 | ທ່ານເລຂາທິການໃຫຍ່ ຫງວຽນຟູ໋ຈ້ອງ ມີການພົບປະເຈລະຈາ ກັບປະທານພັກປະຊາທິປະໄຕເສລີ, ນາຍົກລັດຖະມົນຕີ ຍີ່ປຸ່ນ |
| ທ່ານເລຂາທິການໃຫຍ່ ຫງວຽນຟູ໋ຈ້ອງ ຢ້ຽມຢາມ ແລະ ອວຍພອນບຸນເຕັດ ຢູ່ ແຂວງ ບັກນິງ |
 |
| ສະຫາຍເລຂາທິການໃຫຍ່ ຫງວຽນຟູ໋ຈ້ອງ ແລະ ສະຫາຍເລຂາທິການໃຫຍ່, ປະທານປະເທດ ລາວ ບຸນຍັງ ວໍລະຈິດ ພ້ອມກັບປະຊາຊົນນະຄອນ ຮ່າໂນ້ຍ, ຕອນເຊົ້າວັນທີ 19 ທັນວາ ປີ 2017. |
ວັນທີ 20 ກໍລະກົດ, ທີ່ການໃຫ້ສຳພາດຕໍ່ນັກຂ່າວຂອງສຳນັກຂ່າວສານ ຫວຽດນາມ ປະຈຳ ລາວ, ທ່ານ ບັນດິດ ບໍ່ວຽງຄຳ ວົງດາລາ ໃຫ້ຮູ້ວ່າ: ບັນດາປື້ມທີ່ສະຫາຍເລຂາທິການໃຫຍ່ ຫງວຽນຟູ໋ຈ້ອງ ໄດ້ປະດິດແຕ່ງແມ່ນມໍລະດົກອັນລ້ຳຄ່າ, ໄດ້ສະແດງໃຫ້ເຫັນເຖິງຄວາມເອົາໃຈໃສ່ ແລະ ການປະກອບສ່ວນຂອງ ສະຫາຍເລຂາທິການໃຫຍ່ ໃຫ້ແກ່ການພັດທະນາຂອງປະເທດ ຫວຽດນາມ, ນ້ຳໃຈສາມັກຄີອັນຍິ່ງໃຫຍ່, ຕ້ານການສໍ້ລາດບັງຫຼວງ, ສ້າງສາ ແລະ ພັດທະນາປະເທດ ຫວຽດນາມ ໃຫ້ຮັ່ງມີ, ສີວິໄລ ແລະ ມີຄວາມຜາສຸກ. ທ່ານ ບັນດິດ ບໍ່ວຽງຄຳ ວົງດາລາ ຢືນຢັນວ່າ ນັ້ນແມ່ນບັນດາການປະກອບສ່ວນອັນໃຫຍ່ຫຼວງ ແລະ ລ້ຳຄ່າຂອງສະຫາຍເລຂາທິການໃຫຍ່ ຫງວຽນຟູ໋ຈ້ອງ.
ຕາມ ທ່ານ ບັນດິດ ບໍ່ວຽງຄຳ ວົງດາລາ ແລ້ວ, ບັນດາການປະກອບສ່ວນຂອງສະຫາຍເລຂາທິການໃຫຍ່ ຫງວຽນຟູ໋ຈ້ອງ ໃນວິວັດການກ້າວໄປສູ່ສັງຄົມນິຍົມ ແມ່ນໄດ້ລະບຸໄວ້ໃນປຶ້ມ “ບາງບັນຫາທິດສະດີ ແລະ ພຶດຕິກຳຕົວຈິງກ່ຽວກັບສັງຄົມນິຍົມ ແລະ ເສັ້ນທາງກ້າວໄປສູ່ສັງຄົມນິຍົມຢູ່ ຫວຽດນາມ” - ໃນນັ້ນ ກໍ່ເວົ້າເຖິງທິດສະດີ ມາກ-ເລນິນ ທີ່ໄດ້ນຳໃຊ້ຢູ່ ຫວຽດນາມ ແລະ ບົດບາດ, ຄວາມສຳຄັນຂອງພັກກອມມູນິດໃນເສັ້ນທາງກ້າວໄປສູ່ສັງຄົມນິຍົມ, ໃນການກໍ່ສ້າງພື້ນຖານເສດຖະກິດທ້ອງຕະຫຼາດ ດ້ວຍການຊີ້ນຳ, ນຳພາຂອງພັກ.
