| ມີວິສາຫະກິດ ຫຼາຍແຫ່ງຢູ່ Fukuoka ແລະ ເຂດ Kyushu, ຍີ່ປຸ່ນ ພວມມີຄວາມສົນໃຈຕໍ່ຕະຫຼາດ ຫວຽດນາມ | |
| ທ່ານເລຂາທິການໃຫຍ່ ຫງວຽນຟຸຈ້ອງ ຕ້ອນຮັບລັດຖະມົນຕີກະຊວງປ້ອງກັນປະເທດລາວ |
ທີ່ການພົບປະເຈລະຈາທາງໄກລະດັບສູງ, ການນຳສອງທ່ານໄດ້ສະແດງຄວາມຍິນດີທີ່ໄດ້ພົບປະກັນຄືນໃໝ່ ແລະ ເນັ້ນໜັກວ່າ ນີ້ແມ່ນການເຄື່ອນໄຫວເພື່ອເລີ່ມຕົ້ນການສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ຍີ່ປຸ່ນ. ຕາມນັ້ນແລ້ວ, ການນຳສອງປະເທດໄດ້ເຫັນດີເປັນເອກະພາບກັນ ສະໜັບສະໜູນ 2 ຝ່າຍໃນການສົມທົບກັນເປັນຢ່າງດີ ເພື່ອຈັດຕັ້ງບັນດາການເຄື່ອນໄຫວລສະເຫຼີມສະຫຼ
ອງ ເພືື່ອສ້າງຄວາມສາມັກຄີ, ຊຸກຍູ້ການຮ່ວມມືໃນທຸກຂົງເຂດ, ຍົກການພົວພັນລະຫວ່າງສອງປະເທດ ໃຫ້ພັດທະນາຂຶ້ນສູ່ລະດັບສູງໃໝ່, ນຳມາເຊິ່ງຜົນປະໂຫຍດຢ່າງແທດກັບຈິງໃຫ້ປະຊາຊົນສອງປະເທດ.
 |
| ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ສະແດງຄວາມພູມໃຈຕໍ່ການພັດທະນາຂອງການພົວພັນຫວຽດນາມ - ຍີ່ປຸ່ນ. (ພາບ: baochinhphu) |
ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ສະແດງຄວາມພູມໃຈຕໍ່ການພັດທະນາຂອງການພົວພັນຫວຽດນາມ - ຍີ່ປຸ່ນ, ຕີລາຄາສູງບັນດາການປະກອບສ່ວນຂອງ ຍີ່ປຸ່ນ ເຂົ້າໃນການພັດທະນາເສດຖະກິດ - ສັງຄົມຂອງ ຫວຽດນາມ, ໃນນັ້ນ ຍີ່ປຸ່ນ ແມ່ນຄູ່ຮ່ວມມືດ້ານເສດຖະກິດທີ່ຈັດຢູ່ແຖວໜ້າ ຂອງຫວຽດນາມ ດ້ວຍການໜູນຊ່ວຍພັດທະນາຢ່າງເປັນທາງການ (ODA) ທີ່ມີຂອບຂະໜາດໃຫຍ່ທີ່ສຸດ, ແມ່ນໜຶ່ງໃນບັນດາຄູ່ຮ່ວມມືດ້ານການລົງທຶນ, ການຄ້າ ແລະ ການຮ່ວມມືດ້ານແຮງງານແຖວໜ້າຂອງຫວຽດນາມ.
ທ່ານເລຂາທິການໃຫຍ່ ຫງວຽນຟຸຈ້ອງ ຢືນຢັນວ່າ ຫວຽດນາມ ຍຶດໝັ້ນນະໂຍບາຍການຕ່າງປະເທດເອກະລາດ, ເປັນເຈົ້າຕົນເອງ, ສັນຕິພາບ, ມິດຕະພາບ, ຮ່ວມມື ແລະ ພັດທະນາ, ຫັນເປັນຫຼາຍຮູບຫຼາຍແບບ ແລະ ຫຼາຍຝ່າຍໃນການພົວພັນຕ່າງປະເທດ; ເປັນເຈົ້າການ ແລະ ຕັ້ງໜ້າເຊື່ອມໂຍງເຂົ້າກັບສາກົນຢ່າງຮອບດ້ານ ແລະ ເລິກເຊິ່ງ; ຫວຽດນາມ ແມ່ນຄູ່ຮ່ວມມືທີ່ໄວ້ເນື້ອເຊື່ອໃຈ ແລະ ເປັນສະມາຊິກທີ່ຕັ້ງໜ້າ ແລະ ມີຄວາມຮັບຜິດຊອບໃນປະຊາຄົມສາກົນ. ໃນນັ້ນ, ຍີ່ປຸ່ນ ແມ່ນໜຶ່ງໃນບັນດາຄູ່ຮ່ວມມືສຳຄັນທີ່ສຸດຂອງ ຫວຽດນາມ.
