| ນະຄອນໂຮ່ຈີມິນ ຊຸກຍູ້ການຮ່ວມມື ກັບຄູ່ຮ່ວມມືອິນເດຍ ໃນການບຳບັດຂີ້ເຫຍື້ອ ແລະ ສິ່ງເສດເຫຼືອຕົວເມືອງ | |
| ຂຸດຄົ້ນຄວາມສາມາດບົ່ມຊ້ອນໃນການຮ່ວມມືລະຫວ່າງ ຫວຽດນາມ ກັບ ນະຄອນ Nice ແລະ ປະເທດ ໂມນາໂກ |
 |
| ເພີ່ມທະວີການຮ່ວມມືດ້ານການສຶກສາ ຫວຽດນາມ - ອາເມລິກາ. ພາບ: dantri.com.vn |
ທ່ານລັດຖະມົນຕີ ຫງວຽນກິມເຊີນ ມີຄວາມປາດຖະໜາຢາກໃຫ້ສະຖານທູດ ອາເມລິກາ ປະຈຳ ຫວຽດນາມ ໜູນຊ່ວຍເພື່ອປະຕິບັດສຳເລັດການລົງນາມບົດບັນທຶກຊ່ວຍຈຳວ່າດ້ວຍການໜູນຊ່ວຍພັດທະນາ, ຍົກສູງຄຸນນະພາບຮາກຖານການສຶກສາຂັ້ນມະຫາວິທະຍາໄລຢູ່ ຫວຽດນາມ ລະຫວ່າງ ອົງການ USAID (ອາເມລິກາ) ແລະ ກະຊວງສຶກສາ ແລະ ບຳລຸງສ້າງ ຫວຽດນາມ ໜູນຊ່ວຍວິວັດການພັດທະນາ ມະຫາວິທະຍາໄລ Fulbright ຫວຽດນາມ, ໜູນຊ່ວຍການປະຕິບັດໂຄງການເຊື່ອມຕໍ່ບຳລຸງສ້າງ, ຍົກສູງຄຸນນະພາບໃນການສິດສອນພາສາອັງກິດ ຢູ່ ຫວຽດນາມ, ສ້າງກຸ່ມເຮັດວຽກລະຫວ່າງນັກວິທະຍາສາດ ສອງປະເທດ ເພື່ອພ້ອມກັນແລກປ່ຽນ, ພັດທະນາກຳລັງຄວາມສາມາດ…
ທ່ານເອກອັກຄະລັດຖະທູດ Marc Knapper ເນັ້ນໜັກເຖິງໝາກຜົນທີ່ກ້າວກະໂດດໃນການພົວພັນຮ່ວມມືດ້ານການສຶກສາ ລະຫວ່າງ ຫວຽດນາມ - ອາເມລິກາໃນໄລຍະຜ່ານມາ ແລະ ທ່ານຢັ້ງຢືນວ່າ: ການພົວພັນຮ່ວມມືດ້ານການສຶກສາ ແມ່ນເລື່ອງລາວທີ່ປະສົບຜົນສຳເລັດໃນການພົວພັນສອງຝ່າຍລະຫວ່າງອາເມລິກາ ແລະ ຫວຽດນາມ.
ໃນໄລຍະຈະມາເຖິງ, ທ່ານເອກອັກຄະລັດຖະທູດ ໃຫ້ຮູ້ວ່າ ຈະມານະພະຍາຍາມເພື່ອຟື້ນຟູ ແລະ ເພີ່ມຈຳນວນນັກຮຽນ, ນັກສຶກສາ ຫວຽດນາມ ໄປຮ່ຳຮຽນຢູ່ອາເມລິກາຕື່ມອີກ. ພ້ອມກັນນັ້ນ, ທ່ານໄດ້ແນະນຳການຊຸກຍູ້ການຮ່ວມມືລະຫວ່າງ ກະຊວງສຶກສາ ແລະ ບຳລຸງສ້າງ ຫວຽດນາມ ກັບບັນດາຄູ່ຮ່ວມມືເອກະຊົນຢູ່ ອາເມລິກາ...
ໄຊພອນ
