ການເຄື່ອນໄຫວໜູນຊ່ວຍ ໄດ້ປະຕິບັດຕາມໂຄງການເຄື່ອນຍ້າຍແຮງງານລະຫວ່າງ ອົດສະຕາລີ ແລະ ຫວຽດນາມ. ລັດຖະບານ ອົດສະຕາລີ ຈະອະນຸຍາດໃຫ້ຄົນງານ ຫວຽດນາມ ສູງສຸດ 1.000 ຄົນໄປເຮັດວຽກໃນຂະແໜງການກະສິກຳຢູ່ ອົດສະຕາລີ ໃນຈຸດເວລາດຽວກັນ. ຄົນງານຫວຽດນາມ ທີ່ເຂົ້າຮ່ວມໂຄງການສາມາດເຮັດວຽກໄລຍະສັ້ນ (ແຕ່ 6 ຫາ 9 ເດືອນ) ຫຼື ວຽກໄລຍະຍາວ (ແຕ່ 1 ຫາ 4 ປີ). ຕຳແໜ່ງງານຂອງຄົນງານຫວຽດນາມ ພຽງແຕ່ຮຽກຮ້ອງໃຫ້ມີທັກສະອາຊີບຕ່ຳຫາເຄິ່ງສີມືດ້ານກະສິກຳເຊັ່ນ: ປູກຝັງ, ປຸງແຕ່ງຊີ້ນ, ສິນທະເລ (ລວມມີການລ້ຽງສິນໃນນ້ຳ) ແລະ ປ່າໄມ້.
 |
| ພິທີປະກາດການຜັນຂະຫຍາຍປະຕິບັດຂໍ້ຕົກລົງລະຫວ່າງ ຫວຽດນາມ ແລະ ອົດສະຕາລີ ກ່ຽວກັບການໜູນຊ່ວຍພົນລະເມືອງ ຫວຽດນາມ ໄປເຮັດວຽກໃນຂະແໜງການກະສິກຳຢູ່ ອົດສະຕາລີ. |
ກ່າວຄຳປາໄສທີ່ລາຍການ, ທ່ານ ຫງວຽນບ໋າຮວານ ຮອງລັດຖະມົນຕີກະຊວງແຮງງານ - ທະຫານເສຍອົງຄະ ແລະ ສັງຄົມ ຫວຍດນາມ, ໃຫ້ຮູ້ວ່າ “ການຮ່ວມມືດ້ານແຮງງານແມ່ນປັດໄຈສຳຄັນອັນໜຶ່ງໃນການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ອົດສະຕາລີ, ເປັນຂີດໝາຍສຳຄັນໃນການຮ່ວມມືດ້ານເສດຖະກິດ, ວັດທະນະທຳ ແລະ ການພົບປະແລກປ່ຽນປະຊາຊົນລະຫວ່າງສອງປະເທດ”.
“ສອງປະເທດພວມຜັນຂະຫຍາຍຂໍ້ຕົກລົງ ເພື່ອຕອບສະໜອງຄວາມມຸ່ງມາດປາດຖະໜາຂອງຄົນງານຫວຽດນາມ ທີ່ໄປເຮັດວຽກຢູ່ ອົດສະຕາລີ ເພື່ອຍົກສູງວິຊາສະເພາະດ້ານພາສາຕ່າງປະເທດ, ສະສົມຄວາມຮູ້, ວິທະຍາສາດ, ເຕັກໂນໂລຢີໃນຂົງເຂດກະສິກຳໃຫ້ມີລາຍຮັບສູງ... ເມື່ອເຮັດສຳເລັດຕາມສັນຍາແຮງງານກັບເມືອບ້ານກໍ່ສາມາດນຳໃຊ້, ປະຕິບັດຢ່າງມີປະສິດທິຜົນ, ເພີ່ມທະວີປະສິດທິພາບແຮງງານ; ພ້ອມກັນນັ້ນ, ຄົນງານທີ່ໄປເຮັດວຽກຢູ່ ອົດສະຕາລີ ກໍ່ແມ່ນເພື່ອຕອບສະໜອງການຂາດເຂີນແຫຼ່ງຊັບພະຍາກອນມະນຸດຂອງຜູ້ນຳໃຊ້ແຮງງານ ອົດສະຕຣາລີ.
