 | ໄຂງານບຸນເພື່ອສັນຕິພາບ ປີ 2024: ຮ່ວມແຮງຮ່ວມໃຈສ້າງສັນໂລກແຫ່ງສັນຕິພາບ |
| ຄະນະປະຕິບັດງານຄະນະກຳມະການສູນກາງແນວໂຮມປະເທດຊາດ ຫວຽດນາມ ໄປເຮັດວຽກຢູ່ Fukuoka, ຍີ່ປຸ່ນ |
ທີ່ກອງປະຊຸມພົບປະ, 2 ຝ່າຍໄດ້ແຈ້ງກ່ຽວກັບສະພາບການພັດທະນາເສດຖະກິດ - ສັງຄົມຂອງແຕ່ລະປະເທດ; ແບ່ງປັນການຕີລາຄາກ່ຽວກັບບັນດາການຜັນປ່ຽນຂອງສາກົນ ແລະ ພາກພື້ນ; ພ້ອມກັນນັ້ນ, ກໍ່ປຶກສາຫາລືກ່ຽວກັບການເຄື່ອນໄຫວ ແລະ ການຮ່ວມມືລະຫວ່າງສອງຄະນະ.
 |
| ຄະນະສັນຕິພາບ ຫວຽດນາມ ແລະ ຄະນະສັນຕິພາບ ແລະ ສາມັກຄີຂອງລາວ ໄດ້ຈັດຕັ້ງກອງປະຊຸມພົບປະ. (ພາບ: Dinh Hoa) |
ກ່າວຄຳປາໄສທີ່ກອງປະຊຸມພົບປະ, ທ່ານ ອວງຈູລືວ ໄດ້ສະແດງຄວາມຂອບອົກຂອບໃຈຄະນະສັນຕິພາບ ແລະ ສາມັກຄີຂອງລາວ ແລະ ສ່ວນຕົວຂອງທ່ານ ສົມມາດ ພົນເສນາ ໄດ້ສົ່ງຈົດໝາຍສະແດງຄວາມເສົ້າສະຫຼົດໃຈເຖິງຄະນະສັນຕິພາບ ຫວຽດນາມ, ແບ່ງເບົາຄວາມສູນເສຍ, ຄວາມເຈັບປວດຂອງພັກ, ລັດ ແລະ ປະຊາຊົນ ຫວຽດນາມ ຕໍ່ການຈາກໄຂອງທ່ານເລຂາທິການໃຫຍ່ ຫງວຽນຝູ໋ຈ້ອງ. ສິ່ງນີ້ ໄດ້ສະແດງໃຫ້ເຫັນເຖິງຄວາມຮັກແພງທີ່ດູດດື່ມ, ເປັນອ້າຍນ້ອງສະເໝີຕົ້ນສະເໝີປາຍລະຫວ່າງສອງຄະນະ ແລະ ສອງພັກ, ລັດ ແລະ ປະຊາຊົນ ຫວຽດນາມ - ລາວ.
ທ່ານ ອວງຈູລືວ ໄດ້ສະແດງຄວາມຊົມເຊີຍການນຳພັກ, ລັດ ແລະ ປະຊາຊົນລາວ ທີ່ໄດ້ຮັກສາສະຖຽນລະພາບດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມ ແລະ ຄວາມເຕີບໂຕດ້ານເສດຖະກິດ ເຖິງວ່າຈະປະສົບກັບຄວາມຫຍຸ້ງຍາກ, ສິ່ງທ້າທາຍຫຼາຍຢ່າງ. ພິເສດ, ໃນສະພາບການພາກພື້ນ ແລະ ສາກົນ ພວມປະເຊີນໜ້າກັບບັນດາການຜັນແປທີ່ຍາກຈະຄາດຄະເນລ່ວງໜ້າໄດ້, ລາວ ໄດ້ດຳລົງບົດບາດເປັນປະທານອາຊຽນ 2024 ເປັນຢ່າງດີ, ຊ່ວຍຍົກສູງບົດບາດ ແລະ ທີ່ຕັ້ງຂອງປະເທດຊາດບົນເວທີສາກົນ.
