ນັ້ນແມ່ນບັນດາເນື້ອໃນສຳຄັນໃນການພົບປະແລກປ່ຽນລະຫວ່າງ ທ່ານພົນໂທ ຮ່ວາງຊ່ວນຈຽນ - ຮອງລັດຖະມົນຕີກະຊວງປ້ອງກັນປະເທດຫວຽດນາມ ແລະ ທ່ານ Paul Cheremeteff Grove - ຜູ້ຊ່ວຍອາວຸໂສຂອງຄະນະກຳມະການອະນຸມັດ - ສະມາຊິກກຸ່ມທີ່ປຶກສາອາວຸໂສຂອງ ທ່ານປະທານປະຈຳການ ສະພາສູງສະຫະລັດອາເມລິກາ Patrick Leahy ໃນວັນທີ 1 ກໍລະກົດ ທີ່ຮ່າໂນ້ຍ.
 |
| ຫວຽດນາມ ແລະ ສະຫະລັດອາເມລິກາ ຈະຮ່ວມມືເພື່ອຍົກສູງຄຸນນະພາບຊີວິດໃຫ້ແກ່ຄົນພິການຫວຽດນາມ. (ພາບ: qdnd) |
ທ່ານພົນໂທ ຮ່ວາງຊ່ວນຈຽນ ປາດຖະໜາວ່າ ສອງຝ່າຍຈະສືບຕໍ່ສົມທົບກັນຢ່າງແໜ້ນແຟ້ນ ໃນການຍູ້ແຮງການປະຕິບັດໂຄງການແກ້ໄຂມົນລະພິດດີໂອຊີນ ຢູ່ສະໜາມບິນບຽນຮວ່າ ໄລຍະທີ 1, ພ້ອມທັງລະດົມບັນດາແຫຼ່ງກຳລັງ ເພື່ອແກ້ໄຂບໍລິເວນທີ່ເປັນມົນລະພິດດີໂອຊີນທັງໝົດ ຢູ່ສະໜາມບິນບຽນຮວ່າ.
ສອງຝ່າຍຕ້ອງຊຸກຍູ້ການປະຕິບັດໂຄງການຢ່າງມີປະສິດທິຜົນ ເພື່ອຍົກສູງຄຸນນະພາບຊີວິດຂອງຄົນພິການຫວຽດນາມ ຢູ່ບັນດາແຂວງທີ່ຖືກສີດຫວ່ານທາດພິດສີສົ້ມຢ່າງໜັກ ແລະ 9 ເນື້ອໃນກ່ຽວກັບການຮ່ວມມືເພື່ອຟື້ນຟູຜົນຮ້າຍຈາກລູກລະເບີດທີ່ຍັງບໍ່ທັນແຕກ ເຊິ່ງສອງຝ່າຍໄດ້ເປັນເອກະພາບ; ພ້ອມກັນນີ້, ກໍ່ປະສານງານໃນວຽກງານສື່ສານໃຫ້ເປັນຢ່າງດີ ເພື່ອໂຄສະນາເຜີຍແຜ່ໃຫ້ປະຊາຊົນສອງປະເທດ ກ່ຽວກັບໝາກຜົນ ແລະ ຄວາມພະຍາຍາມໃນການຮ່ວມມືຂອງສອງຝ່າຍໃນຂົງເຂດນີ້.
ທ່ານ Paul Cheremeteff Grove ໄດ້ຢືນຢັນວ່າ ສອງຝ່າຍຕ້ອງສືບຕໍ່ຜັນຂະຫຍາຍການໜູນ ຊ່ວຍຂອງອາເມລິກາຢ່າງມີປະສິດທິຜົນ ເພື່ອຟື້ນຟູຜົນເສຍຫາຍຈາກສົງຄາມຢູ່ຫວຽດນາມ, ຜັນຂະຫຍາຍບັນດາເນື້ອໃນຮ່ວມມືດ້ານປ້ອງກັນຊາດທີ່ເໝາະສົມກັບຜົນປະໂຫຍດຂອງສອງປະເທດ ເພື່ອສັນຕິພາບ ແລະ ການພັດທະນາຮ່ວມກັນໃນພາກພື້ນ ແລະ ໂລກ.
ຄຳຮຸ່ງ
