ຊື່ແທ້ຂອງ Maysa ແມ່ນ Maysa Bouavone Phanthaboouasy, ເກີດໃນປີ 2001 ທີ່ແຂວງຫຼວງພະບາງ, ປະເທດລາວ. ປະຈຸບັນ, ນາງຫາກໍ່ຮຽນຈົບຄະນະເສດຖະສາດ, ມະຫາວິທະຍາໄລອຸດສາຫະກຳ ກວາງນິງ.
Maysa ເປັນທີ່ຮູ້ຈັກເປັນ TikToker ແລະ Youtuber ທີ່ມີຊື່ສຽງຫຼາຍໃນເຄືອຂ່າຍສັງຄົມ. ປະຈຸບັນ, Maysa ມີຜູ້ຕິດຕາມຢູ່ TikTok ເກືອບ 1 ລ້ານຄົນ; ມີຜູ້ຕິດຕາມໃນ Fanpage ຫຼາຍກວ່າ 394.000 ເທື່ອຄົນ ແລະ ຜູ້ຕິດຕາມໃນຫນ້າ Facebook ສ່ວນຕົວ 28.000 ເທື່ອຄົນ; ມີຜູ້ຕິດຕາມຫຼາຍກວ່າ 86,000 ຄົນໃນ Youtube...
 |
| Maysa ເຂົ້າຮ່ວມພິທີສະເຫຼີມສະຫຼອງ 70 ປີແຫ່ງວັນໄຊຊະນະດ້ຽນບຽນຝູ (7 ພຶດສະພາ 1954-7 ພຶດສະພາ 2024), ຢູ່ແຂວງ ດ້ຽນບຽນ. |
ຄລິບຂອງ Maysa ມັກຈະມີເນື້ອໃນປິ່ນອ້ອມຊີວິດປະຈຳວັນຂອງນາງຢູ່ ຫວຽດນາມ ແລະ ລາວ. ນອກຈາກນັ້ນ, ສາວຄົນນີ້ ຍັງໂພສຄລິບກ່ຽວກັບການທ່ອງທ່ຽວ, ການລົງຕົວຈິງໃນວັດທະນະທຳ, ອາຫານການກິນຢູ່ບັນດາແຂວງຕ່າງໆຂອງປະເທດ ຫວຽດນາມ ເປັນປະຈໍາ. ຄລິບຂອງ Maysa ໃນເຄືອຂ່າຍສັງຄົມແມ່ນມີຄວາມເປັນໜ້າສົນໃຈຫຼາຍຕໍ່ໄວໜຸ່ມ ຫວຽດນາມ ແລະ ລາວ. ໃນປັດຈຸບັນ, ນາງຍັງເປັນຫນຶ່ງໃນ KOLS ທີ່ໄດ້ຮັບຄວາມສົນໃຈ ແລະ ນິຍົມຫຼາຍທີ່ສຸດໃນເຄືອຂ່າຍສັງຄົມ.
ຍ້ອນການກະທຳທີ່ດີທີ່ກ່າວມານັ້ນ, Maysa ໄດ້ຮັບການເຊື້ອເຊີນຫຼາຍຄັ້ງເພື່ອເຂົ້າຮ່ວມບັນດາລາຍການວັດທະນະທຳ, ງານບຸນສະເຫຼີມສະຫຼອງສຳຄັນທີ່ກ່ຽວຂ້ອງເຖິງການພົວພັນ ຫວຽດນາມ - ລາວ, ຫຼື ບັນດາເຫດການຂອງປະເທດ.
ນາງ Maysa ໃຫ້ຮູ້ວ່າ ຫວຽດນາມ ແມ່ນປະເທດທີ່ນາງໄດ້ຍິນຫຼາຍເລື່ອງຕັ້ງແຕ່ຍັງນ້ອຍ, ເມື່ອໃຫຍ່ຂຶ້ນ ແລະ ໄດ້ຮຽນຮູ້ກ່ຽວກັບປະຫວັດສາດຂອງລາວ ແລະ ຫວຽດນາມ ເຮັດໃຫ້ນາງມີຄວາມສົນໃຈ ແລະ ມີຄວາມຢາກຮູ້ຢາກເຫັນກ່ຽວກັບວັດທະນະທຳ, ປະເທດຊາດ ແລະ ປະຊາຊົນ ຫວຽດນາມ ຫຼາຍກວ່າອີກ.
