| ອາເມລິກາ ປາດຖະໜາຢາກພັດທະນາການພົວພັນຄູຮ່ວມມືຮອບດ້ານ ຫວຽດນາມ - ອາເມລິກາ ໃຫ້ເຂົ້າສູ່ລວງເລິກ | |
| ເພີ່ມທະວີການຮ່ວມມືດ້ານການສຶກສາ ຫວຽດນາມ - ອາເມລິກາ |
ວັນທີ 9 ກັນຍາ (ຕາມເວລາທ້ອງຖິ່ນ), ພິທີຕ້ອນຮັບທ່ານພົນເອກ ຟານວັນຢາງ, ກໍາມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດ ແລະຄະນະຜູ້ແທນຂັ້ນສູງກະຊວງປ້ອງກັນປະເທດຫວຽດນາມ ໄປຢ້ຽມຢາມອາເມລິກາ ຢ່າງເປັນທາງການ ໄດ້ຈັດຂຶ້ນຢູ່ສຳນັກງານກະຊວງປ້ອງກັນປະເທດອາເມລິກາ ທີ່ນະຄອນຫຼວງວໍຊິງຕັນ ດີຊີ. ພາຍຫຼັງພິທີຕ້ອນຮັບ, ທ່ານພົນເອກ ຟານວັນຢາງ ໄດ້ມີການພົບປະເຈລະຈາກັບທ່ານ Lloyd Austin ລັດຖະມົນຕີກະຊວງປ້ອງກັນປະເທດອາເມລິກາ.
ທີ່ການພົບປະເຈລະຈາ, ສອງຝ່າຍຕີລາຄາວ່າ ບົນພື້ນຖານເຫັນດີເຫັນພ້ອມລະຫວ່າງລັດຖະມົນຕີ 2 ທ່ານໃນການຢ້ຽມຢາມຫວຽດນາມ ຢ່າງເປັນທາງການເມື່ອເດືອນ ກໍລະກົດ 2021, ການພົວພັນຮ່ວມມືດ້ານປ້ອງກັນຊາດ 2 ຝ່າຍສືບຕໍ່ໄດ້ຮັບການຜັນຂະຫຍາຍຢ່າງຕັ້ງໜ້າ ແລະບັນລຸໄດ້ໝາກຜົນແທດຈິງໃນບັນດາຂົງເຂດ: ແລກປ່ຽນຄະນະ, ສົນທະນາ - ປຶກສາຫາລື, ແກ້ໄຂຜົນຮ້າຍຢ້ອນຫຼັງຈາກສົງຄາມ, ຊອກຫາທະຫານອາເມລິກາ ທີ່ຫາຍສາບສູນໃນປາງສົງຄາມ (MIA), ...
 |
| ບັນຍາກາດທີ່ການພົບປະເຈລະຈາ. ພາບ: TTXVN |
ກ່ຽວກັບທິດທາງຮ່ວມມືໃນໄລຍະຈະມາເຖິງ, 2 ຝ່າຍໄດ້ເຫັນດີຊຸກຍູ້ການພົບປະແລກປ່ຽນຂັ້ນສູງ ແລະຮັກສາບັນດາກົນໄກສົນທະນາ ແລະປຶກສາຫາລືທີ່ມີຢູ່ເພື່ອແນໃສ່ເພີ່ມທະວີຄວາມເຂົ້າໃຈ ແລະຄວາມໄວ້ເນື້ອເຊື່ອໃຈເຊິ່ງກັນ ແລະກັນ, ພ້ອມທັງກຳນົດບັນດາຂົງເຂດຮ່ວມມືໃຫ້ເໝາະສົມກັບຄວາມຕ້ອງການ ແລະຄວາມສາມາດຂອງແຕ່ລະຝ່າຍ. ລັດຖະມົນຕີ 2 ທ່ານ ເນັ້ນໜັກສືບຕໍ່ໃຫ້ບຸລິມະສິດແກ່ການຮ່ວມມືແກ້ໄຂຜົນຮ້າຍຢ້ອນຫຼັງຈາກສົງຄາມ. ສອງຝ່າຍກໍ່ໄດ້ຊຸກຍູ້ ແລະເຮັດໃຫ້ການຮ່ວມມືໃນບັນດາຂົງເຂດ, ຄື: ຮັກສາສັນຕິພາບ ສປຊ, ບໍາລຸງກໍ່ສ້າງ, ການແພດທະຫານ, ການຊອກຫາ ແລະກູ້ໄພ, ການຊ່ວຍເຫຼືອມະນຸດສະທຳ/ກູ້ຊ່ວຍໄພພິບັດ, ການປຶກສາຫາລື ແລະໜູນຊ່ວຍເຊິ່ງກັນ ແລະກັນໃນບັນດາເວທີປາໄສຫຼາຍຝ່າຍຢູ່ພາກພື້ນ ແລະສາກົນ, ພິເສດແມ່ນໃນຂອບເຂດກົນໄກກອງປະຊຸມລັດຖະມົນຕີປ້ອງກັນປະເທດອາຊຽນ ເປີດກວ້າງ (ADMM+), ບົນພື້ນຖານເຄົາລົບບົດບາດໃຈກາງ ແລະຫຼັກການເຫັນດີເຫັນພ້ອມຂອງອາຊຽນ...
