| ເຊື່ອມຕໍ່, ໜູນຊ່ວຍບັນດານັກສຶກສາ ຫວຽດນາມ ທີ່ມາຮຽນຢູ່ ຝຣັ່ງ ເພື່ອຮ່ຳຮຽນ ແລະ ເຮັດວຽກ | |
| ຫວຽດນາມ ສະເໜີໃຫ້ UNCTAD ສືບຕໍ່ໜູນຊ່ວຍບັນດາປະເທດພວມພັດທະນາ |
ທີ່ການເຮັດວຽກທ່ານນາງ ໂຮທີກວຽນ, ຮອງຫົວໜ້າສູນສົ່ງເສີມການຄ້າ ແລະ ການລົງທຶນນະຄອນໂຮ່ຈິມິນ (ITPC) ໃຫ້ຮູ້ວ່າ: ການເຮັດວຽກແມ່ນເພື່ອແນໃສ່ສ້າງເງື່ອນໄຂເພື່ອໃຫ້ບັນດາວິສາຫະກິດ ຫວຽດນາມ ເຊື່ອມຕໍ່ໂດຍກົງກັບຜູ້ຊື້ ແລະ ຜູ້ນຳເຂົ້າການາດາ.
ທ່ານ ເຈົາຕູ້ເກື່ອງ, ປະທານສະມາຄົມວິສາຫະກິດຫວຽດນາມ ການາດາ (VCBA), ໃຫ້ຮູ້ວ່າ: ນັບແຕ່ຫຼັງເຫດການຂອງສູນສົ່ງເສີມການຄ້າ ແລະ ການລົງທຶນນະຄອນ ໂຮ່ຈີມິນ ITPC ແລະ VCBA ໄດ້ຈັດຂຶ້ນຢູ່ນະຄອນ ໂຮ່ຈີມິນ ໃນເດືອນ ພະຈິກ 2023, ສະມາຄົມໄດ້ຮັບຄຳສະເໜີຫຼາຍຢ່າງເພື່ອຊ່ວຍການນຳເຂົ້າ ແລະ ຈຳໜ່າຍຜະລິດຕະພັນຢູ່ ການາດາ ຈາກບັນດາວິສາຫະກິດນະຄອນ ໂຮ່ຈີມິນ ແລະ ບັນດາວິສາຫະກິດທົ່ວຫວຽດນາມ. ສິ່ງດັ່ງກ່າວໄດ້ຊຸກຍູ້ບັນດາສະມາຊິກ VCBA ກັບຄືນຫວຽດນາມ ໃນໄລຍະ 6 ເດືອນຕົ້ນປີນີ້ ເພື່ອຢ້ຽມຢາມ ແລະ ເຮັດວຽກໂດຍກົງກັບຫຼາຍວິສາຫະກິດໃນທົ່ວປະເທດ ເພື່ອຊອກຮູ້ກ່ຽວກັບຜະລິດຕະພັນຂອງຫວຽດນາມ.
 |
| ຈຸດເຊື່ອມຕໍ່ຖ່າຍທອດສົດຢູ່ສູນສົ່ງເສີມການຄ້າ ແລະ ການລົງທຶນນະຄອນ ໂຮ່ຈິມິນ (ITPC). |
ທ່ານ ເຈົາຕູ້ເກື່ອງ ໃຫ້ຮູ້ວ່າ: ຕະຫຼາດການາດາ ແລະ ອາເມລິກາເໜືອ ມີຄວາມສາມາດບົ່ມຊ້ອນຫຼາຍຢ່າງເພື່ອໃຫ້ບັນດາຜະລິດຕະພັນຂອງຫວຽດນາມ ພັດທະນາ. ດ້ວຍວັດຖຸດິບທີ່ອຸດົມສົມບູນ ແລະ ມີແນວຄິດເຮັດວຽກຢ່າງມີຫົວຄິດປະດິດສ້າງຂອງວິສາຫະກິດ, ບໍ່ພຽງແຕ່ແມ່ນຜະລິດຕະພັນດັ້ງເດີມຂອງຫວຽດນາມ ມີຄຸນນະພາບດີເທົ່ານັ້ນ, ຄຸນນະພາບຂອງຜະລິດຕະພັນກໍນັບມື້ນັບໄດ້ຮັບການປັບປຸງໃຫ້ດີຂຶ້ນ. ບັນດາຜະລິດຕະພັນໃໝ່ຂອງຫວຽດນາມ ໄດ້ຮັບການຄົ້ນຄ້ວາ ແລະ ພັດທະນາ ແຕ່ບໍ່ມີເງື່ອນໄຂຢ່າງແທ້ຈິງເພື່ອສົ່ງອອກໄປນອກຫວຽດນາມ ແລະ ແນະນຳໃຫ້ບັນດາເພື່ອນມິດສາກົນ.