 |
| ທ່ານ ອວງຈູລືວ, ປະທານຄະນະສັນຕິພາບ ຫວຽດນາມ ກ່າວຄຳປາໄສທີ່ກອງປະຊຸມພົບປະ. (ພາບ: Dinh Hoa) |
ທ່ານ ອວງຈູລືວ ໄດ້ຢືນຢັນວ່າ ຄະນະສັນຕິພາບ ຫວຽດນາມ ຍາມໃດກໍ່ຖືເປັນສຳຄັນ ແລະ ຕີລາຄາສູງບັນດາການເຄື່ອນໄຫວຮ່ວມມືກັບຄະນະສັນຕິພາບ ແລະ ສາມັກຄີຂອງລາວ. 2 ຄະນະ ໄດ້ມີການປະກອບສ່ວນຢ່າງຕັ້ງໜ້າ, ແທດຈິງເຂົ້າໃນການພົວພັນ ຫວຽດນາມ - ລາວ. 2 ຝ່າຍໄດ້ສ້າງຕັ້ງກົນໄກແລກປ່ຽນຄະນະຜູ້ແທນໜູນວຽນໃນແຕ່ລະປີ, ແລກປ່ຽນຂໍ້ມູນຢ່າງເປັນປະຈຳ, ແບ່ງປັນປະສົບການ, ສົມທົບກັນຢ່າງແໜ້ນແຟ້ນໃນບັນດາການເຄື່ອນໄຫວຊຸກຍູ້ການພົວພັນແລກປ່ຽນມິດຕະພາບ ແລະ ການຮ່ວມມືລະຫວ່າງປະຊາຊົນສອງປະເທດ, ນັບມື້ນັບນຳມາເຊິ່ງປະສິດທິຜົນ.
ພິເສດແມ່ນປີ 2022, ເນື່ອງໃນໂອກາດໄປຢ້ຽມຢາມ, ເຮັດວຽກຢູ່ນະຄອນຫຼວງວຽງຈັນ (ລາວ), ຄະນະສັນຕິພາບ ຫວຽດນາມ ໄດ້ສົມທົບກັບຄະນະສັນຕິພາບ ແລະ ສາມັກຄີຂອງລາວ ຈັດຕັ້ງການສຳມະນາກ່ຽວກັບການທູດປະຊາຊົນ. ນີ້ແມ່ນບາດກ້າວປ່ຽນແປງໃໝ່ ແລະ ບຸກທະລຸໃນການປະຕິບັດບັນດາການເຄື່ອນໄຫວຮ່ວມມືລະຫວ່າງ 2 ຄະນະ, ປະກອບສ່ວນຊຸກຍູ້, ເພີ່ມທະວີຄວາມຮັບຮູ້ດ້ານການທູດລະຫວ່າງ 2 ປະເທດ ແລະ 2 ຄະນະ. ທ່ານ ອວງຈູ່ລືວ ໄດ້ສະເໜີວ່າ ໃນໄລຍະຈະມາເຖິງ, 2 ຄະນະສືບຕໍ່ເຊື່ອມຊຶມກ່ຽວກັບການພົວພັນມິດຕະພາບ ຫວຽດນາມ - ລາວ ຢ່າງເລິກເຊິ່ງ, ຖືວ່າແມ່ນຊັບສິນລວມອັນລ້ຳຄ່າທີ່ຕ້ອງໄດ້ຮັບການຫຼໍ່ລ້ຽງ. ພ້ອມກັນນັ້ນ, ກໍ່ປະຕິບັດບັນດານະໂຍບາຍ, ທິດທາງຢ່າງສະເໝີຕົ້ນສະເໝີປາຍ, ເປັນເອກະພາບທີ່ສອງພັກ, ສອງລັດວາງອອກ ເພື່ອປັບປຸງ, ເຮັດໃຫ້ສາຍພົວພັນມິດຕະພາບທີ່ເປັນມູນເຊື້ອ ຫວຽດນາມ - ລາວ ເລິກເຊິ່ງກ່ວາອີກ.
2 ຝ່າຍຈະຊຸກຍູ້ ແລະ ປ່ຽນໃໝ່ບັນດາການເຄື່ອນໄຫວຮ່ວມມືຢ່າງຕັ້ງໜ້າ ຕາມທິດທີ່ຫຼາກຫຼາຍ, ແທດຈິງ ແລະ ມີປະສິດທິຜົນກວ່າ, ໂດຍຜ່ານການຈັດຕັ້ງກອງປະຊຸມເຈລະຈາ, ສຳມະນາແບບເຊິ່ງໜ້າ ແລະ ອອນໄລ, ພ້ອມທັງມີບັນດາໂຄງການແລກປ່ຽນພະນັກງານ-ນັກສຶກສາ ເພື່ອປຶກສາຫາລືກ່ຽວກັບບັນດາບັນຫາສັນຕິພາບ, ຄວາມສາມັກຄີ, ການຮ່ວມມື ແລະ ບັນດາຄວາມສົນໃຈລວມ. ເພີ່ມທະວີການປະສານສົມທົບ ແລະ ສະໜັບສະໜູນເຊິ່ງກັນ ແລະ ກັນໃນບັນດາການເຄື່ອນໄຫວການທູດປະຊາຊົນຢູ່ບັນດາເວທີປາໄສຫຼາຍຝ່າຍ; ຮັກສາກົນໄກແລກປ່ຽນຂໍ້ມູນກ່ຽວກັບບັນດາບັນຫາທີ່ກ່ຽວຂ້ອງເຖິງສະພາບການຂອງສອງປະເທດ, ພາກພື້ນ ແລະ ສາກົນຢ່າງເປັນປົກກະຕິ ກໍ່ຄືການເຄື່ອນໄຫວຂອງແຕ່ລະຝ່າຍ ເພື່ອໜຸມຊ່ວຍການເຄື່ອນໄຫວເຊິ່ງກັນ ແລະ ກັນຢ່າງທັນການ.