ທ່ານເລຂາທິການໃຫຍ່ ຫງວຽນຟູ໋ຈ້ອງ ຢືນຢັນວ່າ ໃນສະພາບການໂລກປະຈຸບັນ, ຫວຽດນາມ ພ້ອມແລ້ວທີ່ຈະສົມທົບກັບ ຍີ່ປຸ່ນ ກ່ຽວກັບບັນດາບັນຫາພາກພື້ນ ແລະ ໂລກ, ໃນນັ້ນມີການສົມທົບກັນໃນບັນດາເວທີປາໄສຫຼາຍຝ່າຍ.
ທ່ານນາຍົກລັດຖະມົນຕີ Kishida Fumio ກໍ່ເນັ້ນໜັກວ່າ ຍີ່ປຸ່ນ ຈະສືບຕໍ່ຜັນຂະຫຍາຍບັນດາການເຄື່ອນໄຫວຮ່ວມມືກັບ ຫວຽດນາມ ໃນບັນດາຂົງເຂດການລົງທຶນ, ການຄ້າ, ວິທະຍາສາດ ເຕັກໂນໂລຢີ ແລະ ຂົງເຂດອື່ນໆ; ຕີລາຄາສູງການປະກອບສ່ວນຂອງປະຊາຄົມຊາວຫວຽດນາມ ເຊິ່ງປະຈຸບັນມີຈຳນວນເກືອບ 500.000 ຄົນເຂົ້າໃນການພັດທະນາເສດຖະກິດ - ສັງຄົມຂອງ ຍີ່ປຸ່ນ. ທ່ານນາຍົກລັດຖະມົນຕີ Kishida Fumio ກ່າວວ່າ ໄດ້ກຽມພ້ອມສ້າງເງື່ອນໄຂສະດວກໃຫ້ປະຊາຄົມຊາວຫວຽດນາມ ໃນການດຳລົງຊີວິດ, ເຮັດວຽກ ແລະ ຮ່ຳຮຽນຢູ່ ຍີ່ປຸ່ນ ຢ່າງເປັນປົກກະຕິ.
ການນຳສອງທ່ານ ໄດ້ເຫັນດີຕີລາຄາວ່າ ການພົບປະຂັ້ນສູງທາງໄກຄັ້ງນີ້ ໄດ້ສິ້ນສຸດຢ່າງຈົບງາມ. ສອງຝ່າຍຢືນຢັນຄວາມສຳຄັນຂອງການພົວພັນສອງຝ່າຍສຳຫຼັບແຕ່ລະປະເທດ, ເພີ່ມທະວີການຊຸກຍູ້ການພັດທະນາການພົວພັນລະຫວ່າງສອງປະເທດໃນໄລຍະຈະມາເຖິງ. 2 ຝ່າຍເຫັນດີເປັນເອກະສັນຊີ້ນຳບັນດາກົມ, ກະຊວງ, ຂະແໜງການ ແລະ ທ້ອງຖິ່ນຂອງ 2 ປະເທດ ໃນການປະຕິບັດບັນດາໝາກຜົນແຫ່ງການເຈລະຈາ ແລະ ບັນດາຂໍ້ຕົກລົງທີ່ບັນລຸໄດ້ລະຫວ່າງ 2 ປະເທດ, ຊຸກຍູ້ບັນດາກົນໄກຮ່ວມມື ເພື່ອນຳການພົວພັນລະຫວ່າງສອງປະເທດ ໄດ້ນັບມື້ນັບພັດທະນາ.
ຄຳຮຸ່ງ