ທ່ານ ບັນດິດ ບໍ່ວຽງຄຳ ວົງດາລາ ຖືວ່າ ນີ້ແມ່ນບົດຮຽນອັນໃຫຍ່ຫຼວງເຊິ່ງບັນດາປະເທດກ້າວໄປສູ່ສັງຄົມນິຍົມຕ້ອງຄົ້ນຄ້ວາ ແລະ ຮ່ຳຮຽນ. ທ່ານໃຫ້ຮູ້ຕື່ມວ່າ: ພັກປະຊາຊົນ ປະຕິວັດ ລາວ ຈະຮຽນຮູ້ຈາກປະສົບການ ແລະ ໝູນໃຊ້ທິດສະດີທີ່ ສະຫາຍເລຂາທິການໃຫຍ່ ຫງວຽນຟູ໋ຈ້ອງ ໄດ້ຂຽນ, ພ້ອມກັນກັບພຶດຕິກຳຕົວຈິງທີ່ພັກກອມມູນິດ ຫວຽດນາມ ໄດ້ປະຕິບັດ. ນີ້ແມ່ນບົດຮຽນອັນລ້ຳຄ່າໃຫ້ແກ່ປະຊາຊົນລາວ ກໍຄືປະຊາຊົນບັນດາປະເທດໃນທົ່ວໂລກທີ່ຢາກກ້າວໄປສູ່ສັງຄົມນິຍົມ ໄດ້ຄົ້ນຄວ້າ ແລະ ຈັດຕັ້ງປະຕິບັດ.
ທ່ານ ບັນດິດ ບໍ່ວຽງຄຳ ວົງດາລາ ໃຫ້ຮູ້ວ່າ: ສະຫາຍເລຂາທິການໃຫຍ່ ຫງວຽນຟູ໋ຈ້ອງ ຍັງມີຄວາມສົນໃຈຫຼາຍໃນການພັດທະນາແຫຼ່ງຊັບພະຍາກອນມະນຸດ, ຕະຫຼອດຮອດຂົງເຂດວັດທະນະທຳ ແລະ ບຳລຸງສ້າງມະນຸດ.
ໃນບົດຂຽນເນື່ອງໃນໂອກາດສະເຫຼີມສະຫຼອງ 94 ປີແຫ່ງວັນສ້າງຕັ້ງ ພັກກອມມູນິດ ຫວຽດນາມ, ສະຫາຍເລຂາທິການໃຫຍ່ ຫງວຽນຟູ໋ຈ້ອງ ຢືນຢັນວ່າ: “ພວກເຮົາຕ້ອງຍຶດໝັ້ນຄວາມສາມັກຄີພາຍໃຕ້ຄັນທຸງອັນສ່ອງໃສຂອງພັກ, ຕ້ອງເອົາໃຈໃສ່ເຖິງວຽກງານຄັດເລືອກບຸກຄະລາກອນ".
ໃນການພົວພັນຕ່າງປະເທດ ແລະ ການທູດສາກົນ, ສະຫາຍເລຂາທິການໃຫຍ່ ຫງວຽນຟູ໋ຈ້ອງ ໄດ້ຊີ້ນຳການປະຕິບັດນະໂຍບາຍການທູດດ້ວຍສີສັນຂອງໄມ້ໄຜ່. ເພາະວ່າໄມ້ໄຜ່ແມ່ນເຄື່ອງໝາຍແຫ່ງຊາດຂອງ ຫວຽດນາມ, ໄດ້ພົບເຫັນຢູ່ທຸກໝູ່ບ້ານຂອງ ຫວຽດນາມ.
ຕາມທ່ານ ບັນດິດ ບໍ່ວຽງຄຳ ວົງດາລາ ແລ້ວ, ນະໂຍບາຍນີ້ແມ່ນສອດຄ່ອງກັບຄຳຊີ້ນຳທີ່ປະທານ ໂຮ່ຈີມິນ ເຄີຍສອນ, ນັ້ນແມ່ນເມື່ອໄປເຈລະຈາກັບຕ່າງປະເທດ, ຍຸດທະສາດບໍ່ປ່ຽນແປງ, ແຕ່ຍຸດທະວິທີສາມາດປ່ຽນແປງໄດ້ (ເອົາການປ່ຽນແປງ ປັບຕົວກັບການປ່ຽນແປງທັງຫມົດ). ນີ້ແມ່ນຍຸດທະວິທີທາງການທູດທີ່ສະຫຼາດສ່ອງໃສ.
