 | ເພີ່ມຫຼາຍບ້ວງຊ່ວຍເຫຼືອຈາກສາກົນ ຊ່ວຍ ຫວຽດນາມ ຜ່ານຜ່າຜົນຮ້າຍຢ້ອນຫຼັງຈາກພະຍຸ Yagi |
| ອົງການ UNICEF ຊ່ວຍເຫຼືອສຸກເສີນບັນດາແຂວງທີ່ໄດ້ຮັບຜົນກະທົບຈາກພະຍຸ Yagi |
ເດັກນ້ອຍໃນຫວຽດນາມ, ມຽນມາ, ລາວ ແລະ ໄທ ມີຄວາມສ່ຽງທີ່ຈະບໍ່ສາມາດເຂົ້າເຖິງການສຶກສາ, ນ້ຳສະອາດ ແລະ ການບໍລິການທີ່ຈຳເປັນ ເມື່ອໄພນໍ້າຖ້ວມ ແລະ ດິນເຊາະເຈື່ອນສ້າງຄວາມເສຍຫາຍຕໍ່ບ້ານເຮືອນ ແລະ ພື້ນຖານໂຄງລ່າງ.
 |
| ການກູ້ໄພເດັກນ້ອຍໃນພະຍຸ, ນ້ຳຖ້ວມຢູ່ຫວຽດນາມ. |
“ເດັກນ້ອຍ ແລະ ຄອບຄົວທີ່ຖືກຄວາມສ່ຽງງ່າຍທີ່ສຸດ ພວມຕ້ອງປະເຊີນໜ້າກັບຜົນສະທ້ອນທີ່ຮ້າຍກາດທີ່ສຸດຂອງພະຍຸ Yagi. ບູລິມະສິດໃນປັດຈຸບັນແມ່ນການຟື້ນຟູການບໍລິການທີ່ຈໍາເປັນສໍາລັບເດັກນ້ອຍ ແລະ ຄອບຄົວ, ລວມມີ ນ້ຳສະອາດ, ການສຶກສາ ແລະ ການດູແລສຸຂະພາບ. ການເພີ່ມຂຶ້ນຂອງບັນດາປະກົດການດິນຟ້າອາກາດທີ່ຮຸນແຮງໃນອາຊີຕາເວັນອອກສຽງໃຕ້, ຮ້າຍແຮງກ່ວາຍ້ອນການປ່ຽນແປງຂອງດິນຟ້າອາກາດ. ເປັນຄຳເຕືອນທີ່ໂສກເສົ້າທີ່ເມື່ອເກີດໄພພິບັດ, ເດັກນ້ອຍທີ່ຖືກຄວາມສ່ຽງງ່າຍ ແລະ ຕ້ອງທົນຮັບຫຼາຍທີ່ສຸດ”, ທ່ານນາງ June Kunugi - ຜູ້ອຳນວຍການກອງທຶນເພື່ອເດັກແຫ່ງສະຫະປະຊາຊາດ (UNICEF) ປະຈຳເຂດອາຊີຕາເວັນອອກ ແລະ ປາຊີຟິກ ກ່າວ.
ເປັນພາຍຸແຮງທີ່ສຸດທີ່ພັດເຂົ້າ ອາຊີ ນັບແຕ່ຕົ້ນປີມາຮອດປະຈຸປັນ, ພາຍຸ Yagi ໄດ້ເຮັດໃຫ້ຝົນຕົກຢ່າງໜັກໜ່ວງ ເຊິ່ງຕື່ມເຂົ້າປະລິມານນ້ຳຝົນຕາມລະດູທີ່ມີຢູ່ແລ້ວ, ເຮັດໃຫ້ນ້ຳສູງຂຶ້ນໃນບັນດາແມ່ນໍ້າຕ່າງໆ ແລະ ເຮັດໃຫ້ເກີດດິນເຈື່ອນທັບຄົນຕາຍ. ຫຼັງຈາກພາຍຸ, ໂຮງຮຽນ 850 ກວ່າແຫ່ງ ແລະ ສູນການແພດ 550 ກວ່າແຫ່ງໄດ້ຮັບຄວາມເສຍຫາຍ.
ຢູ່ຫວຽດນາມ, ປະເທດທີ່ໄດ້ຮັບຜົນກະທົບໜັກທີ່ສຸດຈາກພະຍຸ Yagi, ມີປະຊາຊົນປະມານ 3 ລ້ານຄົນ, ລວມທັງເດັກນ້ອຍຫຼາຍຄົນ, ຂາດນ້ຳສະອາດ ແລະ ເງື່ອນໄຂອະນາໄມ, ເພີ່ມຄວາມສ່ຽງຕໍ່ການເປັນພະຍາດ. ເດັກນ້ອຍປະມານ 2 ລ້ານຄົນ ຍັງບໍ່ສາມາດເຂົ້າເຖິງການສຶກສາ, ການໜູນຊ່ວຍທາງດ້ານຈິດໃຈສັງຄົມ ແລະ ໂຄງການໂພຊະນາການໂຮງຮຽນ.