ໃນປີທຳອິດຂອງການປະຕິບັດໂຄງການ, ຫົວໜ່ວຍທັກສະອາຊີບສາທາລະນະ 01 ແຫ່ງ ແລະ ວິສາຫະກິດສູງສຸດ 06 ແຫ່ງ ເຄື່ອນໄຫວການບໍລິການສົ່ງຄົນງານຫວຽດນາມ ໄປເຮັດວຽກຢູ່ຕ່າງປະເທດຕາມສັນຍາທີ່ໄດ້ຖືກຄັດເລືອກໃຫ້ເຂົ້າຮ່ວມໃນໂຄງການ. ຫົວໜ່ວຍທັກສະອາຊີບສາທາລະນະ ແລະ ບັນດາວິສາຫະກິດການບໍລິການ ທີ່ບໍ່ໄດ້ຮັບການເລືອກຈະບໍ່ສາມາດເຂົ້າຮ່ວມ ແລະ ຮັບສະໝັກຄົນງານໃຫ້ໂຄງການໄດ້. ລາຍຈ່າຍຄ່າສະໝັກໂດຍຜູ້ນຳໃຊ້ແຮງງານຂອງ ອົດສະຕາລີ ຈະໄດ້ຈ່າຍໃຫ້ຫົວໜ່ວຍທັກສະອາຊີບສາທາລະນະ ແລະ ບັນດາວິສາຫະກິດການບໍລິການ ຫວຽດນາມ.
ທ່ານຮອງເອກອັກຄະລັດຖະທູດ ອົດສະຕາລີ ປະຈຳ ຫວຽດນາມ ໃຫ້ຮູ້ວ່າ “ໂຄງການຈະນຳມາໃຫ້ຄົນງານ ຫວຽດນາມ ບັນດາໂອກາດຍົກສູງຄວາມຮູ້, ປະສົບການ ແລະ ທັກສະໃນການເຮັດວຽກ ເມື່ອຮັບປະກັນບັນດາທີ່ຕັ້ງວຽກເຮັດຢູ່ຊົນນະບົດ ແລະ ທ້ອງຖິ່ນຢູ່ ອົດສະຕາລີ. ອົດສະຕາລີ ແລະ ຫວຽດນາມ ມີຄວາມມຸ່ງໝັ້ນໃນການຮັບປະກັນໃຫ້ຄົນງານທີ່ເຂົ້າຮ່ວມໂຄງການ PALM ມີຄວາມປອດໄພ ແລະ ຫຼຸດຜ່ອນຄວາມສ່ຽງຕໍ່ການຖືກຕົວະຕົ້ມ, ການເຄື່ອນໄຫວຮັບສະໝັກງານທີ່ບໍ່ມີຈັນຍາບັນ ແລະ ມີການຂູດຮີດແຮງງານ. ພວກຂ້າພະເຈົ້າຫວັງຢາກຈະຮ່ວມມືກັບບັນດາວິສາຫະກິດການບໍລິການທີ່ມີປະສົບການຢູ່ ຫວຽດນາມ ແລະ ມີນະໂຍບາຍ ແລະ ການເຄື່ອນໄຫວຮັບບັນຈຸທີ່ຍຸດຕິທຳ, ມີຈັນຍາບັນ ແລະ ມີຄວາມກະຈ່າງແຈ້ງ”.
 | ຕື້ນຕັນໃຈໃນການພົບປະມູນເຊື້ອນັກຮົບເກົ່າລັດເຊຍ ທີ່ເຄີຍເຮັດວຽກຢູ່ຫວຽດນາມ ຍສໝ - ໃນວັນທີ 5 ສິງຫານີ້ ຢູ່ທີ່ສໍານັກງານສະຖານທູດຫວຽດນາມ ປະຈໍາສະຫະພັນລັດເຊຍ, ໄດ້ຈັດກອງປະຊຸມພົບປະຄັ້ງທີ 52 ຂອງສະມາຄົມນັກຮົບເກົ່າລັດເຊຍ ທີ່ເຄີຍເຮັດວຽກຢູ່ຫວຽດນາມ ໃນໄລຍະສົງຄາມ. |
 | ຍສໝ - ຫວ່າງແລ້ວນີ້, ຄະນະກໍາມະການປະຊາຊົນແຂວງ ກວາງຫງ້າຍ ໄດ້ອອກຂໍ້ຕົກລົງເລກທີ 926 ອະນຸມັດການຮັບເງິນກວ່າ 1,7 ຕື້ດົ່ງ, ເທົ່າກັບ 72.653 USD ຈາກໂຄງການ: ຊ່ວຍເຫຼືອການປະຕິບັດບັນດາມາດຕະການສະກັດກັ້ນ ແລະ ຕ້ານການຈົມນໍ້າຢ່າງມີປະສິດທິຜົນ ແລະ ຍືນຍົງ ໃຫ້ເດັກນ້ອຍ 1.800 ຄົນຢູ່ 02 ເມືອງຂອງເມືອງ ເງ້ຍແຮງ ... |
ມີງດຶກ