ໂດຍເຕື້ອງເຖິງການພັດທະນາການພົວພັນລະຫວ່າງ ຫວຽດນາມ ກັບບັນດາປະເທດ, ພິເສດແມ່ນການພົວພັນ ຫວຽດນາມ - ລາວ, ທ່ານ ບັນດິດ ບໍ່ວຽງຄຳ ວົງດາລາ ຢືນຢັນວ່າ: ສະຫາຍເລຂາທິການໃຫຍ່ ຫງວຽນຟູ໋ຈ້ອງ ມີຄວາມເອົາໃຈໃສ່ທີ່ສຸດໃນການກໍ່ສ້າງສາຍພົວພັນກັບບັນດາປະເທດໃນໂລກ, ພ້ອມກັນນັ້ນ ກໍ່ເອົາໃຈໃສ່ເປັນພິເສດສຳລັບສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງປະເທດ ລາວ - ຫວຽດນາມ.
ທ່ານ ບັນດິດ ບໍ່ວຽງຄຳ ວົງດາລາ ໄດ້ຫວນຄືນຄວາມຊົງຈຳທີ່ໜ້າຈົດຈຳ, ເມື່ອຄະນະຜູ້ແທນລາວ ປະກອບມີບັນດາສະມາຊິກຄະນະກຳມະການສູນກາງພັກ, ເຈົ້າແຂວງ, ລັດຖະມົນຕີ, ໂດຍສະມາຊິກກົມການເມືອງ, ຮອງປະທານປະເທດ ລາວ ສະຫາຍ ນາງ ປານີ ຢາທໍ່ຕູ້ ເປັນຫົວໜ້າຄະນະ ທີ່ມາແລກປ່ຽນທິດສະດີກັບ ພັກກອມມູນິດ ຫວຽດນາມ, ທ່ານໄດ້ມີໂອກາດມາຢ້ຽມຢາມ ສະຫາຍເລຂາທິການໃຫຍ່ ຫງວຽນຟູ໋ຈ້ອງ.
 |
| ທ່ານລັດຖະມົນຕີກະຊວງເຕັກໂນໂລຊີ ແລະ ການສື່ສານ ລາວ ທັງເປັນປະທານສູນກາງສະມາຄົມມິດຕະພາບ ລາວ - ຫວຽດນາມ, ບັນດິດ ສຈ.ປອ ບໍ່ວຽງຄຳ ວົງດາລາ ໄດ້ໃຫ້ສຳພາດຕໍ່ນັກຂ່າວສຳນັກຂ່າວສານ ຫວຽດນາມ ປະຈຳ ລາວ. |
ສະຫາຍເລຂາທິການໃຫຍ່ ຫງວຽນຟູ໋ຈ້ອງ ໄດ້ມີຄວາມສົນໃຈເປັນຢ່າງຍິ່ງຕໍ່ການຊີ້ນຳ, ຕັກເຕືອນ ແລະ ສິດສອນວ່າ ຫວຽດນາມ - ລາວ ບໍ່ພຽງແຕ່ເປັນເພື່ອນມິດບ້ານໃກ້ຄຽງເທົ່ານັ້ນ, ຫາກຍັງເປັນອ້າຍນ້ອງໃນຄອບຄົວດຽວກັນອີກດ້ວຍ, ດັ່ງນັ້ນ ຕ້ອງຮັກສາຄວາມສາມັກຄີແບບພິເສດ, ນ້ຳໃຈມິດຕະພາບອັນຍິ່ງໃຫຍ່ ແລະ ການຮ່ວມມືຮອບດ້ານໃຫ້ຍືນຍົງຕະຫຼອດໄປ.
ສະຫາຍເລຂາທິການໃຫຍ່ ຫງວຽນຟູ໋ຈ້ອງ ເນັ້ນໜັກວ່າ: ຫວຽດນາມ ຊ່ວຍ ລາວ ແມ່ນຊ່ວຍຕົນເອງ, ຖືກຕາມຄຳສອນຂອງປະທານ ໂຮ່ຈີມິນ. ສາມາດເຫັນໄດ້ວ່າ ສະຫາຍເລຂາທິການໃຫຍ່ ຫງວຽນຟູ໋ຈ້ອງ ມີຄວາມສົນໃຈຫຼາຍຕໍ່ການຮ່ວມມື ແລະ ຄວາມສາມັກຄີລະຫວ່າງ ລາວ - ຫວຽດນາມ.
