| ນັກສຶກສາຫວຽດນາມ ແລະ ສ.ເກົາຫຼີ ພົບປະແລກປ່ຽນວັດທະນະທຳຢູ່ ບິ່ງເຢືອງ | |
| ສູນວັດທະນະທຳຈີນຢູ່ຮ່າໂນ້ຍ: ຊຸກຍູ້ການແລກປ່ຽນວັດທະນະທຳ ແລະ ສິລະປະຫວຽດນາມ - ຈີນ |
ຄະນະຜູ້ແທນແຂວງຟູກູໂອກະ (ຍີ່ປຸ່ນ) ນຳໂດຍທ່ານ Tomoyuki Mizoguchi ປະທານໂຮງຮຽນ Nishi Nippon Junior, ປະທານຄະນະກຳມະການໂຄງການພົບປະແລກປ່ຽນນັກສຶກສາອາຊີ ຂອງສະມາຄົມການສຶກສາພາກເອກະຊົນແຂວງຟູກູໂອກະ ປະເທດຍີ່ປຸ່ນ.
ເຂົ້າຮ່ວມຄະນະ ມີຄູອາຈານ 9 ທ່ານທີ່ມາຈາກສະມາຄົມການສຶກສາພາກເອກະຊົນແຂວງ ຟູກູໂອກະ ແລະ ບັນດາໂຮງຮຽນຂອງແຂວງ ຟູກູໂອກະ.
 |
| ບັນດານັກສຶກສາເຂົ້າຮ່ວມໂຄງການພົບປະແລກປ່ຽນວັດທະນະທໍາ-ການສຶກສາ ຄັ້ງທີ 7 (ພາບ: ໜັງສືພິມເສດຖະກິດ ແລະ ຕົວເມືອງ) |
ໃນໄລຍະດັ່ງກ່າວ ນັກຮຽນ 49 ຄົນຂອງແຂວງ ຟູກູໂອກະ ໄດ້ດຳເນີນການເຄື່ອນໄຫວ homestay 3 ວັນ ກັບຄອບຄົວຂອງນັກຮຽນຫວຽດນາມ 49 ຄົນຢູ່ບັນດາໂຮງຮຽນມັດທະຍົມຕອນປາຍນະຄອນຮ່າໂນ້ຍ, ໃນບັນດາທ້ອງຖິ່ນຂອງນະຄອນຮ່າໂນ້ຍ ມີ: ໂຮງຮຽນມັດທະຍົມຕອນປາຍ ຫວຽດດຶກ, ໂຮງຮຽນມັດທະຍົມຕອນປາຍ ຟານດິ່ງຟຸ່ງ, ໂຮງຮຽນມັດທະຍົມຕອນປາຍ ເຈີ່ນຟູ້, ໂຮງຮຽນມັດທະຍົມຕອນຕົ້ນຕອນປາຍ ນິວຕັນ ແລະ ໂຮງຮຽນມັດທະຍົມຕອນຕົ້ນຕອນປາຍ Phenikaa. ບັນດານ້ອງນັກຮຽນໄດ້ເຂົ້າຮ່ວມຫຼາຍການເຄື່ອນໄຫວກິລາຢູ່ບັນດາໂຮງຮຽນ, ຊອກຮູ້ກ່ຽວກັບວັດທະນະທຳອາຫານການກິນຂອງຮ່າໂນ້ຍ ແລະ ຢ້ຽມຢາມບັນດາທັດສະນີຍະພາບຮ່ອງຮອຍປະຫວັດສາດທີ່ມີຊື່ສຽງຂອງນະຄອນຫຼວງ.
ທີ່ການຕ້ອນຮັບຄະນະຜູ້ແທນພະນັກງານ, ຄູອາຈານ ແລະ ນັກສຶກສາແຂວງ ຟູກູໂອກະ ໃນວັນທີ 6 ສິງຫາ ທ່ານ ເຈີ່ນເທເກື່ອງ, ຫົວໜ້າພະແນກສຶກສາ ແລະ ກໍ່ສ້າງ ຮ່າໂນ້ຍ ໃຫ້ຮູ້ວ່າ: ໂຄງການພົບປະແລກປ່ຽນວັດທະນະທຳ, ການສຶກສາ ຮ່າໂນ້ຍ - ຟູກູໂອກະ ແມ່ນໜຶ່ງໃນການເຄື່ອນໄຫວທີ່ມີຄວາມໝາຍໃນໄລຍະ 50 ກວ່າປີແຫ່ງການສ້າງຕັ້ງການພົວພັນທາງການທູດ ຫວຽດນາມ - ຍີ່ປຸ່ນ ກໍ່ຄືເປັນຄູ່ຮ່ວມມືຍຸດທະສາດຮອບດ້ານເພື່ອສັນຕິພາບ ແລະ ວັດທະນາຖາວອນຢູ່ ອາຊີ. ໂຄງການດັ່ງກ່າວ ໄດ້ປະກອບສ່ວນຮັດແໜ້ນການພົວພັນຮ່ວມມືມິດຕະພາບລະຫວ່າງພະແນກສຶກສາ -ກໍ່ສ້າງຮ່າໂນ້ຍ ແລະ ສະມາຄົມການສຶກສາພາກເອກະຊົນແຂວງ ຟູກູໂອກະ, ຊຸກຍູ້ການພົວພັນຕ່າງປະເທດ ແລະ ເພີ່ມທະວີການພົວພັນຮ່ວມມື ຫວຽດນາມ - ຍີ່ປຸ່ນ.
