ການສຶກສາລຸ້ນໜຸ່ມແມ່ນພື້ນຖານອັນໝັ້ນຄົງຂອງສາຍພົວພັນແບບພິເສດ ຫວຽດນາມ

ຍສໝ - ໃນຂອບເຂດການຢ້ຽມຢາມທາງລັດຖະກິດ ຫວຽດນາມ, ວັນທີ 10 ກັນຍາ ຢູ່ຮ່າໂນ້ຍ, ທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ໄດ້ມີການພົບປະກັບຄະນະຜູ້ແທນຄະນະກຳມະການສູນກາງແນວໂຮມປະເທດຊາດ ຫວຽດນາມ ແລະ ສະມາຄົມມິດຕະພາບ ຫວຽດນາມ - ລາວ ໂດຍທ່ານ ໂດ້ວັນຈ໋ຽນ, ກຳມະການກົມການເມືອງ, ເລຂາທິການສູນກາງພັກ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ນຳໜ້າ, ເຂົ້າຢ້ຽມຂ່ຳນັບ.

	Maysa - ນັກສຶກສາຕ່າງປະເທດນຳບັນດາຄຸນຄ່າອັນດີງາມຂອງວັດທະນະທຳ ຫວຽດນາມ ມາສູ່ປະເທດລາວ
	USAID ຈະມານະພະຍາຍາມເພື່ອປັບປຸງຄຸນນະພາບຊີວິດການເປັນຢູ່ຂອງຄົນພິການຢູ່ ກວາງຈີ້

ໂດຍເຂົ້າຮ່ວມຄະນະມີ ທ່ານ ຮວ່າງກົ່ງຖຸຍ, ຮອງປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ; ທ່ານ ຟານແອງເຊີນ, ປະທານສະຫະພັນບັນດາອົງການມິດຕະພາບ ຫວຽດນາມ; ບັນດາຮອງປະທານສະມາຄົມມິດຕະພາບ ຫວຽດນາມ - ລາວ: ທ່ານພົນຕີ ເລວັນເຮີນ, ທ່ານພົນຕີ ຫງວຽນຕ໋ຽນລອງ ແລະ ທ່ານ ຫງວຽນຊວນແທ່ງ.

ການສຶກສາລຸ້ນໜຸ່ມແມ່ນພື້ນຖານອັນໝັ້ນຄົງຂອງສາຍພົວພັນແບບພິເສດ ຫວຽດນາມ - ລາວ

ທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ໄດ້ຕ້ອນຮັບຄະນະຜູ້ແທນຄະນະກຳມະການສູນກາງແນວໂຮມປະເທດຊາດ ຫວຽດນາມ ແລະ ສະມາຄົມມິດຕະພາບ ຫວຽດນາມ - ລາວ. (ພາບ: Dinh Hoa)

ທີ່ການຕ້ອນຮັບ, ທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ຢືນຢັນວ່າ ການພົວພັນ ຫວຽດນາມ - ລາວ ແມ່ນສາຍພົວພັນແບບພິເສດ “ທັງເປັນສະຫາຍ, ທັງເປັນອ້າຍນ້ອງ” ມີໜຶ່ງບໍ່ມີສອງໃນໂລກ. ນີ້ແມ່ນສາຍພົວພັນທີ່ເກີດຈາກອຸດົມການລວມຂອງສອງປະເທດ, ນັບແຕ່ໄລຍະຕໍ່ສູ້ຕ້ານລ່າເມືອງຂຶ້ນ, ໄດ້ຮັບການສ້າງ ແລະ ເພີ່ມພູນຄູນສ້າງໂດຍປະທານ ໂຮ່ຈີມິນ, ປະທານ ໄກສອນ ພົມວິຫານ ແລະ ປະທານ ສຸພານຸວົງ.

ທ່ານໃຫ້ຮູ້ວ່າ "ສອງປະເທດບໍ່ພຽງແຕ່ມີນ້ຳໃຈເປັນມິດສະຫາຍເທົ່ານັ້ນ, ຫາກຍັງມີນ້ຳໃຈເປັນອ້າຍນ້ອງ, ຕິດພັນຄືເລືອດເນື້ອເຊື້ອດຽວ. ສາຍພົວພັນນີ້ແມ່ນພິເສດ ແລະ ຫາຍາກ, ໄກກວ່າບັນາການພົວພັນປົກກະຕິລະຫວ່າງບັນດາປະເທດ. ພວກເຮົາແບ່ງປັນຄວາມສຸກ ແລະ ຄວາມໂສກເສົ້າ, ເອົາຊະນະຄວາມຫຍຸ້ງຍາກຮ່ວມກັນ ແລະ ຢູ່ຄຽງຂ້າງກັນໃນທຸກສະຖານະການ".

