| ຫວຽດນາມ, ລາວ, ກຳປູເຈຍ ຊຸກຍູ້ການຮ່ວມມືດ້ານການຄ້າ ແລະ ການລົງທຶນໃນສະພາບການເສດຖະກິດດີຈີຕອນ | |
| ບ້ານຫັດຖະກຳນ້ຳປາ ຕ່າມແທັງ: ຮັກສາລົດຊາດຂອງບ້ານເກີດເມືອງນອນ; ພັດທະນາເສດຖະກິດທ້ອງຖິ່ນ |
ໂດຍເປັນເມືອງທ່ອງທ່ຽວທີ່ມີຊື່ສຽງທີ່ສຸດໃນປະເທດລາວ, ຕະຫຼອດຫຼາຍປີຜ່ານມາ, ຫຼວງພະບາງໄດ້ຮັບການຕີລາຄາຢ່າງຕໍ່ເນື່ອງຈາກວາລະສານທ່ອງທ່ຽວທີ່ມີຊື່ສຽງຂອງໂລກຫຼາຍແຫ່ງ ວ່າເປັນໜຶ່ງໃນແຫຼ່ງທ່ອງທ່ຽວທີ່ດຶງດູດ ແລະ ຄວນໄປທ່ຽວຊົມທີ່ສຸດ.
 |
| ນັກທ່ອງທ່ຽວຕ່າງປະເທດຊື້ອາຫານຢູ່ຕະຫຼາດກາງຄືນຫຼວງພະບາງ. (ພາບ: ຟ້າມກຽນ/TTXVN) |
ທັງນີ້, ບໍ່ພຽງແຕ່ຍ້ອນວ່າ ຫຼວງພະບາງ ເປັນເມືອງມໍລະດົກໂລກ ຫຼື ເຄີຍເປັນເມືອງເກົ່າແກ່ຂອງ “ດິນແດນລ້ານຊ້າງ” ເທົ່ານັ້ນ, ແຕ່ຍັງເປັນຍ້ອນລັດຖະບານຢູ່ທີ່ນີ້ ຍາມໃດກໍ່ພະຍາຍາມຫັນປ່ຽນບັນດາຜະລິດຕະພັນການທ່ອງທ່ຽວ ເພື່ອດຶງດູດນັກທ່ອງທ່ຽວ, ໃນນັ້ນມີການໃຫ້ຄວາມສຳຄັນການພັດທະນາພື້ນຖານເສດຖະກິດກາງຄືນ.
ຕັ້ງຢູ່ຖະໜົນສີສະຫວ່າງວົງ, ໃກ້ກັບຫໍພິພິທະພັນພະລາດຊະວັງ, ຍາວກວ່າ 1 ກິໂລແມັດ, ຕັດຜ່ານຖະໜົນເກົ່າໃນໃຈກາງເມືອງ, ຕະຫຼາດກາງຄືນຫຼວງພະບາງມີຮ້ານຂາຍເຄື່ອງຫັດຖະກຳພື້ນເມືອງກວ່າ 500 ຮ້ານ, ພ້ອມດ້ວຍເຂດການກິນດື່ມຮ້ານບາເບຍ, ຮ້ານເຫຼົ້າ, ບັນເທີງ ແລະ ສະຖານທີ່ຟັງດົນຕີຕ່າງໆ... ມາຮອດຕະຫຼາດແຫ່ງນີ້, ນັກທ່ອງທ່ຽວບໍ່ພຽງແຕ່ຈະພົບເຫັນປະເພດສິນຄ້າຫັດຖະກຳພື້ນເມືອງອັນດີງາມຫຼາຍຢ່າງທີ່ເຕັມໄປດ້ວຍວັດທະນະທຳຂອງຊາວລາວເທົ່ານັ້ນ, ແຕ່ຍັງໄດ້ຊິມບັນດາເຍື່ອງອາຫານທີ່ແຊບຊ້ອຍ, ອາຫານທີ່ມີຊື່ສຽງພິເສດໃນລາຄາທີ່ສົມເຫດສົມຜົນ, ແຕ່ທ່ານຍັງສາມາດພັກຜ່ອນພາຍຫຼັງການຢ້ຽມຢາມແຫຼ່ງທ່ອງທ່ຽວຂອງແຂວງຫຼວງພະບາງນຳອີກ.
ຕະຫຼາດກາງຄືນໄດ້ຮັບການສ້າງຕັ້ງຂຶ້ນໃນຕົ້ນຊຸມປີ 2000, ດ້ວຍເປົ້າໝາຍຕົ້ນຕໍແມ່ນສ້າງສະຖາທີ່ບັນເທິງໃຫ້ແກ່ນັກທ່ອງທ່ຽວເພີ່ມອີກ, ຊ່ວຍໃຫ້ປະຊາຊົນທ້ອງຖິ່ນຊອກຫາສົ້ນອອກບັນດາຜະລິດຕະພັນສິນຄ້າພື້ນເມືອງ, ສ້າງວຽກເຮັດງານທຳ ແລະ ເພີ່ມລາຍຮັບຕື່ມອີກ.
ໃນເບື້ອງຕົ້ນ, ຕະຫຼາດພຽງແຕ່ຂາຍສິນຄ້າຫັດຖະກຳ ແລະ ອາຫານພື້ນເມືອງເທົ່ານັ້ນ, ແຕ່ຕໍ່ມາກໍ່ໄດ້ຂະຫຍາຍການບໍລິການ. ນອກຈາກບໍລິເວນຂາຍບັນດາຜະລິດຕະພັນເຄື່ອງຫັດຖະກຳ ແລະ ຂົງເຂດການກິນດື່ມແລ້ວ, ໃນຂົງເຂດຕະຫຼາດກາງຄືນ ເເລະ ບັນດາຂົງເຂດອ້ອມຂ້າງ ກໍ່ຍັງມີບັນດາເຂດຟັງດົນຕີ ແລະ ບັນເທີງນຳອີກ.
ດີງເລື້ອງ