“ນ້ອງມັກ ຫວຽດນາມ ແຕ່ຄາວຍັງນ້ອຍ ເມື່ອຮຽນຈົບມັດທະຍົມຕອນປາຍຢູ່ລາວ, ນ້ອງໄດ້ຮັບທຶນສຶກສາຈາກລັດຖະບານ, ສະນັ້ນ ນ້ອງບໍ່ລັງເລທີ່ຈະເລືອກເອົາ ຫວຽດນາມ ເປັນສະຖານທີ່ໄປຮຽນຢູ່ຕ່າງປະເທດ. ນ້ອງຍັງໄດ້ເລືອກມະຫາວິທະຍາໄລອຸດສາຫະກຳ ກວາງນິງ ເປັນບ່ອນຕິດພັນຕະຫຼອດໄລຍະທີ່ຜ່ານມາ”, Maysa ແບ່ງປັນ.
ກ່າວຄຳເຫັນກ່ຽວກັບສິ່ງທີ່ປະທັບໃຈທີ່ສຸດຢູ່ ຫວຽດນາມ, Maysa ໃຫ້ຮູ້ວ່າ ນາງຊົມເຊີຍນ້ຳໃຈຮັກຊາດຂອງຊາວຫວຽດນາມ, ພິເສດແມ່ນຮູບພາບທຸງຊາດ. ຄຽງຄູ່ກັບນັ້ນ, ບຸກຄະລິກກະຕືລືລົ້ນ, ໃຈດີ, ມີຄວາມເປີດອົກເປີດໃຈຂອງປະຊາຊົນເຮັດໃຫ້ນາງມີຄວາມຮູ້ສຶກຮັກແພງ ແລະ ຢາກຈະຕິດພັນກັບຫວຽດນາມ.
 |
| Maysa ແມ່ນອະດີດນັກສຶກສາຄະນະເສດຖະສາດ, ມະຫາວິທະຍາໄລອຸດສາຫະກຳກວາງນິງ. |
Maysa ກໍ່ຢືນຢັນວ່າ ການເລືອກໄປຮຽນຕ່າງປະເທດຢູ່ ຫວຽດນາມ ແມ່ນຖືກຕ້ອງທີ່ສຸດ. ພ້ອມທັງຫວັງວ່າ ຊາວໜຸ່ມລາວ ຈະໄປຮຽນຢູ່ ຫວຽດນາມ ນັບມື້ນັບຫຼາຍຂຶ້ນ, ເພາະວ່າຢູ່ທີ່ນີ້ ນັກສຶກສາຕ່າງປະເທດຈະໄດ້ຮຽນຮູ້ຫຼາຍຢ່າງ, ນັບແຕ່ຄວາມຮູ້, ສະພາບແວດລ້ອມໃນການເຮັດວຽກ, ຊອກຮູ້ກ່ຽວກັບຮິດຄອງປະເພນີວັດທະນະທໍາ, ສັງຄົມ. ຄຽງຄູ່ກັນນັ້ນ, ນາງກໍ່ເຫັນວ່າ ຫວຽດນາມ ແມ່ນສະພາບແວດລ້ອມທີ່ຂະຫຍັນຂັນເຄື່ອນ, ປອດໄພ, ເໝາະສົມກັບຊາວລາວ ທີ່ຢາກໄປຮຽນຢູ່ຕ່າງປະເທດ.
