ປ້ອງກັນ ແລະ ຕ້ານໄພທຳມະຊາດຫວຽດນາມ ແລະ ສະຖານທູດສະວິດ ປະຈຳຫວຽດນາມ - ພາບ: VGP/ໂດ໋ເຮືອງ |
ຍສໝ - ວັນທີ 14 ກັນຍາ, ຢູ່ຮ່າໂນ້ຍ, ກົມຄຸ້ມຄອງລະບົບຄັນຄູ ປ້ອງກັນ ແລະ ຕ້ານໄພທໍາມະຊາດ (ກະຊວງກະສິກໍາ ແລະ ພັດທະນາຊົນນະບົດຫວຽດນາມ) ໄດ້ຈັດການປະຊຸມກັບສະຖານທູດສະວິດ ປະຈໍາຫວຽດນາມ.
ທີ່ການປະຊຸມ, ທ່ານ ຟ້າມດຶກລວ້ນ ຫົວໜ້າກົມຄຸ້ມຄອງລະບົບຄັນຄູ, ປ້ອງກັນ ແລະ ຕ້ານໄພທໍາມະຊາດ ໄດ້ແບ່ງປັນກັບຝ່າຍສະວິດ ກ່ຽວກັບສະພາບຂອງພາຍຸເລກທີ 3, ການໄຫຼວຽນຂອງລົມພະຍຸ ແລະ ໄພນ້ຳຖ້ວມທີ່ສົ່ງຜົນສະທ້ອນເຖິງບັນດາແຂວງ, ນະຄອນພາກເໜືອຫວຍດນາມ ໄດ້ສ້າງຄວາມເສຍຫາຍຢ່າງຮ້າຍແຮງໃຫ້ທັງດ້ານຊີວິດອິນຊີ ແລະ ພື້ນຖານວັດຖຸ.
ທ່ານ Thomas Gass ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງສະວິດ ປະຈຳຫວຽດນາມ ໄດ້ສະແດງຄວາມເສົ້າສະຫຼົດໃຈຕໍ່ການສູນເສຍທາງດ້ານຊີວິດອິນຊີ ແລະ ຊັບສິນ ທີ່ຫວຽດນາມ ກໍາລັງປະສົບ, ສະວິດ ພ້ອມແລ້ວທີ່ຈະຢືນຄຽງຂ້າງຫວຽດນາມ ໃນດ້ານບຸກຄະລາກອນ ແລະ ກໍາລັງວັດຖຸ.
ໃນນັ້ນ, ດ້ານບຸກຄະລາກອນ, ສະວິດໄດ້ສົ່ງຄະນະຊ່ຽວຊານທີ່ມີປະສົບການປະມານ 8 ຄົນ ໃນຂົງເຂດ: ນ້ຳສະອາດ, ສຸຂະອະນາໄມ, ທີ່ຢູ່ອາໄສທີ່ປອດໄພ... ເພື່ອຜັນຂະຫຍາຍການສຳຫຼວດ ແລະ ຄົ້ນຄວ້າເລິກເຊິ່ງກ່ຽວກັບຄວາມຕ້ອງການຂອງແຂວງ. ທີມງານຜູ້ຊ່ຽວຊານຈະໃຫ້ຄໍາແນະນໍາກ່ຽວກັບແຜນການກໍ່ສ້າງທີ່ເຫມາະສົມຄືນໃໝ່. ການຄາດຄະເນຂອງຄະນະຊ່ຽວຊານຈະດຳເນີນການສຳຫຼວດຢູ່ ອຽນບ໋າຍ ໃນອາທິດໜ້າ.
