ທີ່ການໂອ້ລົມສົນທະນາ, ທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ໄດ້ສະແດງຄວາມຂອບອົກຂອບໃຈ ຕໍ່ການຊ່ວຍເຫຼືອອັນໃຫຍ່ຫຼວງ ແລະ ລ້ຳຄ່າຂອງພັກ, ລັດ ແລະ ປະຊາຊົນຫວຽດນາມ ສຳລັບພາລະກິດແຫ່ງການປົດປ່ອຍຊາດ ແລະ ວຽກງານປ້ອງກັນ ແລະ ພັດທະນາປະເທດຊາດຂອງພັກ, ລັດ ແລະ ປະຊາຊົນລາວ.
 |
| ທ່ານປະທານປະເທດ ຫງວຽນຊວນຟຸກ ຕ້ອນຮັບທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ. (ພາບ: TTXVN) |
ທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ໄດ້ກ່າວວ່າ: ໃນໄລຍະທີ່ມີການຕໍ່ສູ້ຢ່າງດຸເດືອດນັ້ນ, ທະຫານອາສາສະໝັກຫວຽດນາມ ຈຳນວນຫຼາຍສິບພັນຄົນ ໄດ້ປະຄອບຄົວ, ຍາດຕິພີ່ນ້ອງ ແລະ ບ້ານເກີດເມືອງນອນຂອງຕົນ ເພື່ອໄປລາວ ປະຕິບັດພັນທະສາກົນ, ຮ່ວມກັບກອງທັບ ແລະ ປະຊາຊົນລາວ ເພື່ອຕໍ່ສູ້ຕ້ານການຮຸກຮານ. ພັກ, ລັດ ແລະ ປະຊາຊົນລາວ ໄດ້ສະແດງຄວາມຕີລາຄາສູງ ແລະ ຮູ້ບຸນຄຸນຕໍ່ການປະກອບສ່ວນອັນໃຫຍ່ຫຼວງ ແລະ ການເສຍສະຫຼະອັນສູງສົ່ງຂອງທະຫານ ແລະ ປະຊາຊົນຫວຽດນາມໃນພາລະກິດແຫ່ງຕໍ່ສູ້ຕ້ານການຮຸກຮານ, ປົດປ່ອຍປະຊາຊົນລາວ ໃຫ້ພົ້ນຈາກແອກປົກຄອງຂອງພວກສັດຕູ.
ທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ໄດ້ກ່າວວ່າ: ສອງປະເທດຕ້ອງສືບຕໍ່ປົກປັກຮັກສາ ແລະ ເສີມຂະຫຍາຍສາຍພົວພັນມິດຕະພາບທີ່ບໍລິສຸດຜຸດຜ່ອງ, ໃສແຈ້ງລະຫວ່າງສອງຊາດລາວ - ຫວຽດນາມໃຫ້ນັບມື້ນັບມີປະສິດທິຜົນ ແລະ ໝັ້ນຄົງຕະຫຼອດກາລະນານ. ພ້ອມກັນນັ້ນ ກໍ່ຖືນີ້ແມ່ນຄວາມຮັບຜິດຊອບອັນສຳຄັນ ແລະ ໜ້າທີ່ອັນສູງສົ່ງຂອງສອງປະເທດ, ໃຫ້ສົມກັບຄວາມເສຍສະຫຼະອັນສູງສົ່ງ ແລະ ຄວາມປາດຖະໜາຂອງຄົນລຸ້ນກ່ອນ.
 |
| ທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ກ່າວຄຳເຫັນທີ່ກອງປະຊຸມ. (ພາບ: TTXVN) |
ທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ໄດ້ສະແດງຄວາມຂອບໃຈສະຖາບັນການເມືອງແຫ່ງຊາດໂຮ່ຈີມິນ ທີ່ໄດ້ກໍ່ສ້າງພະນັກງານຫຼັກແຫຼ່ງສຳລັບປະເທດລາວ, ຮຽບຮຽງຊຸດປື້ມໂຮຈິມິນຄົບຊຸດເປັນພາສາລາວ, ເປັນແຫຼ່ງທຶນອັນລ້ຳຄ່າທີ່ຈະຖ່າຍທອດໃຫ້ລຸ້ນໜຸ່ມ.
ທ່ານຜູ້ອຳນວຍການສະຖາບັນການເມືອງແຫ່ງຊາດໂຮ່ຈິມິນ ຫງວຽນຊວນທັ້ງ ໄດ້ຢືນຢັນວ່າ ການຮ່ວມມືດ້ານການສຶກສາ ແລະ ບຳລຸງສ້າງດ້ວຍບັນດາຂະແໜງທີ່ມີໜ້າທີ່ຂອງລາວ ສະຖາບັນການເມືອງແຫ່ງຊາດໂຮ່ຈີມິນ ໄດ້ຖືວ່າ ແມ່ນໜຶ່ງໃນບັນດາໜ້າທີ່ການເມືອງສຳຄັນທີ່ນຳໜ້າ ໃນການເຄື່ອນໄຫວຮ່ວມມືສາກົນ; ໃນນັ້ນຈຸດສຸມແມ່ນຈັດຕັ້ງປະຕິບັດໂຄງການແບ່ງປັນປະສົບການ ແລະ ວິທີການຄົ້ນຄ້ວາກ່ຽວກັບແນວຄິດຂອງປະທານໂຮ່ຈີມິນ ແລະ ແນວຄິດຂອງປະທານໄກສອນພົມວິຫານ; ຜັນຂະຫຍາຍໂຄງການ ກໍ່ສ້າງຮາກຖານສະຖາບັນການເມືອງ ແລະ ການບໍລິຫານແຫ່ງຊາດລາວ ຢູ່ແຂວງຈຳປາສັກ…
ເນື່ອງໃນໂອກາດນີ້, ສຳນັກຂ່າວສານຫວຽດນາມ ໄດ້ສົມທົບກັບຄະນະພົວພັນຕ່າງປະເທດສູນກາງ, ສະຖາບັນການເມືອງແຫ່ງຊາດໂຮ່ຈີມິນ ຈັດງານວາງສະແດງພາບຖ່າຍ: “ສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ຫວຽດນາມ - ລາວ” ຢູ່ສະໂມສອນເລກ 1, ສະຖາບັນການເມືອງແຫ່ງຊາດໂຮ່ຈີມິນ.
ຄຳຮຸ່ງ