ທ່ານ ເກື່ອງ ຫວັງວ່າ ດ້ວຍການຮ່ວມມືຂອງທັງສອງຝ່າຍ, ບັນດາຜະລິດຕະພັນຂອງຫວຽດນາມ ຈະໄດ້ມີຈຸດຢືນຢ່າງໝັ້ນຄົງຢູ່ຕະຫຼາດການາດາ ໂດຍໄວ.
“ໂດຍເລີ່ມຈາກຮ້ານຊຸບເປີມາເກັດ 88 ຢູ່ Vancouver ແລະ Richmond ໃນລັດ BC ຂອງການາດາ, ພວກເຮົາຈະພະຍາຍາມຢ່າງບໍ່ຢຸດຢັ້ງ ເພື່ອນຳເອົາຜະລິດຕະພັນຂອງຫວຽດນາມ ໄປມາສູ່ລູກຄ້າໃນທົ່ວປະເທດການາດາ.
 |
| ຈຸດເຊື່ອມຕໍ່ຖ່າຍທອດສົດທີ່ການາດາ. |
ຍາມໃດ VCBA ກໍ່ໃຫ້ຄຳໝັ້ນສັນຍາກັບວິສາຫະກິດ ແລະ ປະຊາຄົມວິສາຫະກິດຂອງນະຄອນ ໂຮ່ຈີມິນ. ເມື່ອໃດທີ່ ITPC ຕ້ອງການການຊ່ວຍເຫຼືອຂອງພວກເຮົາ, VCBA ກໍ່ພ້ອມແລ້ວທີ່ຈະຮ່ວມມື ແລະ ສົມທົບກັນເພື່ອການພັດທະນາຮ່ວມກັນ”, ທ່ານ ເກື່ອງ ໃຫ້ຮູ້ວ່າ.
ທີ່ການເຮັດວຽກ, ຜູ້ຕາງໜ້າ VCBA ໄດ້ນຳສະເໜີບັນດາແຫຼ່ງກຳລັງຊ່ວຍເຫຼືອບັນດາວິສາຫະກິດນະຄອນ ໂຮ່ຈີມິນ ສົ່ງອອກຜະລິດຕະພັນໄປຍັງ ການາດາ, ບັນດາຊ່ອງທາງຈຳໜ່າຍຜະລິດຕະພັນ ກໍ່ຄືການຂົນສົ່ງສິນຄ້າໄປຍັງການາດາ....
 | ມາດຕະການແກ້ໄຂເພື່ອເຊື່ອມຕໍ່ ຫວຽດນາມ - ບຣາຊິນ: ຂໍ້ສະເໜີແນະຈາກບັນດາວິສາຫະກິດ |
| ຈີນ ສະໜັບຊ່ວຍເຫຼືອການກໍ່ສ້າງຫ້ອງອາຫານ ແລະ ໂພຊະນາການໃນໂຮງຮຽນໃຫ້ໂຮງຮຽນປະຖົມຢູ່ເມືອງລ້າງເຊີ່ນ |
ອ.ສະຫວັດ
