ວັນທີ 12 ມິຖຸນາ, ຄະນະປະຕິບັດງານຂອງສະຖານທູດ ແຫ່ງ ສປປ ລາວ ປະຈຳ ສສ ຫວຽດນາມ ໂດຍທ່ານ ເອກອັກຄະລັດຖະທູດ ນາງ ຄໍາເພົາ ເອີນທະວັນ ເປັນຫົວໜ້າຄະນະ ໄດ້ມາຢ້ຽມຂ່ຳນັບການນໍາແຂວງ ຮ່າຕິ້ງ.
ທ່ານເອກອັກຄະລັດຖະທູດຜູ້ມີອຳນາດເຕັມແຫ່ງ ສປປ ລາວ ປະຈຳ ສສ ຫວຽດນາມ ນາງ ຄໍາເພົາ ເອີນທະວັນ ໄດ້ສະແດງຄວາມຂອບອົກຂອບໃຈການຕ້ອນຮັບຢ່າງຈິງໃຈຂອງການນຳແຂວງ ຮ່າຕິ້ງ, ພ້ອມກັນນັ້ນ ກໍ່ສະແດງຄວາມປິຕິຊົມຊື່ນຕໍ່ບັນດາການພັດທະນາຂອງຫວຽດນາມ ເວົ້າລວມ ແລະ ຮ່າຕິ້ງ ເວົ້າສະເພາະ.
 |
| ທ່ານປະທານຄະນະກຳມະການປະຊາຊົນແຂວງ ຮ່າຕິ້ງ ຫວໍຈ້ອງຫາຍ ມອບຂອງທີ່ລະນຶກໃຫ້ທ່ານນາງ ເອກອັກຄະລັດຖະທູດ ຄໍາເພົາ ເອີນທະວັນ (ພາບ: Dinh Nhat) |
ທ່ານເອກອັກຄະລັດຖະທູດ ນາງ ຄໍາເພົາ ເອີນທະວັນ ໄດ້ແບ່ງປັນຂໍ້ມູນກ່ຽວກັບສະພາບການພັດທະນາເສດຖະກິດ-ສັງຄົມຂອງລາວ, ການເຄື່ອນໄຫວຂອງສະຖານທູດ ລາວ ປະຈຳ ຫວຽດນາມ, ຜ່ານນັ້ນ ກໍ່ສະແດງຄວາມຂອບໃຈຕໍ່ການຮ່ວມມື, ຮ່ວມເດີນທາງ, ໜູນຊ່ວຍຂອງ ຫວຽດນາມ ໃນຂະບວນການພັດທະນາຂອງ ສປປ ລາວ.
ທ່ານເອກອັກຄະລັດຖະທູດ ນາງ ຄໍາເພົາ ເອີນທະວັນ ຫວັງວ່າໃນໄລຍະຈະມາເຖິງ, ສອງປະເທດ ລາວ-ຫວຽດນາມ ກໍ່ຄືບັນດາທ້ອງຖິ່ນຂອງ ລາວ ແລະ ຮ່າຕິ້ງ ສືບຕໍ່ເພີ່ມທະວີການຮ່ວມມືຮອບດ້ານ, ປະກອບສ່ວນຊຸກຍູ້ການພັດທະນາເສດຖະກິດ-ສັງຄົມ, ເພີ່ມພູນຄູນສ້າງນ້ຳໃຈມິດຕະພາບ, ຄວາມສາມັກຄີແບບພິເສດຂອງສອງປະເທດ ຫວຽດນາມ - ລາວ ຂຽວສົດງົດງາມຕະຫຼອດໄປ, ໝັ້ນຄົງຂະໜົງແກ່ນໄປຊົ່ວກາລະນານ.
ທີ່ການພົບປະ, ຕາງໜ້າການນຳແຂວງ ຮ່າຕິ້ງ, ທ່ານປະທານຄະນະກຳມະການປະຊາຊົນແຂວງ ຮ່າຕິ້ງ ຫວໍຈ້ອງຫາຍ ໄດ້ແຈ້ງໃຫ້ຊາບກ່ຽວກັບສະພາບການເສດຖະກິດ - ສັງຄົມ, ການປ້ອງກັນຊາດ-ຄວາມປອດໄພຂອງແຂວງ ຮ່າຕິ້ງ.
