| ສັບປະດາວັດທະນະທຳ ຫວຽດນາມ ຢູ່ ກຳປູເຈຍ 2024: ເຫດການຕົວແບບແນະນຳວັດທະນະທຳ, ປະເທດຊາດ, ປະຊາຊົນ 2 ປະເທດ | |
| ຜະລິດຕະພັນວັດທະນະທຳ, ທ່ອງທ່ຽວ ຫວຽດນາມ ສ້າງຄວາມປະທັບໃຈຢູ່ງານຕະຫຼາດນັດ ປາຣີ. |
ເຂົ້າຮ່ວມໂຄງການມີນັກສຶກສາລາວ 40 ຄົນທີ່ກຳລັງຮໍ່າຮຽນສຶກສາຢູ່ມະຫາວິທະຍາໄລ ຟ້າມວັນດົງ, ມະຫາວິທະຍາໄລການເງິນ ແລະ ການບັນຊີ, ວິທະຍາໄລກວາງຫງາຍ ແລະ ວິທະຍາໄລແພດສາດ ດັ້ງທຸ່ຍເຈິມ.
ນັກສຶກສາລາວ ໄດ້ໄປຢ້ຽມຢາມບັນດາສະຖານທີ່ປະຫວັດສາດ ແລະ ລົງຕົວຈິງດ້ານວັດທະນະທຳ ກວາງຫງາຍ ຢູ່ຕາແສງ ຕິງເຄ (ນະຄອນ ກວາງຫງາຍ): ປູຊະນີຍະສະຖານ ເຊິນໝີ; ວັດ ມິນດຶກ; ປ່າໝາກພ້າວນ້ຳຂອງຕາແສງ ຕິງເຄ ແລະ ແຫຼ່ງທ່ອງທ່ຽວຊຸມຊົນຈຳນວນໜຶ່ງ ເຊິ່ງພວມດຶງດູດນັກທ່ອງທ່ຽວຂອງແຂວງມາຢ້ຽມຢາມ.
ຫົວໜ້າພະແນກການຕ່າງປະເທດ ທ່ານນາງ ຮວິ່ງທິເຟືອງຮວາ ໃຫ້ຮູ້ວ່າ: ຜ່ານບັນດາການເຄື່ອນໄຫວລົງຕົວຈິງຢູ່ທ້ອງຖິ່ນ, ນັກສຶກສາລາວ ສາມາດຝຶກຝົນພາສາ ຫວຽດນາມ, ແລກປ່ຽນພາສາ ແລະ ຊອກຮູ້ກ່ຽວກັບມູນເຊື້ອປະຫວັດສາດ, ສີສັນວັດທະນະທຳຂອງ ຫວຽດນາມ. ພ້ອມກັນນັ້ນ, ກໍ່ເພີ່ມທະວີການເຄື່ອນໄຫວພົບປະແລກປ່ຽນຄວາມສາມັກຄີ, ມິດຕະພາບລະຫວ່າງນັກສຶກສາ ລາວ ແລະ ຊາວ ກວາງຫງາຍ.
 |
| ນັກສຶກສາລາວໄປຢ້ຽມຢາມເຂດປູຊະນີຍະສະຖານ ເຊິນໝີ, ຢູ່ຕາແສງ ຕິງເຄ. ພາບ: ໜັງສືພິມ ກວາງຫງາຍ |
ໄລຍະທີ່ຜ່ານມານີ້, ແຂວງ ກວາງຫງາຍ ແລະ ບັນດາທ້ອງຖິ່ນຂອງ ລາວ ໄດ້ສົມທົບກັນເປັນຢ່າງດີ ເພື່ອປະຕິບັດບັນດາເນື້ອໃນການຮ່ວມມື ແລະ ບັນລຸປະສິດທິຜົນໃນທຸກຂົງເຂດ, ພິເສດແມ່ນການຮ່ວມມືດ້ານການສຶກສາ ແລະ ກໍ່ສ້າງ, ກະສິກຳ, ການປ້ອງກັນຊາດ - ປ້ອງກັນຄວາມສະຫງົບ ໃນຂອບເຂດການລົງນາມໃນບົດບັນທຶກຊ່ວຍຈຳ ແລະ ແຜນການຮ່ວມມື ໄລຍະ 2021 – 2025 ລະຫວ່າງ ກວາງຫງາຍ ແລະ ບັນດາທ້ອງຖິ່ນຂອງ ລາວ. ໃນນັ້ນ, ການຝຶກອົບຮົມແມ່ນແກນຂອງການຮ່ວມມື. ນັກສຶກສາລາວ ທີ່ກຳລັງຮໍ່າຮຽນສຶກສາຢູ່ມະຫາວິທະຍາໄລ, ວິທະຍາໄລຕ່າງໆໃນແຂວງ ຈະກາຍເປັນຂົວເຊື່ອມຕໍ່ແບບຍືນຍົງລະຫວ່າງ ຫວຽດນາມ - ລາວ ເວົ້າລວມ, ແຂວງ ກວາງຫງາຍ ແລະ ທ້ອງຖິ່ນຂອງ ລາວ ເວົ້າສະເພາະ.
ໃນແຕ່ລະປີ, ແຂວງ ກວາງຫງາຍ ໄດ້ໜູນຊ່ວຍການບຳລຸງສ້າງລະດັບມະຫາວິທະຍາໄລ 15 – 20 ທຶນໃຫ້ບັນດາແຂວງພາກໃຕ້ຂອງ ລາວ. ແຕ່ປີ 2008 ຮອດປະຈຸບັນ, ມະຫາວິທະຍາໄລ ແລະ ວິທະຍາໄລຂອງແຂວງ ກວາງຫງາຍ ໄດ້ມີການບຳລຸງສ້າງນັກສຶກສາ ລາວ ລະດັບຊັ້ນສູງ ແລະ ປະລິນຍາຕີ ປະມານ 800 ຄົນ, ໃນນັ້ນມີ 270 ກວ່າຄົນແມ່ນມີເບັ້ຍລ້ຽງ. ນັກສຶກສາທຸກຄົນທີ່ຮຽນຈົບ ໄດ້ມີວຽກເຮັດງານທຳທີ່ໝັ້ນຄົງ, ປະກອບສ່ວນເຂົ້າໃນການພັດທະນາບັນດາແຂວງພາກໃຕ້ຂອງ ລາວ.
ມິງດຶກ
