ດ້ວຍມູນຄ່າທັງໝົດ 200.000 ຢວນ (ເທົ່າກັບ 661 ລ້ານດົ່ງ) ໂດຍສະຖານທູດແຫ່ງສາທາລະນະລັດປະຊາຊົນຈີນ ໄດ້ມອບໃຫ້ເປັນການຊ່ວຍເຫຼືອລ້າ, ໃນນັ້ນ ການສ້າງຫ້ອງອາຫານໃຫມ່ແມ່ນ 300 ລ້ານດົ່ງ , ອຸປະກອນ, ເຄື່ອງໃຊ້ໃນຫ້ອງອາຫານ 47 ລ້ານດົ່ງ, ຊ່ວຍເຫຼືອດ້ານງົບປະມານເພື່ອປັບປຸງອາຫານທ່ຽງໃຫ້ນັກຮຽນ 1 ປີແມ່ນ 192 ລ້ານດົ່ງ ແລະ ຄ່າໃຊ້ຈ່າຍອື່ນໆ.
 |
| ສະພາກາແດງສູນກາງ ແລະ ສະຖານທູດຈີນປະຈຳຫວຽດນາມ ໄດ້ຈັດຕັ້ງພິທີວາງສີລາເລີກໂຄງການ “ກໍ່ສ້າງຫ້ອງອາຫານ ແລະ ຊ່ວຍເຫຼືອດ້ານໂພຊະນາການ” ໃຫ້ໂຮງຮຽນປະຖົມ ກິມດົ່ງ - (ພາບ: Khanh Chi/redcross.org.vn. ). |
ວັນທີ 17 ກໍລະກົດນີ້, ສະພາກາແດງສູນກາງ ແລະ ສະຖານທູດຈີນປະຈຳຫວຽດນາມ ໄດ້ຈັດຕັ້ງພິທີວາງສີລາເລີກໂຄງການ "ສ້າງຫ້ອງອາຫານ ແລະ ຊ່ວຍເຫຼືອດ້ານໂພຊະນາການໃນໂຮງຮຽນ" ໃຫ້ໂຮງຮຽນປະຖົມກິມດົ່ງ. ໂຄງການດັ່ງກ່າວຈະໃຫ້ສຳເລັດ ແລະ ມອບໃຫ້ນຳເຂົ້າໃຊ້ງານໃນທ້າຍເດືອນສິງຫາ 2024 ເປັນຕົ້ນໄປ, ໃນຕົ້ນສົກຮຽນໃໝ່ 2024-2025, ຮັບໃຊ້ການປຸງແຕ່ງອາຫານ ແລະ ການຈັດອາຫານໃຫ້ນັກຮຽນໄດ້ 100%, ຊ່ວຍເບິ່ງແຍງດ້ານອາຫານໃຫ້ແກ່ນັກຮຽນຂອງໂຮງຮຽນ.
ທ່ານ ເມົ້າເວະຈິງ, ອັກຄະລັດຖະທູດທີ່ປຶກສາ ສະຖານທູດຈີນ ປະຈຳຫວຽດນາມ ຢືນຢັນວ່າ ສະຖານທູດຈີນ ປະຈຳຫວຽດນາມ ຍາມໃດກໍ່ສະໜັບສະໜູນພາລະກິດການພັດທະນາການສຶກສາຢູ່ຫວຽດນາມ ເວົ້າລວມ ແລະ ແຂວງ ລ້າງເຊິ່ນ ເວົ້າສະເພາະ ໂດຍປາດຖະໜາຢາກຊ່ວຍເຫຼືອນັກຮຽນໃຫ້ໄດ້ສຶກສາຮ່ຳຮຽນ ແລະ ດຳລົງຊີວິດໃນສະພາບແວດລ້ອມທີ່ດີກວ່າ.
ໂດຍໄດ້ຮູ້ວ່າ ນີ້ແມ່ນການເຄື່ອນໄຫວໃນໂຄງການ “ໂພຊະນາການສຳລັບເດັກນ້ອຍຜູ້ທຸກຍາກ ແລະ ພິການ” ໄລຍະ 2022-2027 ໂດຍສະພາກາແດງສູນກາງຫວຽດນາມ ໄດ້ປຸກລະດົມ ແນໃສ່ເພື່ອຊ່ວຍເຫຼືອປັບປຸງສະພາບການດ້ານໂພຊະນາການ ແລະ ເງື່ອນໄຂໃນການຮ່ຳຮຽນ, ກິດຈະກຳໃຫ້ແກ່ເດັກນ້ອຍບັນດາເຜົ່າສ່ວນໜ້ອຍໄດ້ມີແຮງບັນດານໃຈທີ່ຈະສືບຕໍ່ໄປໂຮງຮຽນ. ໂຄງການດັ່ງກ່າວຍັງໄດ້ຜັນຂະຫຍາຍຢູ່ 27 ແຂວງ, ນະຄອນ ໂດຍມີເປົ້າໝາຍລະດົມການໜູນຊ່ວຍໃຫ້ຫ້ອງອາຫານພາຍໃນໂຮງຮຽນ 250 ແຫ່ງ.
ໂຄງການກໍ່ສ້າງດັ່ງກ່າວຈະຊ່ວຍໃຫ້ໂຮງຮຽນປັບປຸງເງື່ອນໄຂການດຳລົງຊີວິດ ແລະ ການຮ່ຳຮຽນ, ປຸງແຕ່ງອາຫານແຊບໆ, ຄວາມປອດໄພຫຼັກອະນາໄມຂອງອາຫານໃຫ້ແກ່ນັກຮຽນ, ປະກອບສ່ວນໜູນຊ່ວຍທາງດ້ານໂພຊະນາການ ແລະ ປັບປຸງເງື່ອນໄຂການຮ່ຳຮຽນ, ກິດຈະກຳໃຫ້ເດັກນ້ອຍນັກຮຽນຜູ້ທຸກຍາກ, ຜູ້ທີ່ມີສະພາບຫຍຸ້ງຍາກ ແລະ ສືບຕໍ່ເພີ່ມກຳລັງ ແລະ ສ້າງເງື່ອນໄຂໃຫ້ນັກຮຽນທຸກຍາກໄດ້ມີໂອກາດໄປໂຮຽຮຽນ, ຜ່ານຜ່າຄວາມຫຍຸ້ງຍາກ ແລະ ສືບຕໍ່ຄວາມຝັນຂອງຕົນໃນການຮູ້ຫນັງສື.
ຊ ສະຫວັດ
