| ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ພົບປະກັບປະຊາຄົມຊາວ ຫວຽດນາມ ຢູ່ ອົດສະຕາລີ | |
| ຄະນະຊາວໜຸ່ມຄອມມູນິດ ໂຮ່ຈີມິນ ແຂວງ ຮວ່າບິ່ງ ເລີ່ມດຳເນີນເດືອນຊາວໜຸ່ມປີ 2024 |
ທ່ານນາງ Cindy Kiro ຜູ້ສຳເລັດຣາຊະການ ນິວຊີແລນ ໄດ້ຕີລາຄາວ່າ ການຢ້ຽມຢາມຂອງທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ຄະນະຜູ້ແທນຂັ້ນສູງ ຫວຽດນາມ ມີຄວາມໝາຍສຳຄັນພິເສດ, ກ່ອນທີ່ 2 ປະເທດຈະສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ (1975-2025) ແລະ ເຊື່ອໝັ້ນວ່າ ການຢ້ຽມຢາມຈະປະສົບຜົນສຳເລັດຢ່າງຈົບງາມ, ປະກອບສ່ວນຊຸກຍູ້ການພົວພັນຄູ່ຮ່ວມມືຍຸດທະສາດ ຫວຽດນາມ - ນິວຊີແລນ.
ທ່ານນາງ Cindy Kiro ຜູ້ສຳເລັດຣາຊະການ ນິວຊີແລນ ໄດ້ສະແດງຄວາມປິຕິຕໍ່ ຫວຽດນາມ, ຊາດທີ່ສ້າງຄວາມເຂັ້ມແຂງດ້ວຍຕົນເອງ; ໄດ້ຕີລາຄາສູງ ຫວຽດນາມ ມີທີ່ຕັ້ງ, ບົດບາດນັບມື້ນັບທີ່ສຳຄັນໃນພາກພື້ນ ແລະ ສາກົນ, ພິເສດ ແມ່ນໃນຂອບເຂດສະມາຄົມປະຊາຊາດ ອາຊີຕາເວັນອອກສ່ຽງໃຕ້ (ອາຊຽນ); ຢືນຢັນວ່າ ນິວຊີແລນ ຍາມໃດກໍ່ຖື ຫວຽດນາມ ເປັນຄູ່ຮ່ວມມືສຳຄັນທີ່ສຸດຢູ່ ອາຊີຕາເວັນອອກສ່ຽງໃຕ້.
 |
| ພາບບັນຍາກາດທີ່ກອງປະຊຸມ. |
ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ສະແດງຄວາມດີໃຈໃນການຢ້ຽມຢາມ ນິວຊີແລນ ເປັນທາງການຄັ້ງທຳອິດ; ຂອບໃຈທ່ານນາງຜູ້ສຳເລັດຣາຊະການ ນິວຊີແລນ ແລະ ປະຊາຊົນ ນິວຊີແລນ ທີ່ໄດ້ໃຫ້ການຕ້ອນຮັບຢ່າງສົມກຽດ, ເຕັມໄປດ້ວຍສີສັນຂອງຊາດ ທີ່ມີໃຫ້ສໍາລັບທ່ານນາຍົກລັດຖະມົນຕີ ແລະ ຄະນະຜູ້ແທນຂັ້ນສູງ ຫວຽດນາມ.
ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ສົ່ງຄຳຢ້ຽມຢາມຖາມຂ່າວຂອງທ່ານເລຂາທິການໃຫຍ່ ຫງວຽນຟູຈ້ອງ ແລະ ການນຳຂັ້ນສູງຂອງ ຫວຽດນາມ ເຖິງທ່ານນາງ Cindy Kiro ຜູ້ສຳເລັດຣາຊະການ ນິວຊີແລນ.
ສອງຝ່າຍໄດ້ເຫັນດີເປັນເອກະພາບຊຸກຍູ້ ແລະ ເຮັດໃຫ້ການພົວພັນ ຫວຽດນາມ - ນິວຊີແລນ ເລິກເຊິ່ງຂຶ້ນຕື່ມໃນທຸກຂົງເຂດ, ຍູ້ແຮງການພົບປະແລກປ່ຽນປະຊາຊົນ, ເບີມຂະຫຍາຍບົດບາດຂອງບັນດາສະມາຄົມມິດຕະພາບສອງປະເທດ ແລະ ພິຈາລະນາເຊື່ອມຕໍ່ເສັ້ນທາງບິນໂດຍກົງໂດຍໄວ.
ເນື່ອງໃນໂອກາດນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ເນັ້ນໜັກເຖິງ 6 ຂົງເຂດຮ່ວມມືທີ່ສອງຝ່າຍຕ້ອງສຸມໃສ່, ລວມມີການເພີ່ມທະວີການພົບປະແລກປ່ຽນຄະນະຜູ້ແທນຂັ້ນສູງ ແລະ ຜັນຂະຫຍາຍບັນດາກົນໄກຮ່ວມມືສອງຝ່າຍຢ່າງຄົບຖ້ວນ; ຍູ້ໄວການຄ້າ-ການລົງທຶນ; ເຮັດໃຫ້ການຮ່ວມມືດ້ານການສຶກສາ - ບຳລຸງສ້າງເລິກເຊິ່ງກວ່າເກົ່າ ພິເສດແມ່ນເພີ່ມທຶນການສຶກສາ; ຮ່ວມມືສ້າງພື້ນຖານເສດຖະກິດສີຂຽວ, ການພັດທະນາແບບຍືນຍົງ, ປົກປັກຮັກສາສິ່ງແວດລ້ອມ; ເພີ່ມທະວີການພົບພະແລກປ່ຽນວັດທະນະທຳ; ຊຸກຍູ້ການຮ່ວມມືດ້ານແຮງງານ.
ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ສະເໜີ ນິວຊີແລນ ເອົາໃຈໃສ່ ແລະ ສືບຕໍ່ສ້າງເງື່ອນໄຂໃຫ້ປະຊາຄົມຊາວ ຫວຽດນາມ ທີ່ດຳລົງຊີວິດ ແລະ ຮ່ຳຮຽນຢູ່ ນິວຊີແລນ, ຖືນີ້ແມ່ນຂົວຕໍ່ສຳຄັນເພື່ອຮັດແໜ້ນສາຍພົວພັນມິດຕະພາບ ແລະ ການຮ່ວມມືຢ່າງມີປະສິດທິຜົນລະຫວ່າງ 2 ປະເທດ.
ທ່ານນາງ Cindy Kiro ຜູ້ສຳເລັດຣາຊະການ ນິວຊີແລນ ຢືນຢັນວ່າ ຍາມໃດກໍໃຫ້ການໜຸ່ມຊ່ວຍ, ຄວາມເອົາໃຈໃສ່ສຳລັບປະຊາຄົມຊາວ ຫວຽດນາມ, ທ່ານໄດ້ຕີລາຄາວ່າ ປະຊາຄົມໄດ້ຮ່ວມແຮງຮ່ວມໃຈກັນສ້າງສາປະເທດ ນິວຊີແລນ, ປະກອບສ່ວນເພີ່ມທະວີສີສັນຊາດ ນິວຊີແລນ ຕື່ມອີກ.
ທີ່ການພົບປະ, ສອງຝ່າຍ ກໍຢືນຢັນຈະສືບຕໍ່ສົມທົບກັນຢ່າງແໜ້ນແຟ້ນ ແລະ ສະໜັບສະໜູນເຊິ່ງກັນ ແລະ ກັນຢູ່ບັນດາເວທີປາໄສພາກພື້ນ ແລະ ສາກົນ.