 |
| ທ່ານ ສົມມາດ ພົນເສນາ, ປະທານຄະນະສັນຕິພາບ ແລະ ສາມັກຄີຂອງລາວ ກ່າວຄຳປາໄສທີ່ກອງປະຊຸມພົບປະ. (ພາບ: Dinh Hoa) |
ໂດຍເຫັນດີເປັນເອກະພາບກັບບັນດາຂໍ້ສະເໜີຂອງທ່ານ ອວງຈູລືວ, ທ່ານ ສົມມາດ ພົນເສນາ ຢືນຢັນວ່າ ຄະນະສັນຕິພາບ ແລະ ສາມັກຄີຂອງລາວ ຈະສົມທົບຢ່າງແໜ້ນແຟ້ນກັບຄະນະສັນຕິພາບ ຫວຽດນາມ ເພື່ອຈັດຕັ້ງບັນດາການເຄື່ອນໄຫວເພື່ອສັນຕິພາບ, ຄວາມສາມັກຄີ ແລະ ການຮ່ວມມື, ສືບຕໍ່ເສີມຂະຫຍາຍການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງປະເທດ. ເນື່ອງໃນໂອກາດນີ້, ທ່ານ ສົມມາດ ພົນເສນາ ໄດ້ເຊື້ອເຊີນທ່ານ ອວງຈູ່ລືວ ໄປຢ້ຽມຢາມ ລາວ ໃນປີ 2025.
 |
| ທ່ານ ສົມມາດ ພົນເສນາ ພ້ອມກັນກັບຄະນະປະຕິບັດງານ ເຂົ້າໄວ້ອາໄລຢູ່ສຸສານລຸງໂຮ່. (ພາບ: Dinh Hoa) |
 | ຍສໝ - ວັນທີ 11 ພຶດສະພາ, ຢູ່ແຂວງ ລາວກາຍ, ໂຮງຮຽນມັດທະຍົມຕອນປາຍລົງເລິກວິຊາສະເພາະ ລາວກາຍ ໄດ້ຈັດຕັ້ງລາຍການພົບປະແລກປ່ຽນສາກົນກ່ຽວກັບດ້ານສິລະປະ, ກິລາ ກັບໂຮງຮຽນມັດທະຍົມຊັ້ນສູງ ແລະ ໂຮງຮຽນມັດທະຍົມຊັ້ນສູງອາຊີວະສຶກສາ (ເມືອງ ເຫີ່ໂຊ່ເຢົາ, ແຂວງ ຢູນໜານ, ຈີນ). |
 | ຍສໝ - ນີ້ແມ່ນຄຳປາໄສຂອງທ່ານ ເອກອັກຄະລັດຖະທູດຜູ້ມີອຳນາດເຕັມ ແຫ່ງຍີ່ປຸ່ນ ປະຈຳ ຫວຽດນາມ Yamada Takio ທີ່ການຮັບຫຼຽນກາລະນຶກ “ເພື່ອສັນຕິພາບ, ມິດຕະພາບລະຫວ່າງບັນດາຊົນເຜົ່າ” ຂອງສະຫະພັນບັນດາອົງການມິດຕະພາບ ຫວຽດນາມ ໃນວັນທີ 23 ເມສາຢູ່ ຮ່າໂນ້ຍ. ຫຼຽນກາລະນຶກ ແມ່ນລາງວັນເພື່ອຮັບຮູ້ບັນດາການປະກອບສ່ວນໃນການຊຸກຍູ້ການພົວພັນມິດຕະພາບ, ການຮ່ວມມືລະຫວ່າງປະຊາຊົນຫວຽດນາມ ແລະ ຍີ່ປຸ່ນ. |
