ລາຍການໄດ້ດຳເນີນໄປດ້ວຍຫຼາຍກິດຈະກຳຄື: ປູກຕົ້ນໄມ້ສີຂຽວ ແລະ ບົວລະບັດສວນ K23 ຂອງມະຫາວິທະຍາໄລ ທູເຢົ່າໂມດ, ແຕ້ມອອກແບບໃສ່ໃບກຸບ; ແຕ້ມທຸງຊາດຂອງສອງປະເທດດ້ວຍເຈ້ຍພື້ນເມືອງຂອງ ສ.ເກົາຫຼີ; ຮຽນພາສາ ສ.ເກົາຫຼີ; ຮຽນ ເທັກຄອນໂດ...
 |
| ນັກສຶກສາປູກຕົ້ນໄມ້ສີຂຽວ ແລະ ບົວລະບັດສວນການຮຽນ K23 ຂອງມະຫາວິທະຍາໄລ ທູເຢົ່າໂມດ. (ພາບ: tdmu.edu.vn) |
ບັນດານັກສຶກສາ ສ.ເກົາຫຼີ ໄດ້ແນະນຳບັນດານັກສຶກສາຢູ່ມະຫາວິທະຍາໄລ ທູເຢົ່າໂມດ ເຕັ້ນ K-pop, ໃນຂະນະທີ່ນັກສືກສາ “ທີມເຈົ້າພາບ” ກໍ່ໄດ້ແນະນໍາບັນດານັກສຶກສາ ສ.ເກົາຫຼີ ຮ້ອງເພງທີ່ມີຊື່ສຽງ ກ່ຽວກັບຍ້ອງຍໍຄວາມສວຍສົດງົດງາມຂອງບ້ານເກີດເມືອງນອນ, ປະເທດຊາດ ແລະ ປະຊາຊົນ ຫວຽດນາມ, ບິ່ງເຢືອງ. ບັນດາການສະແດງສິນລະປະດົນຕີເຫຼົ່ານີ້ໄດ້ສະແດງໂດຍນັກສຶກສາຂອງທັງສອງປະເທດເພື່ອສະແດງໃນລາຍການອໍາລາ.
ລາຍການແມ່ນໂອກາດເພື່ອໃຫ້ນັກສຶກສາຫວຽດນາມ ແລະ ສ.ເກົາຫຼີ ໄດ້ມີໂອກາດໄດ້ຮ່ຳຮຽນ, ແລກປ່ຽນວັດທະນະທຳທີ່ເປັນເອກະລັກສະເພາະຂອງສອງປະເທດ. ນີ້ກໍ່ແມ່ນໂອກາດເພື່ອໃຫ້ບັນດານັກສຶກສາໄດ້ຮ່ຳຮຽນ ແລະ ແລກປ່ຽນກ່ຽວກັບສະພາບແວດລ້ອມແຫ່ງການຮຽນຮູ້ລະຫວ່າງ ຫວຽດນາມ ແລະ ສ.ເກົາຫຼີ, ຮຳ່ຮຽນເຊິ່ງກັນ ແລະ ກັນ ແລະ ພັດທະນາຄວາມສາມາດໃນສະພາບແວດລ້ອມຫຼາຍວັດທະນະທໍາ.
 |
| ບັນດານັກສຶກສາ ສ.ເກົາຫຼີ ມັກຕົກແຕ່ງຮູບແຕ້ມໃສ່ໃບກຸບຫວຽດນາມ. (ພາບ: tdmu.edu.vn) |
ເມື່ອແບ່ງປັນກ່ຽວກັບການເດີນທາງລົງຕົວຈິງຂອງເຂົາເຈົ້າ, ນັກສຶກສາ Jeong Minsu ມະຫາວິທະຍາໄລແຫ່ງຊາດ ບູຊານໃຫ້ຮູ້ວ່າ: “ພວກນ້ອງມາຈາກປະເທດທີ່ໄກ ແຕ່ໄດ້ຮັບການຕ້ອນຮັບຢ່າງອົບອຸ່ນຈາກນັກສຶກສາມະຫາວິທະຍາໄລ ທູເຢົ່າໂມດ ຢ່າງສະໜິດສະໜົມ. ພວກນ້ອງເຂົ້າຮ່ວມກິດຈະກໍາອາສາສະຫມັກ ແລະ ຊອກຮູ້ປະສົບການວັດທະນະທໍາຮ່ວມກັນ. ດ້ວຍເຫດນັ້ນ, ກໍ່ໄດ້ເພີ່ມມີຄວາມເຂົ້າໃຈຢ່າງເລິກເຊິ່ງກ່ຽວກັບວັດທະນະທຳຮີດຄອງປະເພນີ, ວັດທະນະທຳທີ່ທັນສະໄໝຂອງ ຫວຽດນາມ - ສ.ເກົາຫຼີ, ພ້ອມກັບມູມມອງໃໝ່ກ່ຽວກັບຊີວິດນັກສຶກສາຢູ່ສອງປະເທດ. ພິເສດ, ນ້ອງໄດ້ເພີ່ມເພື່ອນ ຫວຽດນາມ ແລະ ມີຄວາມຊົງຈຳທີ່ດີງາມຢູ່ມະຫາວິທະຍາໄລທູເຢົ່າໂມດ”.
 |
| ແຕ້ມທຸງຊາດຂອງສອງປະເທດດ້ວຍເຈ້ຍພື້ນເມືອງ ສ.ເກົາຫຼີ. (ພາບ: tdmu.edu.vn) |
 |
| ນັກສຶກສາມະຫາວິທະຍາໄລ ທູເຢົ່າໂມດ ໄດ້ຮັບການແນະນຳຈາກນັກສຶກສາມະຫາວິທະຍາໄລ ບູຊານ ແນະນໍາໃນການຝຶກຊ້ອມສິລະປະຍຸດທະສາດກິລາເທັກຄອນໂດ. (ພາບ: tdmu.edu.vn) |
 |
| ອາຈານສອນດົນຕີຢູ່ມະຫາວິທະຍາໄລ ທູເຢົ່າໂມດ ຝຶກຊ້ອມໃຫ້ນັກສຶກສາ ສ.ເກົາຫຼີ ຮຽນຮ້ອງເພງ “ຕີກອງ”. (ພາບ: tdmu.edu.vn) |
 |
| ບັນດາການເຄື່ອນໄຫວແລກປ່ຽນວັດທະນະທຳໄດ້ປະກອບສ່ວນຮັດແໜ້ນການພົວພັນມິດຕະພາບທີ່ເປັນມູນເຊື້ອລະຫວ່າງບັນດານັກສຶກສາ ຫວຽດນາມ ແລະ ສ.ເກົາຫຼີ. (ພາບ: tdmu.edu.vn) |
ອານຸໄຊ ສະຫວັດ