ຢູ່ມຽນມາ, ແບກຫາບພາລະຄວບຄູ່ຂອງການປະທະກັນທີ່ຍືດເຍື້ອ ແລະ ບັນດາຜົນກະທົບທີ່ຮ້າຍແຮງຂອງພະຍຸ Yagi ໄດ້ເຮັດໃຫ້ເພີ່ມວິກິດການສໍາລັບຊຸມຊົນທີ່ຖືກຍົກຍ້າຍຍ້ອນການປະທະກັນ. ດ້ວຍເຫດນີ້, ເຮັດໃຫ້ສະຖານະການການຊ່ວຍເຫຼືອດ້ານມະນຸດສະທຳທີ່ຮ້າຍແຮງຢູ່ແລ້ວຍິ່ງຮ້າຍແຮງຂຶ້ນຕື່ມ. ຫຼາຍກວ່າ 170 ຄົນເສຍຊີວິດ ແລະ ຫຼາຍກວ່າ 320.000 ຄົນໄດ້ຖືກຍົກຍ້າຍ. ລະບົບຄົມມະນາຄົມ, ໂທລະຄົມ ແລະ ພື້ນຖານໂຄງລ່າງໄຟຟ້າໄດ້ຮັບຄວາມເສຍຫາຍຢ່າງໜັກໜ່ວງຢູ່ບັນດາແຂວງພາກກາງຂອງ ມຽນມາ.
 |
| ເດັກນ້ອຍໃນເຂດ Bago (ມຽນມາ) ລຽນແຖວເພື່ອຮັບອາຫານຢູ່ສູນຊ່ວຍເຫຼືອ. |
ຢູ່ພາກເໜືອຂອງໄທ, ຝົນຕົກໜັກ ແລະ ໄພນ້ຳຖ້ວມໄດ້ສົ່ງຜົນກະທົບຢ່າງໜັກໜ່ວງຕໍ່ເດັກນ້ອຍເກືອບ 64.000 ຄົນ. ໂຮງຮຽນບາງແຫ່ງຖືກທຳລາຍຢ່າງສິ້ນເຊີງ ແລະ ຄູສອນຕ້ອງປ່ຽນໄປໃຊ້ການສອນແບບອອນໄລ ແລະ ສະໜອງອຸປະກອນການຮຽນໃຫ້ນັກຮຽນຢູ່ເຮືອນ.
ຢູ່ລາວ, ນໍ້າຖ້ວມໄດ້ສົ່ງຜົນກະທົບໃຫ້ 8 ແຂວງ, ສົ່ງຜົນກະທົບຕໍ່ເດັກນ້ອຍປະມານ 60.000 ຄົນ. ໄພນໍ້າຖ້ວມຍັງສ້າງຄວາມເສຍຫາຍຕໍ່ພື້ນຖານໂຄງລ່າງທີ່ຈຳເປັນ ແລະ ຂົ່ມຂູ່ການຫາລ້ຽງຊີບຂອງບັນດາຊຸມຊົນ ເຊິ່ງພວມປະສົບກັບຄວາມຫຍຸ້ງຍາກເພື່ອຮັບມືກັບຜົນກະທົບຢ່າງຫຍໍ້ທໍ້ຂອງດິນຟ້າອາກາດຢູ່ແລ້ວ.
