 | ສົ່ງເສີມ, ໂຄສະນາການທ່ອງທ່ຽວສາກົນເປີດກວ້າງຢູ່ເມືອງຊາປາ ກັບບັນດາທ້ອງຖິ່ນຂອງ ຈີນ,ລາວ |
| Vietjet ເປີດສາຍການບິນເຊື່ອມຕໍ່ນະຄອນ ໂຮ່ຈີມິນ (ຫວຽດນາມ) ກັບນະຄອນຫຼວງ ວຽງຈັນ (ສປປ ລາວ) |
 |
| Quang cảnh buổi tiếp. (Ảnh: Xuân Khu) / ພາບທີ່ການຕ້ອນຮັບ. (ພາບ: ຊ່ວນຄູ່) |
ຕອນຄ່ຳວັນທີ 5 ມິຖຸນາ, ສະຫາຍ ຫງວຽນວັນເນັນ, ກຳມະການກົມການເມືອງ, ເລຂາຄະນະພັກນະຄອນ ໂຮ່ຈີມິນ ໄດ້ໃຫ້ການຕ້ອນຮັບສະຫາຍ ຄຳພັນ ພົມມະທັດ, ກຳມະການກົມການເມືອງ, ປະທານຄະນະກວດກາສູນກາງ ພັກປະຊາຊົນປະຕິວັດ ລາວ, ຫົວໜ້າຄະນະກຳມະການຕ້ານການສໍ້ລາດບັງຫຼວງຂັ້ນສູນກາງ, ປະທານອົງການກວດກາແຫ່ງລັດ ລາວ ທີ່ໄປຢ້ຽມຢາມ ແລະ ເຮັດວຽກຢູ່ນະຄອນ ໂຮ່ຈີມິນ.
ໂດຍຕ້ອນຮັບການໄປຢ້ຽມຢາມ ແລະ ເຮັດວຽກຂອງຄະນະຜູ້ແທນຂັ້ນສູງຄະນະກວດກາສູນກາງພັກປະຊາຊົນປະຕິວັດ ລາວ ແລະ ອົງການກວດກາແຫ່ງລັດ ລາວ, ສະຫາຍ ຫງວຽນວັນເນັນ ກຳມະການກົມການເມືອງ, ເລຂາຄະນະພັກນະຄອນ ໂຮ່ຈີມິນ ໄດ້ສະແດງຄວາມເຊື່ອໝັ້ນວ່າ ການຢ້ຽມຢາມ ຫວຽດນາມ ຂອງຄະນະ, ໃນນັ້ນມີນະຄອນ ໂຮ່ຈີມິນ ຈະປະກອບສ່ວນປະຕິບັດຂໍ້ຕົກລົງຂັ້ນສູງລະຫວ່າງສອງພັກ ແລະ ລັດຖະບານສອງປະເທດ, ເຮັດໃຫ້ການພົວພັນລະຫວ່າງ ຫວຽດນາມ - ລາວ ເລິກເຊິ່ງ, ມີປະສິດທິຜົນກວ່າອີກ; ພ້ອມກັນນັ້ນ, ກໍ່ແລກປ່ຽນ ແລະ ຖອດຖອນບົດຮຽນຫຼາຍດ້ານໃນການນຳພາ, ຊີ້ນຳ ແລະ ບໍລິຫານວຽກງານກວດກາ, ສະກັດກັ້ນ ແລະ ຕ້ານການສໍ້ລາດບັງຫຼວງ, ປະກົດການຫຍໍ້ທໍ້, ປະກອບສ່ວນກໍ່ສ້າງພັກ ແລະ ລະບົບການເມືອງຂອງສອງປະເທດໃຫ້ປອດໃສ, ເຂັ້ມແຂງ, ມີປະສິດທິພາບ ແລະ ປະສິດທິຜົນ.