ທ່ານປະທານຄະນະກຳມະການປະຊາຊົນແຂວງ ຮ່າຕິ້ງ ຫວໍຈ້ອງຫາຍ ເນັ້ນໜັກວ່າ ຮ່າຕິ້ງ ຍາມໃດກໍ່ຮັກສາ, ປັບປຸງສາຍພົວພັນມິດຕະພາບ ແລະ ການຮ່ວມມືຮອບດ້ານກັບບັນດາທ້ອງຖິ່ນຂອງ ລາວ, ພິເສດແມ່ນແຂວງ ບໍລິຄຳໄຊ, ຄຳມ່ວນ, ນະຄອນຫຼວງວຽງຈັນ... ຮ່າຕິ້ງ ແລະ ບັນດາທ້ອງຖິ່ນຂອງລາວ ກໍ່ຈັດຕັ້ງການພົບປະເຮັດວຽກເປັນປະຈຳ, ແລກປ່ຽນຂໍ້ມູນ, ເພີ່ມທະວີການສົມທົບກັນ ຢ່າງຕັ້ງໜ້າ, ພິເສດແມ່ນດ້ານປ້ອງກັນຊາດ-ປ້ອງກັນຄວາມສະຫງົບ, ການສຶກສາ, ການດຶງດູດການລົງທຶນ...
ທ່ານປະທານຄະນະກຳມະການປະຊາຊົນແຂວງ ຮ່າຕິ້ງ ຫວໍຈ້ອງຫາຍ ປາດຖະໜາວ່າ ທ່ານ ເອກອັກຄະລັດຖະທູດ ນາງ ຄໍາເພົາ ເອີນທະວັນ ແລະ ບັນດາຊະມາຊິກຂອງຄະນະຈະສືບຕໍ່ເພີ່ມທະວີການໜູນຊ່ວຍ, ຈັດຕັ້ງບັນດາການເຄື່ອນໄຫວຮ່ວມມືລະຫວ່າງ 2 ປະເທດ ແລະ ລະຫວ່າງແຂວງ ຮ່າຕິ້ງ ກັບບັນດາທ້ອງຖິ່ນຂອງ ລາວ ໃນທຸກຂົງເຂດ, ປະກອບສ່ວນປັບປຸງສາຍພົວພັນມິດຕະພາບແບບພິເສດ, ການຮ່ວມມືຮອບດ້ານລະຫວ່າງ 2 ປະເທດ ຫວຽດນາມ - ລາວ.
ໃນຂອບເຂດການຢ້ຽມຢາມ ແລະ ເຮັດວຽກຢູ່ ຮ່າຕິ້ງ, ທ່ານນາງ ເອກອັກຄະລັດຖະທູດ ຄໍາເພົາ ເອີນທະວັນ ແລະ ຄະນະປະຕິບັດງານ ໄດ້ມາຖະຫວາຍທູບທຽນ, ດອກໄມ້ຢູ່ເຂດຮ່ອງຮອຍປະຫວັດສາດສາມແຍກ ດົ່ງລົກ (ເມືອງ ກ່ານລົກ).
 | ຮູບພາບທີ່ປະທັບໃຈໃນງານບຸນ ທ້ອງຖະໜົນ “ບ້ານເກີດຍາມລະດູບານດອກບົວເບັ່ງບານ” ຍສໝ - ບັນດານັກສິລະປິນ, ນັກສະແດງ, ນັກສິລະປະກອນທີ່ມາຈາກ 20 ເມືອງ, ນະຄອນ ໄດ້ນຳມາເຊິ່ງບັນຍາກາດຟົດຟື້ນ ດ້ວຍບັນດາລາຍການສະແດງທີ່ດຶງດູດ, ດ້ວຍບັນດາສີສັນວັດທະນະທຳທີ່ເປັນເອກະລັກສະເພາະຂອງຊາວເຜົ່າ ຢ້າວ ຢູ່ແຂວງ ເງ້ອານ ທີ່ງານບຸນຖະໜົນ “ບ້ານເກີດຍາມລະດູບານດອກບົວເບັ່ງບານ”. |
 | ສະຫະພັນບັນດາອົງການມິດຕະພາບຫວຽດນາມ ແລະ ສະພາສັນຕິພາບໂລກ ສືບຕໍ່ຮ່ວມມືເພື່ອສັນຕິພາບ ຍສໝ - ຕອນບ່າຍວັນທີ 8 ພຶດສະພາ ຢູ່ຮ່າໂນ້ຍ, ທ່ານ ຫງວຽນງອກຮຸ່ງ, ຮອງປະທານສະຫະພັນບັນດາອົງການມິດຕະພາບຫວຽດນາມ ໄດ້ໃຫ້ການຕ້ອນຮັບທ່ານ Pallab Sengupta ປະທານສະພາສັນຕິພາບໂລກ, ປະທານສະພາສັນຕິພາບໂລກ, ເລຂາທິການອົງການສາມັກຄີທົ່ວປວງຊົນ ອິນເດຍ (AIPSP). |
ມິງດຶກ