ທ່ານ ບັນດິດ ບໍ່ວຽງຄຳ ວົງດາລາ ໃຫ້ຮູ້ວ່າ: ສະມາຄົມມິດຕະພາບ ລາວ - ຫວຽດນາມ ຈະມານະພະຍາຍາມແນະນຳໃຫ້ລຸ້ນໜຸ່ມ, ເພື່ອຫັນງຄຳສອນຂອງ ສະຫາຍເລຂາທິການໃຫຍ່ ຫງວຽນຟູ໋ຈ້ອງ ໃນການບຳລຸງສ້າງລຸ້ນໜຸ່ມ, ກໍ່ສ້າງຖັນແຖວພະນັກງານທີ່ດີໃຫ້ແກ່ພັກ ປະກົດຜົນເປັນຈິງ ເພື່ອມີບຸກຄະລາກອນສືບທອດພາລະກິດຂອງພັກ, ຮັກສາສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານຂອງສອງພັກ, ສອງລັດ ລາວ - ຫວຽດນາມ ໃຫ້ເຂົ້າສູ່ລວງເລິກ.
ທ່ານ ບັນດິດ ບໍ່ວຽງຄຳ ວົງດາລາ ແບ່ງປັນວ່າ ສະຫາຍເລຂາທິການໃຫຍ່ ຫງວຽນຟູ໋ຈ້ອງ ເປັນຜູ້ນຳທີ່ຖ່ອມຕົວ, ບໍ່ແມ່ນເພື່ອຜົນປະໂຫຍດສ່ວນຕົວ, ຍາມໃດກໍ່ເສຍສະຫຼະເພື່ອຜົນປະໂຫຍດແຫ່ງຊາດ. ສະຫາຍເລຂາທິການໃຫຍ່ ຫງວຽນຟູ໋ຈ້ອງ ແມ່ນແກ່ນສານຂອງການນຳພາໃນການຕໍ່ສູ້ຕ້ານການສໍ້ລາດບັງຫຼວງ, ເປັນແກ່ນສານຂອງການນຳພາໃນວຽກງານປັບປຸງພັກ, ກໍ່ສ້າງພັກໃຫ້ເຂັ້ມແຂງ, ເປັນແກ່ນສານຂອງການເຕົ້າໂຮມຄວາມສາມັກຄີຂອງປະຊາຊົນ, ເພື່ອຜົນປະໂຫຍດຂອງປະຊາຊົນ.
ສະມາຄົມມິດຕະພາບ ລາວ - ຫວຽດນາມ ແລະ ຫວຽດນາມ-ລາວ ຈະສືບຕໍ່ຮ່ວມກັນນຳບົດຮຽນ ແລະ ແບບຢ່າງຂອງ ສະຫາຍເລຂາທິການໃຫຍ່ ຫງວຽນຟູ໋ຈ້ອງ ເພື່ອສຶກສາລຸ້ນໜຸ່ມຂອງສອງປະເທດໃຫ້ມີຄວາມຮັກແພງກັນ, ສະໜິດຕິດພັນກັນກວ່າອີກ./.
 | ທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ມີການຢ້ຽມຢາມ ແລະ ໂອ້ລົມຢູ່ສະຖາບັນການເມືອງແຫ່ງຊາດໂຮ່ຈີມິນ ຍສໝ - ໃນວັນທີ 29 ມິຖຸນາ, ທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ໄດ້ມີການຢ້ຽມຢາມ ແລະ ໂອ້ລົມກັບການນຳ, ພະນັກງານ, ຄູອາຈານ ແລະ ນັກສຶກສາຂອງສະຖາບັນການເມືອງແຫ່ງຊາດໂຮ່ຈີມິນ. ການໂອ້ລົມໄດ້ຖ່າຍທອດສົດທີ່ຊ່ອງ VTV1, ສະຖານີໂທລະພາບຫວຽດນາມ. |
 | ທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ພົບປະກັບອະດີດເລຂາທິການໃຫຍ່ ແລະ ອະດີດປະທານປະເທດຫວຽດນາມ ທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ໄດ້ມີການພົບປະກັບທ່ານອະດີດເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ນົງດຶກແມ້ງ ແລະ ທ່ານອະດີດປະທານປະເທດຫວຽດນາມ ເຈິ່ນດຶກເລືອງ. |
ມິງດຶກ (ແປຕາມ vietnamplus.vn)