ທ່ານ ຫງວຽນວັນເນັນ ໃຫ້ຮູ້ວ່າ: ພັກ, ລັດ ແລະ ປະຊາຊົນ ຫວຽດນາມ ເວົ້າລວມ ແລະ ຄະນະພັກ, ອຳນາດການປົກຄອງ ແລະ ປະຊາຊົນນະຄອນ ໂຮ່ຈີມິນ ເວົ້າສະເພາະ ຍາມໃດກໍ່ຖືເປັນສຳຄັນ ແລະ ໃຫ້ບຸລິມະສິດສູງສຸດໃນການປັບປຸງ, ປົກປັກຮັກສາ ແລະ ເພີ່ມທະວີການຮ່ວມມືມິດຕະພາບອັນໃຫຍ່ຫຼວງ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ.
 |
| ສະຫາຍ ຫງວຽນວັນເນັນ (ຂວາ), ກຳມະການກົມການເມືອງ, ເລຂາຄະນະພັກນະຄອນ ໂຮ່ຈີມິນ ໄດ້ໃຫ້ການຕ້ອນຮັບ ສະຫາຍ ຄຳພັນ ພົມມະທັດ (ຊ້າຍ), ກຳມະການກົມການເມືອງ, ປະທານຄະນະກວດກາສູນກາງ ພັກປະຊາຊົນປະຕິວັດ ລາວ, ຫົວໜ້າ ຄະນະກຳມະການຕ້ານການສໍ້ລາດບັງຫຼວງສູນກາງ, ປະທານອົງການກວດກາແຫ່ງລັດ ລາວ. (ພາບ: ຊ່ວນຄູ່) |
ນະຄອນ ໂຮ່ຈີມິນ ມີຄວາມຕັດສິນໃຈຈະເຮັດຈົນສຸດຄວາມສາມາດຂອງຕົນເພື່ອປັບປຸງ ແລະ ຮັດແໜ້ນສາຍພົວພັນສາມັກຄີແບບພິເສດ ຫວຽດນາມ - ລາວ, ເພື່ອຜົນປະໂຫຍດຂອງປະຊາຊົນແຕ່ລະປະເທດ, ເພື່ອຄວາມສັນຕິພາບ, ການຮ່ວມມື ແລະ ພັດທະນາຂອງພາກພື້ນ ແລະ ສາກົນ; ພ້ອມກັນນັ້ນ, ກໍ່ເອົາໃຈໃສ່ຊຸກຍູ້ການຮ່ວມມືສອງຝ່າຍລະຫວ່າງນະຄອນ ໂຮ່ຈິມິນ ແລະ ບັນດາທ້ອງຖິ່ນຂອງລາວ ໃຫ້ ນັບມື້ນັບເລິກເຊິ່ງ ແລະ ແທດຈິງ.
ການນຳນະຄອນ ໂຮ່ຈີມິນ ຢືນຢັນວ່າ, ນະຄອນ ຍາມໃດກໍ່ປາຖະໜາ ແລະ ຖືເປັນສຳຄັນການເພີ່ມທະວີການພົວພັນຮ່ວມມືກັບ ລາວ, ຊຸກຍູ້ ແລະ ຊີ້ນຳບັນດາອົງການພັກ, ອຳນາດການປົກຄອງ, ສະຫະພັນກຳມະບານ ຕັ້ງໜ້າຍູ້ແຮງບັນດາການເຄື່ອນໄຫວພົບປະແລກປ່ຽນ, ເຊື່ອມໂຍງເສດຖະກິດ, ສ້າງເງື່ອນໄຂສະດວກໃຫ້ບັນດາວິສາຫະກິດຂອງ 2 ຝ່າຍຊອກຫາກາລະໂອກາດລົງທຶນ, ຜັນຂະຫຍາຍບັນດາການເຄື່ອນໄຫວສົ່ງເສີມການຄ້າ, ນຳບັນດາຜະລິດຕະພັນທ້ອງຖິ່ນອອກໄປສູ່ທ້ອງຕະຫຼາດຂອງກັນ; ຊຸກຍູ້ການທ່ອງທ່ຽວ, ແລກປ່ຽນຄະນະ ແລະ ພົບປະແລກປ່ຽນປະຊາຊົນ; ສົ່ງເສີມ ແລະ ສ້າງເງື່ອນໄຂໃຫ້ບັນດາອົງການຈັດຕັ້ງ, ສະຫະພັນກຳມະບານໄດ້ພົບປະແລກປ່ຽນ ແລະ ຮ່ວມມືຢ່າງມີປະສິດທິຜົນ, ແທດຈິງ; ເອົາໃຈໃສ່ໃນການຊ່ວຍເຫຼືອພະນັກງານ ແລະ ນັກສຶກສາ ລາວ ທີ່ໄປຄົ້ນຄ້ວາ, ຮ່ຳຮຽນຢູ່ນະຄອນ.