 |
| ທ່ານ ຟ້າມດຶກລວ້ນ ຫົວໜ້າກົມຄຸ້ມຄອງລະບົບຄັນຄູ ປ້ອງກັນ ແລະ ຕ້ານໄພທໍາມະຊາດ ແລະ ທ່ານ Thomas Gass ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງສະວິດ ປະຈຳຫວຽດນາມ - ພາບ: VGP/ໂດ໋ເຮືອງ |
ດ້ານກໍາລັງວັດຖຸ, ສະວິດໄດ້ສົ່ງເຄື່ອງຊ່ວຍເຫຼືອໄປຫວຽດນາມ; ນ້ຳໜັກລວມ 25.789 ກິໂລ; ລວມມູນຄ່າປະມານ 361,140 Franc ສະວິດ (CHF). ເຄື່ອງດັ່ງກ່າວ ມາຮອດສະໜາມບິນສາກົນ ໂນ້ຍບ່າຍ ໃນເວລາປະມານ 4:35'ຂອງວັນຈັນ (16 ກັນຍາ). ເຄື່ອງຈໍານວນນີ້ປະກອບມີບັນດາອຸປະກອນ, ລະບົບເຮືອນທີ່ປອດໄພ, ນໍ້າສະອາດ ແລະ ສຸຂະອະນາໄມທີ່ມີລັກສະນະລວມ, ພ້ອມກັບເຄື່ອງຂອງຜູ້ຊ່ຽວຊານເພື່ອຫນູນຊ່ວຍທ້ອງຖິ່ນໃນການຕິດຕັ້ງອຸປະກອນໃຫ້ກັບທ້ອງຖິ່ນ.
ນອກຈາກນັ້ນ ທີ່ການປະຊຸມ, 2 ຝ່າຍກໍ່ໄດ້ພ້ອມກັນແບ່ງປັນຕື່ມອີກກ່ຽວກັບສະພາບການໃນປະຈຸບັນຂອງຝ່າຍຫວຽດນາມ ແລະ ແຫຼ່ງກຳລັງທີ່ສະວິດ ກໍາລັງມີເພື່ອໜູນຊ່ວຍຫວຽດນາມ ບໍ່ພຽງແຕ່ໃນປະຈຸບັນເທົ່ານັ້ນ, ແຕ່ຍັງລວມໄປເຖິງການກໍ່ສ້າງຄືນໃໝ່ໃນຕໍ່ໜ້ານຳອີກ.
 | ສະຫະພັນບັນດາອົງການມິດຕະພາບ ຫວຽດນາມ ລະດົມການຊ່ວຍເຫຼືອປະຊາຊົນທີ່ໄດ້ຮັບຜົນກະທົບຈາກພາຍຸ Yagi ຍສໝ - ໂດຍຕອບສະໜອງຄຳຮຽກຮ້ອງຂອງທ່ານເລຂາທິການໃຫຍ່, ປະທານປະເທດ ໂຕເລີມ ແລະ ຄະນະກຳມະການສູນກາງແນວໂຮມປະເທດຊາດ ຫວຽດນາມ, ໃນວັນທີ 18 ກັນຍາ, ສະຫະພັນບັນດາອົງການມິດຕະພາບ ຫວຽດນາມ ໄດ້ຈັດຕັ້ງລາຍການບໍລິຈາກເພື່ອໜູນຊ່ວຍປະຊາຊົນທີ່ໄດ້ຮັບຜົນເສຍຫາຍຈາກພາຍຸເລກທີ 3 (Yagi), ດ້ວຍການເຂົ້າຮ່ວມຂອງພະນັກງານທັງໝົດຂອງອົງການຜູ້ປະຈຳ ແລະ ບັນດາອົງການສະມາຊິກຢູ່ສູນກາງ ຢ່າງຕັ້ງໜ້າ. |
 | ອົງການ UNICEF ຊ່ວຍເຫຼືອສຸກເສີນບັນດາແຂວງທີ່ໄດ້ຮັບຜົນກະທົບຈາກພະຍຸ Yagi ຍສໝ - ອົງການ UNICEF ໄດ້ສະໜອງອຸປະກອນໃນຂະແໜງນ້ຳເພື່ອໜູນຊ່ວຍບັນດາຄົວເຮືອນ, ໂຮງໝໍ, ຮາກຖານສາທາລະນະສຸກ ແລະ ໂຮງຮຽນຢູ່ບັນດາແຂວງທີ່ໄດ້ຮັບຜົນກະທົບຫຼາຍທີ່ສຸດຈາກພາຍຸ Yagi. |
ທອງມີ ສີຫາວົງ