ທ່ານເລຂາທິການໃຫຍ່, ປະທານປະເທດ ລາວ ໄດ້ຕີລາຄາສູງບົດບາດຂອງບັນດາອົງການແນວໂຮມ ແລະ ສະມາຄົມມິດຕະພາບໃນການປັບປຸງ ແລະ ພັດທະນາການພົວພັນການທູດປະຊາຊົນລະຫວ່າງສອງປະເທດ. ທ່ານເນັ້ນໜັກວ່າ 2 ຝ່າຍຕ້ອງສືບຕໍ່ເສີມຂະຫຍາຍບັນດາກົນໄກທີ່ມີຢູ່ແລ້ວ, ແລກປ່ຽນຂໍ້ມູນ, ແບ່ງປັນປະສົບການ, ຊ່ວຍເຫຼືອ, ໜູນຊ່ວຍເຊິ່ງກັນ ແລະ ກັນ ເພື່ອພັດທະນາຢ່າງຕັ້ງໜ້າ; ເພີ່ມທະວີການພົບປະແລກປ່ຽນປະຊາຊົນ, ພິເສດແມ່ນສຶກສາໃຫ້ລຸ້ນໜຸ່ມຂອງສອງປະເທດໃຫ້ມີຄວາມເຂົ້າໃຈ ແລະ ຮັກສາສາຍພົວພັນສາມັກຄີແບບພິເສດນີ້.

ທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ພົບປະກັບທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໂດ້ວັນຈ໋ຽນ. (ພາບ: Dinh Hoa)

ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໂດ້ວັນຈ໋ຽນ ໄດ້ລາຍງານຕໍ່ທ່ານເລຂາທິການໃຫຍ່, ປະທານປະເທດ ລາວ ກ່ຽວກັບບັນດາໝາກຜົນການຮ່ວມມືລະຫວ່າງແນວໂຮມປະເທດຊາດ ຫວຽດນາມ, ແນວລາວສ້າງຊາດ ແລະ ສະມາຄົມມິດຕະພາບ ຫວຽດນາມ - ລາວ ໃນໄລຍະມໍ່ໆມານີ້. ທ່ານຢືນຢັນວ່າ ແນວໂຮມປະເທດຊາດ ຫວຽດນາມ ແລະ ບັນດາອົງການສະມາຊິກຂອງແນວໂຮມ ຍາມໃດກໍ່ຖືການປົກປັກຮັກສາ ແລະ ພັດທະນາສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ ເປັນຄວາມຮັບຜິດຊອບ ແລະ ກໍ່ແມ່ນຄຳສັ່ງຈາກຫົວໃຈຂອງຕົນ.

ແນວໂຮມປະເທດຊາດ ຫວຽດນາມ ແລະ ແນວລາວສ້າງຊາດ ໄດ້ມີຫຼາຍການເຄື່ອນໄຫວຮ່ວມມືຢ່າງມີປະສິດທິຜົນ, ແລກປ່ຽນຄະນະຜູ້ແທນເປັນປະຈຳ, ພົບປະແລກປ່ຽນ, ແບ່ງປັນປະສົບການໃນວຽກງານແນວໂຮມ. ພິເສດແມ່ນການສຶກສາໃຫ້ລຸ້ນໜຸ່ມກ່ຽວກັບປະຫວັດສາດຂອງການພົວພັນລະຫວ່າງ 2 ປະເທດ ຍາມໃດກໍ່ໄດ້ຖືເປັນສຳຄັນ, ເພື່ອຍົກສູງຄວາມຮັບຮູ້ ແລະ ຄວາມຮັບຜິດຊອບໃນການປົກປັກຮັກສາ ແລະ ເສີມຂະຫຍາຍສາຍພົວພັນທີ່ເປັນມູນເຊື້ອນີ້.

ຄຽງຄູ່ກັນນັ້ນ, ແນວໂຮມປະເທດຊາດສອງປະເທດ ກໍ່ໄດ້ຍູ້ແຮງການຮ່ວມມືລະຫວ່າງບັນດາທ້ອງຖິ່ນທີ່ມີຊາຍແດນຮ່ວມ. ບັນດາໂຄງການພົບປະແລກປ່ຽນລະຫວ່າງບັນດາໝູ່ບ້ານຢູ່ສອງຟາກຊາຍແດນໄດ້ຮັບການຜັນຂະຫຍາຍຢ່າງສຳເລັດຜົນ, ສ້າງເງື່ອນໄຂສະດວກໃຫ້ແກ່ການແຮກສ່ຽວ, ມີຄວາມເຂົ້າໃຈ ແລະ ໜູນຊ່ວຍເຊິ່ງກັນ ແລະ ກັນ.