ໂດຍສະແດງຄວາມຂອບໃຈການຕ້ອນຮັບອັນສະໜິດສະໜົມຂອງການນຳນະຄອນ ໂຮ່ຈິມິນ, ສະຫາຍ ຄໍາພັນ ພົມມະທັດ ໄດ້ແຈ້ງກ່ຽວກັບຜົນການພົບປະຂອງຄະນະຜູ້ແທນຂັ້ນສູງຄະນະກວດກາສູນກາງ ພັກປະຊາຊົນປະຕິວັດ ລາວ ແລະ ອົງການກວດກາແຫ່ງລັດ ລາວ ກັບທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ ແລະ ເຮັດວຽກກັບບັນດາອົງການທີ່ກ່ຽວຂ້ອງຂອງ ຫວຽດນາມ.
ສະຫາຍ ຄຳພັນ ພົມມະທັດ ໃຫ້ຮູ້ວ່າ: ການພົບປະໂອ້ລົມກັບນາຍົກລັດຖະມົນຕີ ຫວຽດນາມ ແລະ ການເຮັດວຽກໄດ້ດຳເນີນໄປຢ່າງດີງາມ, ນຳມາເຊິ່ງໝາກຜົນຕົວຈິງ ເພື່ອຊ່ວຍໃຫ້ຄະນະຜູ້ແທນ ລາວ ໄດ້ຮຽນຮູ້ປະສົບການທີ່ເປັນປະໂຫຍດຫຼາຍຢ່າງໃນວຽກງານກວດກາ, ສະກັດກັ້ນ ແລະ ຕ້ານການສໍ້ລາດບັງຫຼວງ.
ໂດຍຕີລາຄາຢ່າງສູງ ແລະ ຂອບໃຈນະຄອນ ໂຮ່ຈີມິນ ທີ່ໄດ້ໃຫ້ການຮ່ວມມື, ໜູນຊ່ວຍຢ່າງມີປະສິດທິຜົນໃຫ້ແກ່ບັນດາທ້ອງຖິ່ນຂອງ ລາວ, ສະຫາຍ ຄຳພັນ ພົມມະທັດ ຖືວ່າ: ການພົວພັນລະຫວ່າງ ນະຄອນ ແລະ ບັນດາທ້ອງຖິ່ນຂອງ ລາວ ແມ່ນແບບຢ່າງແຫ່ງການພົວພັນລະຫວ່າງທ້ອງຖິ່ນຂອງການພົວພັນສາມັກຄີມິດຕະພາບແບບແບບພິເສດລະຫວ່າງ ລາວ - ຫວຽດນາມ; ຢືນຢັນວ່າ ລາວ ຍາມໃດກໍ່ປາດຖະໜາຢາກພັດທະນາການພົວພັນມິດຕະພາບອັນດີງາມກັບນະຄອນ ໂຮ່ຈີມິນ ໃຫ້ນັບມື້ນັບເລິກເຊິ່ງ, ແທດຈິງກ່ວາອີກ.