ນີ້ກໍ່ແມ່ນໂຄງການຫັນແຜນນະໂຍບາຍຂອງຄະນະກຳມະການປະຊາຊົນນະຄອນ ກ່ຽວກັບການເພີ່ມທະວີການພົວພັນຮ່ວມມືມິດຕະພາບທີ່ເປັນມູນເຊື້ອລະຫວ່າງນະຄອນຮ່າໂນ້ຍ ກັບແຂວງ ຟູກູໂອກະ ຕາມບົດບັນທຶກຊ່ວຍຈຳກ່ຽວກັບການເພີ່ມທະວີການຮ່ວມມືທີ່ນະຄອນຮ່າໂນ້ຍ ແລະ ແຂວງ ຟູກູໂອກະ ລົງນາມໃນວັນທີ 23 ມັງກອນ ປີ 2024 ໃຫ້ປະກົດຜົນເປັນຈິງ.
 |
| ຈົດໝາຍຈາກພໍ່ແມ່ນັກຮຽນຊາວຍີ່ປຸ່ນ ທີ່ສົ່ງເຖິງໂຄງການ. (ພາບ: hanoi.edu.vn) |
ໂດຍຕີລາຄາສູງບັນດາການເຄື່ອນໄຫວພົບປະແລກປ່ຽນວັດທະນະທຳ ແລະ ການສຶກສາລະຫວ່າງ ຮ່າໂນ້ຍ ແລະ ຟູກູໂອກະ ໃນໄລຍະຜ່ານມາ, ທ່ານ ເຈີ່ນເທ້ເກື່ອງ ປາດຖະໜາວ່າ ຜ່ານໂຄງການພົບປະແລກປ່ຽນ ຄັ້ງທີ 7 ໃນປີ 2024, ບັນດານັກຮຽນຂອງສອງນະຄອນຈະແບ່ງປັນປະສົບການ ແລະ ບົດຮຽນເຊິ່ງກັນ ແລະ ກັນ. ໃນນັ້ນ ນັກສຶກສາຮ່າໂນ້ຍໄດ້ຮ່ຳຮຽນກ່ຽວກັບເຈດຈຳນົງ, ຄວາມກ້າຫານ ແລະ ພິເສດແມ່ນຄວາມຮັບຮູ້ໃນການເຄື່ອນໄຫວລວມຂອງນັກຮຽນ ຍີ່ປຸ່ນ; ບັນດານັກຮຽນ ຟູກູໂອກະ ຈະໄດ້ຮຽນຮູ້ນ້ຳໃຈຮັກແພງແຂກຄົນ, ຄວາມມີຫົວຄິດປະດິດສ້າງ, ຄວາມຮັກຕໍ່ສັນຕິພາບຂອງບັນດານັກຮຽນຫວຽດນາມ.
ຫົວໜ້າຄະນະຄູສອນ ແລະ ນັກຮຽນແຂວງ ຟູກູໂອກະ ທ່ານ Tomoyuki Mizoguchi ໃຫ້ຮູ້ວ່າ: “ບັນດານັກຮຽນຈາກ ຍີ່ປຸ່ນ ຈະໄດ້ຮັບການຕ້ອນຮັບ ແລະ ເບິ່ງແຍງດູແລຈາກໂຮງຮຽນ ແລະ ຄອບຄົວ ຫວຽດນາມ. ຂ້າພະເຈົ້າເຊື່ອວ່າ ຮູບແບບການຮຽນຮູ້ນີ້ຈະຊ່ວຍໃຫ້ເດັກນ້ອຍເຂົ້າໃຈວັດທະນະທໍາຂອງກັນ. ໃນອີກດ້ານຫນຶ່ງ, ເຖິງວ່າພວກນ້ອງໆໄດ້ມີຄວາມເອົາໃຈໃສ່ຕັ້ງໃຈຮ່ຳຮຽນກໍ່ຕາມ, ແຕ່ໃນຕອນທໍາອິດຍັງອາດຈະມີບາງຂົງເຂດທີ່ພວກນ້ອງບໍ່ສາມາດເຂົ້າໃຈຢ່າງຊັດເຈນ ຫຼື ວໍ່ທັນໃຫ້ຄວາມສົນໃຈ. ແນວໃດກໍດີ, ຖ້າຜ່ານຜ່າສິ່ງຫຍຸ້ງຍາກເຫຼົ່ານີ້, ພວກເຂົາເຈົ້າຈະສາມາດສ້າງໂອກາດພົບປະແລກປ່ຽນ ທີ່ມີພຽງແຕ່ລຸ້ນໜຸ່ມເທົ່ານັ້ນ ທີ່ສາມາດເຮັດໄດ້, ພາເຂົາເຈົ້າໄປສູ່ອະນາຄົດທີ່ສົດໃສ. ນີ້ແມ່ນຄວາມຫມາຍທີ່ແທ້ຈິງຂອງໂຄງການພົບປະແລກປ່ຽນເຊື່ອມສານນີ້".
ທ່ານ Tomoyuki Mizoguchi ກໍ່ສະແດງຄວາມປາດຖະໜາຢາກໄດ້ຮັບການສົມທົບກັນຢ່າງແໜ້ນແຟ້ນຂອງພະແນກສຶກສາ ແລະ ກໍ່ສ້າງຮ່າໂນ້ຍ. ທ່ານກ່າວວ່າ ຄະນະຄູອາຈານ ຟູກູໂອກະ ຈະໄປຢ້ຽມຢາມບັນດາໂຮງຮຽນ ແລະ ເຂົ້າຮ່ວມບັນດາການເຄື່ອນໄຫວພົບປະແລກປ່ຽນກັບບັນດານັກຮຽນ ແລະ ຊອກຮູ້ກ່ຽວກັບການສຶກສາຢູ່ ຫວຽດນາມ ຕື່ມອີກ.
ອ.ສະຫວັດ