ສອງຝ່າຍເຊື່ອໝັ້ນວ່າ ໃນໄລຍະຈະມາເຖິງ, ການຮ່ວມມືລະຫວ່າງກະຊວງປ້ອງກັນປະເທດສອງປະເທດຈະສືບຕໍ່ພັດທະນາ, ເພື່ອຜົນປະໂຫຍດຂອງແຕ່ລະປະເທດ, ເພື່ອສັນຕິພາບ, ສະຖຽນລະພາບ ແລະການພັດທະນາລວມຂອງພາກພື້ນ ແລະໂລກ, ປະກອບສ່ວນຊຸກຍູ້ການພົວພັນຄູ່ຮ່ວມມືຍຸດທະສາດ, ຮອບດ້ານເພື່ອສັນຕິພາບ, ການຮ່ວມມື ແລະການພັດທະນາແບບຍືນຍົງລະຫວ່າງ ຫວຽດນາມ-ອາເມລິກາ.
ສິ້ນສຸດການພົບເຈລະຈາ, ລັດຖະມົນຕີສອງທ່ານໄດ້ລົງນາມໃນບົດບັນທຶກອັບເດດຖະແຫຼງການວິໄສທັດຮ່ວມຫວຽດນາມ - ອາເມລິກາ ວ່າດ້ວຍການຮ່ວມມືດ້ານປ້ອງກັນຊາດ. ບົດບັນທຶກອັບເດດຖະແຫຼງການວິໄສທັດຮ່ວມ ຫວຽດນາມ - ອາເມລິກາ ວ່າດ້ວຍການຮ່ວມມືດ້ານປ້ອງກັນຊາດແມ່ນຂີດໝາຍໃໝ່ໃນການພົວພັນດ້ານປ້ອງກັນຊາດສອງຝ່າຍ, ປະກອບສ່ວນຢ່າງຕັ້ງໜ້າໃຫ້ແກ່ການພົວພັນຮ່ວມມືລະຫວ່າງສອງປະເທດ, ປະກອບສ່ວນຮັກສາສັນຕິພາບ, ສະຖຽນລະພາບ, ການພັດທະນາຢູ່ພາກພື້ນ ແລະໃນໂລກ.
ທ່ານພົນເອກ ຟານວັນຢາງ ແລະທ່ານລັດຖະມົນຕີ Lloyd Austin ກໍ່ໄດ້ມອບໃຫ້ກັນບັນດາວັດຖຸພັນໃນສົງຄາມ, ຂໍ້ມູນຂ່າວສານທີ່ກ່ຽວຂ້ອງເຖິງທະຫານຫວຽດນາມ ແລະທະຫານອາເມລິກາ ທີ່ຫາຍສາບສູນໃນປາງສົງຄາມ.
 | ຫວຽດນາມ - ອາເມລິກາ: “ປັບປຸງການພົວພັນດ້ານເສດຖະກິດສອງຝ່າຍ” ຍສໝ - ຕອນເຊົ້າວັນທີ 8 ມີນາ, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຟ້າມມິງຈິງ ໄດ້ເຂົ້າຮ່ວມ ແລະ ກ່າວຄຳເຫັນທີ່ກອງປະຊຸມສຸດຍອດວິສາຫະກິດຫວຽດນາມ - ອາເມລິກາ ຄັ້ງທີ 5 ດ້ວຍຫົວຂໍ້ “ປັບປຸງການພົວພັນເສດຖະກິດ 2 ຝ່າຍ”. |
 | ຫວຽດນາມ - ອາເມລິກາ ຊຸກຍູ້ການປະຕິບັດບັນດາເນື້ອໃນຮ່ວມມືດ້ານປ້ອງກັນຊາດ ຍສໝ - ຫວຽດນາມ ແລະ ສະຫະລັດອາເມລິກາ ຈະຮ່ວມມືເພື່ອຍົກສູງຄຸນນະພາບຊີວິດໃຫ້ແກ່ຄົນພິການຫວຽດນາມ ຢູ່ບັນດາແຂວງທີ່ຖືກສີດຫວ່ານທາດພິດສີສົ້ມ ແລະ ບັນດາເນື້ອໃນຮ່ວມມືດ້ານການປ້ອງກັນຊາດ ແມ່ນເໝາະສົມກັບຜົນປະໂຫຍດຂອງສອງປະເທດ, ເພື່ອສັນຕິພາບ ແລະ ການພັດທະນາຮ່ວມກັນໃນພາກພື້ນ ແລະ ໃນໂລກ… |
ແສງເດືອນ