ຈຸດພົ້ນເດັ່ນໃນການຮ່ວມມືລະຫວ່າງສອງປະເທດແມ່ນ ສະມາຄົມມິດຕະພາບຫວຽດນາມ - ລາວ ໄດ້ຈັດຕັ້ງໂຄງການຮັບອຸປະຖຳບັນດານັກສຶກສາລາວ ທີ່ຮ່ຳຮຽນຢູ່ ຫວຽດນາມ. ໂຄງການຊ່ວຍໃຫ້ນັກສຶກສາມີການໜູນຊ່ວຍທາງດ້ານຈິດໃຈ, ເຊື່ອມໂຍງເຂົ້າກັບບັນດາຄອບຄົວ ຫວຽດນາມ ໃນວັນພັກ, ເຕັດ ຫຼື ເວລາທີ່ມີຄວາມຕ້ອງການ. ໃນປີ 2025, ສະມາຄົມ ຄາດວ່າຈະຄັດເລືອກນັກສຶກສາລາວ ປະມານ 100 ຄົນທີ່ມີຜົນການດີເດັ່ນຢູ່ຮ່າໂນ້ຍ ແລະ ໄທງວຽນ ເພື່ອພົບປະແລກປ່ຽນກັບນັກສຶກສາ ຫວຽດນາມ, ຢ້ຽມຢາມບັນດາສະຖານທີ່ປະຫວັດສາດ, ພົບປະກັບບັນດາການນຳພັກ, ລັດ, ເພື່ອລະດົມໃຈບັນດານັກສຶກສາ ແລະ ເພີ່ມທະວີນ້ຳໃຈມິດຕະພາບ.

ນອກຈາກນັ້ນ, ແນວໂຮມປະເທດຊາດ ຫວຽດນາມ ຍັງຄົ້ນຄວ້າເພື່ອໃຫ້ມີຫຼາຍຜະລິດຕະພັນສິ່ງພິມເປັນພາສາລາວ ຕື່ມອີກ, ເພື່ອຮັບໃຊ້ວຽກງານໂຄສະນາເຜີຍແຜ່, ຊ່ວຍເຫຼືອປະຊາຊົນສອງປະເທດ, ພິເສດແມ່ນລຸ້ນໜຸ່ມ, ເຂົ້າໃຈເຖິງການພົວພັນພິເສດ ຫວຽດນາມ-ລາວ ຢ່າງເລິກເຊິ່ງກ່ວາອີກ.

ສິ້ນສຸດຂອງການພົບປະ, ທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ໄດ້ຕີລາຄາສູງບັນດາຄວາມມານະພະຍາຍາມຂອງແນວໂຮມປະເທດຊາດ ຫວຽດນາມ ແລະ ບັນດາອົງການມິດຕະພາບໃນການປັບປຸງການພົວພັນສອງຝ່າຍ. ທ່ານເນັ້ນໜັກວ່າ ໜ້າທີ່ໂຄສະນາເຜີຍແຜ່, ສຶກສາລຸ້ນໜຸ່ມກ່ຽວກັບການພົວພັນແບບພິເສດ ຫວຽດນາມ - ລາວ ບໍ່ພຽງແຕ່ແມ່ນຄວາມຮັບຜິດຊອບຂອງສອງແນວໂຮມປະເທດຊາດເທົ່ານັ້ນ ຫາກຍັງແມ່ນໜ້າທີ່ລວມຂອງທົ່ວລະບົບການເມືອງ ແລະ ປະຊາຊົນ 2 ປະເທດອີກດ້ວຍ.

ຜູ້ຊົງຄຸນວຸດທິມິດຕະພາບ ຈີນ ປະກອບສ່ວນພັດທະນາການພົວພັນ ຫວຽດນາມ-ຈີນ ແບບຍືນຍົງ

ຍສໝ - ທ່ານເລຂາທິການໃຫຍ່, ປະທານປະເທດ ໂຕເລີມ ເຊື່ອໝັ້ນວ່າ ຜູ້ແທນແຕ່ລະຄົນທີ່ເຂົ້າຮ່ວມການພົບປະ, ບໍ່ວ່າຈະເປັນໃຜ ຫຼື ດຳລົງຕຳແໜ່ງໃດກໍ່ຕາມ, ລ້ວນແຕ່ມີຄວາມປາຖະໜາລວມອັນໃຫຍ່ຫຼວງ ແມ່ນສາຍພົວພັນຫວຽດນາມ - ຈີນ “ຂຽວສົດງົດງາມຕະຫຼອດໄປ, ໝັ້ນຄົງຂະໜົງແກ່ນຈົນຊົ່ວກາລະນານ".