ອົງການ UNICEF, ສົມທົບກັນກັບບັນດາຄູ່ຮ່ວມມືຊ່ວຍເຫຼືອດ້ານມະນຸດສະທໍາ, ພວມສະໜອງການຊ່ວຍເຫຼືອສຸກເສີນແກ່ເດັກນ້ອຍ ແລະ ຄອບຄົວໃນເຂດທີ່ໄດ້ຮັບຜົນກະທົບຈາກໄພນໍ້າຖ້ວມໃນທົ່ວອາຊີຕາເວັນອອກສຽງໃຕ້. ບັນດາການເຄື່ອນໄຫວຊ່ວຍເຫຼືອ ປະກອບມີ ການແຈກຢາຍນ້ຳດື່ມສະອາດ, ເຄື່ອງອະນາໄມ, ອາຫານເສີມທາດບຳລຸງລ້ຽງຊີວິດ ແລະ ອຸປະກອນການແພດ. ພ້ອມກັນນັ້ນ, ຍັງຊ່ວຍເຫຼືອດ້ານສຸຂະພາບຈິດ ແລະ ສະໜອງອຸປະກອນການຮຽນ ກໍ່ຄືການບັນເທິງ ເພື່ອຊ່ວຍໃຫ້ເດັກມີຄວາມຮູ້ສຶກເຖິງຄວາມເປັນປົກກະຕິ ເພື່ອສືບຕໍ່ຮຽນຮູ້ ແລະ ຫຼິ້ນຢູ່ໃນສະພາບແວດລ້ອມທີ່ປອດໄພ. ອົງການ UNICEF ຍັງມຸ່ງໝັ້ນທີ່ຈະເຮັດວຽກກັບຄູ່ຮ່ວມງານເພື່ອຮັບປະກັນຄວາມພະຍາຍາມຟື້ນຟູທີ່ສຸມໃສ່ເດັກນ້ອຍເມື່ອລະດັບນ້ຳຖ້ວມຫຼຸດລົງ.
 |
| ປື້ມ, ອຸປະກອນການຮຽນ ໄດ້ຮັບຄວາມເສຍຫາຍຫຼັງພະຍຸ, ນໍ້າຖ້ວມ |
ເດັກນ້ອຍໃນອາຊີຕາເວັນອອກ ແລະ ປາຊີຟິກ ພວມປະເຊີນໜ້າກັບໄພອັນຕະລາຍກ່ຽວກັບສະພາບອາກາດຫຼາຍຢ່າງ, ເກືອບ 6 ເທົ່າເມື່ອທຽບໃສ່ກັບບັນດາລຸ້ນກ່ອນ. ຄວາມຖີ່ທີ່ເພີ່ມຂຶ້ນ ແລະ ຜົນກະທົບທີ່ທັບຊ້ອນກັນຂອງເຫດການດິນຟ້າອາກາດເຮັດໃຫ້ເດັກນ້ອຍປັບຕົວໄດ້ຍາກ. ສະນັ້ນ, ເຮັດໃຫ້ຄວາມບໍ່ສະເໝີພາບ ແລະ ເຮັດໃຫ້ອັນຕະລາຍຕໍ່ຄວາມສາມາດພັດທະນາຂອງເດັກເລິກເຂົ້າໄປກ່ວາອີກ.
 | ການນຳລາວ ຢື້ຢາມຖາມຂ່າວ ຫວຽດນາມ ກ່ຽວກັບພາຍຸເລກທີ 3 (Yagi) ຍສໝ - ຕອນຄ່ຳວັນທີ 9 ກັນຍາ, ກະຊວງການຕ່າງປະເທດ ຫວຽດນາມ ໃຫ້ຮູູ້ວ່າ ຕອນຄ່ຳວັນທີ 9 ກັນຍາ, ຢູ່ກະຊວງການຕ່າງປະເທດ, ທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ແລະ ທ່ານນາຍົກລັດຖະມົນຕີ ລາວ ສອນໄຊ ສີພັນດອນ ໄດ້ສົ່ງໂທລະເລກສະແດງຄວາມເສົ້າສະຫຼົດໃຈຢ່າງສຸດຊຶ້ງ ເຖິງບັນດາສະຫາຍການນຳຂັ້ນສູງຂອງ ຫວຽດນາມ, ... |
 | ທະຫານເຮືອ ເຂດ 1 ກຽມພ້ອມຈັດຕັ້ງການຊ່ວຍກູ້ໄພຢ່າງທັນການກ່ອນພະຍຸ Yagi ພັດເຂົ້າ ຍສໝ - ໂດຍເປັນເຈົ້າການໃນການຮັບມືກັບພະຍຸເລກທີ 3 (Yagi), ທະຫານເຮືອ ເຂດ 1 ໄດ້ຊີ້ນໍາບັນດາຫົວໜ່ວຍທີ່ຕັ້ງຈຸດຢູ່ເຂດ ຫາຍຟ່ອງ, ກວາງນິງ ຕິດຕາມ, ກຳໄດ້ສະພາບການຜັນແປຂອງພະຍຸ; ເປັນເຈົ້າການໃນການເພີ່ມເຕີມໃຫ້ແກ່ບັນດາໜ່ວຍງານກ່ຽວກັບຈຳນວນ, ອຸປະກອນປ້ອງກັນໄພນໍ້າຖ້ວມຢ່າງຄົບຖ້ວນ, ການຊອກຫາການກູ້ໄພ. |
ມີງດຶກ