 |
| ບັນດາຜູ້ແທນຖ່າຍຮູບລວມ. (ພາບ: ຊ່ວນຄູ່) |
ສະຫາຍ ຄຳພັນ ພົມມະທັດ ປາດຖະໜາວ່າ ໃນໄລຍະຈະມາເຖິງ, ນະຄອນ ໂຮ່ຈິມິນ ຈະສືບຕໍ່ຊຸກຍູ້ການເຄື່ອນໄຫວແລກປ່ຽນຄະນະປະຕິບັດງານ; ສ້າງເງື່ອນໄຂໃຫ້ບັນດາອົງການ, ໜ່ວຍງານ, ທ້ອງຖິ່ນຂອງ ລາວ ໄດ້ໄປຢ້ຽມຢາມ, ເຮັດວຽກ ແລະ ຖອດຖອນບົດຮຽນໃນວຽກງານກວດກາ, ສະກັດກັ້ນ ແລະ ຕ້ານການສໍ້ລາດບັງຫຼວງຂອງນະຄອນ; ປະກອບສ່ວນເສີມສ້າງການພົວພັນສາມັກຄີແບບພິເສດລະຫວ່າງ ລາວ - ຫວຽດນາມ ນັບມື້ນັບພັດທະນາ.
ທີ່ການພົບປະ, ສະຫາຍ ຫງວຽນວັນເນັນ ແລະ ສະຫາຍ ຄຳພັນ ພົມມະທັດ ໄດ້ແລກປ່ຽນກ່ຽວກັບສະພາບການ ແລະ ໝາກຜົນຂອງວຽກງານກວດກາ, ຕ້ານການສໍ້ລາດບັງຫຼວງຂອງແຕ່ລະຝ່າຍ; ແບ່ງປັນບາງນະໂຍບາຍ ແລະ ບົດຮຽນກ່ຽວກັບການນຳພາ, ຊີ້ນຳ, ບໍລິຫານວຽກງານການກວດກາ, ສະກັດກັ້ນ ແລະ ຕ້ານການສໍ້ລາດບັງຫຼວງ ແລະ ປະກົດການຫຍໍ້ທໍ້ໃນໄລຍະທີ່ຜ່ານມາ./.
 | ນະຄອນ ໂຮ່ຈີມິນ ຍ້ອງຍໍຊົມເຊີຍນັກສຶກສາຕົວແບບ ລາວ ແລະ ກຳປູເຈຍ ຍສໝ - ວັນທີ 3 ທັນວາ, ຄະນະຊາວໜຸ່ມນະຄອນ ໂຮ່ຈີມິນ (HCMC) ໄດ້ຈັດຕັ້ງລາຍການຍ້ອງຍໍ “ນັກສຶກສາລາວ ແລະ ກຳປູເຈຍ ຕົວແບບ” ໃນປີ 2023. ມີນັກສຶກສາລາວ ແລະ ກຳປູເຈຍ ທີ່ມີຜົນການຮຽນດີເດັ່ນ, ຝຶກຝົນຫຼໍ່ຫຼອມ ແລະ ຕັ້ງໜ້າເຂົ້າຮ່ວມການເຄື່ອນໄຫວພົບປະມິດຕະພາບ ຈໍານວນ 123 ກວ່າ ... |
 | ຄະນະຊາວໜຸ່ມກອມມູນິດ ໂຮ່ຈີມິນ ຕ້ອນຮັບ 2 ຄອບຄົວອະດີດພະນັກງານສູນກາງຄະນະຊາວໜຸ່ມປະຊາຊົນປະຕິວັດ ລາວ ທ່ານ ຫງວຽນເຕື່ອງເລິມ, ເລຂາສູນກາງຄະນະຊາວໜຸ່ມກອມມູນິດ ໂຮ່ຈີມິນ ປາດຖະໜາວ່າ ບັນດາສະຫາຍໃນຄະນະຂອງເພື່ອນລາວ ນີ້ເຖິງວ່າໄດ້ພັກບຳນານແລ້ວກໍ່ຕາມ, ແຕ່ຍາມໃດກໍ່ແມ່ນຂົວເຊື່ອມຕໍ່ມິດຕະພາບໃຫ້ແກ່ສາຍພົວພັນທີ່ເປັນມູນເຊື້ອອັນດີງາມລະຫວ່າງ 2 ອົງການຈັດຕັ້ງຊາວໜຸ່ມຂອງ 2 ປະເທດ. |
ມິງດຶກ