“ນ້ອງຍາມໃດກໍ່ລະນຶກເຖິງຄຳເວົ້າ, “ຫວຽດນາມ - ລາວ, ສອງປະເທດເຮົາ, ນ້ຳໃຈເລິກກວ່າແມ່ນ້ຳ ຮົ່ງຮ່າ, ແມ່ນນ້ຳຂອງ”. ນ້ອງຫວັງວ່າ ການກະທຳນ້ອຍໆຂອງຕົນຈະປະກອບສ່ວນໂຄສະນາເຜີຍແຜ່ວັດທະນະທຳຂອງສອງປະເທດ, ຮັດແໜ້ນນ້ຳໃຈສາມັກຄີ, ມິດຕະພາບ ຫວຽດນາມ - ລາວ”. Maysa ກ່າວ..
ຫວ່າງມໍ່ໆມານີ້, ນາງສາວຜູ້ນີ້ ໄດ້ເຂົ້າຮ່ວມພິທີຮັບໃບປະກາດ ຮຽນຈົບຢູ່ມະຫາວິທະຍາໄລອຸດສາຫະກຳ ກວາງນິງ, ນາງບໍ່ລັງເລທີ່ຈະແບ່ງປັນແຜນການສືບຕໍ່ຕິດພັນກັບຫວຽດນາມ.
“ໃນເບື້ອງຕົ້ນຂອງນ້ອງແມ່ນສືບຕໍ່ຢູ່ເພື່ອຮ່ຳຮຽນ ກໍ່ຄືໄປທັດສະນະ ແລະ ຄົ້ນຫາບັນດາສະຖານທີ່ປະຫວັດສາດ, ວັດທະນະທຳ ຫວຽດນາມ. ພິເສດ ແມ່ນຈະກັບໄປລາວເລື້ອຍໆ ເພື່ອເຜີຍແຜ່ວັດທະນະທຳ, ທິວທັດທີ່ສວຍງາມ, ອາຫານການກິນ ກໍ່ຄືເຜີຍແຜ່ໂຄສະນາກ່ຽວກັບບ້ານເກີດເມືອງນອນຂອງຕົນ. ປະຈຸບັນ, ນ້ອງພວມກັບຄືນປະເທດລາວເພື່ອເຮັດເອກະສານ, ຂັ້ນຕອນການສືບຕໍ່ຮຽນປະລິນຍາໂທຢູ່ ຫວຽດນາມ”, Maysa ກ່າວ.
 | ນັກສຶກສາຫວຽດນາມ ແລະ ສ.ເກົາຫຼີ ພົບປະແລກປ່ຽນວັດທະນະທຳຢູ່ ບິ່ງເຢືອງ ຍສໝ - ສະມາຄົມມິດຕະພາບຫວຽດນາມ - ສ.ເກົາຫຼີ ແຂວງ ບິ່ງເຢືອງ ຫາກໍ່ເຂົ້າຮ່ວມການຕ້ອນຮັບຄະນະທິມງານນັກສຶກສາຂອງບັນດາມະຫາວິທະຍາໄລທີ່ຂື້ນກັບນະຄອນ ບູຊານ (ສ.ເກົາຫຼີ) ປະຕິບັດການເຄື່ອນໄຫວພົບປະແລກປ່ຽນວັດທະນະທຳນັກສຶກສາຢູ່ມະຫາວິທະຍາໄລ ທູເຢົ່າໂມດ. |
 | ສູນວັດທະນະທຳຈີນຢູ່ຮ່າໂນ້ຍ: ຊຸກຍູ້ການແລກປ່ຽນວັດທະນະທຳ ແລະ ສິລະປະຫວຽດນາມ - ຈີນ ຍສໝ- ກົມຮ່ວມມືສາກົນ - ກະຊວງວັດທະນະທຳ, ກິລາ ແລະ ທ່ອງທ່ຽວຫວຽດນາມ ຫາກໍ່ມອບໃບອະນຸຍາດສ້າງຕັ້ງສູນວັດທະນະທຳຈີນຢູ່ຮ່າໂນ້ຍ ໃຫ້ທ່ານ ເຈືອງດຶກເຊີນ, ຜູ້ອຳນວຍການສູນຄົນໃໝ່. |
ມິງດຶກ (ແປຕາມ baomoi.com)
